مارست التجارة وفق 4 انظمة حكم سودانية والانقاذ ...!!!

اولاد الناس الزينا
صار مكانهم التهجير او الانزواء بعيدا
ليحل محلنا في الاسواق السودانية
الطفيليين من ناس الضهاري والهمج



===

اسماء كبيرة ...
اين مكانهم الان

في زول كان بيصدق ما صار لهم
(طبعا ناس الضهاري والغجر ديل غاية الانبساطة لانهم لقوها باردة)
وانحن ...
اسيادها ..
صرنا ان اردنا ان نعبر الاسواق ... الا متخفيين ... او بواسطة

===

الانقاذ عمرها قرب
انا ما داير اقول رؤية الشيخ الاتنبأ بزوال حكم النميري قال او ما قال في الحتة دي
لكن ....
هي في الاصل ما بتدوم

===

ويا الجيتو كتمتو لينا نفسنا
في الساعة ديك ...
افريقيا ما بتحلكم مننا
شوفو ليكم عالم تاني عيشو فيهو

في مدينة الابيض وفي عهد الديمقراطية
كانت التجارة والوعود باللسان
اتفقت ان اجلب لاحدهم طن لحام
وفي فترة احضاري له من الخرطوم وجد لحام بسعر ميت 20 طن
ومع ذلك عندما احضرت له لحامي قبله واعطاني مالي نقدا
لانه كان قد سبق واعطاني كلمة

وقصص كثيرة مثلها في مدني والقضارف والرنك
حدثت لي

==

واليوم ....
هؤلاء الكذابين والمنافقين
يشمتو في امثالنا
ويتضاحكون عنا


فلهم يوم ...

انا بعكس المعاناة ...
لواحد من سواقط التجار الذين تضرروا من السياسات الاقتصادية والتجارية
لمنظرين شردوا كثير من اهل البلاد ومن ارفع بيوتها وقبائلها
لمصلة طفيليين امتصوا فينا النخوة وفضائل الاخلاق التي كانت

واليوم ها انا اعود للاسواق
اكثر قوة وشراسة

فيؤلمني ...

هذه الاخلاق التي لم تكن موجودة

من تتم محاربته في لقمة عيشه من المغضوب عليهم
مهما كانت امكانياته ...
فلا يسمح له بالقيام مرة اخرى
ولكنهم تناسو ان من قدر ان يصنع المليارات لن تستعصي علية مرة اخرى
بدليل هذا الفكر :
ww.transparensysudan.net
وهذا الجهد برغم الحصار الذي لم تمارسه امريكا عليهم


والذين يستوعبون .... يتفرجون ...
والذين يتفهمون ..... خوفا يفرون ....
والذين يعون هذا الدرس .... باصرار يريدون تكرراره عليهم

اكتفي بهذا ...
لأن ما اريد توصيله قد وصل لشخص واحد


واعتقد هذا يكفي مؤقتا ...

نموذج يا توفيق لما الحكومه تطير حا تعمل شنو مثلاً تضارب (من المضاربه)
والله توشى للجبهه الثوريه باولاد الضهارى انهم مؤيدين للحكومه يقتصوا ليك منهم ويشردوهم ليك
عشان الجو يخلو حصرياً لى توفيق عكاشه واخوانه من الثوريين الجدد
عشاااان كدا ناس كتيره بتتمنى ان يطول عمر الانقاذ وكمان تتدافع عنها بالغالى والرخيص
:
:
:
:
طيب وقت عدتا بشراسه ما تواصل شن التشفى والانتقام موش السوق حُــــرْ واحل الله البيع وحرم الربا

أكيد في لعب وظلم وخج
في السودان ما مقبول من الشعب كلو
بس يا أخوي وصفك للناس بناس الضهاري
والهمج والغجر وصف فيه تعالي زي كلام ناس الحكومة .
..
4 انظمة كفاك ياخ وبعدين هو ليمان برازر زأتو فلس .
..
ربنا بعوضك يازول الصبر الصبر

يا توفيق خلي ناس الضهاري يترزقوا شوية كمان
انتو تترزقوا من 4 حكومات...
وهم من حكومة واحدة ما يترزقوا؟؟؟

الرزق عند الخالق يا زول

قال تعالي
"إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللّهُ لاَ يُحِبُّ الظَّالِمِينَ"

