Post: #1
Title: تخطيط لإنشاء أمازون سوداني ضخم للكتب السودانية عن طريق شرائها عبر النت
Author: النذير حجازي
Date: 05-01-2013, 11:49 AM
سلام يا شباب،
بعد نجاح عملية الخندق التي تابعها البعض في هذا المنبر، هاتفني صديق عزيز وطرح علي فكرة إنشاء
مكتبة سودانية ضخمة تضاهي أمازون دوت كوم، بصراحة الفكرة حلوة وسأحاول أن أقوم بتنفيذها على
الفور، فوضعت سماعة الهاتف وذهبت إلى معرض أبو ظبي للكتاب وطرحت الفكرة على أصحاب
المكتبات السودانية بالمعرض، فرحبوا ترحيباً شديداً بالفكرة، وبي كدا ضمنت مصدر لا ينضب يمد
موقعي بالكُتب النادرة والممنوعة وجميع الكتب السودانية، فما علي إلا إنشاء موقع يُحاكي أمازون،
وأختار له اسماً يعبر عن السودان، وإضافة طريقة الشراء عن طريق البطاقة الإئتمانية أو عن طريق
الوسترن يونيون أو أي طريقة أخرى للدفع.
وأود أن أسمع آرآكم في هذه الفكرة قيد التنفيذ من ناحية المخاطر والحلول والأفكار النيرة، و الكتب
النادرة التي تودون أن تروها في الموقع.
وباب النقاش مفتوح للجميع
ودمتم ودامت الأفراح
|
Post: #2
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: abubakr salih
Date: 05-01-2013, 11:54 AM
Parent: #1
فكرة فى ممتازة عزيزي النذير, اشجعك عليها و اشد من قمصيك.
|
Post: #3
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: احمد عمر محمد
Date: 05-01-2013, 12:39 PM
Parent: #2
الاخ حجازي
لا اريد ان احبطك ولكن اقول لك حاول و اجتهد فالموضوع اوله مكلف لك قليلاً في الوقت و المال و لكنه مثمر مستقبلا
العام 2012 طفت على معرض الخرطوم الدولي في صالة تعج بوجود اكثر من مائة دار نشر و مكتبة سودانية مشاركة
و طرحت عليهم نفس الفكرة وباستضافة مواقعهم مجاناً وتوفير دعاية لهم ولمنتجاتهم وسلمتهم الكرت الخاص بي
ولكن للاسف بعد ان انفض سامر المعرض لم يتصل احد برغم موافقتهم المبدئية
ارجوا ان تتوفق في امرك فقط البديات و لكن بعدها ستنتشر
موفق
تحياتي
احمد عمر
|
Post: #4
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: aydaroos
Date: 05-01-2013, 01:04 PM
Parent: #3
الفكرة قابلة للتطبيق ... ولها جدوى من ناحية الإستثمار
الحاجات الحا تساعد في دفع الفكرة لي قدام:
1- تحاول بالتفاوض مع (المحول القومي السوداني ) إنو يعمل ليك ربط للتحقق من وترخيص الدفع بالبطاقات السودانية علي حسابات في السودان (لانو البطاقات العالمية نادرة في السودان.. بس في البطاقات السودانية).
2- محتاج إتفاقات لوجيستية مع شركات البريد.
3- محتاج لي خبير سرية التقنية يكون ممتاز .. لأنو القصة دي هي عماد شغلك ولو فشلت (في زول واحد بس) شغلك كلو بي يفشل.
|
Post: #5
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: Abdo Mustafa
Date: 05-01-2013, 01:40 PM
Parent: #4
التمنيات بالتوفيق
بعد تشيل كلام الناس الفوق دا
واضيف ليك....كزبون دائم لأمزون
اكتر حاجة ساعدت في نجاح امزون
localized store and distripution centers
ودا بكون علي مستوي الدول اولا والمدن ثانيا
لانو ....صراع الزمن دايما حا يكون هاجس
ان لم يكن الهاجس الوحيد
أمزون أحياناتستعين ...بأفراد(ليس فقط شركات) للتخزين والتوصيل
...
