Quote: كيف تحكم يا اخي الكريم جرائم ارتكبت بدم بارد ضد الاطفال والنساء والشيوخ
دا وين يا ود الباوقة في جبال النوبة ؟ ولا دارفور؟ ولا النيل الازرق؟ مافي اي اخبار سارة بتفرحنا غير ازالة الحكومة الظالمة دي لانها سبب كل المشاكل الحاصله علينا . تصبح علي خير بتوقيتنا المحلي.........
Post: #13 Title: Re: غدا اخبار سارة جدا تشرح الصدور ..... Author: جمال خضر Date: 05-03-2013, 08:30 PM Parent: #9
منذ مقدم حكومتكم فى ليل الثلاثين من يونيو المشؤوم وهم يُبشروننا بالأخبار
السارة التى لم نراها الى هذه اللحظة قالوا لنا فى بداياتهم أننا سنأكل
مما نزرع ونلبس مما نصنع فأغلقت مصانع النسيج عن آخرها ولفظت الزراعة أنفاسها
الأخيرة وشُيع مشروع الجزيرة الى مثواه الأخير .
بشرونا بأن هنالك بترول أُكتشف وأنهم يصدرونه فحلمنا بإنعكاس ذلك على حياتنا
لكن حصدنا السراب فقد بُددت أموال البترول فيما لا يفيد ولا ينفع .
بشرونا أنه بإنتهاء تشييد خزان الحامداب سنكتفى من الكهرباء ونصدر الفائض الى
دول الجوار وستُشق الترع والقنوات التى ستسهم إسهام كبير فى النهوض بقطاع الزراعة
ووعد البشير بنخفيض رسوم الكهرباء وحلم الناس بالإستقرار الإقتصادى ولكن هيهات فقد
إكتشف أهل السودان أن السد ماسورة كبيرة .
وهكذا ظللنا نسمع الجعجعة طوال 24 عاما ولكن لم نر لهم طحنا للشعب السودانى
فكل الطحين إستأثر به الأقوياء الأمناء ذو الأيدى المتوضئة .
Post: #16 Title: Re: غدا اخبار سارة جدا تشرح الصدور ..... Author: مهدي صلاح Date: 05-03-2013, 08:53 PM Parent: #14
مؤيدو النظام الحاكم ما حيستبينوا الكارثة التي قاد المؤتمر الوطني اليها السودان الا لما الامور تجوط اكتر من كدة سنوات من الحروب والقتل وتقسيم البلد والتدهور في كل المجالات وبعد دا كلو لسه في عالم بتتطبل للحكومة
Post: #15 Title: Re: غدا اخبار سارة جدا تشرح الصدور ..... Author: جمال خضر Date: 05-03-2013, 08:51 PM Parent: #13
Quote: اخي جمال . كيف تحكم يا اخي الكريم جرائم ارتكبت بدم بارد ضد الاطفال والنساء والشيوخ
ود الباوقة ناسكم ديل ما عندهم أى مصداقية حتى نصدق ما يدلون به من أقوال
والله سبحانه وتعالى عرفوه بالعقل فقد ذكر إعلامكم أن قوات الجبهة الثورية قد
إقتحمت خلاوى القرآن فيا ترى ما الهدف من ذلك ؟ هل كرها فى الإسلام مثلا؟ هل
يريدون أن يستعدوا المواطنين ويُألبونهم ضد الجبهة الثورية مثلا ؟
ولا أولئك الناس لا عقول لهم لذلك يصفون الأطفال والنساء والشيوخ فقط من أجل
المتعة ؟ ود الباوقة خلى عندك بعض الموضوعية والمعقولية فيما تطرح فلا يُعقل
أن تسلم قلبك و عقلك لكل ما يُقال من أمثال نافع وعصابته وكأنه قرآن منزل.
هنالك ظُلم كبير حاق بالكثير من مناطق السودان من قبل نظام الإنقاذ الغاشم
والمستبد والأجدى والأنفع أن يرعوى أهل الإنقاذ ويحاولوا إزالة المظالم حتى
ينجلى الإحتقان الحاصل الآن وتعود المياه الى مجاريها ويعود السلام والطمأنينة
الى كافة ربوع السودان فالحرب لن تحل أى مشكلة بل ستسفك المزيد والمزيد من
دماء أهل السودان .
نسأل الله لك الهداية أخى ود الباوقة.
Post: #18 Title: Re: غدا اخبار سارة جدا تشرح الصدور ..... Author: حسين عبد المجيد Date: 05-03-2013, 08:55 PM Parent: #15
خبرك دا تحرير ابو كشولا
على فكرة ابو كشولا مازالت تحت قبضة الجبهة الثورية
Post: #19 Title: Re: غدا اخبار سارة جدا تشرح الصدور ..... Author: جمال خضر Date: 05-03-2013, 09:01 PM Parent: #15
تعال نحكي ليك النكتة دي: قالوا لما سئ الذكر جعفر نميري طبع صورتو في جنيهنا المسكين ..... مرة كان راكب في طيارة .... مسك ليهو (خُمشة) جنيهات وقال للجنبو: تتخيل ممكن تسعد كم واحد من الشعب السوداني، لو رميت الخُمشة دي من الشُبّاك؟ صاحبو قال ليهو: يا ريس أنا متأكد لو تلبت إنت من الشُبّاك .... حتسعد الشعب السوداني كلّو.
