Post: #1
Title: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 07:56 AM
تخيل عزيزي القارئ أنك وجدت نفسك فحأة في مكان السيد الرئيس / عمر البشير ..
ماذا تفعل بـ
1 ) نفسك ..
2 ) وزير الدفاع ..
3 ) وزير الداخلية ..
4 ) مدير جهاز الأمن العام ..
5 ) طاقم الحكومة ..
6 ) المؤتمر الوطني ..
7 ) الأحزاب السياسية ..
8 ) الحركات المسلحة ..
9 ) الشعب السوداني ( الفضل ) ..
|
Post: #2
Title: Re: لو كنت مكان السيد الرئيس .. ( متابعة رئاسية ) :
Author: MOHAMMED ELSHEIKH
Date: 04-29-2013, 07:59 AM
Parent: #1
..
طلقة في نص الراس
وماتقول التمانية الباقيات سوف ارتاح منهن
تحية استاذ عصام
|
Post: #14
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 10:26 AM
Parent: #2
تحية و أحترام يا استاذ / ود الشيخ ..
Quote: طلقة في نص الراس
وماتقول التمانية الباقيات سوف ارتاح منهن |
ما بتحلك .. و لا بتريحك ..
حتزوغ من ربنا وين ؟؟
|
Post: #3
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 08:01 AM
Parent: #1
و حيث علمت فيما علمت أن السيد الرئيس مهتم بمتابعة الأنترنت و تصفح سودانيز أون لاين فأعلم يا عزيزي القارئ أن السيد الرئيس لن ( يجلي ) هذا البوست حال دخوله متصفحاً سودانيز أون لاين ..
إذن يمكنني القول ـ بغير ثقة ـ أن هذا البوست يحظى بمتابعة رئاسية ..
و لو ما أخاف ( الهجمي و الرجمي ) ما بعيد يكون السيد الرئيس عندو باسورد هنا و يتداخل معانا ..
و تلاقيهو بيقول ( هيع ) كمان..
كل شئ جائز ..
|
Post: #5
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 08:09 AM
Parent: #3
عن نفسي ..
لو كنت مكان السيد الرئيس أول حاجة حأعمل رايح ..
|
Post: #11
Title: Re: لو كنت مكان السيد الرئيس .. ( متابعة رئاسية ) :
Author: جعفر محي الدين
Date: 04-29-2013, 09:20 AM
Parent: #3
الأخ العزيز / عصام دهب
السلام عليكم ورحمة الله وبركاته
لا أتمنى أن أكون في موقع البشير
لكن إن حدث ذلك فسأطلب من كل هؤلاء المسؤولين الذين ذكرتهم
الحضور في الهواء الطلق أمام عشرات الصحفيين والإعلاميين والمواطنين
وأجعلهم يمطرونهم بأسئلتهم وقضاياهم على الهواء مباشرة
لمدة 48 ساعة متواصلة
|
Post: #15
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 12:07 PM
Parent: #11
الأخ العزيز / جعفر محي الدين ..
السلام عليكم ورحمة الله وبركاته
Quote: لا أتمنى أن أكون في موقع البشير
لكن إن حدث ذلك فسأطلب من كل هؤلاء المسؤولين الذين ذكرتهم
الحضور في الهواء الطلق أمام عشرات الصحفيين والإعلاميين والمواطنين
وأجعلهم يمطرونهم بأسئلتهم وقضاياهم على الهواء مباشرة
لمدة 48 ساعة متواصلة |
رأيك محل أحترامي يا جعفر من باب إحترام الرأي الآخر..
لكن أنتا قاصد يمطروهم بالأسئلة و اللا يرجموهم بالحجارة ..
|
Post: #4
Title: Re: لو كنت مكان السيد الرئيس .. ( متابعة رئاسية ) :
Author: Hani Arabi Mohamed
Date: 04-29-2013, 08:08 AM
Parent: #1
Quote:
تخيل عزيزي القارئ أنك وجدت نفسك فحأة في مكان السيد الرئيس / عمر البشير ..
ماذا تفعل بـ
1 ) نفسك ..
|
ينظر ويفاد
Quote:
2 ) وزير الدفاع ..
|
إحالة للصالح العام
Quote:
3 ) وزير الداخلية ..
|
إحالة للصالح العام ..
Quote:
4 ) مدير جهاز الأمن العام ..
|
إحالة للصالح العام..
Quote:
5 ) طاقم الحكومة ..
|
إحالة للصالح العام ..
Quote:
6 ) المؤتمر الوطني ..
|
إزالة للصالح العام ..
Quote:
7 ) الأحزاب السياسية ..
|
يتصرفوا براهم ...
Quote:
8 ) الحركات المسلحة ..
|
ينظر ويفاد
Quote:
9 ) الشعب السوداني ( الفضل ) ..
|
ينظر ويفاد
|
Post: #6
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 08:14 AM
Parent: #4
| Quote: 2 ) وزير الدفاع .. |
3 )
بقشطو كفين و بقول ليهو شتات يا فردة ..
|
Post: #7
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 08:25 AM
Parent: #6
تعيينه في مؤسسة جبال النوبة الزراعية ..
|
Post: #8
Title: Re: لو كنت مكان السيد الرئيس .. ( متابعة رئاسية ) :
Author: عوض أبو عيش
Date: 04-29-2013, 08:44 AM
Parent: #7
.
