## الوالده هديه بت الزين , عليك الله أعفى لعمر ولدك ##

** هنالك مقوله شائعه فى البلد وإنتى عارفه بلدنا مافيها إشاعات وغالباً ماتكون الشائعه هى الحقيقه إنك قلتى لعمر :- ماعافيه ليك من لبن شطرى كان شلت عبدالرحيم **
## وعبدالرحيم (اللمبى) دا بصراحه جايب لولدك الطراوه ورافع كثافة كل الشعب ومكرِه الناس فى ولدك ##
## اها بحلفك بالله وبتربة أخوك حامد البتعزيهو :- أعـــفـــى لـعـمــر عشان يتخارج من الزووول الكارثه دا , وكمان لو إتباصرت معانا عربية عمر ذاتا مايسوقا ليهو , عشان يقطع دابرو ومانشوف خلقتو دى الرافعا لينا الضغط والسكرى والكلسترول ##
## أها ياوالده الله يديك الصحه والعافيه , بس ماتنسى وصيتنا دى ##

** أها ياريس الوالده عافيه منك وراضيه عليك , ونواب البرلمان قالوا :- الزوووول الإسمو اللمبى الهطله دا ماعايزنو **
## الدبــــاره ,, تتخارج منو ولى تتخارجو الإثنين مع بعض وتسوق معاك بكرى حسن صالح ##
## تكون ريحتنا وريحت الشعب الفضل ##

دي رسالة كتبتها عبر صفحتي بالفيس قبل ثلاثة اياااااام بس شكلو الامنجيه ما وصلوها ليها :

Quote: رسااالة عاجلة للحاجه هدية محمد زين ... والدة الرئيس عمر البشير هنالك بعض الاحاديث المتداوله عن عدم عفوك عن الرئيس في حالة قرر اقالة وزير الدفاع عبد الرحيم محمد حسين لانك بتريدي شديد وزول كويس وزي اولادك؟؟؟ الله يهديك يا حاجه هديه غيري رأيك ووافقي على اقالة اللمبي لطفاً بهذا الشعب المغلوب على أمره ؟؟؟

Quote: دي رسالة كتبتها عبر صفحتي بالفيس قبل ثلاثة اياااااام بس شكلو الامنجيه ما وصلوها ليها

** الأخ أُسامه..
** سلام وصباحك خير..
## كان رسالتك ماوصلت بالتأكيد رسالتى دى وصلت ,, اصلو الجماعه ديل مصاقرين حوشنا دا 24 ساعه لو كتبت نقطه وختيت العلامه دى بتكون وصلت لسيد الجنينه ..
( اللهم أنقذنا من اللمبى الهطله)

عبد الكريم واسامةسلامات
فيكم الخير يا شباب
مش احسن تكلموا الحاجه دي تقول لولدها دي ما عافيه منك لو استمريت ومعاك المؤتمر الوطني كلو مكنكشين في الكرسي يوم واحد بعد ده

Quote: مش احسن تكلموا الحاجه دي تقول لولدها دي ما عافيه منك لو استمريت ومعاك المؤتمر الوطني كلو مكنكشين في الكرسي يوم واحد بعد ده

** الأخ إسماعيل ود حسن..
** سلام وصباحك خير ..
## برضو ختينا من ضمن الخيارات المُخارجه الجماعيه دى عسى ولعل :-


## الدبــــاره ,, تتخارج منو ولى تتخارجو الإثنين مع بعض وتسوق معاك بكرى حسن صالح ##
## تكون ريحتنا وريحت الشعب الفضل ##
(ودام الود بين الجميع)

صاحب البوست وضيوفه الكرام

من العيب ان ندخل امهاتنا في محك السياسة فالحاجة هدية لاذنب لها بتلك المهاترات ومواجع العمل السياسي .
اننا نعارض النظام من ايامه الاولي وتقوم معارضتنا على عدم تدخل الغير في شؤوننا وعلى اتباع الطرق السلمية لتغيير النظام .
يجب ان تكون معارضة النظام بصورة حضارية ولاندخل امهاتنا في تلك المهاترات .
الحاجة هدية لها الاحترام والتقدير فهي امنا واحترامها واجب علينا ولادخل لها في لعنة السياسة .
اننى اتفق معك ومع ضيوفك في ان وزير الدفاع وغيره من المسئولين قد فشلوا في اداء مهمتهم ولو كنت مكان الرئيس لطردتهم جميعهم من مناصبهم .

ولنا في رسول الله اسؤة حسنة حين قال في خطبة الوداع ( أنما اموالكم واولادكم واعراضكم عليكم حرام )
امهاتنا هم اعراضنا والحاجة هدية هي كذلك .
احترامي وتقديري للجميع

Quote: من العيب ان ندخل امهاتنا في محك السياسة فالحاجة هدية لاذنب لها بتلك المهاترات ومواجع العمل السياسي .

## صاحب هذا التعليق __ سلام :-

## أين العيب أو الإساءه للحاجه الوالده هديه الزين حامد (الوالده هديه بت الزين) - مُخاطبتى لها تمت بكل تهذيب وأدب لأننى أعلم أن كلمتها سيف على رقبة عُمر ,, وإن كنت لاتعلم ذلك ؟ فازيدك من الشعر بيت :- نساء المسؤوليين هُم من بيدهم القرار , فإذا كان المسؤوليين عديمى الإحساس بمعُناة الشعب الفضل فما المانع من مُناشدة من يحسسن ##
## إذا وجدت ردى هذا معِيباً فأعفيك من التعقيب عليه ##
(ودام الود بين الجميع)

## وأفتكر كانت هذه مُداخلتك فى بوست آخر :-

Quote: فتح العليم محمد أبوالقاسم تاريخ التسجيل: 24-07-2010 مجموع المشاركات: 311 Re: ## ياناس يودانيزونلاين باركووووا لى .. بقيت وزير !!! ## (Re: عبدالكريم أحمد الامين) ************************************ كلام فارغ لامعنى له . وكان من ا لانسب التعبير في مقال عن تلك الاخفاقات والواسطات .

ابومحمد الماكيكي صباحك عافيه اخوي
الناس ديل ايو حاجه بتمغصنا بسووها لينا
من يوم سد دنقلا بتاع الامطار داك زمان بتذكروهو
الزول الكج ده ناس الانقاذ بتبوختو بيو عشان يمغسكم
ويمغصكم فالريس قاليك كييييه ليكم او موتو بغيظكم

Quote: ابومحمد الماكيكي صباحك عافيه اخوي الناس ديل ايو حاجه بتمغصنا بسووها لينا من يوم سد دنقلا بتاع الامطار داك زمان بتذكروهو الزول الكج ده ناس الانقاذ بتبوختو بيو عشان يمغسكم ويمغصكم فالريس قاليك كييييه ليكم او موتو بغيظكم

** ود بــدرى ..
** سلام ومساءك خير..
## عندى إحساس أنو اللمبى الهطله دا عايزين يتخلصو بيهو من الشعب الفضُل الذى فضل , وذلك برفع السكرى والضغط والذبحات الصدريه عشان يتخارجو مننا بدل يتخارجو منو ###
(ودام الود بيننا)