Post: #17 Title: Re: غدا اخبار سارة جدا تشرح الصدور ..... Author: كمال سالم Date: 05-03-2013, 08:54 PM Parent: #13
تنويه :
نحن هنا جميعا نتناول الشأن السودانى من منطلق الهم الوطنى . أما ود الباوقه ومن لف لفه فهم هنا موظفين مأجورين لهم دوام رسمى مدفوع الأجر يتناوبون فيه لبث أكاذيب وسموم المؤتمر الوطنى . أرجو الإنتباه .
Post: #21 Title: Re: غدا اخبار سارة جدا تشرح الصدور ..... Author: Dr. Ahmed Amin Date: 05-03-2013, 09:08 PM Parent: #17
يا جمــاعة ود الباوقة بقصد كلام د. نافع أدناه ...
Quote: قطع مساعد الرئيس نافع علي نافع، بكسر شوكة التمرد في جنوب كردفان وتطهير كافة المناطق التي دنسها في فترة أقصاها يوم غدٍ السبت ، وقال نافع لدى مخاطبته ختام فعاليات المهرجان الثقافي السياحي الثالث ، ان القوات المسلحة والمجاهدون سيروا خمس كتائب لمناطق العمليات، وكشف نافع أن عبد العزيز الحلو أصيب اصابة بالغة في الأحداث الأخيرة أقعدت به عن الظهور والحديث.
Post: #22 Title: Re: غدا اخبار سارة جدا تشرح الصدور ..... Author: جمال خضر Date: 05-03-2013, 09:16 PM Parent: #17
بسياسات أهل الإنقاذ الرعناء وإستخدامهم لغة الجهاد وما ترتب على ذلك من
خزعبلات قتال الملائكة الى صفهم والمسك الذى يُشتم من الدماء والقرود التى
الحر والتكبير والتهليل من قبل الأشجار الى غيرها من أكاذيب أثناء الحرب ضد
أهلنا فى الجنوب كانت تجد من يصدقها ويطبل لها حتى تسببوا فى بتر ثلث
السودان وما زالوا مستمرين فى نفس النهج مما أدى الى تسميم الأجواء وازدياد
النعرات العنصرية والجهوية والتى ستقود الى ما لا يُحمد عقباه من تشرذم
وتفتت وانقسامات وحروبات لا تبقى ولا تذر لذا يجب علينا التصدى لمثل تلك
المحاولات حتى نجنب وطننا الحبيب الذى يسع الجميع المزيد من الويلات .
قالها الطيب صالح طيب الله ثراه من أين أتى هؤلاء ؟
Post: #23 Title: Re: غدا اخبار سارة جدا تشرح الصدور ..... Author: Dr. Ahmed Amin Date: 05-03-2013, 09:37 PM Parent: #22
وهذه تصريحات القائد عبدالعزيز الحلو ...
Quote: (حريات) قال القائد عبد العزيز آدم الحلو رئيس القيادة العسكرية المشتركة للجبهة الثورية ان قواتهم ستقوم بتكثيف عملياتها العسكرية ومهاجمة مقرات مركز السلطة . وأضاف في حوار مع (سودان راديو سيرفس) أمس ، ان هجماتهم الأخيرة على مناطق ابوكرشولا، السميح ، الله كريم وأم روابة كانت رداً على الهجمات التى شنتها القوات الحكومية على مواقعهم تزامناً مع بداية المفاوضات فى اديس أبابا . ودحض الحلو مزاعم حكومة المؤتمر الوطني القائلة بان الإنتصارت العسكرية الأخيرة لقوات الجبهة الثورية تمت بدعم خارجي ( هذه الاتهامات محاولة من المؤتمر الوطني لصرف انظار المجتمع السوداني عن القضايا الحقيقية التى ولّدت وستولد المزيد من الحروب). وقال بان التغيير الحقيقي في البلاد لن يحدث وحكومة المؤتمر الوطني في السلطة ( لن يكون هنالك تغيير ، ولن يكون هناك سودان جديد ما لم تتوفر العدالة والحرية ولن تكون هناك مساواة واحترام للآخر إلا بوصول قواتنا إلى هناك ، إلى مقرات عبد الرحيم محمد حسين وعمر البشير رئيس المؤتمر الوطني الظالم). وقال ان إنفراد المؤتمر الوطني بالحكم والسياسات الإقصائية التي يطبقها ، إضافة إلى إنتهاجه لسياسة العنف في مواجهة قضايا الهامش ، سيؤدي كل هذا إلى إندلاع المزيد من المعارك في البلاد ( هم نسوا كل البلاد وهمشوا كل السودان وكل السودانيين ، و غدا ستشب هذه النار وستندلع المعركة في الجزيرة وشندي حتى الحاج يوسف وأم بدة ضد الزبانية والمجرمين وسدنة المجرم عمر البشير وأعوانه) . وحول التصعيد العسكري الأخير واثره على مسار مفاوضات أديس أبابا ، قال الحلو ( مفاوضات أديس ابابا إنهارت حتى قبل عملية ابوكرشولا وام روابة وغيرها ، نحن متمسكون بالقرار 2046 الصادر من مجلس الامن الدولى لأنه يمثل الأساس، ولكن المؤتمر الوطني هو الذى يرفض الالتزام بالقرار كأساس للتفاوض ، والقرار 2046 يتحدث عن الاتفاق الاطاري، والذى يتناول القضايا القومية كاملة وينادى بقومية الحل وشموليته ولا ينادي بتجزئة الحلول). وحول شائعة مقتله التي سربتها أجهزة المؤتمر الأمنية ، قال القائد الحلو ( هذا ليس بجديد على المؤتمر الوطني ، نحن ننظر لهذه الشائعة من باب التمنيات المريضة). وأضاف ( أستشهد من قبل الدكتور جون قرنق والقضية مازالت حية ، واستشهد الرفيق يوسف كوة والقضية مازالت حية واستشهد الدكتور خليل ابراهيم والقضية مازالت حية واستشهد عبد الله ابكر والقضية لا تزال حية واستشهد آدم بازوقه والقضية ايضا لازالت حية). وقال عبد العزيز الحلو ان موت الأشخاص لا ينهي القضية لأن القضايا العدالة لا تنتهي بموت الأشخاص ( ان جذور المشكلة لم تحل ، الحرب مازالت قائمة لأن قضايا التهميش السياسي والاقتصادي والثقافي والاجتماعي والديني بالبلاد لا تزال قائمة) .
