Post: #1 Title: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-02-2013, 00:09 AM Parent: #0
في مباراة اخرى متوسطة المستوى من الطرفين , في هذا الموسم الباهت للقمة السودانية تمكن المريخ من الفوز على الاهلى عطبرة بمعقله , اجمل مافي المباراة الهدف .. واهداه لاعبي المريخ للمولود الجديد للاعب ..
الهدف من تسديدة احرزها الايفواري باسكال ونفذ الفاول اللاعب راجي وتموية من اللاعب العجب ..
متصدر المنافسة بنهاية مباريات هذا الاسبوع فريق الخرطوم الوطني .. الي الهدف ..
ومعاك يامريخ نمد .. ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #2 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-02-2013, 00:19 AM Parent: #1
Post: #3 Title: Re: هدف المريخ في الاهلي عطبرة الدوري الممتاز _ هدف باسكالي .. Author: د. ياسر عبد القادر Date: 05-02-2013, 03:25 AM Parent: #2
شهاب سلامات
أولا أحيي فيك روحك الرياضية العالية
تانيا: ماعايز أحبطك...لكن نادي الاهلي عطبرة دا و إلي وقت قريب ...كان نادي روابط...وكان عندنا نادي في الحلة في عطبرة...كنا بنمشي نلعب مع الاهلي دا في حلتهم (حي الداخلة) و بنغلبهم...وبنجي راجعين
أما قصة باسكال ...و العجب ...وأكرم...مبسوطين ...ويرقصوا...عشان فازوا علي أهلي الداخلة دا....والله فعلا الكورة إنتهت في السودان
غايتو إنت أمسك في: نهواه في كل الظروف دي....
تحياتي
Post: #4 Title: Re: هدف المريخ في الاهلي عطبرة الدوري الممتاز _ هدف باسكالي .. Author: haroon diyab Date: 05-02-2013, 05:41 AM
سلامات يادكتورنا
وشكرا للواوا بلاسكال الذي انقذ ما وجهنا
نتمني في عودة الوالي اليوم ... نهائة لمرحلة الجفاف
تحاياي
Post: #5 Title: Re: هدف المريخ في الاهلي عطبرة الدوري الممتاز _ هدف باسكالي .. Author: الحاج حمد الحاج Date: 05-02-2013, 07:28 AM Parent: #4
شكرا يا دكتور.. سبحان الله دا المريخ الذي كان يهز الأرض تحت أقدام الفرق الكبيرة.
Post: #15 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-03-2013, 01:11 PM Parent: #4
Quote: سلامات يادكتورنا
وشكرا للواوا بلاسكال الذي انقذ ما وجهنا
نتمني في عودة الوالي اليوم ... نهائة لمرحلة الجفاف
تحاياي
الصفوة الاصيل هارون
باسكال ماقصر , وان شاء الله عودة الوالي بفكر جديد و توفيق اكثر ..
حبابك ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #6 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-02-2013, 10:58 AM
Quote: شهاب سلامات
أولا أحيي فيك روحك الرياضية العالية تانيا: ماعايز أحبطك...لكن نادي الاهلي عطبرة دا و إلي وقت قريب ...كان نادي روابط...وكان عندنا نادي في الحلة في عطبرة...كنا بنمشي نلعب مع الاهلي دا في حلتهم (حي الداخلة) و بنغلبهم...وبنجي راجعين أما قصة باسكال ...و العجب ...وأكرم...مبسوطين ...ويرقصوا...عشان فازوا علي أهلي الداخلة دا....والله فعلا الكورة إنتهت في السودان
غايتو إنت أمسك في: نهواه في كل الظروف دي.... تحياتي
حبابك يادكتور ياسر
ياهو اهلي الداخلة وياهو اللاعبين فرحانين بالقون , موسم عجيب , وصورة رمادية .. ومباريات هشة , وطيران افريقي من دور 32 لفريقي القمة من فرق عادية ويبقى الفوز مهم لانقاذ الموسم ..
انت تعال جمهور عطبرة الراقية مالو شغال مع القمة جديع حجار طوالي .. ما ممكن كده ياخي بحق او بغير حق هي الرياضة .. اللاعب فيصل موسى اصيب في مباراة الامس ليدخل تاريخ طويل من لاعبي المريخ ومدربية وادارية وجمهورة وحجارة عطبرة !! ..