أعتقد ..... فكرتي وصلت ليك
وان شالله موفق
|
Post: #6
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-01-2013, 02:22 PM
Parent: #5
| Quote: فكرة فى ممتازة عزيزي النذير, اشجعك عليها و اشد من قمصيك |
تسلم يا بكوري على التشجيع و لووووووووووووووووووول @ قمصيك
|
Post: #7
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-01-2013, 02:27 PM
Parent: #6
Quote: الاخ حجازي
لا اريد ان احبطك ولكن اقول لك حاول و اجتهد فالموضوع اوله مكلف لك قليلاً في الوقت و المال و لكنه مثمر مستقبلا
العام 2012 طفت على معرض الخرطوم الدولي في صالة تعج بوجود اكثر من مائة دار نشر و مكتبة سودانية مشاركة
و طرحت عليهم نفس الفكرة وباستضافة مواقعهم مجاناً وتوفير دعاية لهم ولمنتجاتهم وسلمتهم الكرت الخاص بي
ولكن للاسف بعد ان انفض سامر المعرض لم يتصل احد برغم موافقتهم المبدئية
ارجوا ان تتوفق في امرك فقط البديات و لكن بعدها ستنتشر
موفق
تحياتي
احمد عمر |
العزيز أحمد عمر،
سلامات
وشكراً جزيلاً على النصحية، لكن يا أحمد أنا عملت العكس، شلت تلفوناتهم وإيميلاتهم فورياً
وبعدما أجهز الموقع سأتصل عليهم، من خلال تجربتي في التعامل مع السودانيين يا أحمد،
السودانيين لو ما شافوا آكشن ما بتحركوا، وصدقني أي بتاع مكتبة بفرض هذه الفكرة،
فهو ليس بتاجر، لأنو كما تفضلت بأنها دعاية وتسويق مجاني له ودي حاجة ما بحلم
بيها، والناس اللي بتشتري أغلبها في الخارج أو من أتى من الخارج للسودان من خلال،
إجازته.
تحياتي
|
Post: #9
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-01-2013, 02:35 PM
Parent: #7
Quote: الفكرة قابلة للتطبيق ... ولها جدوى من ناحية الإستثمار
الحاجات الحا تساعد في دفع الفكرة لي قدام:
1- تحاول بالتفاوض مع (المحول القومي السوداني ) إنو يعمل ليك ربط للتحقق من وترخيص الدفع بالبطاقات السودانية علي حسابات في السودان (لانو البطاقات العالمية نادرة في السودان.. بس في البطاقات السودانية).
2- محتاج إتفاقات لوجيستية مع شركات البريد.
3- محتاج لي خبير سرية التقنية يكون ممتاز .. لأنو القصة دي هي عماد شغلك ولو فشلت (في زول واحد بس) شغلك كلو بي يفشل. |
حبيبنا عمدة شكراً على الأفكار النيرة:
Quote: - تحاول بالتفاوض مع (المحول القومي السوداني ) إنو يعمل ليك ربط للتحقق من وترخيص الدفع بالبطاقات السودانية علي حسابات في السودان (لانو البطاقات العالمية نادرة في السودان.. بس في البطاقات السودانية).
|
يا عمدة، لا أظن بانني سأحتاج لهذه العملية، لأن المشترين عبر النت أغلبهم في الخارج، والنظام المصرفي في الخارج متطور،
ولمعالجة هذه النقطة، ستكون العملية كالآتي:
أن يطلب المشتري الطلبية عبر النت، ودفع سعر الكتاب مع الشحن، وستدخل الفلوس في حسابي في الخارج.
الخطوة التالية، أتصل على صاحب المكتبة وأعطيه مستحقاته عن طريق التحويل العادي بالنسبة للمغتربين في الخارج،
الخطوة الثالثة يقوم صاحب المكتبة بشحن الطلبية مباشرةً إلى المشتري.
| Quote: 2- محتاج إتفاقات لوجيستية مع شركات البريد. |
أشكرك بحرارة في هذه النقطة فلقد فاتت علي وستوفر كثيراً بالنسبة لرسوم البوستة وأيضاً زمن الشحن.
| Quote: 3- محتاج لي خبير سرية التقنية يكون ممتاز .. لأنو القصة دي هي عماد شغلك ولو فشلت (في زول واحد بس) شغلك كلو بي يفشل |
شكراً يا عمدة، ودي أخطر نقطة، و خليك قريب ح إحتاج ليك فيها.