والله يستر على المواطن السوداني (المغلوب على أمره) ...
___________________________________________ *** والله يا ود الباوقة أنا خايف التاريخ الحددته ب (غدا) تلقى مقاتلي الفجر الجديد جـــوه الخرطوم ****
Post: #27 Title: Re: غدا اخبار سارة جدا تشرح الصدور ..... Author: ود الباوقة Date: 05-04-2013, 05:43 AM Parent: #25
Quote: ود الباوقة...المشكلة إنك إنت رجل ساذج وقليل المعرفة ومحدود الأفق ...وتفترض -بغباء- أن الآخرين مثلك تماماً في السذاجة وقلة المعرفة ومحدودية والأفق.
النكرة عادل علي
وانت رجل ########
تعرف ######## يعني شنو
Post: #28 Title: Re: غدا اخبار سارة جدا تشرح الصدور ..... Author: saadeldin abdelrahman Date: 05-04-2013, 06:09 AM Parent: #27
بكره الركوب مجان
Post: #29 Title: Re: غدا اخبار سارة جدا تشرح الصدور ..... Author: ود الباوقة Date: 05-04-2013, 06:13 AM Parent: #27
الكلمة المكردنة في حق النكرة عادل علي
ج ب ا ن
Post: #30 Title: Re: غدا اخبار سارة جدا تشرح الصدور ..... Author: Deng Date: 05-04-2013, 06:14 AM Parent: #27
فعلا أنها أخبار الكيزان "السارة" للناس، لأن المواطن لم يرى من هذا النظام الفاشي إلا الدمار والخراب والقتل. ويجب أن تعلم أيها المطبلاتي الصغير أن ما يبشر به ولي نعمتك المجرم نافع علي نافع اليوم، سوف يتزوق من كأسه هو شخصيا وقريبا.
Post: #31 Title: Re: غدا اخبار سارة جدا تشرح الصدور ..... Author: ود الباوقة Date: 05-04-2013, 06:17 AM Parent: #30
Quote: فعلا أنها أخبار الكيزان "السارة" للناس، لأن المواطن لم يرى من هذا النظام الفاشي إلا الدمار والخراب والقتل. ويجب أن تعلم أيها المطبلاتي الصغير أن ما يبشر به ولي نعمتك المجرم نافع علي نافع اليوم، سوف يتزوق من كأسه هو شخصيا وقريبا.
الزغلباني دينق
متى ستاتي مع الثورية
وتبطل اكل المطايب في امريكا
Post: #32 Title: Re: غدا اخبار سارة جدا تشرح الصدور ..... Author: ود الباوقة Date: 05-04-2013, 06:21 AM Parent: #31
( الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل )
صدق الله العظيم
Post: #33 Title: Re: غدا اخبار سارة جدا تشرح الصدور ..... Author: جمال خضر Date: 05-04-2013, 07:37 AM Parent: #30
Quote: المرة دي بالجد تصبحون علي خير... بكرة العيد
والخوف كل الخوف من أعيادكم التى تبتدعونها من حين لآخر لإلهاء وشغل الناس عن آلامهم
بعد أن قبرتم أحلامهم , والمتوقع أن تجعلوا من إستعادة أى قرية أو مدينة موضوع الساعة
## تعرف الخبر الوحيد السار المُمكن يفرح الشعب الفضل ,, لاندكروزر يركب فيها نافع والبشير ومعاهم بكرى ويكون سايقا اللمبى وكمساريها يكون المتعافن ,, ويكون الجماعه منفسين الباكم بتاع الفرامل وماشا بسرعة 180 فى إى طريق خارجى ويلحقو الجماعه الرصو ليهم بنك قبل كدا ,, وحنحتسبم شــــهــــداء ,, عشان يحصلو الحـــور العِين ##
اما كفاكم ما سال من دماء يا ودالباوقة اى عدد من الاطنان من الدماء يروى عطشكم للدماء
Post: #39 Title: Re: غدا اخبار سارة جدا تشرح الصدور ..... Author: جمال خضر Date: 05-04-2013, 10:47 PM Parent: #38
ود الباوقة
أرجو الإتصال ب نافع على نافع وشوف منو الحكاية شنو يمكن الراجل نسى
ما ممكن تخلى الناس مشرورة كده فى البوست لا حس ولا خبر .
