Post: #1
Title: ليكم ياشباب الزمن دا.،؟.،؟.،؟.،؟.
Author: هادى جعفر محمود
Date: 05-05-2013, 00:09 AM
معليش عاوز اسأل شباب الثلاثين فمادون.
هل عايشت حبوبتك وجدك لابوك او لامك وهل اتنافسوا فى ارضاءك وتربيتك وهل حسيت كل واحد منهم يحبك اكتر من التانى ولا شفت اهتمام من اخوات حبوبتك ولا اخوات جدك اه يازمن.،؟
ياأخ الحياة كانت حلوة. .
والواحد فينا عمره كم تاشر سنة وينوم المغرب ولاعلى كيفوا والله صحى.
والكلام دا فى المدينة مش القرى.
وعادى ممكن تحضر حفلة فى الحلة او الحى ويصحوك من الكراسى اول بداية الوصلة
وقوم ياولد امشى بيتكم
والله ايام
غايتوا العاش الايام ديك يتحفنا لانو حقيقى بتحسر على شباب الزمن دا الفاقد حنان والسهران فى العولمة والنت
وبرضوا معليش.،
|
Post: #2
Title: Re: ليكم ياشباب الزمن دا.،؟.،؟.،؟.،؟.
Author: عبد العزيز محمد عمر
Date: 05-05-2013, 08:33 AM
Parent: #1
Quote: عادى ممكن تحضر حفلة فى الحلة او الحى ويصحوك من الكراسى اول بداية الوصلة
وقوم ياولد امشى بيتكم |
غايتو البينوم دا .. كنا بنربط ليهو كيس نايليون في كراعو .. ونولع فيهو عود كبريت ..
وتعال شوف البكاء .. والكواريك ...
لكن أكان قبضوك ... واطاتك أصبحت ..
عبد العزيز
|
Post: #3
Title: Re: ليكم ياشباب الزمن دا.،؟.،؟.،؟.،؟.
Author: هادى جعفر محمود
Date: 05-05-2013, 09:02 AM
Parent: #2
وكمان مقالب ربط حبال الكراسى البلاستيك فى قاشات الضيوف خاصة ناس الصف الاول
|
Post: #4
Title: Re: ليكم ياشباب الزمن دا.،؟.،؟.،؟.،؟.
Author: هادى جعفر محمود
Date: 05-05-2013, 09:04 AM
Parent: #3
بالبوست دا قلنا نطلع شوية من جو السودان المكهرب دا
حرب/ اغتصاب/حكومة/معارضة/احباطات
|
|