تقبل تحياتي وتقديري
|
Post: #8
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: طه جعفر
Date: 05-01-2013, 02:29 PM
Parent: #4
Quote: الفكرة قابلة للتطبيق ... ولها جدوى من ناحية الإستثمار
الحاجات الحا تساعد في دفع الفكرة لي قدام:
1- تحاول بالتفاوض مع (المحول القومي السوداني ) إنو يعمل ليك ربط للتحقق من وترخيص الدفع بالبطاقات السودانية علي حسابات في السودان (لانو البطاقات العالمية نادرة في السودان.. بس في البطاقات السودانية).
2- محتاج إتفاقات لوجيستية مع شركات البريد.
3- محتاج لي خبير سرية التقنية يكون ممتاز .. لأنو القصة دي هي عماد شغلك ولو فشلت (في زول واحد بس) شغلك كلو بي يفشل. |
شكرا يا عيدروس
و شكر للنذير
و احسن يا النذير تبتدي معتمدا علي سوداني الشتات لان النظام المصرفي السودان غير مأمون
و البريد السوداني عاجز
و الدولة كلها تفتقر للبنية التحتية
ركز علي السودانيين في دول الخليج و ليكن احد اهم مراكز هو دبي
و السودانيين في اوربا الغربية
و نحنا جاهزين للتعاون معك فيما يتعلق بسودانيي كندا
و الفكرة كالاتي شحنات الكتب ترسل من دور النشر بالبريد الي دبي و من ثم توزع علي سودانيي الخليج
شحنات الكتب تصل الي لدند و منها لسودانيي اوربا الغربية و هكذا في كل قارة محطة لتسهيل مسألة البيع و استلام العوائد
لا تحتاح الي مكاتب بل تحتاج لمعارف من اهل الكفاءة و الثقة لبداية ناحجة
طه جعفر
|
Post: #10
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-01-2013, 02:41 PM
Parent: #8
| Quote: localized store and distripution centers |
شكراً على عبدو على هذه المعلومة القيمة، تعرف يا عبدو دي مرحلة متقدمة شديد
من المشروع بعدما أكون قد كسبت خبرة كبيرة، ولكن فكرتي كما ذكرت لعيدروس،
هي تقليل المخاطر والخسائر، مثلما يفعلون مكتبة نيل وفرات في النت،
فأصحاب مكتبة نيل وفرات ليس لهم أي تخزين للكتب، بعدما يطلب القارىء
الكتاب يقومون بشرائه من أي مكتبة في دمشق أو مصر ثم شحنه يا أما
عن طريق مصر أو طريق سوريا، وديل سرقوا الفكرة من أمازون لكن بأقل
الخسائر.
تقبل تحياتي وتقديري وشكراً على الأفكار النيرة
|
Post: #11
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-01-2013, 02:45 PM
Parent: #10
Quote: الفكرة كالاتي شحنات الكتب ترسل من دور النشر بالبريد الي دبي و من ثم توزع علي سودانيي الخليج
شحنات الكتب تصل الي لدند و منها لسودانيي اوربا الغربية و هكذا في كل قارة محطة لتسهيل مسألة البيع و استلام العوائد
لا تحتاح الي مكاتب بل تحتاج لمعارف من اهل الكفاءة و الثقة لبداية ناحجة
|
العزيز طه جعفر، شكراً جزيلاً على االافكار النيرة، وراجع ردي على عيدروس وعبدو،
وأشكرك على الفكرة بتاعت إشراك الأصدقاء في دول الشتات، ودا اقتراح علمي،
ويمكن أن يشاركني فيه أصدقائي عن في سودانيز أون لاين.
