Post: #1 Title: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 04:56 PM Parent: #0
قبل البدء .. ..
لي حبيب شاغل بالي .. دايما محطم آمالي .. إهداء الي عضوية الحزب الشيوعي السوداني في منبر سودانيزاونلاين .. مع التحية ..
.. ..
Post: #2 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:01 PM Parent: #1
بعد البدء الوزة و منذ انضمامي الي المنبر قبل عشرة سنوات .. و هي لم تبارح الجنينة .. و ما دخلت كراعا في الموية .. وزة رمز للجعجعة .. و بتحب الرطوبة .. تباً لك من وزة مزعجة ..
Post: #3 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:05 PM Parent: #2
الوزة .. مناضلة علي حد زعمها .. الوزة .. لديها مصادر موثوقة .. الوزة .. مطلعة مثقفة فاهمة .. بتفهما و هي طايرة .. الوزة .. علمانية بت شيوخ و أصول .. الوزة .. جندرية .. الوزة .. وهبت نفسها للقضية .. الوزة .. ما بتخاف .. و واعية .. الوزة .. احي انا من الوزة ..
.. ..
Post: #6 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:10 PM Parent: #3
و الوزة هنا .. رمزية لعضوية جعجاعة .. عضوية المصادر الموثوقة .. عضوية الاحزاب .. عضوية الناس المتشاكلة من ايام الجامعة و جايين يتموها هنا .. عضوية الكضب و التزوير و التلفيق .. عضوية شعارها .. إذا قالت فلانة فصدقوها .. فإن القول ما قالت فلانة .. ( يتبعها رسالة مسنجرية و الله يا عمك الزولة دي قالوا شرط للارض ) ..
.. ..
مع الاعتذار لعوضية سمك .. !!
Post: #4 Title: Re: ليه يا الوزة ما بتعومـي .. شايفك في الجنينة تحومـي .. !! Author: محمد إبراهيم علي Date: 05-06-2013, 05:06 PM Parent: #2
حميدة قوم لف
انت من زمن الوزين نحن في زمن الهداهد الذين ياتوك بالخبر قبل حدوثة بسنة ضوئية
Post: #5 Title: Re: ليه يا الوزة ما بتعومـي .. شايفك في الجنينة تحومـي .. !! Author: فيصل محمد خليل Date: 05-06-2013, 05:08 PM Parent: #4
منتظرين الهدية
Post: #7 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:18 PM Parent: #5
قال الفنان الما جادي .. اسال نفسك بينك وبينا عن اخلاصنا ..
.. ..
عشرة سنوات كنت وفياً جدا لهذا المنبر الملاني فقر و كضب و اشاعات .. بدون اي تهتز شعرة في صلعة بكري .. و بدون اي أمل في اصلاح ما خربته الوزة .. عشرة سنوات من ايام رودا مردا مرورا بكمية من الفقاعات الي عصر الهدهد (علي ذمة ود ابراهيم اعلاه ) .. و لم تتعلم الوزة ان تحترم عقولنا .. دخلت في مشاحنات و مكاواة و مشاكل .. و كلي امل ان تعود الوزة الي صوابها .. بدون فايدة .. و الغريب في الامر .. ما زالت الوزة حايمة في الجنينة .. و ما دخلت الموية ..!!
Post: #8 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:30 PM Parent: #7
الوزة في العشرة سنوات الماضية .. اكتفت بالصفقة و الرقيص .. دعماً لإحتجاجات في الخرطوم .. اكتفت بالضحك الشديد و بعض القرقرة علي تصريحات ( بحة ) .. علقت علي الفيس .. تشاركت .. تشاتت .. نامت .. قامت حامت في الجنينة تاني .. شاركت بالجدل البيزنطي في عدد من المحاضرات في عواصم الاوروبية و اتصورت بالبدلة و الكرفتة .. (بطريقة صورني و انا عامل رايح) .. و يا مان نزلتها في المنبر .. البوست اسمه شنو .. !! شاركت بجدية منقطعة النظير .. اكثر من جديتها في الحوامة في الجنينة .. في ترويج مصطلح جلابي .. يا ايها الاوغاد .. تباً لكم .. عاجل .. !! اشفقت علي كل شخص دارفوري بطريقة ( كر علي دا ود ناس منو ) .. كونه في نظر الوزة .. المواطن الدارفوري شخص ساذج ينفع يكون سلم لأحلام الوزة النضالية .. و صدق بعض الوز الدارفوري ذلك .. !!
