هشام كمال عبادي...رسميآ في كشوفات بورداب الأمارات

بحمد الله تعالى وتوفيقه....أكمل أخونا الكريم "هشام" إجراءات الإقامه ..مما يعني إنضمامه رسميآ لكشوفات الامارات.

نتمنى له التوفيق في حياته العمليه الجديده ومزيد من النجاح.

اضافة نوعية

مبروك اخي الشيخ

تهانينا العبادي

وشكرا

مرحب بي الاخ هاشم رسميا في كشف بورداب الامارات
حقيقه أضافه للبورداب

وشكرا للحبيب ود سيداحمد علي الاخبار المفرحه

Quote: حمد الله تعالى وتوفيقه....أكمل أخونا الكريم "هشام" إجراءات الإقامه ..مما يعني إنضمامه رسميآ لكشوفات الامارات. نتمنى له التوفيق في حياته العمليه الجديده ومزيد من النجاح.

شكرا ليك كتير كتير يا أبو احمد يا اخوي ..

والواحد يتشرف ويكفيه فخرا انو يكون احد بورداب الإمارات ..

شكرا ليك مرة تانية ..



آمييين ..

Quote: اضافة نوعية مبروك اخي الشيخ تهانينا العبادي وشكرا

ود الباوقة اخوي ..
نبارك ليك في عرس الوليدات ان شاء الله يا رب ..
شكرا ليك كتير وربنا يديم المحبة ..


اطنان من الود ..

Quote: مرحب بي الاخ هاشم رسميا في كشف بورداب الامارات حقيقه أضافه للبورداب وشكرا للحبيب ود سيداحمد علي الاخبار المفرحه

ابو السيد

مشكور مشكور يا سيد شامي يا حبيب وان شاء الله بينا لقاء قريب ..

والتحية عبرك لكل بورداب الإمارات اصحاب الأقلام النابضة في المنبر ..
لعمري اني ازداد زهوا بكوني بينكم ...

دمتم بالف خير ..

------------------------------
يا الشيخ والله اخجلتم تواضعنا وكدي ..

سألتُ فقلتُ الّذين صحبتَهمُ هل همُ من صِحابِ الدّعه
أتصحبُ هيّانَ بيّانَ تتلوهُ صلمعةً إثرَ ذا القلمعه
أجاب لقد كنتُ شخصا جميلا فصرتُ صفيقا كما الإمّعه
لإن قالَ لاءٌ أقولُ بلاءٍ وإن قال لا قلتُ معْهُ معَه
أتاني عصيٌ فرُحتُ لملهىً وإن جاءَ شيخٌ فللصومَعه
فقلّي بربّك رأيكُ ماذا أهذا وهذا وهذا فعَهْ
أراكَ ركبتَ البحارَ بفلكٍ فأبحرتَ فيها بلا أشرِعه
فأينَ التّفاضل بينَ النّباتِ إذا كان أفرعُه أفرُعَهْ
وضعتَ أيادٍ على موضعٍ أحرقتْ فيه نارُ اللظى إصبَعَه
فأنعِم بحرقٍ يعلّمُك الوعْيَ أن تفتَح العقل للتّوسِعه
فواللهِ مالك مالك مالكَ واللهِ مالكَ في المعمعه

أبو عبد الله الريّاني

الف مبروك يا هشام دا خبر سعيد وسط عاصفة الأحزان المورّمانا دي
يتشرف بورداب الإمارات بيك ويسعدوا

