صدقني انت زول مؤلم شديد

وعندما تقول لي زول انه مؤلم شديد فالألم نفسي ومعنوي.
ومعارضة المعارضة في بعض الاحيان تصبح ك ك ل ب السرة.وانتو عارفين قصته شنو.
زول يشيل الضغينة بي السنين ويحفظ الاقتباسات ليمارس دور (منكر ونكير) المنبراوي ومستعد يسكك مية سنة بي كلام قلته
لي زول في مناسبة وموضوع لا يتعلق به من الاساس، لكن ما هو كالكل ب جايباه الزفارة فاعذروه.
عندما تكون كأبو الاسود الدؤلي يا (مؤلم انتا) وأبو الحروف اللغة العربية ولم نرى منك سوى دورك الرقابي ومساككت زي
سكسك شفع المدرسة فأقول ليك (مؤلم يا انتا).
الكوز الكوز البيكون كوز على الاقل بياخد ذرة احترام رغم الاحتلاف العميق معه لكن بيكون اعلن كوزنته ويدافع عنها بوضوح ، اخير من الضبابية ، والتطبيل الملتف في محاولة استهبالية لا ترقى سوى دس المحافير عند الدفن.
يذكرني ذلك الشخص بعميد كلية من الكليات ارسل شخصا ليحضر طالب في كليته وتأخر الطالب ، وحكى لنا الطالب هياج العميد
في حتة التأخير وصرفه محاضرة عن التأخير وليه اتأخر ولما طال الكلام سأله الطالب : انتا ناديتني لي شنو اساسا؟.

ولنا عودة.

بالصراحة كده

الزول الاسموا

أبو حسين بالانجليزي

بتنطبق عليهُ كل الصفات الانتَ قولتها دي


___
انا ما بكرهُ في نفسه وشخصه مع الاحترام له , لكن اسلوبه بايخ جداً.
-يوجد آخرين سأذكرهم تباعاً.

ألو البرنامج ممكن اهدي الفيديو دا

Quote: صدقني انت زول مؤلم شديد

مؤلم كيف يعني
بتاوق في بيوت الجيران بتسعة وشوش " باسويردات "
ولا كيف يعني
وضح عشان نعرفو منو

مشكلته انه منصب نفسه محاسب اسفيري
يتلقط الاخطاء ويحفظها في جهازه ليوم الحساب، ما عارف الكلفه بي المهمة المقدسة دي منو؟

وإتا حسى فرقك منو شنو يا معتز الكلفك تسك السناير وتحاسبم منو

التعديل لكتابة اسم معتز وهو المقصود بالمخاطبه

تستاهل يا مواطن وليك تحياتى

ياخي المشكلة يامعتز الراجل خالي تماما من حاجة اسمها احساس اظن يوم قسمو الاحساس ده كان في البطحة هعهعهعهعهعهعهعهع .. بعدين جهلول مع سبق الاصرار والترصد .. انت عارف المشكلة ما في انو كوز ولا ماكوز الراجل بذكرني عوير الحلة مش في اي حلة بكون في واحد عوير ومرفوع منه القلم ... بس زولك ده بطابق للشخصية تماما . ياخي عندنا في حلتنا زمان جابو لينا دكتور بيطري وشبك لك الجماعة كلهم لازم تعملو هجين لابقاركم وحنك زي ده ... قام ناس القرية ماصدقوا طوالي اي واحد لملم بقيراته وجابهم للهجين ... صاحبنا الدكتور ده معاه تور هولندي ومدورين في التور اكل تمام .. طبعا كلو للمشهاد وقوم ياتور الجن من كترة الاكل بقى ما بقدر اقوم اتهيج والبلب راقد علي قفاه ... اها من الزمن داك في القرية اي زول سمج وفاقد احساس بسموه تور الحكومة والله زولك ده ما لقيت لي شبه الا تور الحكومة ...

اقدر مغستك يامعتز
بس الوضوح متله مافي
دززز كده خت اسمو
المانع شنو؟

شديد
بلا يخمو

هو عارف نفسه ، وهل يخفى المغس في كلاهووووو ابداً لأ.

سنير ولا برلوم الفرق شنو؟ اسبقية تاريخ يعني لا لا الفرق بسيط دا عنده امكانية الرد وكتابة مواضيع جديدة وداك ما كان عنده الامكانية لكن متابع.

انت ذاتك يا بتاع سنير وبرلوم ما تخليك زول (مؤلم) ياخ.