تحياتي
|
Post: #12
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: وليد محمد المبارك
Date: 05-01-2013, 02:55 PM
Parent: #11
الفكرة ممتازة
اما انا فبقل ليك
ركز على السكيورتي اكتر حاجة .. ركز عليها شديد
عشان ما تدخل السجن
بالنسبة لموضوع التجارة الالكترونية في السودان فالمحول القومي منذ 15ابريل اشتغلت فيه التجارة الالكترونية والمحفظة الالكترونية .. يعني ممكن تعمل شغل بالداخل لو حبيت تعمله
الله يوفقك
|
Post: #13
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-02-2013, 01:56 AM
Parent: #12
Quote: الفكرة ممتازة
اما انا فبقل ليك
ركز على السكيورتي اكتر حاجة .. ركز عليها شديد
عشان ما تدخل السجن
بالنسبة لموضوع التجارة الالكترونية في السودان فالمحول القومي منذ 15ابريل اشتغلت فيه التجارة الالكترونية والمحفظة الالكترونية .. يعني ممكن تعمل شغل بالداخل لو حبيت تعمله
الله يوفقك |
حبيبنا ولي، أشكرك بحرارة على النصائح الغالية والمعلومات المفيدة عن تطور النظام المصرفي في السودان
نحن طبعاً يا ولي من جماعة الأزهري دا جن وللأ شنو هاهاهاها
جماعة الأزهري دا جن وللا شنو دي ليها قصة طريفة
قالوا في واحد سوداني مهاجر من زمن كان رئيس السودان إسماعيل الأزهري
المهم الزول دا رجع السودان بعد غيبة طويلة، وعلي شلاقته رجع لمن نميري
قفل البارات في السودان، المهم الزول دا مشى البار اللي كان متعود عليهو
زماااااااااااااااااااان من زمن الأزهري، لقاهو مقفول، سأل الجماعة قال ليهم
ما في بار تاني في المنطقة دي، الجماعة قالوا ليهو: الرئيس قفل البارات (يقصودون بالرئيس جعفر نميري)
المهاجر قال ليهم: الأزهري دا جن وللأ شنو؟! لووووووووووووووووووول كان فاكر الرئيس لسى هو الأزهري
وما جايب خبر لتغيرات السودان
وبقى أي زول بطول من السودان وما مواكب بقولوا ليهو دا من جماعة الأزهري دا جن وللأ شنو
|
Post: #14
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: أسامة العوض
Date: 05-02-2013, 05:42 AM
Parent: #13
النذير حجازي
تحياتي لك
حاول أعمل تطبيق هواتف ذكية App ثم اتفاقية مع شركة زين للإتصالات فهي تدعم الجوانب الثقافية , بحيث يكون سداد فاتورة الكتاب بالرصيد وهي تعمل كشف حساب لك
واعتقد بأن متخذي القرار في هذا المجال أعضاء معنا في هذا المنبر إذا إستهوتهم الفكرة ممن يشاركوا
كذلك يمكن التفكير جدياً في ماكينات On demand Book , وهي قديمة تعمل منذ 2008م وربما قبلها ولكن لم تدخل السودان بعد
http://youtu.be/Q946sfGLxm4
|
Post: #15
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: عباس محمود
Date: 05-02-2013, 06:00 AM
Parent: #14
الأخ الصيق النذير....لك التحية
شفت يا النذير الموضوع بدأ بفكرة وشفت كيف الاقتراحات المفيدة من
عبده واسامة ووليد وطه جعفر وعماد عيدروس وأسامة العوض واثق في انك ستجد الكثير من الافكار والأقتراحات المفيدة من زملاء المنبر
طبعا في مجموعة تانية حتفيدك في اختيار الجهات التي ستزودك بالكتب بالاضافة للكانو مشاركين في معرض ابو ظبي
عندك الدار السودانية للكتب , مكتبة عزة ..دار مدارك ..دار جامعة الخرطوم للنشر..ياخي حتي مجموعة اروقة بتاعة السموؤل خلف الله قالو نشرو 50 كتاب وغيرها.
اعتقد بتحتاج لبعض الزملاء لمتابعة تنفيذ الفكرة مثلا عندك وليد وغيره من الزملاء الموجودين في السودان.