نعم إن الله لا يحب الظالمين

Quote: لما الحكومه تطير حا تعمل شنو

اول حاجة افتش للزيك ديل

Quote: توشى للجبهه الثوريه باولاد الضهارى انهم مؤيدين للحكومه

اي جبهة ثورية تتحدث عنها ..؟
المهم ..!!؟؟
كدي قبل ما تسرح افهم
وقبل ما تفهم كدي جاوب على السؤال ده
ما معنى طفيلي
وبعدين نجي نشوف طفيلين ناس الضهاري ديل قصتهم شنو

Quote: توفيق عكاشه واخوانه من الثوريين الجدد

اصحح ليك كلامك
الأمير توفيق ابن الامير مكي ابن الامير عثمان ازرق القائد الميداني لمعركة كرري ب 12 الف مقاتل كاكبر جيش نازل الانجليز
واستشهد كبطل في ارض المعركة قرب الزريبة وقبر هناك ونزور قبره للان لنأخذ الزاد الثوري
للمرجفين امثالك

Quote: بتتمنى ان يطول عمر الانقاذ وكمان تتدافع عنها بالغالى والرخيص

تنظر اليها كطاعة رب توصل لاله
وانا انظر اليها كطاعة اله امتثل لرب




حاول ارتقي لتصل لغتي

Quote: 4 انظمة كفاك ياخ وبعدين هو ليمان برازر زأتو فلس .

اخي Osman Musa

فرق بين فلس ..
وتدمير ومحاولات قتل مستمرة بكل المعاني المجازية والحقيقية

Quote: يا توفيق خلي ناس الضهاري يترزقوا شوية كمان

يا nazar hussien والله انا بتكلم عربي وبكتب عربي ولغتي واضحة ما فيها تورية

فرق شاسع بين ناس الضهاري .... وطفيليي الضهاري ..

اجيب ليكم حبوبتي الخواجية تفهمها ليكم ولا كيف

Quote: قال تعالي "إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللّهُ لاَ يُحِبُّ الظَّالِمِينَ" نعم إن الله لا يحب الظالمين

شكرا

سلامات يا توفيق .. التحايا والمودة..



ــــــــــــــ

الاخ توفيق تحية طيبة وكل الود
ياخي انت محتاج تغير شوية من السوق الممل
السودان مازال بالف خير و علاج حالنك دي عند شيخ
بس تسلم علية موضوعك محلول اها اكثر من كدا انت عايز مشاكل مع ناس الضهاري (هههههه)
تسلم ياغالي
تواصل

Quote: وقت عدتا بشراسه ما تواصل شن التشفى والانتقام

لا حولا

بس فكو طار

ياخ توفيق ده زول ظريف ما عندو شغلة بالتشفي والانتقام

هو كل ما يضرب ليه رقم هاتف وما يردو عليه بجي يخفف الزهجة هنا ( يعني قصة تلفونات وكده )

Quote: اولاد الناس الزينا صار مكانهم التهجير او الانزواء بعيدا ليحل محلنا في الاسواق السودانية الطفيليين من ناس الضهاري والهمج

اخونا توفيق
مع كل الود

تابعت لك كم موضوع وتفصيل القول فيها والمجمل إذا فكرنا وتأملنا ... لا يخلو من الاشارة لاولاد الضهاري
كنت اعتقد انك (you are just kidding) مزاح وهلمجرا وشئ من هذا القبيل والخ، لكن يبدو ان هناك مشكلة حقيقية في هذا الشأن
يبدو انك تعرضت لشاكوش (تجاري) من احد هؤلاء الضهاريست ، وبحكم الطبيعة الاستعلائية لسكان المدن ضد سكان الاقاليم فيبدو ان الشاكوش والله اعلم دق فيك مسمارا يمكن مليون زردية ما حتطلعوا،

