هل نحن جند الله؟

أم أننا نكذب في نشيد العلم؟




... المهم ....

وَمَا جَعَلْنَا أَصْحَابَ النَّارِ إِلاَّ مَلائِكَةً وَمَا جَعَلْنَا عِدَّتَهُمْ إِلاَّ فِتْنَةً لِّلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا وَلا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَذَا مَثَلا كَذَلِكَ يُضِلُّ اللَّهُ مَن يَشَاء وَيَهْدِي مَن يَشَاء وَمَا يَعْلَمُ جُنُودَ رَبِّكَ إِلاَّ هُوَ وَمَا هِيَ إِلاَّ ذِكْرَى لِلْبَشَرِ


هل هو حق ذاتي؟

أن يعلن البشر أنهم جند الله ... فيلتزم الله بإعلان البشر ... فيصير بعض "جنود ربك" معروفين بنشيدهم الوطني؟

أم هو استهزاء بالله وبعلمه بجنوده الذي لا يعلمه إلا هو؟




... المهم ....

ثم ماذا عن جند الوطن الذين ليس لهم علاقة بهذا الله؟

أهم جنده غصبًا عنه وعنهم؟

اعتقد أن الصحيح أننا يمكننا أن نكون جند الخير جند الوطن ... وما يعلم جنود ربك إلاّ هو ...

فندعو الله أن يحسبنا في جنده ... ولا نقول على الله ما لم ينزل به سلطانًا .. أو نقول على الله ما لا نعلم ...

له جنود السموات والأرض وهو السميع العليم ...





... المهم ....

النشيد كله على بعضه أهبل ..

دا منو الدلاهة الألف النشيد دا ؟

أحسن منو المحفوظات الساذجة الكانوا بيحفظونا ليها فى الإبتدائي .

فلنعد لعلم الاستقلال ونشيده :)

هذا النشيد يتبع لقوة دفاع السودان قبل الإستقلال ... كان يستخدم للمارشات مع مقطوعات محلية أخرى ..








... المهم ....

ذكر لى كابتن كمال تنقو ( فريق النيل ومنتخب الشباب فى الثمانينيات )
ان بعض اللاعبين فى منتخب الشباب
كانوا يقولون نشترى الميتة باغلى ثمن ـ
ـ بدلا عن نشترى المجدا باغلى ثمن
ــــــــــــــــــــ
وهنا نحن نشترى الميتة باغلى الاثمان
وصدقت رؤية لاعبى منتخب الشباب
ولا كـــــــيف






قاسم المهداوى

يا بني السودان .. هذا رمزكم ...

يحمل العلبة ... ويحمي ارضكم ...







... المهم ....

نحن جند الله جند الوطن
إن دعا داعي الفداء لم نهن
نتحدى الموت عند المحن
نشتري المجد بأغلى ثمن
يا بني السودان هذا رمزكم
يحمل العبء ويحمي أرضكم

عزيزي تبارك ومن أيده
السلام عليكم

ما أظن في عيب في النشيد،
العيب في البشر

إن كان في عيب ليس إلى تلك الدرجة،
ويظل خلافاً أدبيا فكرياً،،،

كن جميلاً تر الوجود جميلاً

يعنى شنو ( هذا رمزكم ، يحمل العبء ويحمي أرضكم ) ؟!

كيف يعنى ؟

والله يا آمنة سبقتنيني ..

العلم ده محملنو فوق طاقتو ..ثم ليه يكون اسمه نشيد العلم ..ليه ما يكون النشيد الوطني ..يعني العلم رمز براهو والنشيد الوطني مفروض يعبر عن حب الوطن ما يكون تمجيد للعلم ذاتو ..

ما اظن غيرنا وغير اليمنيين في بلد بستخدم مسمى نشيد العلم ..