انتا ماتقول اسمو ولاخايف الهوا يقسمو
كامل التضامن مع الزول المؤلم المقصود
ومه كل من يقول كلمة الحق ويؤلم

بوستك دا تكفير عن بوست الحلو تعال غسل لأعمامك ولاّ شنو يا معلم :)

كدي راجعوا بوست الورل، برضه بتفهموا حاجة، هههه
تكفير كيف؟ ما ملاحظ انه بعض الاخبار كالفقاعات ، كدي حسي فتش عناوين المنبر كان لقيت سيرة لل(الحلو) ولا (جلي) او حتى (كسترد) ساي؟
كامل تضامني مع الاعمام الاتمقلبوا وكانو راجينو ، ههههه

كامل تضامني مع ضحايا الزول المؤلم دا، بالذات الناس البسكهم يومي على الله، ديل ذنبهم شنو ؟؟؟

صباح الخير يا معتز ....

أرى إنك تلمح لشخصية الأستاذ / حسين ملاسي ......


والله أعلم ......


مع خالص ودي وتقديري ؛؛؛؛

كامل التضامن مع المؤلمين

السناير والبرالمة

لا لا ما اظن، الزول دا اكتشفت اكتشاف خطير عنه ، اتخيل عنده فريق كورة (كله باكات) يا سبحان الله

عزيزي (فتألم)

ألأخ/معتز...السلام عليكم.

ومن المؤلم أيضاً أن ننصرف عن همنا ألأكبر بمثل هذه البوست.

الناس تموت فى ابوكرشولا وناس مشردة وناس سلبت ممتلكاتها من أم روابة وناس بلامأوى..وننحن نتناكف على مالاشى ونملا الباندوث فى كلام غير مجدى.

أحقادنا ألأسفيرية جزء مصغر من ألأحقاد فى الواقع وكلاهما حرب.

هنا من يقتل معنوياً وهناك من يقتل جسدياً.

المنبر صار لا يؤدى مهمته المطلوبة...فقد البوصلة.

بنفس القدر صدقنى ممكن أقول لك ذلك..لكن دائماً دعونا نوحد صفوفنا حول الوطن بكلمة حلوة أو تطيب خاطر..

نحن فى أزمة حقيقية معظمنا يريد أن ينتصر لذاته وناسين الوطن البيلمنا وناسين حكامه يفعلون مايريدون فينا.

كثير من الذين يسمون أنفسهم مناضلين يقومون بدور إيجابى للنظام وهم لا يعلمون.

تقديرى وإحترامى للجميع.

خليني اختلف معاك يا ismeil abbas
الأزمة سببها شخوص (مؤلمين) ودا واحد من النوعية دي ، كل همه في المنبر الاقتباسات والملاحقات والتعلقيات التي لا تغني ولا تسمن من جوع، اذا واحد كتب واتأكد من خبر ما ، يحاول بأي طريقة تكذيبه، طيب داك ضرب تلفون لي أهله عشان يتأكد وهو اجتهاد يحسب له بالدفع نحو الحقيقة وكشف الزيف، طيب التاني دا يكضب على ياتو اساس؟ يعني الناس اساسا ما تنزل بوستات ضد الحكومة او حتى بوستات عشان تكشف بيها حقيقة الاشاعات؟ هو بقول ما مع الحكومة وما مع المعارضة، طيب يبعد بعيد يخلي الحكومة تدافع عن نفسها وأيضا يخلي المعارضة تدافع عن نفسها، لكن يقيف مع طرف ضد طرف ويدعي انه ما مع طرف آخر، فعلى ما اعتقد محتاجين(قنبور) عشان نفهم منطقه دا،
الناس بالنسبة لي الفوق فوق ما مهمين كان ماتو كان حيين بقدر القرووش والمنفعة البياخدوها منهم، مجرد ارقام وأخبار يسمعونها في غرف مكندشة والريموت قريب من الكروش، فأنت بتشوف خونة اليوم بكرة بيبقوا في القصر الجمهوري حاملي سلام ويهدوا ليهم عربات مصفحة وميزانية مفتوحة ونغنغة آخر شيء.
فايدة الماتوا شنو؟ جونق قرنق كان إبليس في نظر الحكومة وبعد السلام كان الملاك في نظرها أيضا، فإنت ما تستغرب نفس البيقاتلوا ديل بعد كم شهر يكون عندهم مناصب ومخصصات وشركاء مع الحكومة، شفت كيف؟ لكن المات بي طلقة في الخلاء إن وجد قبر يُلم فيه جسده الفاني يكون ما قصر.

فتألم ، في عالم مؤلم

زول واحد
ياخ انت متفائل شديد

دي شبكة

المهم الرسالة وصلت
فهل يفهم؟