Post: #1 Title: كلام بنات:12% من بنات السودان بدخنوا Author: بكرى ابوبكر Date: 05-07-2013, 02:03 AM
Post: #2 Title: Re: كلام بنات:12% من بنات السودان بدخنوا Author: elhilayla Date: 05-07-2013, 02:08 AM Parent: #1
الله إستر من ود عماري ______ الحليلة
Post: #3 Title: Re: كلام بنات:12% من بنات السودان بدخنوا Author: AMNA MUKHTAR Date: 05-07-2013, 02:18 AM Parent: #2
أها وبعدين ؟!
وكم فى المية من رجال السودان بيدخنوا ؟
__________
بعدين هل الغرض من فتح البوست إنو التدخين ضار بالصحة .. وللا ضار بالسمعة ( كما يقول الكيزان ) ؟
Post: #4 Title: Re: كلام بنات:12% من بنات السودان بدخنوا Author: الصادق سيكا Date: 05-07-2013, 02:54 AM Parent: #3
Quote: بعدين هل الغرض من فتح البوست إنو التدخين ضار بالصحة .
بل هو ضار بوزارة الصحة
Post: #5 Title: Re: كلام بنات:12% من بنات السودان بدخنوا Author: الصادق سيكا Date: 05-07-2013, 03:01 AM Parent: #4
Quote: : كلام بنات:12% من بنات السودان بدخنوا
انا لو ما قريت رد الحليلة افتكرت الموضوع عن دخان الطلح .. طبعا الفيديو ما فتحتو لحدى الان لكن بعد مشاهدتو بجيك بالنجيضة
Post: #6 Title: Re: كلام بنات:12% من بنات السودان بدخنوا Author: Osman Musa Date: 05-07-2013, 03:05 AM Parent: #4
بنات ؟ مافي كلام زي ده في السودان . يجوز يكون المدخنات 2 في المية من نساء السودان . والنسبة دي بعد سن الخمسين . ده البنعرفو عن بلدنا الحبيبة .
Post: #7 Title: Re: كلام بنات:12% من بنات السودان بدخنوا Author: ولياب Date: 05-07-2013, 06:16 AM Parent: #6
بنت تدخن السيجارة أو الشيشة .
لا تستحق أن تكون زوجة .
Post: #8 Title: Re: كلام بنات:12% من بنات السودان بدخنوا Author: محمد الطيب يوسف Date: 05-07-2013, 08:26 AM Parent: #7
التدخين كعادة نسائية إتفشى بي شكل كبير خاصة في الخرطوم وفي وسط الفئة الطلابية بي شكل خاص بتلقاهم شلليات في المطاعم والقهاوي المنتشرة في منطقة الرياض والطائف وعلي طول شارع عبيد ختم وبدخنوا في الشيشة والسجاير وكتير في السيارات الخاصة برضو
أعتقد انو الفئة المنتشر في وسطها التدخين فئة معينة مابتعكس وضع البلد ككل ممكن تاني نضيف ليهم نسوان الدستور بس
Post: #9 Title: Re: كلام بنات:12% من بنات السودان بدخنوا Author: aosman Date: 05-07-2013, 08:32 AM Parent: #8
Quote: وكم فى المية من رجال السودان بيدخنوا ؟
التدخين خشم بيوت, بتقصد ياتو واحد فيهم؟
Post: #10 Title: Re: كلام بنات:12% من بنات السودان بدخنوا Author: حافظ انقابو Date: 05-07-2013, 10:36 PM Parent: #9
المشكلة وين إنو البت تدخن ؟؟
طبعا بمنطق المساواة بين الرجل والمراة ... أها أنا حافظ انقابو دا الليلة دي قسمت علبتي لي بت ما عشان مفلسة ولا شي .. عشان الناس بتستنكر شراء البنات للسجاير ! ما عارف نحنا ح نعقدا كدا لي متين ؟؟ .. النفس واحدة والضرر واحد المشكلة وين؟؟
صديقنا ولياب فوق قال انو المرة المدخنة لا تصلح كزوجة ! طيب انا دا كمدخن هل من حقي اصبح زوج ؟؟ بما اني لسة عذابي .. عشان أدبر اموري من أسة يا جماعة نحنا لمتين ح ند3فن الرؤوس في الرمال ؟؟ دا مجتمع غريب جدا .. كان بقت على السجاير هييييييييييينة والله .. جنس الشايفنو دا أجاركم الله ما عايز اقول كلام يحرف البوست عموما لي عودة
_______________________ شرحو
Post: #11 Title: Re: كلام بنات:12% من بنات السودان بدخنوا Author: ALZOLZATOO Date: 05-07-2013, 11:11 PM Parent: #10
Quote: النفس واحدة والضرر واحد المشكلة وين؟؟
المشكلة انو الصدر ما واحد
ياخي بالغته والله وطلعت ماحافظ كويس لووولز
تحياتي
زاتوووو
Post: #12 Title: Re: كلام بنات:12% من بنات السودان بدخنوا Author: الامين موسى البشاري Date: 05-07-2013, 11:22 PM Parent: #11
Quote: كلام بنات:12% من بنات السودان بدخنوا
اكثر ما اخشاه أن يشــدد القارئ حرف (الدال) فتصبح المصيبة أكبر من مجرد تدخين السجاير والشيشه .. ..