يلاّ يا شباب عايزين برنامج ترحيبا بانضمام هشام

يا هلا ومرحبا تشرفنا والله

Quote: سألتُ فقلتُ الّذين صحبتَهمُ هل همُ من صِحابِ الدّعه أتصحبُ هيّانَ بيّانَ تتلوهُ صلمعةً إثرَ ذا القلمعه أجاب لقد كنتُ شخصا جميلا فصرتُ صفيقا كما الإمّعه لإن قالَ لاءٌ أقولُ بلاءٍ وإن قال لا قلتُ معْهُ معَه أتاني عصيٌ فرُحتُ لملهىً وإن جاءَ شيخٌ فللصومَعه فقلّي بربّك رأيكُ ماذا أهذا وهذا وهذا فعَهْ أراكَ ركبتَ البحارَ بفلكٍ فأبحرتَ فيها بلا أشرِعه فأينَ التّفاضل بينَ النّباتِ إذا كان أفرعُه أفرُعَهْ وضعتَ أيادٍ على موضعٍ أحرقتْ فيه نارُ اللظى إصبَعَه فأنعِم بحرقٍ يعلّمُك الوعْيَ أن تفتَح العقل للتّوسِعه فواللهِ مالك مالك مالكَ واللهِ مالكَ في المعمعه أبو عبد الله الريّاني

يا اسامة يا اخوي أولا شكرا ليك انك دخلت البوست ..
ثانيا دا ما وكت الرد عليك ..
المقام مقام شكر ويشهد الله انني لست امعة كما تقول ..
وانت اتيت في دارنا ولك حق الرفادة ..
شكرا ليك تاني على المداخلة وان اخطأت التقدير ..








-----------------------
لكن بجيك لحد عندك ونشوف هل لي في المعمعة ولا انا صفيق سااااكت كما الامعة ..

Quote: الف مبروك يا هشام دا خبر سعيد وسط عاصفة الأحزان المورّمانا دي يتشرف بورداب الإمارات بيك ويسعدوا يلاّ يا شباب عايزين برنامج ترحيبا بانضمام هشام

تسلم كتير يا ود البشرى يا عزيز ..
حقيقة الشرف لي اني اكون من بورداب الإمارات ..
والسعادة تغمرني ومتاكد اني بين اخواني واهلي هنا ..


انت شكلك عجبك الجضاض المبهّر اليوم داك ..
التحية عبرك لكل اخواني في العين بصورة خاصة ولكل بورداب الإمارات بصورة اعم ..

مودتي التي تعرف يا حبيب ..


----------------
بينا الووو يا حبيب ..

Quote: يا هلا ومرحبا تشرفنا والله

شرف الله مقدراك يا اخت عفاف ..
وحقيقة لأشعر بالزهو ان اكون من بورداب الإمارات ...

لكم التحية والتجلة ..

Quote: كنت عايز ارفع ليك المصدر .. بس سبقتني .. ونفس السؤال سألتو لي نفسي الكلام الخارك بارم ده أكيد منجور .. اها اتفسح كويس وانا متكيف .. شايف الأيام دي الشغل وارة معاك " اللهم لا حسد " .. مودتي يا حبيب ..

ده مش كلامك كان تجي وتعتذر عنه ... انتو قايلين خراب البوستات والمطاردات صعبة يعني ؟؟؟

بختكم يا ناس الامارات..
وأمانة ما جاكم زول جميل واصيل..
مرحب بيك في دار زايد يا هشام كمال...

أخي الشيخ......لك التحية

الف مرحب بهشام كمال عبادي

يااخوي الراجل تم تدشين عضويته مع بورداب الأمارات يوم 25 يناير الفات في مبذرة الخضراء الجميلة

علي سفح جبل حفيت واذكر انه انت وهشام كنتم اول الواصلين للمكان من خارج العين.

لكما التحية

مراحب كتييييييرة يا هشام

مرحب بالحبيب هشام كمال


وان شاء الله تكون محترق وهداف


وادخل التشكيله الاساسيه يا معلم


مرحب بيك

مكسب ياناس الامارات

اعارة ولا فك تسجيلات ؟؟؟؟؟؟

Quote: ختكم يا ناس الامارات.. وأمانة ما جاكم زول جميل واصيل.. مرحب بيك في دار زايد يا هشام كمال...