لو كنت مكان السيد الرئيس..
ح أعمل إنقلاب تاني..
.
ما هو الوضع الحالي أصعب من الوضع قبل 89..
|
Post: #17
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 08:38 PM
Parent: #8
سلام يا عوض ..
Quote: لو كنت مكان السيد الرئيس..
ح أعمل إنقلاب تاني..
ما هو الوضع الحالي أصعب من الوضع قبل 89.. |
إنقلاب على منو يا عوض ؟؟
قصدك إنعدال ؟؟
|
Post: #9
Title: Re: لو كنت مكان السيد الرئيس .. ( متابعة رئاسية ) :
Author: Sulaiman Adam
Date: 04-29-2013, 08:48 AM
Parent: #6
Quote: 3 )
بقشطو كفين و بقول ليهو شتات يا فردة |
وزير الدفاع ده بالذااااات اعدام رميا بالرصاص والصلب لمدة 3 ايام فى ميدان ابو جنزير برضو شوية
|
Post: #10
Title: Re: لو كنت مكان السيد الرئيس .. ( متابعة رئاسية ) :
Author: Mortada Adam
Date: 04-29-2013, 09:15 AM
Parent: #9
وزير الدفاع
سائق خاص للسيد الرئيس
|
Post: #22
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-30-2013, 08:33 AM
Parent: #9
سلام يا سليمان ..
| Quote: وزير الدفاع ده بالذااااات اعدام رميا بالرصاص والصلب لمدة 3 ايام فى ميدان ابو جنزير برضو شوية |
إعدام و صلب !! ليييه عمل شنو ياخي ؟؟ الزول دة بتاع تنظير و دفاع بالنظر بس ، هو أصلو قاعد ساي و ما عمل و لا بيمل حاجة كلو كلو !! تعدموا ليييه.؟؟
|
Post: #16
Title: Re: لو كنت مكان السيد الرئيس .. ( متابعة رئاسية ) :
Author: عصام دهب
Date: 04-29-2013, 02:39 PM
Parent: #4
سلام يا.. هاني
Quote:
ينظر ويفاد
إحالة للصالح العام
إزالة للصالح العام ..
يتصرفوا براهم ... |
مافي حاجة أقوى من كدة شوية ؟؟
|
Post: #12
Title: Re: لو كنت مكان السيد الرئيس .. ( متابعة رئاسية ) :
Author: adil amin
Date: 04-29-2013, 09:35 AM
Parent: #1
| Quote: لو كنت مكان السيد الرئيس .. ( متابعة رئاسية ) : |
الاخ عصام الذهب
بوست عبقري والله
لو كنت مكان الرئيس
اصدر قرارات جمهورية
1- باعادة الاقاليم الخمسة القديمة في حدود يناير 1956 واعطي الشعب السوداني الفضل فرصة ينتخبو حاكم وبرلمان اقليمهم بحرية ونزاهة في البطاقات النيفاشية الناقصة 9و10و11و12 والغي الحكم الولائي الفاسد او اتركه للمشورة الشعبية والتزم بالدستور الحالي نصا وروحا وارفع اصر المركز عن هذه الاقاليم الخمسة..وفقا للدستور والمواد الخاصة بي حكومة الاقليم في دستور نيفاشا 2005 التي نظمت علاقة المركز بالاقليم الجنوبي الذى انفصل لاحقا
2-الدعوة الى الانتخابات الحرة النزيهة الاقليمية باشراف دولي تام تقضي على النزعات القائمة تماما الان وتاني بمن يصلح ما افسده الدهر في الاقاليم وتردي المرافق والمحاسبة الاقليمية للمشاريع القائمة عبر المحاكم الاقليمية والمحكمة الدستورية العليا لفض النزاعات بين المركز والاقاليم
2- انتخابات مركزية لاحقة بعد ثلاثة شهور حرة وباشراف دولي تام
3- وانتخابات راسية اخيرا بعد ستة شهور وباشراف دولي تام
ويكون كده الخروج الامن من السلطة واالمحترم لحكام افريقيا المخضرمين
واسرع عملية جراحية للنظام المتهالك الان
والقصة يا عصام الذهب بقت
اما
up datting
او
up rooting
والله يكضب الشينة
|
Post: #13
Title: Re: لو كنت مكان السيد الرئيس .. ( متابعة رئاسية ) :
Author: حمور زيادة
Date: 04-29-2013, 10:21 AM
Parent: #12
لو كنت مكانه لفعلت أي شيء غير ما فعله للسودان خلال ربع قرن ( الفقراء .. بيوت الاشباح .. الموتى .. المنتهكات .. الفساد .. تمزيق النسيج الاجتماعي )
فان كنت كذلك فما كان يضيرني من جعلتهم في تلك المناصب
أما ان كنت مكانه بمثل ما فعل .. فلا فائدة أرجوها ولا شيء أفعله يصلح ما فعلته من خطايا