Quote: دا منو الدلاهة الألف النشيد دا ؟

(الدلاهة) دا يا استاذة آمنة هو أحمد محمد صالح
الذي ورد في موقع معجم البابطين لشعراء العربية عنه الآتي:

Quote: شعره قوي الأسر، رصين العبارة، صادق العاطفة. كان عندما ينشد إحدى قصائده يحتفل بها كل السودان، وقصيدته في دمشق تعد في ميزان واحد مع قصيدة شوقي في دمشق. قال عنه الشاعر الكبير عبدالله محمد عمر البنا: «هو أشعر شعراء السودان» فلما سئل: من تكون أنت؟ قال: إنني شاعر، في كل لحظة يطرق الشعر بابي، ولكن أحمد هو الذي يوقظ الشعر فيخدمه!! أطلق عليه معاصروه من كبار الشعراء: الأستاذ الشاعر

يمكن الإطلاع على ما ورد في الموقع هنا

والقصيدة لم تؤلَّف لتكون نشيدًا للعلم, بل شارك بها الشاعر في مسابقة تشيد بقوة دفاع السودان, اعتقد من هنا جاءت (جند الوطن)
و اختيرت الأبيات الأولى منها لتكون نشيدًا للعلم عند الإستقلال

المعلومة من ويكبيديا
_________________________

شكرا قوقل

ما ياهو دا انت اسمك تبارك .. فى زول سألك ؟؟؟ !!!!

Quote: أم أننا نكذب في نشيد العلم؟

تقصد (السلام الجمهوري) ...... نميري عمل ليكم غسيل مخ وبقى بقدرة قادر إسمو نشيد العلم.

Quote: يعنى شنو ( هذا رمزكم ، يحمل العبء ويحمي أرضكم ) ؟!

النشيد أصلاً كان (نشيد الجيش السوداني)، أو كما كان يسمى (قوة دفاع السودان).
بعد اختيارة ووضع اللحن له، تم تغيير عبارة (هذا جيشكم) بعبارة (هذا رمزكم).

كثيرين إنتقدوا هذا السلام ..... لكن يجب الإعتراف بأننا نرتبط به وجدانياً.

Quote: والقصيدة لم تؤلَّف لتكون نشيدًا للعلم, بل شارك بها الشاعر في مسابقة تشيد بقوة دفاع السودان

كدة معقولة يا ود البشرى ..


لانو فعلا النشيد شوية جاف ..بفتقد للرابط العاطفي البخليك تبكي وانت بتسمعوا فيهو ..

ده غير انو معظمنا كنا بنغلط في كلماتو ونحن صغار

أنا لزمن طويل كنت بقول فليعي سوداننا عالما بين الامم ..

لن يعرف عظمة هذا النشيد من لم يدخل إستاد الهلال او المريخ أو إستاد الخرطوم لمتابعة مباراة للهلال أو المريخ أو المنتخب..

أنا بحب النشيد ده شديد ..http://www.youtube.com/watch?v=0YFI8TmtxMw

ده باقيه

نحن أسود الغاب أبناء الحروب لا نهاب الموت أو نخشى الخطوب
نحفظ السودان في هذي القلوب نفتديه من شمال أو جنوب

بالكفاح المُرُّ والعزم المتين وقلوب من حديد لا تلين
نهزم الشرَّ ونجلي الغاصبين كنسورٍ الجوِّ أو أُسْد العرين

ندفعُ الرّدَى نصدُّ من عدا
نردُّ من ظلم ونحمي العلم


حتى يفهم الناس لماذا سمي نشيد العلم وماذا يعني هذا رمزكم

Quote: حتى يفهم الناس لماذا سمي نشيد العلم وماذا يعني هذا رمزكم

لا يا وليد .....
طول عمره كان إسمو (السلام الجمهوري)
حتى جاء نميري في أحد خطاباته الهتافية قال ما عارف شنو كده (أحمل الراية أو أموت دونها) .. ناس إذاعة أمدرمان أخدوا الجملة دي، وبقوا يجيبوها كل يوم الصباح الساعة 7:45 (قبل طابور الصباح بتاع المدارس).... يجي طفل بعدها يقول: نشييييد العلم، ويُعزف السلام الجمهوري.

الشئ المتأكد منو، إنو قبل السُنّة العملتها الإذاعة دي كان إسمو السلام الجمهوري (National Anthem).

Quote: نردُّ من ظلم ونحمي العلم

يعني يسمو النشيد على مقطع محذوف ده كلام ده يا وليد ..وبس ليه التلتيق ده وتغيير نشيد كان للجيش ..,في بلد ما فيها اكتر من الشعراء ..

Quote: حتى يفهم الناس لماذا سمي نشيد العلم وماذا يعني هذا رمزكم

بحسب كلام ابو الريش هذا رمزكم كانت في الاصل هذا جيشكم ..ود منطقي بدلالة البيت البعدوا يحمل العبء ويحمي ارضكم ..وده فعلا بعملوا الجيش ..ما العلم

بعدين لو المقطع ده ما انحذف كان حيتناقض شديد مع

Quote: ونحمي العلم

.