Post: #41 Title: Re: غدا اخبار سارة جدا تشرح الصدور ..... Author: امين علي الشيخ Date: 05-05-2013, 00:34 AM Parent: #39
والله يا ود الباوقة أنا خائف أخبار نافع السعيدة تكون اغتيال سلطان دينكا نقوق في ابيي ربنا يرحمه ويقتص من من غدر به. اصله دي الأخبار البتسعد ذي ناس نافع ديل ربنا يحفظ السودان وأهل السودان من أخبار نافع السعيدة
Post: #42 Title: Re: غدا اخبار سارة جدا تشرح الصدور ..... Author: Nagat Sid Ahmed Elshiekh Date: 05-05-2013, 02:53 AM Parent: #41
دا اليوم التاني ومافي اي خبر لود الباوقة ولا نافع ذاتو !!! تاني تصبح علي اخبارك الما سارة يا ود الباوقة.... الخبر طرشق شكلو ذي ما الحكومة مطرشقة ومنفسه من زمان.
Post: #43 Title: Re: غدا اخبار سارة جدا تشرح الصدور ..... Author: جمال خضر Date: 05-05-2013, 08:49 AM Parent: #42
أخى ود الباوقة
قمت بإستئجار عدد عشرة صيوانات وساوند سيستم أمس وقمت بنقل عدد 2900 شخص من
زوار البوست بإستخدام الحافلات وتم توفير ثلاث وجبات لكل أولئك الأشخاص
بالإضافة الى مياه الشرب والمشروبات الباردة والساخنة
وقمت أيضا بإحضار عدد من فنانى الحماسة فألهبوا حماس الناس بالأغنيات التى
تُمجد الحرب وتشعللها مثل دخلوها وصقيره حام وقد قام ضيوفك بالحت بصورة فاقت
الوصف وقد أحضرت عدد من المهللاتية والمكبراتية بشئ وشويات وما زال الصرف
على أشده فى إنتظار مقدمكم الميمون لتفرحونا بالخبر السار الذى سيشرح الصدور
Post: #44 Title: Re: غدا اخبار سارة جدا تشرح الصدور ..... Author: جمال خضر Date: 05-05-2013, 07:28 PM Parent: #43
ما زالت الجموع تتقاطر مترقبة الكلمة التى سيلقيها على مسامعنا
الأخ ود الباوقة مبشرا إيانا بما يسر خواطرنا .
Post: #45 Title: Re: غدا اخبار سارة جدا تشرح الصدور ..... Author: جمال خضر Date: 05-05-2013, 08:23 PM Parent: #44
الأخ ودالباوقة
الليل أليل وادلهم الظلام وكشر البرد عن أنيابه لذا فقد أحضرنا
مائة دستة من البطاطين ومائة أخرى من اللحافات وكمية
معتبرة من المعاجين وفرش الأسنان لأن الموضوع الظاهر فيه
مبيت وكده وسأقوم بدفع النفقات الى صباح الغد فأرجو
أن تعجل لى بالشيكات حتى أستطيع الإستمرار فى تقديم
الخدمات لضيوفك أما إذا لم تسلمنى الشيك فسأقوم بإحتلال
البوست والسيطرة عليه تماما ونقل ملكيته الى ومن ثم سأقوم
ببيعه بالمزاد العلنى حتى أُغطى الخسائر الفادحة التى تكبدتها
فى إنتظار وصول سعادتكم وقد أُعذر من أُنذر.
Post: #46 Title: Re: غدا اخبار سارة جدا تشرح الصدور ..... Author: جمال خضر Date: 05-05-2013, 09:37 PM Parent: #45
خلد الجميع للنوم بعد تناولهم
عشاء خفيف مكون من الشعيرية
والرز باللبن
وأتمنى ود الباوقة ومع مطلع الفجر يبر بوعده
ويُفرح هؤلاء الناس بخبره السعيد
الذى طال إنتظاره
Post: #47 Title: Re: غدا اخبار سارة جدا تشرح الصدور ..... Author: جمال خضر Date: 05-05-2013, 10:10 PM Parent: #46
بعد أن بلغ منى التعب منتهاه نتيجة للرفع المتواصل للبوست
وأمسك النعاس بتلابيبى فسأدخل الى مخدعى وأُسلم نفسى لسلطان
النوم على أمل أن يأتينا ود الباوقة صباحا بالخبر اليقين
الذى يشرح صدورنا.
Post: #48 Title: Re: غدا اخبار سارة جدا تشرح الصدور ..... Author: ود الباوقة Date: 05-06-2013, 05:39 AM Parent: #47
Post: #49 Title: Re: غدا اخبار سارة جدا تشرح الصدور ..... Author: ود الباوقة Date: 05-06-2013, 05:43 AM Parent: #48
Post: #50 Title: Re: غدا اخبار سارة جدا تشرح الصدور ..... Author: ود الباوقة Date: 05-06-2013, 05:59 AM Parent: #49
اخي جمال
قد يتاخر الخبر السار ليوم او ليومين لترتيبات معينة
ولكن في نهاية المطاف
النتيجة فتاكة
وشكرا
Post: #51 Title: Re: غدا اخبار سارة جدا تشرح الصدور ..... Author: جمال خضر Date: 05-06-2013, 06:47 AM Parent: #50
أصبح الصبح
وتناول الجميع شاى الصباح
وكانت اللقيمات حاضرة بقوة
وأبت التمور إلا وأن تنال شرف
أن تكون ضيفا خفيفا على معدة الجموع الهادرة
وهم جاهزين موية ونور
لإستقبالكم حتى تبشروهم فى هذا الصباح بالبشريات السارة
وقد إستجلبنا عدد إضافى
من المهللاتية والمكبراتية
وقد طرقوا حناجرهم وسنوا ألسنتهم
إستعدادا وتأهبا لتشغيلها عند سماع الأخبار السارة.