Post: #10 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:37 PM Parent: #8
عشرة سنوات في هذا المنبر .. ما سمعت وزة شاركت في احتجاج في الخرطوم .. ما سمعنا وزة اعتقلوها او ماتت في واحدة من مناطق المعاناة .. اذا استثنيا .. تشعلق وزة حزب الامة في دفار الشرطة .. كوزة كبيرة حاولت انها تعوم .. ( لها اجران : اجر النضال و اجر المحاولة ) ..
.. ..
طبعا لبعض الوز احيانا أحلام في بلاد العام سام .. مما يجبرها علي خوض مستنقع مستنقعين .. يصاحب ذلك تصفيق من الحمام الزاجل الحاضر للحركة الشديدة .. و بعض طيور النورس .. !!
Post: #9 Title: Re: ليه يا الوزة ما بتعومـي .. شايفك في الجنينة تحومـي .. !! Author: Barakat Alsharif Date: 05-06-2013, 05:34 PM Parent: #5
مرحبا بك بعد غيبة
Post: #11 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:44 PM Parent: #9
الاهداء .. كان لعضوية الحزب الشيوعي .. عضوية هز يا وز .. نقد طلع .. نقد اختفى .. نقد قام .. نقد قعد .. نقد مات .. نقد دا منو .. مع الاعتذار للأغنية .. عشرة سنوات شابكننا الشيوعيين ديل مثقفين .. و الشيوعيين ديل الحرية و الديمقراطية .. و النضال و التعذيب و جريدة الميدان .. بالجد طلعتو وز وهم .. و كلامي ليكم صراحة .. لانه انتو ناس الرأي و الرأي الاخر .. مش كدا .. ناس تقبل الاخر .. الناس كلها عندكم واحد .. ما وهم و سطحيين و شعب جاهل و الاستنارة حقتنا و نحن الاخترعنا بنطلون الجينز ال######ان .. مش كدا يا وز .. بصراحة .. لم يتبقى منكم غير نساء متحررات ما بلبسوا طرح .. كرمزية لوزية الحزب الشيوعي السوداني ..
Post: #12 Title: Re: ليه يا الوزة ما بتعومـي .. شايفك في الجنينة تحومـي .. !! Author: حيدر حسن ميرغني Date: 05-06-2013, 05:47 PM Parent: #11
غيب وتعال تاني تلقى الوزة بقت طاؤوس ينثر الريش المنفوش
Post: #13 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 05:59 PM Parent: #12
ابسمي يا ايامي .. بسمة الزهر النامي .. في هوا الحسن السامي .. روحي و آمالي و احلامي ..
Post: #14 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 06:08 PM Parent: #13
الوز .. جالب الكآبة .. اختفت بوستات الاغاني و الفن الجميل .. لانه الوز لا يستطيع ان يشارك .. و الوز في حوامته في الجنينة لازم يشارك .. و لو بالتأليف .. او التوزيع .. حكايات اولاد امدرمان دي ما بتنفع معاهو .. و دلع بنات الخرتوم كتير علي قلب الوزة الذي لا يحتمل .. قرر الوز نشر الكآبة .. لعب الوز شلعت .. الوز بقى يطير .. !!
Post: #16 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 06:11 PM Parent: #14
قررت أن اعود للمنبر .. مبشرا بالحاجات السمحة .. حاجاتنا .. نحن .. و الوز الما بعرف .. يقول باص .. لكن دك ما في ..
.. ..
اذهب ايها الوز .. فهذا المنبر مكان جميل رغم اب صلعة .. نط في الموية ايها الوز .. و دع الجنينة لنا .. معا لطرد الوزة .. !!
.. ..
Post: #15 Title: Re: ليه يا الوزة ما بتعومـي .. شايفك في الجنينة تحومـي .. !! Author: ABUHUSSEIN Date: 05-06-2013, 06:09 PM Parent: #13
بكري بالغ لكن بوليغ شديد ...
قوم لف
Post: #17 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 06:19 PM Parent: #15
ابو حسين .. انت مش كنت زمان شغال بتاع (ابراج سماوية) .. ما تشوف لينا برج الرجل و المرأة الوزة .. !!
!!!!