يعني كيف هو بحمل العبء ويحمى أرضنا أي العلم ــ وبعدين يجي الجيش ويحميه..

الجيش رمز حماية ..العلم رمز وجود وكينونة بلد..

كم تمنيت أن يكون السلام الجمهوري أو نشيد العلم :
هييي هييييي جووة ..نااادو لي ناس برة ..
وهييي هييي برة ..نااادو لي ناس جووووة ..
الجوووة يطلع برة ..والبرة يدخل جوووة..
وهييي هييييي جوووة ..نادو لي ناس برة..

Quote: كم تمنيت أن يكون السلام الجمهوري أو نشيد العلم : هييي هييييي جووة ..نااادو لي ناس برة .. وهييي هييي برة ..نااادو لي ناس جووووة .. الجوووة يطلع برة ..والبرة يدخل جوووة.. وهييي هييييي جوووة ..نادو لي ناس برة..

ده الكلام المظبوط الله يجازيك يا ابو النسب

يا بركة نسيت اسلم عليك ..ازيك وكيفنك ..

وبالرجوع لسؤالك هل نحن جند الله ..؟ فديل ما نحن ..ديل طلعوا ناس الديش


فيا سودان معليش ..

Quote: كم تمنيت أن يكون السلام الجمهوري أو نشيد العلم : هييي هييييي جووة ..نااادو لي ناس برة .. وهييي هييي برة ..نااادو لي ناس جووووة .. الجوووة يطلع برة ..والبرة يدخل جوووة.. وهييي هييييي جوووة ..نادو لي ناس برة..

الله يجاؤى محنك يا عمر الفاروق

صديقنا عاطف حسن كان بقترح (المسافة) لمصطفى سيد احمد تكون هي نشيد العلم

يا سلااام ياخ .. دقيقة عليكم الله ال نسلم على ساطور ده..
إزييك يا زول يا راقي..ووييين الحي بييك .. والله الرياض مفتقداك وكذلك سوق الخضار فرع أم الحمام :) :) :)

و الله يا تبارك بعد الآية الفيها انو "لا يعلم جنود ربك الا هو" يبقى تغيير النشيد ده واجب شرعي قبل أن يكون واجبا وطنيا.
معقولة الناس دي تقعد تتلصق ساي كده و تفرض نفسها فرض!

(جند الله ) زى ( حزب الله ) زى ( شعب الله المختار ) .

تدخل فى خصوصيات ربناوخياراته ...:)

سؤال فني:
إنتو الطراكم النشيد ده شنو الليلة ؟؟ ما تراو قاااعد مننننن السبعينات ولا هو سنة كم ؟
شن جدّ في المخدّة ؟؟

سلام
ارجوا من تبارك ان يستصحب معه اقوال المفسيربن للقران الكريم قبل ان يخوض في (جنود ربك) لعوامل اللغة و غيرها ؟؟؟
للذين لمحوا لركاكة كلامات النشيد فانظروا للنشيد المصرى :

Quote: بلادي بــلادي بلادي لــك حبـي وفــؤادي بلادي بــلادي بلادي لــك حبـي وفــؤادي مصـر يا أم البلاد انـت غايتي والمراد وعلى كل العبــاد كم لنيلك من أيـادي بلادي بــلادي بلادي لــك حبـي وفــؤادي بلادي بــلادي بلادي لــك حبـي وفــؤادي

والاماراتي

Quote: عيشي بلادي عاش اتحاد إماراتنا عشت لشعب دينه الإسلام هديه القرآن حصنتك باسم الله يا وطن بلادي بلادي بلادي بلادي حماك الإله شرور الزمان أقسمنا أن نبني نعمل نعمل نخلص نعمل نخلص مهما عشنا نخلص نخلص دام الأمان وعاش العلم يا إماراتنا رمزالعروبة كلنا نفديكِ بالدما نرويكِ نفديك بالأرواح يا وطن

و الامريكي(مترجم)

Quote: قل أيمكنك أن ترى مع ضوء الفجر المبكر ما أشدنا به بفخر مع آخر لمعات الشفق، ذي التقليمات الواسعة و النجوم الساطعة، خلال المعركة المحفوفة بالمخاطر و فوق الأسوار شاهدناه يرفرف ببسالة ووهج الصواريخ 'الأحمر ، وانفجار القنابل في الهواء دلّ خلال الليل أن علمنا كان لا يزال موجوداً ؛ قل ألا تزال هذه الراية الموشحة بالنجوم ترفرف على أرض الأحرار و موطن الشجعان؟

!!!!