Post: #52 Title: Re: غدا اخبار سارة جدا تشرح الصدور ..... Author: ود الباوقة Date: 05-06-2013, 06:50 AM Parent: #51
لا تستعجل يا اخي جمال
كله بقدر
اركز
Post: #53 Title: Re: غدا اخبار سارة جدا تشرح الصدور ..... Author: ود الباوقة Date: 05-06-2013, 06:53 AM Parent: #52
جمال هاك اتصبر بي دي لحدي ما نجيبك ليك النجيضة
شايف جقلبتك ازدادت
Post: #54 Title: Re: غدا اخبار سارة جدا تشرح الصدور ..... Author: جمال خضر Date: 05-06-2013, 07:08 AM Parent: #51
Quote: شن اتحاد مزارعي ولاية القضارف هجوماً حاداً على وزارة الزراعة الاتحادية وحملها مسئولية تدني إنتاجية الزراعة المطرية التي وصفها باليتيمة ،وشكا من جملة إشكاليات تواجه الإنتاج الزراعي بالولاية أجملها في ارتفاع التكلفة الربحية للتمويل الزراعي، وقصر فترة سدادها بالإضافة لتدني إنتاجية الفدان. وكشف الأمين المالي للاتحاد حمزة عبد القادر عبد المحسن (للوطن) أمس عن تهديدات محتملة تواجه الموسم الزراعي القادم بسبب شح وندرة مبيدات الحشائش، ورأى إن الموجود منها في شركات الخدمات الزراعية غير كافٍ لمقابلة الموسم ،في الوقت الذي شدد فيه على ضرورة إجراء فحوصات دقيقة للمبيدات الواردة، وبصفة خاصة بعد دخول مبيدات فاسدة حتى لا يتضرر المزارعين
اخي جمال
قد يتاخر الخبر السار ليوم او ليومين لترتيبات معينة
ولكن في نهاية المطاف
النتيجة فتاكة
وشكرا
الأخ ود الباوقة
لك التحية
من خلال الشكوى المرة لمزارعى ولاية القضارف فى المقتبس أعلاه من نقص مبيدات الحشائش وطبعا الخريف على الأبواب والقضارف
بها ما لا يقل عن ثمانية مليون فدان وما ذكرته أنت فى مقتبسك أن خبرك السار قد يتأخر يوم يومين إلا أن نتائجه فتاكة فقد إستنتجت أن
حكومتكم قد رصدت ميزانية معتبرة لإستيراد المبيدات وقد وصلت الدفعة الأولى الى بورتسودان وستتوالى الشحنات تباعا فإذا كان
هذا هو الخبر فهو فعلا سار ومفرح جدا لأنه سيدعم ويعزز الإنتاج الزراعى والنتاج سيكون خير عميم ينهض بالمزارع والمواطن وينعش
الخزينة بعوائد الصادر فيا بشرانا إن كان ما توقعته صحيحا .
Post: #55 Title: Re: غدا اخبار سارة جدا تشرح الصدور ..... Author: جمال خضر Date: 05-06-2013, 07:21 AM Parent: #54
Quote: جمال هاك اتصبر بي دي لحدي ما نجيبك ليك النجيضة
لا للحرب لا لسفك الدم فقد ظللنا نتحارب منذ الإستقلال وحصادنا كان مرا بطعم العلقم . كتب :جمال خضر
الاخ جمال خضر تحية طيبة لك ولصاحب البوست
اتفق معك تماما في طرحك
مع تقديري
تيجاني
Post: #62 Title: Re: غدا اخبار سارة جدا تشرح الصدور ..... Author: Alshafea Ibrahim Date: 05-06-2013, 08:11 PM Parent: #61
نرفع البوست ... بكره الركوب مجاني .... عبارة كانت مكتوبة على بص قرية ود سليمان في مدني ... أها يا شيخ عمر غدا لناظره قريب .. نوم العافية ... منتظرين صورتك الخائف عليها مع المجاهدين ووزير البترول والدفاع والصادق محمد علي والزبير طه وآخرين في مناطق العمليات .. الشفيع
Post: #63 Title: Re: غدا اخبار سارة جدا تشرح الصدور ..... Author: جمال خضر Date: 05-06-2013, 09:52 PM Parent: #62
Quote: الاخ جمال خضر تحية طيبة لك ولصاحب البوست
اتفق معك تماما في طرحك
مع تقديري
تيجاني
الأخ التيجانى عبد الباقى
لك التحية والتقدير على توافق الرؤى حول قضايا الوطن الحبيب
الذى أصبح فى مهب الريح بسبب السياسات الرعناء للذين جاءوا
لينقذون حسب زعمهم فاستحلوا خيراته دون وجه وتركوا الشعب
الفضل يعانى الأمرين .
نسأله سبحانه وتعالى أن يخلص الشعب السودانى من براثن ما
تسمى بالإنقاذ عاجلا غير آجل .