Post: #18 Title: Re: ليه يا الوزة ما بتعومـي .. شايفك في الجنينة تحومـي .. !! Author: عمر صديق Date: 05-06-2013, 06:44 PM Parent: #17
حميدة
تحياتي وحمدا لله
الف علي السلامة وانهد حبل الوزة
Post: #19 Title: Re: ليه يا الوزة ما بتعومـي .. شايفك في الجنينة تحومـي .. !! Author: د.نجاة محمود Date: 05-06-2013, 06:44 PM Parent: #17
هلا وغلا نورت الديار والديار المجاورة
Post: #20 Title: Re: ليه يا الوزة ما بتعومـي .. شايفك في الجنينة تحومـي .. !! Author: ABUHUSSEIN Date: 05-06-2013, 06:57 PM Parent: #19
Quote: ابو حسين .. انت مش كنت زمان شغال بتاع (ابراج سماوية) .. ما تشوف لينا برج الرجل و المرأة الوزة .. !!
كنت .....
و بطلتها.....
Post: #21 Title: Re: ليه يا الوزة ما بتعومـي .. شايفك في الجنينة تحومـي .. !! Author: حسين عبد المجيد Date: 05-06-2013, 07:28 PM Parent: #20
Quote: الوزة و منذ انضمامي الي المنبر قبل عشرة سنوات
وين يا عمك ما تاكلنا حنك 10 سنوات لسع ما اكتملت حسب ابراج عالم الفلك ابو حسين متبقي للاكتمال اشهر
بعدين شنو شابكنا وزة وما وزة وصفك دا ما وصف وزة دي بسة بتخربش والوزة عوامة ما بتكشف حالها بتعوم
ابو الحسين بالله بداياتك كنت قارئ للفنجان
طلعت منجم يا سنير
Post: #22 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 07:39 PM Parent: #21
الاخ/ حسين عبد المجيد تاريخ التسجيل: 28-03-2013 ..
.. ..
رخصتك دي لسع خصوصي .. انت لسع ما اتجاوزت طور البطة .. لف و تعال ..
.. ..
Post: #23 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 07:42 PM Parent: #22
نسيت اقول .. تنويه .. الرجاء من وزاب الرياض عدم التداخل .. ألا من احس في نفسه الكفاءة و حاسي انه ديك هذه الايام .. و الكلام موجه الي بطة الجزيرة و صاحبها فرحان الفرحان و صديقهم اريد ان اكون رئيساً .. !!
Post: #24 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 07:45 PM Parent: #23
حسين عبد المجيد .. بصراحة مداخلتك دي ضغطت علي شديد .. ادتني احساس اننا اصحاب من قبل ما اعرفك .. بس شايف فيك مشروع وزة كبيرة .. بكرة بالطريقة دي حترسل لي ريكوست في الفيس بوك .. !!
Post: #25 Title: Re: ليه يا الوزة ما بتعومـي .. شايفك في الجنينة تحومـي .. !! Author: بدر الدين اسحاق احمد Date: 05-06-2013, 07:48 PM Parent: #17
هز يا وز
حسي يجيك الشاويش يشبكك وزة شارع منو كدا ما عارف
________
برضو مكانك شاغر
Post: #26 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 08:14 PM Parent: #25
في هذا المنبر انا لاقيت ناس كويسين شديد .. نص بورداب الرياض .. و النص التاني طلع طرش بحر و ناس مخلوعة .. بورداب السعودية .. مناطق متفرقة .. بورداب الخرطوم .. بقيادة العوض و فيصل الرشيد و ناذر الخليفة .. و آخرين ما في داعي نذكرهم هنا لإسباب امنية .. بورداب وهبة .. و دا فرع من بورداب الخرطوم .. بورداب لندن .. و ديل ناس طاقاهم صفيحة بس لذيذين .. بورداب القاهرة .. بإستثناء حبيب نورة (لاسباب فنية تتعلق بعصير القصب) .. بورداب ماليزيا .. ناس متعلمة و دكاترة و اخوان و رجال بمعنى الكلمة .. بورداب الامارات .. غايتو ناس كويسين نقول شنو مخير الله .. بورداب الكويت .. و اثيوبيا .. و كيينيا .. و في زول قاعد في المالديف صديق المنبر .. !! و كمية لا بأس بها من العلاقات القوية عبر الفيس بوك و الاسكايب اساسها المنبر .. و خدمات و عشم و مجاملات و دنيا جميلة و مشاعر طيبة ..