في ر أيى العمل ممكن يمشي من خلال مجموعتين محدودتين من الزملاءفي اتجاه
1- المسائل التقنية والوجستية
2- اختيار الكتب ومصادرها والاتصال بأصحاب دور النشر
اتمني لك كل التوفيق
|
Post: #16
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: حبيب نورة
Date: 05-02-2013, 06:02 AM
Parent: #14
ممتاز جدااااااااااااااا
تسلم يا نذيرو
|
Post: #17
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-04-2013, 08:46 AM
Parent: #16
الأعزاء:
أسامة العوض
عباس محمود
وحبيبنا حبيب نورا
شكراً لكم وسآتي إليكم برواقة
تحياتي وتقديري لكم
|
Post: #18
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: Khalid Basheer
Date: 05-04-2013, 10:49 AM
Parent: #17
تحياتي ،،،
فكرة ال web-based لبيع الكتب جيدة جدا.
من ناحية مصادر الكتب ، واحد من المصادر الهامة للكتب ممكن تكون الكتب المستعملة ، حتى تلك التي يملكها أفراد ولهم رغبة في بيعها. شركات مثل amazon.com وكذلك شركة Barnes and Noble تعرض كتب مستعملة على مواقعها مع وصف لحالة الكتاب يعني تلقى الكتاب المستعمل بأسعار متفاوتة إضافة الى الكتاب الجديد. باعة الكتب المستعملة في السودان (امدرمان تحديدا) قد توجد لديهم عناوين نادرة وبأسعار معقولة جدا. زمان كان مكانهم المحطة الاوسطى مباشرة امام تكاسي ابوروف من ناحية الشرق. بعدين ودوهم الى امام الجدار الغربي للبوستة وأعتقد حاليا هم موجودين في المساحة شرق جامع امدرمان. برضو (زمان) كانوا في باعة للكتب المستعملة جوار بوستة بحري و كذلك في الخرطوم اعتقد كانوا مقابل فندق اراك من ناحبة الجنوب. ما عارف حاليا الوضع كيف.
من ناحية تقنية ، من المفيد جدا يكون في امكانية لتصفح بعض محتويات الكتاب. وممكن - بعد التأكد من مسألة حقوق الملكية- تكون الكتب متاحة على شكل PDF وفي الحالة دي مسألة شراء الكتاب بتكون اسهل لأنو ما فيshipping وهو من الحاجات الهامة جدا في مشروع زي دا يعني لازم تكون في آلية لل shipping سريعة ومضمونة.
|
Post: #19
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: Mutaz Hussien
Date: 05-04-2013, 11:22 AM
Parent: #18
يبدو انك ستجد ما تبحث عنه اخ النذير،
عندي اقتراحات ليك اولا ممكن تبدأ كبداية بالكتب المجانية لأنها حتكون جاذبة لي موقعك ، واهم شيء تخطط لي التصنيفات ، ثانيا التحاويل او وسائل الدفع ممكن تكون عن طريق تكت يتابع بيها الزبون عملية الشراء(رقم تحويل بنك -بريد- كريدت كارد- بطاقات مسبقة الدفع).
، ممكن تضيف قسم اعلاني مقابل قيمة بسيطة لعرض كتب قديمة،
بس اهم شيء بداية صغيرة وتنموا بمرور الزمن احسن من عمل كبير ويفشل من اول مرة.
|
Post: #20
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: Elmosley
Date: 05-04-2013, 12:22 PM
Parent: #19
فكره غايه في الامتساز تشجع القرادوالكتاب والموزعين
اقترح تضمين الكتب القديمة ايضا
|
Post: #21
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: عبد الحفيظ فخر الدين
Date: 05-04-2013, 12:53 PM
Parent: #20
سلام يالنذير
أولاً نسال الله لك التوفيق و السداد..
بعد حجر الدومين هنالك شركات متخصصة فى برمجة مواقع shopping
لذلك لن تجد مشكلة فى الحماية ، فقط تعتمد على امكانية الشركة المبرمجة ..
|
Post: #22
Title: Re: تخطيط لإنشاء أمازون سوداني ضخم للكتب السودانية عن طريق شرائها عبر
Author: النذير حجازي
Date: 05-07-2013, 09:40 AM
Parent: #21
الاعزاء:
خالد
معتز
الموصلي
عبد الحفيظ
شكراً جزيلاً لكم وعلى نصائحكم الغالية والتشجيع، دي مداخلة بس رفع البوست وإن شاء الله سأعود إليكم
إلى حين ميسرة
تحياتي وتقديري لكم
|
|