Post: #69 Title: Re: غدا اخبار سارة جدا تشرح الصدور ..... Author: عبدالله محمد أحمد Date: 05-08-2013, 06:26 AM Parent: #60
بكرة الركوب مجان (مكتوبة في حافلة ركاب بالخرطوم)
Post: #64 Title: Re: غدا اخبار سارة جدا تشرح الصدور ..... Author: حسن حماد محمد Date: 05-06-2013, 10:16 PM Parent: #1
Quote: قد يتاخر الخبر السار ليوم او ليومين لترتيبات معينة
Post: #81 Title: Re: غدا اخبار سارة جدا تشرح الصدور ..... Author: ود الباوقة Date: 05-09-2013, 07:36 AM Parent: #80
ابو الريش
انت مطول من السودان الظاهر
قال تقطع قال
Post: #82 Title: Re: غدا اخبار سارة جدا تشرح الصدور ..... Author: جمال خضر Date: 05-09-2013, 07:49 AM Parent: #81
ود الباوقة سنفرح وننبسط على الآخر لو فى يوم من الأيام سخر الله سبحانه وتعالى للسودان وشعب السودان
حاكم عادل واعى حكيم مُلم بتاريخ وجغرافية وعادات وتقاليد وأعراف ومشاكل وهموم أهل السودان أجمعين
فى هذه الحالة نضع أمامنا الكلمات القوية لشاعر الشعب محجوب الشريف نسأل الله أن يمن عليه بالشفاء العاجل
ونحلم بالسودان الذى يسع جميع أهل السودان على قدم المساواة والعدالة .
حنْبنيهو
حنْبنيهو البنحْلم بيهو يوماتي وطن شامخ وطن عاتي وطن خيّر ديمقراطي وطن مالك زمام أمرو ومتوهج لهب جمرو وطن غالي نجومو تلالي في العالي
إراده سياده حريّة مكان الفرد تتقدم قيادتنا الجماعية مكان السجن مستشفى مكان المنفى كليّة مكان الأسرى ورديّة مكان الحسره أغنيّة مكان الطلقة عصفورة تحلّق حول نافورة تمازح شفّع الروضة
حنْبنيهو البنحلم بيهو يوماتي
وطن للسلم أجنحتو ضد الحرب أسلحتو عدد ما فوقوا ما تحتو مدد للأرضو محتلّة سند للإيدو ملويّة
حنْبنيهو البنحلم بيهو يوماتي
وطن حدادي مدادي ما بنبنيهو فرّادي ولا بالضجّه في الرادي ولا الخُطب الحماسيّة
وطن بالفيهو نتْساوى نحلم نقرا نتْداوى
مساكن كهربا ومويه تحتنا الظلمه تتهاوى
نخت الفجر طاقيّة وتطلع شمس مقهورة بِخط الشعب ممهورة تخلّي الدنيا مبهورة إرادة وحده شعبيّة
Post: #83 Title: Re: غدا اخبار سارة جدا تشرح الصدور ..... Author: ود الباوقة Date: 05-09-2013, 08:20 AM Parent: #82
امسك اخي جمال
Post: #84 Title: Re: غدا اخبار سارة جدا تشرح الصدور ..... Author: ود الباوقة Date: 05-09-2013, 08:22 AM Parent: #83
اين انت يا جمال ؟؟؟؟
Post: #85 Title: Re: غدا اخبار سارة جدا تشرح الصدور ..... Author: ود الباوقة Date: 05-09-2013, 08:38 AM Parent: #84
اردم
Post: #86 Title: Re: غدا اخبار سارة جدا تشرح الصدور ..... Author: جمال خضر Date: 05-09-2013, 10:48 AM Parent: #85
Quote: اين انت يا جمال ؟؟؟؟
موجود وراقد لى فى عنقريب هبابى فى ضل بوابة البوست وشايفك من قبيل
بتنزل فى فيديوهات اليتويوبات من اللوارى وشايفك بتحاسب فى السواقين
وبالدولار كمان ولو عايز أرقام اللوارى بجيب ليك .
Post: #87 Title: Re: غدا اخبار سارة جدا تشرح الصدور ..... Author: جمال خضر Date: 05-09-2013, 09:11 PM Parent: #86
هذه هى الدبابات التى نحتاجها للقضاء على التمرد والتذمر أخونا ود الباوقة
Post: #88 Title: Re: غدا اخبار سارة جدا تشرح الصدور ..... Author: جمال خضر Date: 05-09-2013, 09:17 PM Parent: #87
وهذه هى الطائرات المفترض أن تكون محلقة فى أجوائنا من أجل القتل
نعم القتل أخى ود الباوقة لكنه قتل من نوع آخر يتمثل فى قتل الحشر
من أجل النهوض بالبشر .
Post: #89 Title: Re: غدا اخبار سارة جدا تشرح الصدور ..... Author: جمال خضر Date: 05-09-2013, 09:20 PM Parent: #88
بعد طول تكدر وتذمر وتململ وصرنا نضرب أخماس فى أسداس محاولة لتخمين
ماهية ذلك الخبر .
سنفرح أشد الفرح لو كان ذلك الخبر متعلق بقضية الأوقاف التى كُشف النقاب
عنها قبل عدة أشهر وما زالت تُراوح مكانها لأنها تتعلق بتورط بعض الأقوياء
الأُمناء فيها وهؤلاء طبعا فوق القانون وفوق شريعة الإنقاذ ذات نفسها فالإنقاذ
تحاسب الفاسدالضعيف الذى لا يمت للمؤتمر الوطنى بأى صلة وتترك المتنفذ القوى
الأمين الذى لم يترك شاردة ولا واردة من المال العام إلا وضماها تحت جناحه
ولم يترك صفقة مشبوهة إلا وشارك فى إصطياد ملياراتها ومع ذلك يتسترون على فساده وفق فقه السترة .
