يا جمال الوالي ما عذذذبتهم

يا جمال الوالي ما عذذذبتهم


05-01-2013, 02:30 PM


  » http://sudaneseonline.com/cgi-bin/sdb/2bb.cgi?seq=msg&board=430&msg=1367415020&rn=4


Post: #1
Title: يا جمال الوالي ما عذذذبتهم
Author: د. ياسر عبد القادر
Date: 05-01-2013, 02:30 PM
Parent: #0

إنت عايز تبقي رئيس ...و بتموت في الرئاسة

و(هم) عايزينك تبقي رئيس....و ميتين فيك موت

طيب الحركات دي لزومها شنو

بالله فضوها سيرة و خلونا نشوف أخبار أم روابة . ..و أم دوم ...و أم أحمد

شنو كل مانفتح جريدة: الوالي وافق...الوالي رفض...الوالي وافق..الوالي........

كرهتونا الطب ذاتو.....(-:




هم= الحكومة + المعارضة+ الحلو + عرمان+ تابيتا ذاااتو

Post: #2
Title: Re: يا جمال الوالي ما عذذذبتهم
Author: أمير محمد ادريس
Date: 05-01-2013, 02:40 PM
Parent: #1

بالله يا دكتور كلو الا والينا ده لو سمحت

تحياتي

Post: #3
Title: Re: يا جمال الوالي ما عذذذبتهم
Author: abdelwahab hijazi
Date: 05-01-2013, 02:48 PM
Parent: #2

.

الصحة والاخبار يا دكتور.

غالبك تقول عذبتنا .. نحنا ياخ مكيفانا الحكاية دي جداً ..

بصراحة .. أنا شخصياً شايل من مجلس المريخ من يوم وزعوا علاء الزهرة ..

بعدين زعلت تاني يوم جابو لينا فريق تونسي كده وقالوا لينا ده المريخ ...

وتالت مرة يوم وزعوا ريكاردو والود الفلتة الشمال ..

والرابعة دي يا دكتور ما بقدر أقول وما قادر أصرّح على قول الفنان الذري ..

.. انت ما جابك الوالي يا خوي .. جابك قون امبارح .. فخليك صريح

... صادق تحياتي واشواقي ..

ز

Post: #4
Title: Re: يا جمال الوالي ما عذذذبتهم
Author: د. ياسر عبد القادر
Date: 05-01-2013, 05:31 PM
Parent: #2

الاخ أمير محمد إدريس

سلامات

.....الزول دا من ماقدم إستقالتو...يوم واحد أخبارو ما وقفت...

أنا ما عارف مجلس الادارة الحالي دا ...تمثيلية ولا شنو؟؟

Post: #5
Title: Re: يا جمال الوالي ما عذذذبتهم
Author: د. ياسر عبد القادر
Date: 05-01-2013, 06:05 PM

سعادة السفير عندنا..يا هنانا يا سعدنا

مشتاقييين يا وهبة والله

كيفك و كيف الاولاد


Quote: الصحة والاخبار يا دكتور.

غالبك تقول عذبتنا .. نحنا ياخ مكيفانا الحكاية دي جداً ..

بصراحة .. أنا شخصياً شايل من مجلس المريخ من يوم وزعوا علاء الزهرة ..

بعدين زعلت تاني يوم جابو لينا فريق تونسي كده وقالوا لينا ده المريخ ...

وتالت مرة يوم وزعوا ريكاردو والود الفلتة الشمال ..

والرابعة دي يا دكتور ما بقدر أقول وما قادر أصرّح على قول الفنان الذري ..