بعدين يا خي لازم تخليك مع الزمن، رمضان زايد وحتى آخر رمق في حياته كان يردد خليك مع الزمن، نحن الآن في عصر الواتس اب وايميل يأتيك قبل ان يرتد اليك طرفك، وانت لسع يا اخونا توفيق شغال لينا بزمن ابو العلاء وعبد المنعم محمد والشيخ مصطفى والبلك، يا خي ديل كلهم رجال عظماء وكمان غالبيتهم مش ناس ضهاري وبس ، بل كمان جايين من عمق الريف من جوا الصعيد والسافل الجواني، ومعظمهم كانوا مفلسين الواحد اباطه والنجم، كما يقول المثل الدال على قمة الافلاس، وباعوا واشتروا واسسوا امبراطوريات تجارية، لكن كل زمن بزمنو، وكل وقت برجالو..فخليك يا اخونا توفيق من رجال المرحلة. (شوف بالله التعبير دا جميل كيف)
الخرطوم كلها يا ابو عيسى مدينة جديدة ..اقل من ميتين سنة - يعني ناسها كلهم من الضهاري وإلى الضهاري يعودون، والفرق بينهم مش فرق نوع بل فرق مقدار ..واحد جدو جاء قبل مائة سنة وواحد جدو جاء قبل عشرين سنة ..يعني ما في واحد جدو استوطن الخرطوم زمن الناصر بن اشرف قلاوون او عاصر الظاهر بيبرس..احسن واحد ممكن يقول لك انو المهدي لما دخل الخرطوم كان جدي متعهد اغذية لجيش غردون، بصل وزيت وخلافه.

بعدين يا اخي لازم نخلي بالك من كلمة ضهاري دي ....يجيك واحد من ناس قسمة الثروة والسلطة ويقول لك انك قاصد بالضهاري دي ناس الهامش وممكن يقبضك (رد هانديد) يعني شوف الهدية والكورة المقلوظة الجاهزة اللي سيادتك اتبرع بيها للناس دي وهي عبارتك (اولاد الناس الزينا) والله غايتو عشان تفك نفسك الا تستعين بصديق...الاستعانة بالجمهور مش ممكن لانو الجمهور معظمه ناس ضهاري وعلاقتك معاهم مش ولابد.

حتى لو عاوز تقول انك قاصد محتالين الضهاري..برضو يا حبيب في محتالين مدن...اشمعنى محتالين الضهاري بالذات برضو مثار اهتمامك ودائما ترسل ليهم سلامك؟

الاخ Barakat Alsharif
سلام ...بس حابي اعلق ليك على نقطة تاريخية ...و هي انك قد ذكرت :

Quote: الخرطوم كلها يا ابو عيسى مدينة جديدة ..اقل من ميتين سنة

اذا كنت تقصد الخرطوم (بحري ..امدرمان ...الخرطوم) فلا اعتقد ان المعلومة صحيحة ...
فحلفاية الملوك اعتقد انها بعمر اكتر من كده كتير و كذلك حلة خوجلى و حلة حمد ببحري
اما منطقة الخرطوم فالراجح ان منطقة الكلاكلة تكونت منذ ما يقارب 450 عام و كذلك جزيرة توتي قريب من هذا ايضا ...
اما امدرمان فاعتقد انها الاحدث بين مناطق الخرطوم الثلاثة ..........
...

Quote: فحلفاية الملوك اعتقد انها بعمر اكتر من كده كتير و كذلك حلة خوجلى و حلة حمد ببحري

اخونا مدثر
تحية عطرة
هذه المناطق كانت خارج الخرطوم وبفعل الزحف العمراني اصبحت جزءا من الخرطوم، مثلها مثل الدخينات على سبيل الثمال وصولا إلى جبل اولياء وايضا الجريفات، بل ان سوبا العاصمة القديمة كانت لوقت قريب محطة من محطات السكة الحديد باعتبارها خارج الخرطوم، ثم اصبحت ضمن العاصمة، و على هذا المنوال يمكن ان نرى في مرحلة لاحقة ( الجيلي) من ضمن احياء الخرطوم.
لكن الخرطوم الحديثة والتي يقصدها - حسب فهمي - كاتب البوست فهي مدينة جديدة، والدليل حديثه عن التجارة.. بينما كانت (قرى) الحلفاية وحلة خوجلي وحلة حمد تجمعات مزارعين ورعاة تدور حياتهم وسبل كسب عيشهم حسب النمط التقليدي الموجود في كثير من القرى السودانية ، ولم (يتعوصموا) الا حديثا..بل ان هذه المناطق يمكن بحكم وضعها الجغرافي القديم كانت (ضهاري) بالنسبة للمركز
ولا بأس من الاستعانة بالويكبيديا وهذا الرابط
https://ar.wikipedia.org/wiki/%D8%A7%D9%84%D....D9.85.D9.8A.D8.A9

Quote: سلامات يا توفيق .. التحايا والمودة..