فهل يا ترى سيكون خبر ود الباوقة المفرح أن الحكومة قررت تقديم أولئك الأشخاص
لمحاكمة عادلة تُعيد للشعب السودانى أمواله المنهوبة ؟ فإن كان هذا هو الخبر
فسنطلق لحناجرنا العنان للهتاف تهليلا وتكبيرا وسنُدمى أكفنا تصفيقا لذلك القرار
الذى إنتظرناه طويلا لأنه سيكون نقطة الإنطلاق للجم فساد الأقوياء الأمناء الذى فاحت
روائحه المنتنة وانتشرت إنتشار النار فى الهشيم فعمت القرى والحضر والأزقة والحفر.
Post: #95 Title: Re: غدا اخبار سارة جدا تشرح الصدور ..... Author: جمال خضر Date: 05-11-2013, 07:12 AM Parent: #94
ما زال الإنتظار سيد الموقف متوقعين ما بين الفينة والأخرى حضور ود الباوقة على فرسه الأشهب لابسا لامته و متوشحا سيفه حاملا لنا البشريات .
Post: #96 Title: Re: غدا اخبار سارة جدا تشرح الصدور ..... Author: ود الباوقة Date: 05-11-2013, 07:22 AM Parent: #95
اخي جمال
اولا نسال الله ان يثبت اجرك في رفع البوست ومتابعته كمتابعة
(ةشواطين ) ( لبيليه )
عموما ارجو المتابعة ان استطعت معي صبرا
وشكرا
Post: #97 Title: Re: غدا اخبار سارة جدا تشرح الصدور ..... Author: مهدي صلاح Date: 05-11-2013, 09:09 AM Parent: #96
الظاهر المرة دي : غدا لناظره بعيد الاخبار السارة الموعودة كانت تاكيد وفاة الحلو مهما كان الخلاف وفاة قائد زي الحلو ما اعتقد يكون خبر سار ... لو عندنا حكومة راشدة الحلو مكانو مراكز الادارة وصنع القرار مؤسف ان يصل بنا الحال على يد الانقاذ لهذه المرحلة للاسف الغد القريب وعلى يد الانقاذ يحمل اخبار سوداوية وقريب حنسمع عن تقرير مصير لاقليم آخر من أقاليم السودان المضطربة
Post: #98 Title: Re: غدا اخبار سارة جدا تشرح الصدور ..... Author: جمال خضر Date: 05-11-2013, 09:10 AM Parent: #96
Quote: اخي جمال
اولا نسال الله ان يثبت اجرك في رفع البوست ومتابعته كمتابعة
لو ما خاب ظنى يا ود الباوقة فبتشبيهك لى مع البوست بشواطين
مع بيليه فهو تشبيه تمثيلى بواقع التخريب فى كل .
من هنا فإنى أدين وأشجب إتهامك لى بتخريب البوست وهو إتهام
باطل ولا يسنده دليل ( قال شواطين قال )
Post: #99 Title: Re: غدا اخبار سارة جدا تشرح الصدور ..... Author: ياسر منصور عثمان Date: 05-11-2013, 09:12 AM
جمال خضر..
بكره الخبر مجان
انتظر بكره ياخ..
انت وراك حاجة؟؟
Post: #101 Title: Re: غدا اخبار سارة جدا تشرح الصدور ..... Author: saidahmed shami Date: 05-11-2013, 09:17 AM Parent: #99
باكر نفتش فيهو رايح زي شليل.. باكر نتبن في الضلام.. كايسنو في الليل الطويل.. *** باكرنا يا رايح تعال يا بكرة طال الإنتظار بالرغم من إنك محال نحن الجبال والإحتمال *** نرجاك منتظرين ظهورك يا شحوح قاعدين نفتش فيك زي مليم يروح نلقاك في الروح الطموح لا تلوي هاماتنا الجموح *** يا ربي باكر في القمر ولا باكر.. جوة في جوف السحابة مع المطر يا طالع القمرة جيب لي معاك باكر باكرا يصور لي لون الفيافي زهر لون الهويد والصي زي الجروف اخدر باكرا صباح الخير يطرد ليالي الشر *** لكنو رغم مرارة الأيام والأمل الضليل من جوة احساسنا الجميل باكرنا نيل.. يطفح يدفق زي سبيل باكرنا نيل.. والجزايل في الصعيد الخدرة واللون السمح باكرنا نيل.. ويغازل العصفور قنيدلات القمح باكرنا نيل.. والبرازات تاني ترجع والوجوه الطيبة تتضحك وتنطرح باكرنا نيل.. وانا وانتو من قيساب نكيل وهناك في ضو القمر شفع يكوركو لقو الشليل
Post: #100 Title: Re: غدا اخبار سارة جدا تشرح الصدور ..... Author: ود الباوقة Date: 05-11-2013, 09:14 AM
جمال ... اتمني الا ينفذ مخزونك اللياقي فالماراثون في اوله
Post: #102 Title: Re: غدا اخبار سارة جدا تشرح الصدور ..... Author: جمال خضر Date: 05-11-2013, 09:32 AM Parent: #100
أخونا ياسر منصور إنت عارف ال4 حجار ديل يقعدونى شهرين
الظاهر جاك خبر من ود الباوقة إنو الموضوع شهور وليس أيام
لو الشغلانة بقت فيها شرة قدر دى أشوف لى بنزين و أولع ليك
فى البوست وأخلى ليك ود الباوقة خشمو ملح ملح ..
Post: #106 Title: Re: غدا اخبار سارة جدا تشرح الصدور ..... Author: جمال خضر Date: 05-11-2013, 06:03 PM Parent: #105
إستراحة مع مبتدع نظرية الدفاع بالنظر .
Post: #107 Title: Re: غدا اخبار سارة جدا تشرح الصدور ..... Author: جمال خضر Date: 05-11-2013, 10:26 PM Parent: #106
فوق الى أن تقطع جهيزة قول كل خطيب .