__ شاهدت فيديو يا ريس لطالبات أحدى الجامعات الأهلية وهن يدخن سجاير وشيشه .. ويعملن اشياء أًخــر .. فلم يبهرني تدخينهن بقدر ما ادهشتني قلة الادب المرفقة في الفيديو ..
Post: #13 Title: Re: كلام بنات:12% من بنات السودان بدخنوا Author: حافظ انقابو Date: 05-07-2013, 11:23 PM Parent: #11
حبيبنا زاااااااااااااااااااااتو
Quote: المشكلة انو الصدر ما واحد
أها كدا أشرح لينا .. كيف الصدر ما واحد ؟؟ عشان نستفيد كلنا والما عارف يعرف والقرا يكلم الما قرا . .
___________________ أوع تكون الماخلة دي انصرافية يا زااااااااتو
Post: #14 Title: Re: كلام بنات:12% من بنات السودان بدخنوا Author: ALZOLZATOO Date: 05-07-2013, 11:42 PM Parent: #13
ابدا ياحافظ ما انصرافية بل في لب الموضوع
بعدين ياخي كدي ساويهم في الحاجات المهمة والتدخين ملحوق
تحياتي
زاتوووو
Post: #15 Title: Re: كلام بنات:12% من بنات السودان بدخنوا Author: ALZOLZATOO Date: 05-08-2013, 00:01 AM Parent: #14
بالنسبة للصدر ماواحد ياحافظ
هو ان التدخين مسئول عن نقص وزن الطفل من ام مدخنة لعدم تناولها الطعام بكميات كافية اثناء الحمل
والتدخين ايضا مسئول عن تاخر الانجاب وامراض العقم ممكن تقوقل الموضوع عشان تعرف الاثار من ناس متخصصين
( في حاجات بتعرفها بعد ما تعرس ) انا متاكد لمن يجيك ولد ان شاء الله ح تكتب ورقة وتعلقها في باب البيت
ممنوع التدخين كما فعل عتاولة المدخنين
بعدين انت عايز تساويهم على انقابو لي شنو ساويهم على زاتووو لوولز
تحياتي
زاتوووو
Post: #16 Title: Re: كلام بنات:12% من بنات السودان بدخنوا Author: ولياب Date: 05-08-2013, 05:53 AM Parent: #15
أهلاً حافظ ود أنقابو
Quote: صديقنا ولياب فوق قال انو المرة المدخنة لا تصلح كزوجة ! طيب انا دا كمدخن هل من حقي اصبح زوج ؟؟ بما اني لسة عذابي .. عشان أدبر اموري من أسة يا جماعة نحنا لمتين ح ند3فن الرؤوس في الرمال ؟؟ دا مجتمع غريب جدا ..
مع التحية ، تعليقي هو رأي شخصي بحت ، نابع من قناعتي أن المرأة (المخلوقة الجميلة) يجب أن تظل جميلة ، أنيقة ، طيبة الأنفاس ، تحافظ على صحتها وصحة أطفالها ، والمدخنة كيف يكون موقفها عندما تعاشر زوجها ( الغير مدخن) ويتضايق الزوج من رائحة فمها وأنفاسها الكريهة وهي إن حملت تصيب جنينها بأمراض لا يعرف مداها إلا المولى وبالتالي تصبح ضعيفة الشهية وكيف لها أن ترضع مولودها ، وكيف لها أن ترعى مولودها في جو نتن خانق .
من حقك أن تصبح زوجاً وأنت مدخن ، وكثير من المتزوجين مدخنين ، والضرر الناتج من تدخينك يمكن أن نصنفه ( أقل خطورة) لأنك تستطيع أن تدخن خارج المنزل وتعود للمنزل حتى تفادى أذية مولودك ، ولكن هل نرضى للزوجة أن تمارس هذه العادة وبإستمرار خارج المنزل .