وعليكم السلام يا زول يا جميل يا راقي

ولك كل الاحترام

Quote: علاج حالنك دي عند شيخ

الجن اليركبك
قول آآآمين

Quote: يعني قصة تلفونات وكده

سفر الجفا

Quote: تابعت لك كم موضوع وتفصيل القول فيها والمجمل إذا فكرنا وتأملنا ... لا يخلو من الاشارة لاولاد الضهاري

هو موضوع واحد ...
بس لانه كان في الصميم (زي كتير من موضوعاتي المتنوعة في كل شيئ)
ناس الضهاري ظلو يلاحقوني في كل بوست
وانا ما بقصر بديهم ...

Quote: بعدين يا خي لازم تخليك مع الزمن

www.http://transparencysudan.net

Quote: الخرطوم كلها يا ابو عيسى مدينة جديدة

جديدة قديمة نتمناها خالية من الطفيليين

كدي رجعونا لاصل الموضوع

Quote: انا بعكس المعاناة ... لواحد من سواقط التجار الذين تضرروا من السياسات الاقتصادية والتجارية لمنظرين شردوا كثير من اهل البلاد ومن ارفع بيوتها وقبائلها لمصلحة طفيليين امتصوا فينا النخوة وفضائل الاخلاق التي كانت

نرجع لصلب الموضوع احسن

عزيزي توفيق

سلام من العلي القدير

انا انكلم عن الحالة الاقتصادية والتجارية والشيخ الذي غنه اتحدث هو شيخ تاجر ناس التجارة
مودتي
ركز شوية معاي
شكر--------------------لقد اضحكنتي بموضوع الجن الكلي والابس عسكري
النحية وتسلم من كل شر

المسافر يا حبيب
قلتا لى فكووو وطار اهاااا

Quote: ياخ توفيق ده زول ظريف ما عندو شغلة بالتشفي والانتقام

يا ود النووو كلامك دا ما صاح لكن ممكن نقبلوا تجبير خواطر والدليل العبارة ادناهـ

Quote: اول حاجة افتش للزيك ديل

المشكله اى زول عايز يعلق قفة فشلوا فى أضان الحكومه ياخى الحكومه تطير عيشتا
وكمان جابت ليها ولاد امراء واكابر دا ما هو زاتو المخلى البلد دى تمشى لا وراء

Quote: بس لانه كان في الصميم (زي كتير من موضوعاتي المتنوعة في كل شيئ) ناس الضهاري ظلو يلاحقوني في كل بوست وانا ما بقصر بديهم ...

تحية اخى توفيق
انها معركة من غير معترك
حالتك اقرب الى
الدون كيشوتية (محاربة طواحين الهواء)

Quote: انها معركة من غير معترك

لكل وجهة نظر

Quote: اولاد الناس الزينا

عارف يا أخ توفيق ... التجارة دي أكثر
مهـنة بتعلم حسن التعامـل وتقبل الآخـر
أيّاً كان عرقه ولسانه وجهـته .. أرجـو أن
تنبذ لهـجة التعالي البائنة في أسلوب حديثك.
الغالبية هنا ضد النشاط الطفيلي وممارسات الكيزان
المدمرة للإقتصاد وكلو بي وقتو وبالقانون !

أخي عبد الله الحبيب ..
يا حبيب ...
صدقني هؤلاء الطفيلين لا تنفع معهم الا هذه اللغة
ديل ناس بتخاف مابتستحي

UP

UP

Quote: تحياتى أخ توفيق .. حاارسم لك لوحة ولن أعلق عليها تفاديا لأى عكاز أو سفروك طاير .. ذهبت مع صديق تلبية لدعوة من أحد السكان الجدد الذين أشتروا منزلا بالقرب مننا وهو فى الحقيقة ثلاثة منازل تم ضمها مع بعض وعرفت فيما بعد أنهم يساومون أصحاب البيت الرابع لبيعة لهم لكى يكتمل المربوع .. عندما دخلت حوش المنزل المرصوف بالرخام وجدت ثلاثة ( لوارى ) واقفة مشحونة بالجوالات والمساعدين راقدين فوقها وتخيل على الأرضية الرخام .. أكرر ( رخام ) .. أما على النجيلة وتحت الأضاءة المخصصة للحدائق كانت هناك خمسة ( عناقريب ) مفروشة .. وقيس على ذلك وصدقنى لاأستطيع أن أكمل لك فلقد فهمتنى ماذا أقصد ... المهم جزاهم الله خير فلقد إتعشينا ( قراصة ) تمام وكسرة بملاح ويكة مدنكلة ..!

ولا تعليق ...

UP