هى حبوب الصداع بتقلب الزول وحش

الجمله دى قالتها طفله قريبتى فى الابتدائى لامها وهم قاعدين يتفرجوا على التلفزيون
بعد ما جات دعايه من الدعايات ايااااااااااااااااااااااااااااهم
حقت الحبوب المنشطه
والدعايه بالجد بتخلى الزول لو قاعد براه يتلفت
يجى راجل بعد يبلع الحبه يجر الوليه من شعرها لغرفه
ويسمعوا بس الوليه بتقول بقى وووووووووووحش بقى وووووووحش
دا شنو
دا اعلان تلفزيونىىىىىىىىىىىىىىىىىىىىىى بيتفرجوا عليه كل الخلق فى البيوت
هو لو الكتب الاعلان متخلف الاخرجه ما عندو فاخوره ولا المنتجه ما عندو راس ولا الصرح باذاعته ما عندو احترام للمشاهد
ولا نحنا مشاكلنا كلها اتحليت وبقى الاعلان للامور دى ضرورى
لمتين حنفضل نستنكر ونقول يا خخخخخخخخخخخخلق راعوا عقلياتنا واحترموا انسانياتنا واطفالنا
ولا عشان الافلام و المسلسلات بقى فيها كل مشاهد ومراحل الحب الملموس بلا توقف حتجى يعنى على الدعايات
,.,
زمان بتذكر ونحنا صغار لو قعدنا نتفرج على اى مسلسل لازم امى تكون ماسكه الريمول فى يدها وقاعده فى نصنا
لو جات بالغلط ساى نظره ماياها بين راجل وست
طوالى بتقفل الشاشه ونبدى ننطط ونكورك خلاص يا ماما
راحت يا ماما
افتحى الشاشه يا ماما
يا ماما المسلسل حيضيع
ما بتذكر لحظتها انا كنت فاهما الحاصل دا شنو ولا بس بنطط عشان ماما قفلته وشنو هو زاتو الراحت
بعد بقينا فى الجامعات الزول بقى يخجل يحضر افلام مع الاسره من المشاهد الفيها
وكمان لو فى السينمااااااااااااا وفى مصر
يا لهووووووووووووووووووووى
انا شخصيا بحس باحراج ما عادى
وبضايق من ردود الافعال حقت التصفير والكواريك البتنتج من المشهد العاطفى
المشكله الحقيقه ان دا بقى عادىىىىىىىىىىىىىىىىىىىىىىىىىى
وحتى فى برامج الاطفال بنلقى حاجات ما مفروض تكون فيها
هل نحنا فعليا بنتعرض لسطو دينى من جهات غير معلومه
مصره تفرتك حنانا واخلاقنا وحيائنا
ولا نحنا المصريين نتبع دروب ما بتناسبنا عشان نتطور
ولا شنو الحكايه

هل مافى اى قانون ممكن يحمى المشاهد ويحمى اخلاقه وحيائه
هل طبيعى اننا نفتح عقليات اطفالنا على الامور دى
طيب ما نلومهم بقى لمن نلقاهم فى الجامعات عايشين دور مهند ونور
وما نعترض ان المايقوما اتشبعت باطفال مجهولين الهويه
وما نزعل ان الانحلال فات كل المستويات الطبيعيه
بما ان الساس اصلااااااااااااااااااااااا ما قائم على اى ثوابت محترمه
ومافى كبير ومسئول وراعى بيحرص على دعم مجتمعنا بالصح

.. ولا أزيد!!

اكثر من تلمسك للمواضيع بذكاء اسلوبك فى الحكى او الكتابة اكثر من رائع
من الذين لا امل القراءة لهم
تحياتى

تسلم اخى هشام عباس
برغم كتير بقيت احس مافى فايده من الكتابه اصلا
نشكى ونبكى لمتين
والفايده شنوووووو
والبيتغير شنووووووووووووووو
:(

يعنى حسى دى افهمها كيفين يا ود امى

والله يا رانيا .. عجبني الموضوع وطريقة الطرح!!
وفي نفس اللحظة اتذكرت الكمنضان محمد حامد جمعة!!

مين داااااااااااا الكمنضان
:))))
تسلم يا غالى

موضوع في السلك .... ومعالجه ولا أروع ......


الله يخليك وإن شاء الله تسلمي يا رانيه ياخ .....