Post: #108 Title: Re: غدا اخبار سارة جدا تشرح الصدور ..... Author: باسط المكي Date: 05-12-2013, 02:53 AM Parent: #107
منتظرين الاخبار السارة
Post: #109 Title: Re: غدا اخبار سارة جدا تشرح الصدور ..... Author: جمال خضر Date: 05-12-2013, 11:05 AM Parent: #108
ما زال الإنتظار سيد الموقف متوقعين ما بين الفينة والأخرى حضور ود الباوقة على فرسه الأشهب لابسا لامته و متوشحا سيفه حاملا لنا البشريات .
Post: #110 Title: Re: غدا اخبار سارة جدا تشرح الصدور ..... Author: ياسر منصور عثمان Date: 05-12-2013, 11:16 AM Parent: #109
جمال..
شكلي حا اتورط معاك بي جنريتر عدييييييييييييل
بالغت يا ود الباوقة ياخ..
في داعي للخسارة دي ؟؟
Post: #111 Title: Re: غدا اخبار سارة جدا تشرح الصدور ..... Author: جمال خضر Date: 05-12-2013, 12:30 PM Parent: #110
Quote: جمال..
شكلي حا اتورط معاك بي جنريتر عدييييييييييييل
بالغت يا ود الباوقة ياخ..
في داعي للخسارة دي ؟؟
أخونا ياسر والجنريتر ده حا أشغله بالموية ؟ لازم تنكرب وتكمل جميلك تشوف ليك برميل برميلين بنزين خاصة والحكومة عندها النية تزيد المحروقات فى الفترة القليلة القادمة .
Post: #112 Title: Re: غدا اخبار سارة جدا تشرح الصدور ..... Author: ياسر منصور عثمان Date: 05-12-2013, 12:44 PM Parent: #111
Quote: أخونا ياسر والجنريتر ده حا أشغله بالموية ؟ لازم تنكرب وتكمل جميلك تشوف ليك برميل برميلين بنزين خاصة والحكومة عندها النية تزيد المحروقات فى الفترة القليلة القادمة .
طيب بعد كده..ما اجي اقعد محلك وانتظر الاخبار السارة؟؟
خخخخخخخخخخخخ
Post: #113 Title: Re: غدا اخبار سارة جدا تشرح الصدور ..... Author: جمال خضر Date: 05-12-2013, 01:17 PM Parent: #112
Quote: طيب بعد كده..ما اجي اقعد محلك وانتظر الاخبار السارة؟؟
خخخخخخخخخخخخ
الموضوع شكلو حايطول وإنت ما حاتكون صايم طبعا يعنى لو جبت معاك
لحوم وفواكه ومرطبات تحتاج لى تلاجة عشان ما تخرب والتلاجة عايزه الكهربه
يعنى لو وصلت لينا كهربه للبوست تكون ما قصرت تب خاصة والدنيا صيف
المكيف الحا تجيبه معاك ده حا تشغلوا بى حجار بطارية وطبعا اللحمة عايزه النار
أها النار دى نجيبه كيف نضرب حجرين ولا نفرك عودين ما لازم البوتاجاز
والأنبوبة وشوال الفحم لزوم الشية وكده .
Post: #114 Title: Re: غدا اخبار سارة جدا تشرح الصدور ..... Author: جمال خضر Date: 05-12-2013, 07:49 PM Parent: #113
.
Post: #115 Title: Re: غدا اخبار سارة جدا تشرح الصدور ..... Author: إحسان عبد العزيز Date: 05-12-2013, 11:24 PM Parent: #114
ود الباوقة سلامات عارف ياود لباوقة كل يوم بمر بعنوان البوست حقك ده مرور الكرام.. عارف ليه؟ لانى متأكدة ليس بمقدورك هذه الايام كتابة ما هو سار فى نظرك او لمشاعرك ومشاعر من يشاركونك الرؤى وأحلام زلوط.. وكنت متأكدة انك كتبت البوست ده لواحد من هذه الاسباب: اما لانك صدقت كلام نافع لما ملا خشنه وقال (سنسترد ابو كرشولا يوم السبت)، طبعاً ما السبت ده السبت دااااااااااااااااك.. أو تكون ركبت طرورة الانتباهة ومن لفّ لفها من اعلام الكذب والتضليل والصحف الصفراء وتصريحات الصوارمى ومحمد الحسن الامين وما شابههم ممن ساهموا فى نشر (الكذبة الفضيحة) "موت الحلو".. وانت ركبت الطرورة وبشرت بالخبر السار فى انتظار تأكيد الخبر ونقل مراسيم الدفن وسرداق العزاء (أطال الله عمر الرجل).. أو لاى حلم من أحلام زلوط التى انتظرتموها طويلاً منذ (صلاة الجمعة فى كاودا) الجمعة دييييييييييييييييييييييييييييييييييييييييييييييييييييييك الليلة قلت كدى نشوف ود الباوقة خبره وصل وين! وبديت بالصفحة رقم 4 ولم يخيب ظنى فيك.. من مداخلات الاصدقاء عرفتك لسة شاريهم وكمان زايغ منهم لانه ليس بمقدورك ان تأتى لهم بخبر يسرك ويسر من لفّ لفك.. ود الباوقة اختشى
Post: #116 Title: Re: غدا اخبار سارة جدا تشرح الصدور ..... Author: إحسان عبد العزيز Date: 05-13-2013, 00:06 AM Parent: #115