نموذج إستمارة استخراج الرقم الوطني - صور مستند - وتفاصيل أخرى .

صديقنا المهندس محمد ابراهيم أشار في مداخلة ( واتسابية ) بقوله : يا شباب الرقم الوطني في السفارة ألحقو قبل الزحمة
واحتمال يربطوا تأشيرة الخروج من السودان بيهو ، انتهى . :)
ولعلمي انو مربوط بتأشيرة الخروج وسبق ان قام افراد اسرتي بعمله ذهبت وأدناه الملخص حسبما تم حتى يكون زملاء الحوش على بينة .
.
.

عند مدخل السفارة بالرياض كانت هذه الورقة :

الرسوم كم ريال؟

مجـــــــانا ويا للدهشة :)

ثم سلمني الاستقبال الاستمارة وادانه صورتها علماً بأنها ( وش وقفا ) :)
..
الصفحة الأمامية

الصفحة الخلفية :

عفواً لحذف تكرار الصفحة الخلفية :)


......
المدهش التعامل الجميل وفعلاً بأدب من شباب صغار السن مدربين جيداً والابتسامة تعلو وجوههم :)
يمكن لسه ما جوهم ناس ( شايلة غباين الغربة ) ودايرة تفشها في وش المساكين الجدد ديل " تعليق من الداخل "
أو الأصلاً زهجانين من الحال والمآل وبيجوا بالغصب لسفارة البلد حيث لا مناص " برضو تعليق من الداخل "
...
كثرة المعلومات المطلوبة أدهشتني ودي مناسبة انو الناس تذاكر كويس
شهادة الميلاد لمن بيده الجواز لا تخدم كثيراً حسب افادة الموظف
صورة الجواز لك وللشاهد تكفي " معلومات الجنسية مسجلة بالجواز "
يعني ما ضروري يكون حاضر
يمكن ما تستلم الرقم في نفس اليوم باعتبار ان الإجراء يتم بأخذ صورة وبصمات لكل الأصابع وترسل للسيرفر الرئيسي بالسودان وده شي منطقي

مرحبا محمد ومححمد
مجاناً منطقية لأن هذه مرحلة جمع المعلومات واعتقد عند استلام البطاقة وصورتكـ عليها " ممغنطة على ما اعتقد " تدفع الألوفات "


.....
باقي صورة تذكرة المراجعة بس فاصل ونواصل
ومعليش يا محمد ابراهيم ارجو مواصلة البوست ان ورد من الشباب استفسار فأنا خارج الخدمة لباقي اليوم

Quote: تذكرة المراجعة

يجب الاحتفاظ بها لانها التي تستلم بها وثيقة الرقم الوطني
تسلم تذكرة مراجعة لك ولكل واحد من افراد الاسرة منفصلة
الاطفال تلتقط لهم صورة فوتغرافية والبصمات للبالغين فقط
اطفالك عادة يكون الشاهد هو الوالد ويكفي صور من شهادات الميلاد وصورة جواز الوالدة

علي حسب افادة ضابط الجوازات بالسفارة يفترض ان يكون استخراج الجواز الالكتروني قد بدأ يوم الاحد اول امس
طبعا بدون رقم وطني لا يمكن استخراج الجواز الجديد
يتم ارسال المعلومات للخرطوم لاستخراج الجواز ومن ثم ارساله بالحقيبة الدبولماسية للسفارة
تاخذ هذه العملية اسبوع او اكثر تقريبا
الرسوم المتوقعة للجواز الواحد هي 500 ريال سعودي (النسبة محفوظة تقريبا القديم سنتين بـ 200 ريال والجديد 5 سنوات بـ 500 ريال )

يطرشنااااااا
ومشكرين ياشباب الناس دي جومتين
وقاعدين قدر شنو
وهل في زحمة ولا الامور ساهلة
يعني ال6 جوازات بي 3000
اخير مكتب العمل!!!!!!!!!!!!

تحياتي يا زول
تاكدت الان من التكلفة وهي كما يلي
رب الاسرة 530 ريال
الزوجة 430 ريال
الاطفال 95 ريال

Quote: تحياتي يا زول تاكدت الان من التكلفة وهي كما يلي رب الاسرة 530 ريال الزوجة 430 ريال الاطفال 95 ريال

مشكور ياهندسة
95 دي لكل الاعمار
وموضوع الزحمة كيف

دي ما اتاكدت منها لكن عموما ممكن تقول القاصرين يعني < 18 سنة
حاول امشي في نص الاسبوع بيكون اخف من اخر الاسبوع

أفادكم الله