تحياتي وشكرا للمرور الراقي .. ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #7 Title: Re: هدف المريخ في الاهلي عطبرة الدوري الممتاز _ هدف باسكالي .. Author: عبد العزيز محمد عمر Date: 05-02-2013, 11:04 AM Parent: #6
Post: #13 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-02-2013, 05:21 PM Parent: #7
هدف عالمي من بيكيه في مرماه على خطى بلة جابر, كرة الفدم لعبة اخطاء
Post: #8 Title: Re: هدف المريخ في الاهلي عطبرة الدوري الممتاز _ هدف باسكالي .. Author: حامد الغبشاوي Date: 05-02-2013, 11:23 AM
Quote: ماعايز أحبطك...لكن نادي الاهلي عطبرة دا و إلي وقت قريب ...كان نادي روابط...وكان عندنا نادي في الحلة في عطبرة... كنا بنمشي نلعب مع الاهلي دا في حلتهم (حي الداخلة) و بنغلبهم...وبنجي راجعين
أما قصة باسكال ...و العجب ...وأكرم...مبسوطين ...ويرقصوا...عشان فازوا علي أهلي الداخلة دا....والله فعلا الكورة إنتهت في السودان
الناس ديل فرحانيييييييييييين يآدكتور ياسر
بالله تقول قلبوا أهلي شندي
شندي الخرطوم الوطني وبالعكس
Post: #9 Title: Re: هدف المريخ في الاهلي عطبرة الدوري الممتاز _ هدف باسكالي .. Author: haroon diyab Date: 05-02-2013, 02:23 PM Parent: #8
Quote: بالله تقول قلبوا أهلي شندي
الله يرحمك ياسيبويه
Post: #10 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-02-2013, 02:28 PM Parent: #8
حباب طلتكم جميعا
هل هناك شبه ركلة او ركلتين جزاء للاهلي في المباراة ؟! , الاكثرية مع الحكم الجيد للمباراة وقالوا لاتوجد .. البعض ذهب الي غير ذلك ..
شاهد الفيديو واحكم انت .. حبابنا رياضة . ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #11 Title: Re: هدف المريخ في الاهلي عطبرة الدوري الممتاز _ هدف باسكالي .. Author: د. ياسر عبد القادر Date: 05-02-2013, 03:42 PM Parent: #10
دكتورنا العزيز : شهاب
والله معك حق....مشكلة الشغب في عطبرة مشكلة قديمة جدا...و لكن لأن جمهور عطبرة متذوق و متعصب جدا...وكثيرا ماتحدث المشاكل أثناء المباريات...ولكن تاني يوم تجد الجميع قد تصافي ونسي كل شيئ ...وهي ميزة لا تجدها في مدينة أخري...كامل إدانتنا للعنف...ونتمني السلامة للاعب فيصل موسي ..ولجميع لاعبينا
شكرا يا راقي
هارون دياب ...سلامات ياخ..: مالك شايل سوط و قلم أحمر (-:...يعني الكي بورد ما يغلط معاكم ياخ
مبرووك الوالي...رئيس طوالي
Post: #12 Title: Re: هدف المريخ في الاهلي عطبرة الدوري الممتاز _ هدف باسكالي .. Author: تاج السر محمد حامد Date: 05-02-2013, 04:43 PM Parent: #11
حباب دكتورنا الغالى غايتو المخير الله والله يلزمنا الصبر أين قاهر الصعاب والمستحيلات بعد أن كان له أنياب أصبح بدون أنياب وبرضو المخير الله تحياتى يادكتور تاج السر
Post: #14 Title: Re: هدف المريخ في الاهلي عطبرة الدوري الممتاز _ هدف باسكالي .. Author: عبدالعزيز الفاضلابى Date: 05-02-2013, 09:37 PM Parent: #12
Quote: غايتو المخير الله
المختار الله دكتور شهاب تحياتي ياخي تعجبني روحك الرياضية ـ ـ وعشقك للمريخ بصراحة انا قنعت من الكورة السودانية قنع الطريفي من جملو.
Post: #16 Title: Re: هدف المريخ في الاهلي عطبرة الدوري الممتاز _ هدف باسكالي .. Author: شهاب الفاتح عثمان Date: 05-05-2013, 01:11 AM Parent: #14
الضيوف الكرام جميعا حبابكك عشرة
الايفواري باسكال ضكر , شوت و حماس و ثبات رجال ويهدف وهوالمدافع له التحية