Quote: شن جدّ في المخدّة ؟؟

التنجيد ...

(الكيس ما جديد ولا حاجة)

ليه ما يكون عندنا نشيد وطني زي دا:



يطرح نموذج مواطن يرتقي بقيمته كإنسان ... نموذج فيه مساحة للكبير والصغير والمهضوم والمقصي والمضطهد .. نموذج يشبهنا ...

بدل نموذج العسكري سمسار الأراضي البيشتري الميتة ويترك عبء حماية الوطن لى رمز حيك من خرقة ...

(والتحايا للجميع ... خصوصًا الخنتيلة داليا حافظ)




... المهم ....

Quote: يعنى شنو ( هذا رمزكم ، يحمل العبء ويحمي أرضكم ) ؟! كيف يعنى ؟

النشبد ما فيه مشكلة لكن يجب تغيير العبارة اعلاه لتصبح (هذا رمزكم ، فأحملوا العبء و احموا ارضكم)

يبدو أن مدثر صديق من جند الله ...

فلا اعتقد أننا يجب أن نحمله عبء حماية الوطن ...






... المهم ....

ده كيف معاك يا تبارك؟

سوداني قدوقانجي ...

داوودي وصّلويا ...



سوداني اسمراني ..

بى حنانو احتواني ...

النشيد الوطني لقرون في النيل الازرق ودولة سنار وقبلها دولة الفونج ...

(بتصرف من الموسيقار الدكتور عاصم الطيب قرشي)





... المهم ....

1فَتَقَوَّ أَنْتَ يَا ابْنِي بِالنِّعْمَةِ الَّتِي فِي الْمَسِيحِ يَسُوعَ. 2وَمَا سَمِعْتَهُ مِنِّي بِشُهُودٍ كَثِيرِينَ، أَوْدِعْهُ أُنَاساً أُمَنَاءَ، يَكُونُونَ أَكْفَاءً أَنْ يُعَلِّمُوا آخَرِينَ أَيْضاً. 3فَاشْتَرِكْ أَنْتَ فِي احْتِمَالِ الْمَشَقَّاتِ كَجُنْدِيٍّ صَالِحٍ لِيَسُوعَ الْمَسِيحِ.

نرحب بالمواطن السوداني من جند يسوع المسيح ... جند الوطن ...







... المهم ....

Quote: أم هو استهزاء بالله وبعلمه بجنوده الذي لا يعلمه إلا هو؟

عين الاستهزاء يا تبارك....

Quote: يا تبارك يا أخي ما في داعي للتعسف ده! كده شوف النشيد الامريكي وورينا علاقة الامريكان الباسيفيست شنو بالصواريخ البتطاقش بالالوان في السماء دي؟

هي هي هي هي هي

العلاقة انهم ما جُند الله

القصيدة كتبت في حرب التحرير (Revolutionary War) ضد المستعمر البريطاني ... وفيها توحد اشتات من الأمة الأمريكية لتحارب تحت علم الإستقلال (بعكس قوة دفاع السودان التي قتلت على عبداللطيف) ... كونت امريكا اتحادًا من تسعة ولايات تحكم فيدراليًا بنظام حكم علماني ديموقراطي بعد هذه المعركة المذكورة في القصيدة ... فرفع العلم في "الشفق" في تلك المعركة كان فعليًا هو ميلاد الأمة الأمريكية ...

نحن لدينا قصائد للنضال ضد المستعمر كتبت اثناء النضال ضد المستعمر مثل حبيبي غاب في موضع الجمال بلاقي وفي الفؤاد ترعاه العناية بين ضلوعي الوطن العزيز وعزة في هواك (وهي الأولى من غيرها بأن تكون نشيدًا وطنيًا) وقصائد كتبت لخروج المستعمر مثل يا غريب يللا يللا لى بلدك سوق معاك ولدك ولملم عددك ... كل هذه القصائد ضلت طريقها للنشيد الوطني ولم ننل سوى نشيد العلم لقوة دفاع السودان الإستعمارية الغاشمة ... كيف ولماذا حدث هذا؟

لأن النشيد يحمل ذلك الإدعاء الكذوب ... بأننا "نحن جند الله" والعياذ بالله ...






... المهم ....