Post: #1
Title: عَمِّي في بيرو .. بِنَقِّي في (عَواوِيرو) .. البوستات ( الغُلّوتية )
Author: يحي قباني
Date: 04-29-2013, 07:13 PM
لما كنا صغار ...
( جُهال ) يعني ...
كان اخوانك الكُبار يجوك و يضقلوا بيك ( بالغلوتيات ) ...
يقول ليك واحد منهم ...
عَمِّي في بيرو .. بِنَقِّي في (عَواوِيرو) !!!
ده شنو ؟؟؟
تطلع البصلة البقشروا فوقها ...
ولا يقول ليك ...
عمّي طويييييل ... وملان قِمصان ...؟؟
ده شنو ...؟؟
يطلع ( عيش الريف ) ...
ولا عمّي التيّه تِيّه ... ما بعرف شنو
يطلع العنقريب ....
_________________________
لزوموا شنو الواحد يفتح بوست ...
اول كلام ...
نقطة ....
واول رد منو هو زاتو ...
كلمة ...
ويجيك واحد ( من نفس العينة ) يرد ...
يقول ليك ...ده بوست عالي التشفير ...
جنس حالة ...
غايتو .... الله الشافي المُعافي ...
ما تدخلوا في الموضع طوالي !!!
|
Post: #2
Title: Re: عَمِّي في بيرو .. بِنَقِّي في (عَواوِيرو) .. البوستات ( الغُلّوتية
Author: سيف الدولة كامل
Date: 04-29-2013, 07:18 PM
Parent: #1
عمي تية ,,,,,,,, 100 ده ما بتتكمل يا يحيي
لكن حبوبتي من هولها وجولها حتي الملوك عقلولها .
وحبوبتبي شن سوت لامن ,,,,,,,,,,,,,,,,,,, اتلوت .
سلامات يا يحيي ورد علي الفوق ديل علي بال من نشوف الباقي .
|
Post: #3
Title: Re: عَمِّي في بيرو .. بِنَقِّي في (عَواوِيرو) .. البوستات ( الغُلّوتية
Author: يحي قباني
Date: 04-29-2013, 08:48 PM
Parent: #2
يا دفعه
قاليلك
عمي فرش عيشو ... صحي الصباح لقاهو مافي ...
|
Post: #4
Title: Re: عَمِّي في بيرو .. بِنَقِّي في (عَواوِيرو) .. البوستات ( الغُلّوتية
Author: محمد أبوالعزائم أبوالريش
Date: 04-29-2013, 08:59 PM
Parent: #3
سلام يا دُفعة ....
أدخل هنا: الغلّوتيّات (الفوازير) السودانية
تجد ما يسرّك ...
أغرف ما شاء لك الغرف.
البوست قديم شوية ... لكن الغلوتيات أقدم مُش؟ قلنا يمكن ينعش ليك الذاكرة.
بس جماعة تشفير البوستات ديل، صراحة لو لقيت نفسي ناقش كلامهم .... بتابع. ولو لأ .. بتطلّب الله واخليهم في بوستيهم.
|
Post: #5
Title: Re: عَمِّي في بيرو .. بِنَقِّي في (عَواوِيرو) .. البوستات ( الغُلّوتية
Author: يحي قباني
Date: 04-29-2013, 09:03 PM
Parent: #4
يابو الريش
انا بوستي لناس التشفير زي ما قريت
الغلوتيات لضرب المثل فقط
وفعلا مرات ما تفهم الهوا
تتطلب الله و تفوت
|
|