مع خالص ودي وتقديري ؛؛؛؛

الرائع ادريس
نحنا من حقينا نعيش فى الدنيا معاهم
ونوفر جو امن لاطفالنا ومجتمع سوى بقدر الامكان
وكل يوم للاسف بنفقد اكتر من الامس
حنصل لوين
انا مش عارفه الامهات والابهات بيربوا اطفالهم كيف فى الوضع الحاصل دا
مرات بحس ان ربنا رحمنى من عنده انى لحسى ما بقيت ام
كان دفشت عيالى فى حشاى تانى من الشيفاه دا
كان ربيت فى البيت من عتبت الباب بتلقى البيخرب ليك البتعمله
الانعزال ما حل
والسكوت ما حل
والكلام ما بقى له تأثير
والفعل بقى مقيد

تحياتي رانيا

زمان بتذكر ونحنا صغار لو قعدنا نتفرج على اى مسلسل لازم امى تكون ماسكه الريمول فى يدها وقاعده فى نصنا
لو جات بالغلط ساى نظره ماياها بين راجل وست
طوالى بتقفل الشاشه

ودة المفروض يحصل في كل بيت من كل أم أو أب. رغم أن في كل بيت الآن أكتر من جهاز تلفزيون وأكتر من وسيلة لمشاهدة الأفلام والدعايات إياها. يعني مهمة الأم والأب أصبحتْ متشعبة وصعبة ومرهقة للغاية.

الغالى ابوجهينه
الام شغاله والاب شغال
منو بقى الفاضى يراقب ويحرص على الاطفال
التربيه ما مدارس بالشى الفلان وملابس اخر موضه وبيت اربع طوابق وسياره اخر موديل والموبايل كيف كيف واللابتوب الله يدينا خييييييره انا الكبيره دايره زول يوعينى فيه
كل الحاجات دى للاسف كلها اكتر حاجات محتاجه حرص وحدود فى التعامل فيها ووجودها بلا رقابه خططططططططططططططططططر
المراقبه ما عدم ثقه
المراقبه تصليح وتصويب وتوعيه
لازم اولياء الامور تفوووووووووووووووووووووووق
هل المصايب البنشوفها ومدفوشين فيها كل يوم ما وجعتهم ولا حسستهم
ان الفيضااااااااااااااااااااااان بيغرق فينا

رانية محمد الشيخ

المتميزة في الطرح والاسلوب والاختيار ..

في ظل تغول التلفزيون على حياة اطفالنا ..

واستهلاكه اغلب اوقاتهم ..

وكذلك مع صعوبة السيطرة عليه طول الوقت ..

يبقى يجب ان نربي اطفالنا على ان يميزوا بين الخطأ والصحيح ..

وذلك من خلال النقاش والاقناع لا بالنهي والاوامر والرقابة والمنع ..

اخى على
لكل مرحله فى حياتنا معنى واهميه ودور
ولكل مشاعر فى حياتنا اوان ومقام
ولكل فتره ليها افكار مناسبه ليها
نحنا بنسرق من الاطفال طفولتهم وحياتهم وبرائتهم وحيائهم
فى المدرسه وفى المقرر الدراسى شرح الاجهزه التناسليه له سنه محدده
ما من اول ابتدائى ماشيين نديهم خلاصة الحياه بحزافيرها
الصغير صغير والكبير كبير
تفتيح العقول قبال الاوان بيضرها اكتر ما بينفعها
هو حسى الكبار عوجتهم عوجه فى الانفتاح دا وما قادرين يسيطروا على مشاعرهم ويتحكموا فيها فى حدود المسموح والادب وبتشوف منهم البدع فيه لانهم ما قادرين يستوعبوا صح
ما بالك الاطفال
انا حاسه شخصيا ان اطفالنا حسى ما زى طفولتنا
بتلقى الطفل عينه قووووووووويه ودا شى ما جميل اصلااااااااااااا
وبنلقى شباب الجامعات بالاصح شفع الجامعات الما ليس طلع ليهم شنبات عاملين فيها فتكات

Quote: زمان بتذكر ونحنا صغار لو قعدنا نتفرج على اى مسلسل لازم امى تكون ماسكه الريمول فى يدها وقاعده فى نصنا لو جات بالغلط ساى نظره ماياها بين راجل وست طوالى بتقفل الشاشه ونبدى ننطط ونكورك خلاص يا ماما راحت يا ماما افتحى الشاشه يا ماما يا ماما المسلسل حيضيع

والله نحنا في زمنا .. وهنااااك في امطرقاً عراض ما كان في ريموت
لكن ابوي الله يرحمو -رغم المرض- كان هو البنط من سريرو .. طق يقفل التلفزيون
كلمة (حب) ساي كانت ممنوعة!!



































--------

لكن الغريبة ما كنا بنقول ليو يا ماما
يبدو اننا عشنا طفولة بائسة ساي!؟
مافيها فرصة للدك .. ونرجع نجرب طفولة ام بابا وماما دي؟

تصدق يا فتح الرحمن
كانت التصرفات دى مخليه للحب معنى حقيقى جميل
فعلا النظريه الاقتصاديه صحيحه حتى بالمفهوم اللغوى للمعانى والمشاعر
لمن تبقى فى بضاعه مرطرطه فى السوق قيمتها الماديه بتقل
ولمن تشح قيمتها بتزيد
ياها كلمة بحبك
بقيت حتى مستعمله للتريقه والنكات
لدرجه فى ناس حاليا ما عارفين اصلا يعنى شنو الحب وصباح ومسى بتبقى زى اللبانه فى خشمهم بحبك بحبك بحبك
:(((

يالهو يالهوى ايه دا يا حبيبة

دا فعليا فى التلفزيون يا وضاحه
ما جبتش حاجه من عندى
:(

سلام للأخت العزيزة والهميمة رانية بت الشيخ وضيوفها الكرام ..