شهادة اعتز بيها يا اخوي البشاري وانتم أهل الجمال كلو ..
ترحيبك بي زادني اعزاز ..

شكرا ليك يا الأمين يا أخوي وان شاء الله نردها ليك في السمح ..



أطنان من الحب والود ..

Quote: ااخوي الراجل تم تدشين عضويته مع بورداب الأمارات يوم 25 يناير الفات في مبذرة الخضراء الجميلة علي سفح جبل حفيت واذكر انه انت وهشام كنتم اول الواصلين للمكان من خارج العين.

يا سلام عليك يا حبيب والله زكرتنا يوم حلو قضيناهو ومعاي الأخ وليد "الشفت" في مبذرة العين ..
بالتأكيد ولي الشرف ان اكون من بورداب الإمارات وشكرا ليك كتير كتير على الترحاب ..

تحياتي لبورداب العين مرة اخرى ..


يا جماعة وين حبيبنا مجدي ود أمدرمان مختفي وين ..

Quote: مراحب كتييييييرة يا هشام

والله لقد احرجتموني حقيقة بفيض استقبالكم واحتفاءكم بي ..
وكريم ضيافتكم ورفادتكم وان لساني عاجز عن شكركم ..

Quote: مرحب بالحبيب هشام كمال وان شاء الله تكون محترق وهداف وادخل التشكيله الاساسيه يا معلم

سلام يا عبس يا وجيه شنو ما سمعنا صوتك ولا جانا تلفون ...
اكيد داخل التشكيلة يا فردة وشايتين ضفاري كمان المانع شنو ..

مودتي ..

Quote: مكسب ياناس الامارات اعارة ولا فك تسجيلات ؟؟؟؟؟؟

اووووووو بتاع الجربوكسات الألمانية المغشوشة ..
شكرا لحسن الظن يا حبيب والله ..

لا والله فك تسجيلات عديل من ناس الدوحة ..
معقول يا اسامة ما نشوفك إلا في المواسم والأعياد ..

اها ام دفسو دي كيف معاك ..

ودعبادي راجل جميل تمنياتنا القلبية الصادقة له بالتوفيق أينما حل

شكرا حبيبنا الشيخ سيد أحمد تسجيلات موفقه لبورداب الأمارات

Quote: اووووووو بتاع الجربوكسات الألمانية المغشوشة .

إحم إحم طرف الصوت وصلني
أنت ياود عبادي يهبشك أسامة عثمان السيد تمعطني أنا ذنبي شنو ههههههههههههههه

Quote: ودعبادي راجل جميل تمنياتنا القلبية الصادقة له بالتوفيق أينما حل شكرا حبيبنا الشيخ سيد أحمد تسجيلات موفقه لبورداب الأمارات

اخجلتم تواضعنا وكدي والله ..
شايفك الايام دي زاهد في المنبر وبقيت ما بتجي كتير بي هنا ..

وفعلا الشكر كل الشكر لي اخي الشيخ "أبو أحمد " فنعم الأخ والصديق ..



-------------------------------
والله يا ود الباهي ما طالبني حليفة قربتا اجيب اسمك بس قلتا السترة والفضيحة متباريات ..
يمعطو ليك شنو يا يابا كان كل الجروبكسات الكانت عندك لا ألمانية ولا حاجة ولي العليها المغشوشة ..
يا اسامة تعال نورد ليك جربوكس روسي تعديل أماراتي صالح للعمل في كل الأجواء وبي نص السعر اها ..


والله يا ود الباهي مشتاقين لي سماع صوتك وبينا الووووووووو ..

اطنان محبة والله..

آلاف المراحب بالأخ العزيز هشام كمال عبادي ضمن بورداب الإمارات ..

نتمنى أن يطيب له المقام في دار زايد ...

وأكيد هو إضافة نوعية لبورداب الإمارات ..

مرحب بيك يا هشام ...