.. انت ما جابك الوالي يا خوي .. جابك قون امبارح .. فخليك صريح

... صادق تحياتي واشواقي ..
ز

تعرف بيني وبينك...أنا والله ماعايز الوالي دا يرجع

ياخ يادووب بقينا نستمتع بأداء بلة جابر.....والله دا طلع لاعب موهوب جدا وهداف من طراز خطيير


بعدين إنت فاكر بالجد الزول دا إستقال....؟؟؟

ياخي اللاعب الزعلان يتصل بالوالي....اللاعب المبسوط يتصل بالوالي ....ياخ الحضري في أخر الدنيا...من جنوب أفريقيا...يتصل بالوالي و يرجع لبلدو ومايشتغل بي أي زول تاني

في مباراة...الوالي يجتمع باللاعبين...ومايشتغل ليك بأي مجلس إدارة

الجرايد كلها أخبار الوالي...زول عارفو مستقيل مافي...

قال بيحنسوهو عشان يرجع....هو مشي وين عشان يرجع؟؟؟؟

حليل المريخ....

أما قصة إنو لاعبين المريخ العجبوك ديل ...والله مافيهم كلام

علاء الزهرة دا أحسن لاعب للان في الخليج.....

ليما دا لاعب حريف جدا

لكن ناسكم ديل ما بيعجبهم الا لاعبين الهلال




تحياتي للاولاد

Post: #6
Title: Re: يا جمال الوالي ما عذذذبتهم
Author: حيدر بشير
Date: 05-01-2013, 07:02 PM
Parent: #5

يا دكتور ديل ناس الوالى رئيس طوالى
المشكلة انهم عارفين انه ما عنده اى فكر عن الكورة لكن الكاش عاجبهم
10 سنوات و هو رئيس ما جاب لهم اى حاجة
كل ما يطوا صفحة منافسة تتقلب صفحة المنافسة اللى بعديها

Post: #7
Title: Re: يا جمال الوالي ما عذذذبتهم
Author: د. ياسر عبد القادر
Date: 05-01-2013, 08:56 PM
Parent: #6

حيدر سلامات

Quote: المشكلة انهم عارفين انه ما عنده اى فكر عن الكورة لكن الكاش عاجبهم


هو لو عندو فكرة عن الكورة.....أمة محمد دي تسترزق كيف؟

Post: #8
Title: Re: يا جمال الوالي ما عذذذبتهم
Author: Dr Abdelazim Abdelrahman
Date: 05-01-2013, 09:22 PM
Parent: #7

سلام يا ياسر
يازول إنت ماكم معذب روحك مع الكورة بتاعتنا دي...أمشي شوف بايرن ميونخ عامل شنو في برشلونة...كفر صاح لغاية ما الأسبان آمنوا

تحياتنا وأشواقنا
عبدالعظيم

Post: #9
Title: Re: يا جمال الوالي ما عذذذبتهم
Author: د. ياسر عبد القادر
Date: 05-01-2013, 10:06 PM
Parent: #8

سلام يا عظمة

أي و الله صدقت

وقبل شوية قال لي الزول الكان بيحضر معاي الكورة: إنت لعيبتنا ديل ما بيشوفوا الكورة دي


ياخ بالرغم من أنني برشلوني الهوي....لكنني إستمتعت للنخاع


تحياتي يا صديق

Post: #10
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 03:15 PM
Parent: #9