يا رانية موضوعك مهم وحيوي وخطييير .. وبيمس عصب حياتنا وحياة أولادنا ..

وشايفك بتخاطبي المسؤولين في التلفزيون ... وعايزاهم يمنعوا الحاصل ده ..

تفتكري الحكاية دي فايتة عليهم ..؟ .. أبداً والله ... وأنا شخصياً أعتقد إنها مقصودة ..

يا رانية المسؤولين عندنا سمحوا بفك حظر المواقع الإباحية في النت .. عشان يشغلوا الشباب ..

ويجوا مسؤولين تانين يمنعوا كتابات سناء جعفر ... وعبد العزيزة بركة ساكن ... وحمور زيادة ..

عشان شنو .. قالوا كتاباتهم خادشة للحياء ... لا بالله !!!

غايتو ... الله يكون في العون بس ... لكن ما في أمل في مسؤولينا والقائمين على أمر بلدنا ..

أرمي طوبتهم بس .. وحاولي تنسي ...

اخى عبدالله
اها نسيت
وبعد دا
ولا افتكرت
بالجد
فعليا الفرق نهائيا ماااااااااااااااااااااافى
كان نسيت كان افتكرت
كان اتكلمت كان سكت
كان طلعت كان نمت
ياهو النحنا فيه ياهو الفيه
والحيحصل والجاى حيفوق حتى تخيلاتنا
ودايما بكررها وبقولها
ان الله لا يغير ما بقوم مالم يغيروا ما بأنفسهم
الاوضاع والافعال دى ما عشوائيه
مقصوده ومتعمده من لحمنا ودمنا لاغراض ومصالح شخصيه ملعونه
لعنت الله عليهم

Quote: هل نحنا فعليا بنتعرض لسطو دينى من جهات غير معلومه مصره تفرتك حنانا واخلاقنا وحيائنا ولا نحنا المصريين نتبع دروب ما بتناسبنا عشان نتطور ولا شنو الحكايه

حيا الله الأخت رانية،
حديث:
(بدأ الإسلام غريباً وسيعود غريباً كما بدأ)
بفسر كل حاجة!
صارت القيم والأخلاق بلا أدنى قيمة!
بس العاقل ما عندو خيار غير إنو يختار
يكون -لو يقدر- واحد من الغرباء!
وفي خضم الوحشة لو قدر يفتح نافذة
مع ربنا، فيا للأنس!
وكما قال الرسول صلى الله عليه وسلم:
(فطوبى للغرباء)!

صدقت اخى صلاح
ربنا لا تحمل علينا اصرا كما حملته على الذين من قبلنا
ربنا لا تحملنا مالا طاقة لنا به
واعفو عنا واغفر لنا وارحمنا انت مولنا فانصرنا على القوم الكافرين

المحيرني يا رانية اختي مصطلح ( المسطول ) بقي عاااااادي
في خشم البنات .. يعني البت تحكي نكتة سمعتا من التلفزيون ولا من وين وتقول
في مسطول... الخ الخ

اخى منتصر
مش سمعتها من التلفزيون ولا غيرها
كيفين ما تقولها
مش فى قصيدة جحا قال
بس نسوا يعلمونا الاحترام

الاخت رانية

Quote: هل نحنا فعليا بنتعرض لسطو دينى من جهات غير معلومه

لم افهم ماذا تعني بكلمة ديني هنا ؟؟

اخى مدثر
دينى قصدته بيه دين
الوضع اصبح مهتز بكل المعانى وفى معركه ظاهر لو الانسان قدر يدقق النظر على ساس حياتنا الفى نظرى وقناعتى واحساسى وعقلى هو الدين
لانهم على ثقه تااااااااااااااااااااااااااامه ان دينا لو اتبعناه صح وبطريقه الصحيحه ما زى الحسى رافعين شعاره بلا ادنى فهم فيه مافى زول بيقدر يكسرنا ويهزنا
ولا كان اى شى من دا كله بيحصل لينا
رسولنا صلى الله عليه وسلم قال
تركت لكم شيئان لن تضلوا بعدهما كتاب الله وسنتى
صدق رسول الله صلى الله عليه وسلم

الاخت رانية

Quote: هل نحنا فعليا بنتعرض لسطو دينى من جهات غير معلومه

لم افهم ماذا تعني بكلمة ديني هنا ؟؟