يعني بحسبة بسيطة .. ممكن اكون اكتر زول يكون قابل عضوية المنبر .. و يجي وزة مناضل .. او الاستاذة كهرباء ضاغط و شقيقتها اعطوني لجوءاً .. عشان يطرشقوا لي حاجاتي دي كلها .. هنا و في هذه اللحظة التاريخية و الدقيقة من عمر أمتنا يصبح النضال ضد الوزة فرض عين .. لحماية كياننا السمح من التمزق .. و المحافظة علي مكتسباتنا من حب الناس .. و في الخلفية يواصل المغني .. ليه يا الوزة ما بتعومـي .. شايفك في الجنينة تحومـي .. !!
Post: #27 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 08:34 PM
لا تلومني يا قاسي .. اسألني يا ناسي .. اسألني عن الحب و ابعدني عني لومك ..
Post: #28 Title: Re: ليه يا الوزة ما بتعومـي .. شايفك في الجنينة تحومـي .. !! Author: Mahmoud Mustafa Mahmoud Date: 05-06-2013, 08:37 PM
أوووووووووووهــ حميدة رجع؟؟
في الساعة الضيقة دي بالله يا أستاذ حميدة عايزنك تدينا إضاءة عن حميدة النشأة والتكوين والبدايات...وبالمرة كدا تكلمنا عن سبب الغياب؟
منظرك حا يكون بايخ إذا اتضح إنه وقوفك أو خلينا نقول إنقطاعك كان بسبب الإيقاف...
العودة يا حبيب كنا نتمناها تكون بداية لذيذة كدا...بدون مشاكل بنمرة أربعة من قولة تيت..كويس معاك؟
ما عارف...لكن ذكرتني النكتة بتاعة المساجين الفكوهم العصر ديلاك....وحكمة ست الشاي القالت للناس:
دا خلوهو..أمسكوا التاني (ذلك الذي يصدر صفيراً من فرط الهناي)..
والله العظيم ليك وحشة يا حميدة..
عوير موش؟؟
..
.
Post: #29 Title: Re: ليه يا الوزة ما بتعومـي .. شايفك في الجنينة تحومـي .. !! Author: Barakat Alsharif Date: 05-06-2013, 08:46 PM Parent: #28
Post: #30 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 08:52 PM Parent: #28
يا دكتور .. نحمد الله كثيرا انك طلعت من حالة الببغاء الكنت داخل فيها .. و بقيت تتكلم ذي الناس بدون ترديد السطر عشر مرات .. و دا مكسب يحسب للمنبر .. و الجهات القائمة عليه .. أما عن ..
Quote: حميدة النشأة والتكوين والبدايات
فذي ما عارف .. انا اترعرعتا في المنفى .. مع جبران خليل جبران .. هناك في سفوح الانديز .. حيث كان ذاك الوضاء جاك اسبارو يهدينا معاني الحرية .. و يا دكتور انا لو كان عندي نشاة و تكوين و بدايات البقعدني مع عواليق زيكم شنو .. كان مشيت سودان فور اووول ..
الانقطاع ليس بسبب وزة اشتكت للوزة الكبيرة .. بل بسبب الجو الغير مريح في المنبر .. ان شاء الله اقنعتك كدا .. بس بالجد فرحان لتحولك من ببغاء الي كائن لسع ما حددتا ملامحه .. شكرا للرب ثم اخونا جاك اسبارو في الانديز ..
Post: #31 Title: Re: ليه يا الوزة ما بتعومـي .. شايفك في الجنينة تحومـي .. !! Author: Mahmoud Mustafa Mahmoud Date: 05-06-2013, 09:31 PM Parent: #30
Quote: يا دكتور .. نحمد الله كثيرا انك طلعت من حالة الببغاء الكنت داخل فيها .. و بقيت تتكلم ذي الناس بدون ترديد السطر عشر مرات .. و دا مكسب يحسب للمنبر .. و الجهات القائمة عليه ..
off point
الضل كيف معاك؟؟
الزول دا شدة ما طوّل من البورد لما بقى ما عارف يفرق بين محمود ودكتور مصطفى محمود...الوجع الــ..
لكن بصراحة الغايظني في القصة دي كلها..إني كنت قايل روحي معروف وبي حقي وكدا...
ومرات مرات كدا قاعد أقشر بإني صاحب حميدة...والله حاجة غياظة كيف...حولاااااااااااهـ..
..
..
لكن أبشر.. بعد كدا ،، وحيث أنك لم تأتِ لحوار ،، فشنو ..
التجاهل
التجاهل
التجاهل
..
..