اعلن مولانا محمد عثمان خليفة مدير عام الرياضة قبل قليل تكوين لجنة تسيير لنادي المريخ من 17 عضوا برئاسة الوالي .. وفق قرار من الوزير الطيب حسن بدوي وجاء نصه كالاتي
بسم الله الرحمن الرحيم
ولاية الخرطوم وزارة الشباب مكتب الوزير
قرار رقم 19 لسنة 2013 بتعيين لجنة تسيير لنادي المريخ الرياضي
اسم القرار /يسمي قرار وزير الشباب والرياضة ولاية الخرطوم رقم 19 لسنة 2013
يعمل به من التاريخ التوقيع عليه!!
نص القرار عملا بالمرسوم رقم 24/ 2012 وعملا باحكام المادة 9/ ي
اولا تعيين لجنة تسيير لنادي المريخ لمدة اربعة اشهر
بقيادة الدكتور جمال الدين محمد عبد الله الوالي رئيسا
مهندس عبد الباسط حمزة نائبا للرئيس
الفريق طارق عثمان الطاهر سكرتيرا
مهندس عبد الله النيل امينا للخزينة
لواء طبيب الصادق قسم الله الوكيل عضوا
عثمان محمد الحسن عضوا
موسي حماد عضوا
هاشم صلاح مطر عضوا
مهندس خالد سيد احمد عضوا
السيد طارق السر التني عضوا
محمد السيد محمد مضوي عضوا
محمد محي الدين علي بدر عضوا
مهندرس عبد الرحممن ابراهيم عبد الرحمن عضوا
دكتور سامي عبد الدائم يس عضوا
عثمان ابراهيم ادروب عضوا
مقدم شرطة ابراهيم الحاج (ابراهومة) عضوا
السيد عبد الصمد محمد عثمان عضوا
عمل اللجنة
(1)فتح باب العضوية منذ تاريخ تعيينه حتى قبل شهر من نهاية المدة القانونية للجنة.
(2)توفيق اوضاع المريخ ليتوافق مع مطلوبات الفيفا
(3) تسيير امور النادي المالية والادارية والفنية

Post: #11
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 03:19 PM
Parent: #10

حال جمهور المريخ لجمال الوالي

إنت المهم و الناس جميع ما تهمني





المهم طبعا: جيب الوالي وليس شخصه

Post: #12
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 03:23 PM
Parent: #11

بعد الليالي العجاف التي مرت علي المريخ......وبما أن الاعلام إحترم حالهم و لم يستفز إخوتنا علي حالهم..وأشفق عليهم


نرجو من الاعلام الاحمر أن يكون قد إتعظ ...وألا يظهر لنا الابواق بنغمة : الكاش بيقلل النقاش...و سمحة المقدرة
ص
والالفاظ التي جابت عاليها و اطيها.....وأصبح النادي كمن دخل جنته وقال ما أظن أن تبيد هذه أبدا

Post: #13
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 03:26 PM
Parent: #11

بعديييين ....ويييييين بتاع موسم الخبت داك.......خانوا فيهو العشرة ولا شنو؟؟؟؟


لكن بالرغم من انو سبب سنين القحط و الجفاف....إلا إنو معاملتو للحضري كيفتني جدا.....هو الوحيد القدر يحفظ للمريخ بقية مزعة اللحم بعد ما ضيعها الوالي


وبالمناسبة....بعد دا مطار الخرطوم ممكن ينتعش بسعادة مضيف الطيران عصام الحضري

Post: #14
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 03:31 PM
Parent: #10

حقيقة ماعرفت إلا الدكتور جمال الوالي دا,,,,


بعدين سؤال بريئ: جمال الوالي دا الدكتوراة بتاعتو في شنو؟؟؟

Post: #15
Title: Re: يا جمال الوالي ما عذذذبتهم
Author: ابوبكر محمد ابراهيم
Date: 05-02-2013, 05:30 PM
Parent: #10

ابراهومه المسعوديه وعبد الصمد وممكن نقول الفريق طارق معروفين لعامه اهل المريخ لكن الاخرين اعتقد علاقتهم بجمال الوالي فقط هي التي اتت بهم

Post: #16
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 07:52 PM
Parent: #15

سلامات ابوبكر

ابراهومة دا لاعب المريخ السابق ؟؟؟

Post: #17
Title: Re: يا جمال الوالي ما عذذذبتهم
Author: د. ياسر عبد القادر
Date: 05-02-2013, 09:01 PM
Parent: #16

أتمني أن يتعظ الوالي للمريخ يا عبدالوهاب حجازي مما حدث للمريخ طيلة 10 سنوات ...صرف فيها من مال الدولة مالايحصي و لايعد من أموال...عملة صعبة و محلية......