وبما إنك عزابي يا حافظ ، لو قدرت الاقلاع (طيراناً) عن الدخان قبل الزواج أو عند الاقدام أفضل بكثير ، لأنك ستوفر صحتك ومالك .
وبعدين حرام عليك لمن تكون عريس وزوجتك تكون في أحلى جمالها وكبرتتها وانفاسها الطيبة ، تقوم تديها بوخة نفس ( مش ولا بد)
أقلع الآن ولا تنتظر يوم غد .
Post: #17 Title: Re: كلام بنات:12% من بنات السودان بدخنوا Author: عكود عبد القادر عكود Date: 05-08-2013, 07:36 AM Parent: #16
تعيش كتير تشوف كتير
Post: #18 Title: Re: كلام بنات:12% من بنات السودان بدخنوا Author: محمد عبد الله الامين Date: 05-08-2013, 08:27 AM Parent: #17
Quote: كان بقت على السجاير هييييييييييينة
الله يستر على بناتنا ........
Post: #19 Title: Re: كلام بنات:12% من بنات السودان بدخنوا Author: Abdo Mustafa Date: 05-08-2013, 09:23 AM Parent: #18
معقولة يا ناس وانا حايم حول البوست دا من ما رفعو ما عايز ادخل ... قلت الموضوع فيهو حفرة دخان يطلع .... تدخين سجار .....
Post: #20 Title: Re: كلام بنات:12% من بنات السودان بدخنوا Author: احمد عمر محمد Date: 05-08-2013, 09:43 AM Parent: #19
اذا سلمنا بحرمة التدخين تساوى كل من الرجل والمراة في الحرمة اما فيما يتعلق بانه سلوك مرفوض للمراة مجرد انه امراة و ممكن للرجل ان يدخن فهذه انصرافية لا معنى لها.صحيح المجمتع يعرف ان الذي يدخن هو الرجل ولكن اذا دخنت المراة كانه تعاظمت المصيبة . في رأي المتواضع التدخين هو التدخين ان كان المدخن ذكراً او انثى فلا فرق في ذلك بل يتساون في انهم يغترفون محرماً حتى لو جاء احدهم و قال بعدم حرمة التدخين وقال انه مكروه فالامر سيان في ممارسة التدخين من الجنسين. دمتم بعافية تحياتي احمد عمر
Post: #21 Title: Re: كلام بنات:12% من بنات السودان بدخنوا Author: منصوري Date: 05-08-2013, 10:08 AM Parent: #19
أنا ذاتي كنت قايلو الدخان الواحد ده! يعني حفرة دخان ..... لكن جيت لقيتو سجاير.. الحقيقة العايز أقولا.. البنات وبالذات البنات السودانيات اليوم ، من أكثر فئات المجتمع ذكاءاً.. درسن .. قرن. تخرجن من الجامعات... لقن نفسن لافات في الفاضي.. إحباط يعني شغل كويس مافي تلبية طلبات إحتياجات الحياة الراقية اليومية من اكل من ملبس. من سكن مافي صدق في المجتمع مافي الفرحة بقدوم خطيب كويس في هذا الزمن المائل مافي فرحة حب مافي يمكن الخطيب كويس لكن الظروف تحتم عليهو إنو ما يقدر يفى بكل وعودو معاها يقول ليها عندنا بيت برانا. أنا وأنت.. بعد العرس تلقى نفسا دايشة في بيت أهلو ساكت. بالبرندات. كل البيت أوضة وصالون.. فرغوا ليهم الاوضة في شهر العسل بس! بعد فورة الإحترام راحت. بقوا ناس البيت كلهم لافين ساكت قال ليها بيتنا سايفون.. ومقاعد أفرنجية لما كان معاها في الجامعة. بعد الزواج لقت بيتهم من الجالوص وأدبخانة ذاتو مافيهو، لازم يمشوا الجيران.. وقبل الساعة عشرة. عشان لو الجيران ناموا تاني ما راح يفتحوا ليهم الباب.. دي كلها قصص واقعية سمعتها.. نوع من الإحباط بي يدخنن البنات نوع من الزهج نوع من القرف نوع من عدم المبالاه نوع من عدم الاكتراث تفريغ آهات محشودة مع أنفاس دخان السجاير ...... هسي دي البنات الجايبنهن يتكلمن ديل ذاتن ما بيعرفن يتكلمن كويس عن الظاهرة.. أي واحدة هنا في منتدى وموقع سودانيز تتكلم أحسن منهن.. لا المتحررة اتكلمت كويس.. ولا الكوزة اتكلمت كويس.. ولا الأخيرة التالتة اتكلمت كويس البنات من أكثر فصايل المجتمع حساسية برضو قالوا ( المرأة إذا أحبت بذلت حياتها فداءاً لمن تحب) يقولوا ليك:( البنت زهرة يقطفها واحد، ويشم عبيرها الملايين) العبير المعني هو ليس أريج العطر.. ولكن قوة الشخصية.. ككاتبة كإعلامية كطبيبة كمهندسة.