وشكراً ليك حبيبنا الشيخ سيد أحمد على الأخبار المفرحة دي ...

آلاف المراحب بالأخ العزيز هشام كمال عبادي ضمن بورداب الإمارات ..

نتمنى أن يطيب له المقام في دار زايد ...

وأكيد هو إضافة نوعية لبورداب الإمارات ..

مرحب بيك يا هشام ...

وشكراً ليك حبيبنا الشيخ سيد أحمد على الأخبار المفرحة دي ...

الفيكم اتعرفت يا كيزان

بتلقوا شغل لي ناسكم

حبابك هشام في دار زايد ونسأل الله لكم التوفيق والسداد ..وشكراً ياشيخنا الشيخ سيد أحمد فشهادتي فيه مجروحة ننتظر تكرار الزيارة ..تحياتي للبورداب جميعاً

مرحب حبابو هشام شرفتا البلد و اضافة جيدة إن شاء الله لبورداب الآمارات .

## بهذه الباقه نستقبلك :-


** ونشكر الظروف التى جعلت ذلك مُمكناً فلقد زدنا لاعباً مُحترفاً فى صفوفنا **
(ودام الود بين الجميع)

## سلام هُشام ,, وشكراً الشيخ على هذا الخبر المُفرِح ..

Quote: يا جماعة وين حبيبنا مجدي ود أمدرمان مختفي وين ..

حبيبنا الغالي ..يشهد الله اني احبك فيه ، وانا الأكثر سعادة بهذا الخبر المفرح ومانسيت لحظة لمتنا الحلوة في المبزرة وتشريفك لينا والمواقف المضحكة وقفشاتك اللي مانسيتها ابدا ... سعدت جدا بهذا الخبر واليك خبر حصري .. قريبا مجدي امدرمان في كشوفات بورداب عجمان ..

Quote: قريبا مجدي امدرمان في كشوفات بورداب عجمان ..

مع إنه خبر حصري ... لكن بيهمنا كلنا والله ...

ياخ ده أجمل خبر والله يا مجدي ...

مرحبتين حبابك واليوم السعيد الليلة جابك ..

إن شاء الله ربنا يوفقك محل ما تقبل يا مجدي ..

ويديك قدر نيتك يا رب ..

Quote: قريبا مجدي امدرمان في كشوفات بورداب عجمان .

والليله وين ألقــــى الحــروف
شـــان أكتب الأفـــراح غــنا

Quote: والليله وين ألقــــى الحــروف شـــان أكتب الأفـــراح غــنا

ربنا يسعد ايامك اخي الغالي الشامي .. الحمدلله برضوا بين اخواننا واحبابنا..

Quote: مع إنه خبر حصري ... لكن بيهمنا كلنا والله ... ياخ ده أجمل خبر والله يا مجدي ... مرحبتين حبابك واليوم السعيد الليلة جابك .. إن شاء الله ربنا يوفقك محل ما تقبل يا مجدي .. ويديك قدر نيتك يا رب ..

حياك وبياك أخي الاكبر عبدالله كسلا .. الحمدلله ربنا يسر الأمور والفضل من بعد الله لأخ بوردابي لم استأذنه في الافصاح عن اسمه ، هي سمة كريمة وخصلة من الخصال الحميدة لبورداب الامارات دائما متكاتفين في الافراح والاتراح .. ربنا يسعد أيامك اخي عبدالله وأنا متاكد انك اول من يفرح لي ...

الحبيب عبد الله كسلا
الأخ الوليد المبارك
الأخ عبد الرحمن الحلاوي
والأخ Sayed Bekab
عبد الكريم أحمد الأمين
والأخ مجدي ود امدرمان

شكرا ليكم كتير على الترحاب والله يعلم محبتكم جميعا في قلبي ..
واعتذر عن انشغالي في الأيام الفائتة نسبة لسفري خارج الإمارات ..

وساعود للرد على مداخلاتكم ..


محبتي وتقديري ..