لم يكن فيها إنجاز سوي أسوأ هزيمة في تاريخ المريخ تلك السبعه الشهيرة كانت في عهده


أتمني ألا يكون الوالي سببا مرة أخري في رفع أسعار اللاعبين لأرقام خرافية وهم لا يسوون ملاليم

أتمني ألا يكون سببا في تمرد لاعبي الاندية الاخري علي أنديتهم و يكونوا سببا في خسارتهم أمام المريخ بسبب إغراءات رخيصة تسحيلهم ...وثبت فشل هذه الطريقة ..لذا أرجو أن يكون الوالي قد طور نفسه قليلا

أتمني أن يبتعد عن شراء ذمم الحكام....حتي لايحدث ما لا يحمد عقباه....خاصة و أن الجمهور أصبح معبأ أكثر من الاول.....وحتي نتجنب نذر دمار شامل....يكون ثمنه نقاط رخيصة لمباراة لا تسوي...

نتمني أن لا يطارد نجوم الهلال...وكل من يضع الهلال عينه عليه...حتي يخلق شخصية للمريخ الذي أصبح ظلا للهلال بكل ما في الكلمة من معني

أتمني أن لايسعي لكسب سريع عن طريق رعاية بطولات سيكافا طمعا في كأسها...

إذا لم يتغير فكره و طريقة تفكيره ...فكأننا يا بدر لارحنا ولا جينا...بل سيكون القادم أسوأ

Post: #18
Title: Re: يا جمال الوالي ما عذذذبتهم
Author: د. ياسر عبد القادر
Date: 05-04-2013, 08:04 PM
Parent: #17

قال سكرتير المريخ الفريق طارق عثمان الطاهر ان مجلسه سيناقش اليوم خلال اجتماعه مساءا بقاعة الاجتماعات باستاد المريخ ملفات مهمة عل رأسها الاطلاع علي القرار الوزاري ومحاور عمل لجنة التسيير بجانب تكوين اللجان المساعدة وتوزيع بقية الحقائب الادارية وتكوين لجنة لاجراء التسليم والتسلم بين المجلس السابق والحالي وقال انه يتطلع الى تعاون مثمر بين ناديه والهلال ودعا الاعلام الابتعاد عن ما من شأنه ان يثير الازمات ويعيق مسيرة التعاون بين الطرفين وقال انهم في المريخ يتطلعون لقيادة النادي الى بر الامان وحل كافة المشاكل وقال ان المجلس السابق من اميز المجالس الا ان الحظ عانده وتمني التوفيق مع المريخ في المرحلة المقبلة وقال طارق عثمان الطاهر خلال حديثه لعالم الرياضة ان المريخ يضم لاعبين مميزين يحتاجون الى الاستقرار والدعم المعنوي فقط

تعليق:

كلام جميل.....نشوف.....وحقو تبدأ بإنو تترك مطاردة لاعبي الهلال...وتكونوا نفسكم...وتشيلوا شنطتكم و تدوروا في أدغال و مجاهل أفريقيا...وتجيبوا لعيبتكم

نتمني ترجمة هذا الحديث لحقيقة.....الكرة في ملعبكم

Post: #19
Title: Re: يا جمال الوالي ما عذذذبتهم
Author: حيدر بشير
Date: 05-05-2013, 05:08 AM
Parent: #18

يا دكتور الحضرى اسه بيكون عمل ليه حفلة فى كفر البطيخ
و من الليلة و لحدى ما المجلس دا ينتهى بيكون حلحل كل مشاكله المادية منها و المعنوية و الاسرية
اما مطار الخرطوم فسيكون قبلة له و لمن معه و لمن يرشحهم و حتى لو اشار اليهم

و طبعا حا تسمع من كل التابعين و تابعى التابعين انه الحضرى هو لاعب المريخ و المريخ لازم يستفيد منه
وكانه قبل يومين ما كان لاعب المريخ لامن اداهم من التقيل

و لك تحياتى