ز كإقتصادية.. كمفكرة، يستفيد من نفعها الآخرون.. هنالك محبة الزوج .. محبة الأخوة .. محبة الأبوة .. محبة المجتمع.. دي كلها صفات المرأة تبز فيها الرجال ويمكن أن يستفيدوا الناس من عبيرها هذا وحكمتها وعلمها .ز إن وفروا لها المناخ المناسب للنمو .ز من تربة وماء وهواء طلق. وقالوا: ( المرأة كان كرهتك! الله قال بي قولك... وكان أحبتك الله أداك).. طبيعتها كدة.. طبيعة نشأتها كدة.. مدخراتها من خالق الكون كدة.. بس وين المذهبية الصالحة التى ترتضم بأرض الواقع لتفي بمتطلبات الناس.. وتسكن الآهات والجراح ويعم الفرح.. هذا الانحراف طبعا لانشجعه لكن في نفس الوقت لا نتأفف منه، كما أننا لانتأفف من المريض الذي يحتاج لجرعة الدواء عندي أن جرعة الدواء هي المذهبية الصالحة.. وتطبيقها على أرض الواقع كفكر يسعد الناس تماما في أمورهم الحياتية وأمورهم الآخروية معا في تنسيق متجانس.. يراعي عقل المعاش وعقل المعاد ظاهرة السجاير عند البنات عندي.. في نظري هي شطط.. وإفراط وتفريط.. هي فوران. غليان.. سبب من ورائه علة هي ثورة دواخل تتطلع لآليات تحل لهم مشاكلهم هم كشباب متداخلات كثيرة ووصفات علاجية كثيرة وتطبيب كثير نحتاجه لإقتلاع هذه الظاهرة نفس تعتمل بالخراب ريثما يتم الإصلاح ثورة شباب يعني المسألة وسيلة للتعبير عن الانفلات الحاصل في مناحي الحياة كلها، تبحث لها عن حل ناجع، يكون كمضبع الطبيب وليس كمدية الجزار
Post: #22 Title: Re: كلام بنات:12% من بنات السودان بدخنوا Author: Adel Mohammed Abdulrahman Date: 05-08-2013, 04:09 PM Parent: #21
كن في نفس الوقت لا نتأفف منه، كما أننا لانتأفف من المريض الذي يحتاج لجرعة الدواء عندي أن جرعة الدواء هي المذهبية الصالحة.. وتطبيقها على أرض الواقع كفكر يسعد الناس تماما في أمورهم الحياتية وأمورهم الآخروية معا في تنسيق متجانس.. يراعي عقل المعاش وعقل المعاد ظاهرة السجاير عند البنات عندي.. في نظري هي شطط.. وإفراط وتفريط..
Quote: صح لسانك يا جمال الدين عساك طيب
Post: #23 Title: Re: كلام بنات:12% من بنات السودان بدخنوا Author: وليد عبد اللطيف Date: 05-08-2013, 05:28 PM Parent: #22
Quote: المشكلة وين إنو البت تدخن ؟؟
طبعا بمنطق المساواة بين الرجل والمراة ... أها أنا حافظ انقابو دا الليلة دي قسمت علبتي لي بت ما عشان مفلسة ولا شي .. عشان الناس بتستنكر شراء البنات للسجاير ! ما عارف نحنا ح نعقدا كدا لي متين ؟؟ .. النفس واحدة والضرر واحد المشكلة وين؟؟
معقول يا انقابو ياخي الواحد كان حاسبك من الناس المفتحه في حوش بكري دا كيف مافي مشكله في تدخين الانثى السلوك دا خليهو على جنب على قول ناس السعوديه ( امسك لينا في الصحه ) كان للرجل ولا المراه . . زمان كنت بشتغل في شركة حجار للسجائر نهاية كل شهر بوزع للموظفين باكو ونصف وللعمال باكو وانا ليس ما انصار التدخين اذا كان للرجل او الانثى
Post: #24 Title: Re: كلام بنات:12% من بنات السودان بدخنوا Author: Essam Yosif Date: 05-30-2013, 09:37 AM Parent: #23
سلوكيات كثيرة اتغيرت في المجتمع السوداني والدراسة يجب ان تشمل تلك المتغيرات كوحدة واحدة وليس اخذ كل حالة منفردة حتي نطلع بالسباب ونضع الحلوب لها