Post: #32 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-06-2013, 09:52 PM Parent: #31
Quote: الزول دا شدة ما طوّل من البورد لما بقى ما عارف يفرق بين محمود ودكتور مصطفى محمود
و الله بصراحة انا ما عرفتك .. باي ديفولت كدا قربتك لأقرب رقم صحيح .. زمان كان في وزة في شكل عضو اسمه جابر .. اتلخبط علي الاسم و قريتو محجوب .. قام زعل .. و رسل لاب صلعة قال ليهو .. ابني الذي يدرس في جامعة نيس صوفيا انتيبوليس .. جاهو وجع بطن .. عشان حميده قال لي يا محجوب .. و انا في الحقيقة بشبه هاني شاكر ..
.. ..
المهم قصة جايطة كدا .. و ما بعرفك ما تعمل صاحبي .. !!
Post: #33 Title: Re: ليه يا الوزة ما بتعومـي .. شايفك في الجنينة تحومـي .. !! Author: حسين عبد المجيد Date: 05-06-2013, 10:29 PM Parent: #32
Quote: رخصتك دي لسع خصوصي .. انت لسع ما اتجاوزت طور البطة .. لف و تعال
رحتا وجيتك بسؤال
الفرق شنو بين الوزة والبطة
والشئ دا البقولوا عليهو ضكر بط بعوم ول يحومفي الجنينة
سلام يا صديق ومحبة ليك
Post: #34 Title: Re: ليه يا الوزة ما بتعومـي .. شايفك في الجنينة تحومـي .. !! Author: الشاذلى خيرى عبد الله Date: 05-06-2013, 10:47 PM Parent: #33
يا حميدة حمد الله على السلامة ياخ ومنور الاسافير .. : : :
ــــــــــــــــــــ نظام بعرفك وكدا
Post: #35 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-07-2013, 12:04 PM Parent: #34
شاذلي .. شكلك طالع في حتة عالية .. !!
Post: #36 Title: Re: ليه يا الوزة ما بتعومـي .. شايفك في الجنينة تحومـي .. !! Author: محمد حمزة الحسين Date: 05-07-2013, 02:15 PM Parent: #35
والله يا حميدهـ وبدون حليفه كدى اول شئ حمداًلله وبى سلامتك لكن نرجع نقول لو رجع كل الكاست الكتّاااب الطاعم الواحد يكون ندم انو يكون بقى عضو فى المنبر لانو الواحد يقراء ويستمتع ويمشى ينوم ويجى بكرا يواصل المسلسل لكن تعرف ناس عيييييك وعااااك ديل الواحد يمنى نفسو يكون قريب منهم يفرملم بى طين لُك كدا عشااان ما يسرحوا بالمواطنين المساكين الغلابا ويدهم فى المويه الباااردهـ تقول ليهم الناس ماتو سمبلا فى ام كرشولا يقول ليك بى عين بجيحه أُمال البى موتوا فى ام دافوق وضواحى الهامش الدارفورى ديلاك وز الله غالب بث نسوى اشنو
Post: #37 Title: Re: ليه يا الوزة ما بتعومـي .. شايفك في الجنينة تحومـي .. !! Author: humida Date: 05-26-2013, 11:57 AM Parent: #36
زمان لما الوز كان عوام .. كان في هذا المنبر شعر و غنا و شباب ذي الورد .. ثم .. ثم .. ثم ..
.. ..
وين انا ..
Post: #38 Title: Re: ليه يا الوزة ما بتعومـي .. شايفك في الجنينة تحومـي .. !! Author: داليا حافظ Date: 05-26-2013, 12:17 PM Parent: #37
أووووو حميدة ..
الحي بيك ياخ ..والله اشتقنا ليك ..
Quote: وين انا ..
أنت هنا .. عايز ترحل من الحلة وما تلقى زول سكن في بيتكم ..ياهو حال الدنيا ياخ ..
Post: #39 Title: Re: ليه يا الوزة ما بتعومـي .. شايفك في الجنينة تحومـي .. !! Author: طلحة عبدالله Date: 05-26-2013, 12:18 PM Parent: #37
يا حميدة لا تضع الوز كلو في سلة واحدة وأعمل حساب لطيور الظلام والجوارح وطير الرهو .. الخ .. واتا عامل إيه يا حميدة ياخ ؟ طولت الغيبة.
Post: #40 Title: Re: ليه يا الوزة ما بتعومـي .. شايفك في الجنينة تحومـي .. !! Author: الكباشى البكرى Date: 05-26-2013, 12:28 PM Parent: #39