|
Post: #18
Title: Re: لو كنت مكان السيد الرئيس .. ( متابعة رئاسية ) :
Author: محمد عثمان الحاج
Date: 04-29-2013, 11:27 PM
Parent: #13
ا عصام ياخوي هي المشكلة في الرئيس؟ معقول زول واحد يقيف ضد إرادة تلاتين مليون؟ المشكلة فينا نحن الشعب السوداني بقينا نكره الحق ونحب الباطل، بقينا نكره الصدق ونكذب الصادقين ونحب الكذب ونصدق الكذابين، نخدع أنفسنا أننا متدينين و محتكمين للشريعة وننفذ الإرادة الإلهية والحقيقة أننا نخدع أنفسنا ونظن أننا نخدع الله، صحيح البشير مسؤول عن معظم الإنهيار الأخلاقي والفساد الحصل في البلد وتحريف الدين وتسخيره من أجل زينة الحياة الدنيا، لكن الغلطة أساسا غلطتنا لأننا أديناهو الفرصة يعمل فينا كده، العندو قدرة هرب من البلد أو اغترب وفضلو المستضعفين الما قادرين يهربوا، في المعارك التاريخية انهزمت الجيوش الأكثر عدد لما مجموعة صغيرة هربت فسرى السلوك الهروبي بسرعة البرق بين الآلاف فانهزمت الجيوش، أربعة وعشرين سنة جيل جديد طلع مخو مغسول ومقتنع إنو البشير ده زي الشمس والمطر ولو غاب دي معناها نهاية الدنيا، بقينا مقتنعين إنو أي قبيلة فينا عاوزة تذبح كل القبائل الأخرى وتستعبدها وأن الوحيد الذي يمنع هذه الكارثة هو البشير...
ياخي حب الرئاسة ده أقوى شهوة في الإنسان، وكل إنسان عاوز يبقى رئيس، فإذا كان نحن من الضعف والوهن والجبن والأنانية مثلما نحن عليه الآن فكل مجرم سادي لص سايكوباتي حيتطلع لإنو يحكمنا ولو نحن استمرينا علي جبننا وضعفنا ده حيجينا واحد أشد إجراما ودموية من البشير
ياخي عاين لي وش البشير ده وش زول حاسي بتأنيب ضمير ولا حاسي بالمصايب العملها في البلد ولا أنهار الدماء السالت بسببو؟ ده وش زول أقنع نفسو وأقنعوه بطانة السوء إنو مبعوث العناية الإلهية وإنو اكل شئ عملو ا صحيح وإنو نفذ إرادة الله، ولو فضل عندو شوية من الضمير بتقول ليهو ياخي زح زي الخلتو يقول قبل أسابيع يقول إنو ما حيترشح تاني، بطانة السوء المسترزقة من وراهو القعدتو أربعة وعشرين سنة ما بغلبها تقنعوا يقعد تاني
لو كنت محل البشير حأواصل بنفس الطريقة، أخلي كل الوجوه القديمة قاعدين، أتعاون مع القوى الكبرى عشان أضمن أنها ما تسبب لي مشاكل، وبالنسبة للحركات المسلحة معروف إنو حرب العصابات لايمكن الانتصار فيها عشان كدة حأستغلها وأواصل سياسة تخويف الناس منها وحأمشي أنوم مرتاح وأصحى الصباح وشي ناير ومبتسم وسعيد جدا أطلع فوق في القصر الجمهوري وأعاين للبلد حولي وأقول أنا أذكى وأشجع زول في البلد دي
هل من الممكن نحول شعب فقد شجاعتو وكرامتو ودينو وأخلاقو لشعب عظيم؟ دي محتاجة معجزة لا تتوفر إلا للأنبياء أو للقادة الذين لم تنجب البشرية سوى بضعهة أفراد منهم على مر التاريخ، فهل عندنا قائد زي دة في السودان هسع؟ أكيد لأ. لكن مين عارف، حواء السودانية والدة وبذرة الخير لا زالت موجودة في الشعب السوداني إذا أمطرت السماء فسوف تأتي أكلها....
|
Post: #19
Title: Re: لو كنت مكان السيد الرئيس .. ( متابعة رئاسية ) :
Author: زياد جعفر عبدالله
Date: 04-30-2013, 04:03 AM
Parent: #18
Quote: Mahmoud Kamal · الأكثر تعليقا · Port Sudan
لو مكان الرئيس : كنت ح اشتري سفينتين صبغة و ح احلهم في محطات الموية او افك غاز سام في الهواء ( نسبة لان كثير من الناس ما بتجيها مويه من الحكومة ) و احل المشكلة ... اصلاً ما باقي لي انو البلد و الناس ح يتصلحو تاني و اهو يكون قدم خدمة لاسيادو المصريين و يجو يلقو البلد فاضية بدل ما يقعد يبيع فيها بالقطاعي و يحرق دمنا كل يوم ..... يخلص و يخلصنا و الله عافييييين ليهو بس اليسويها ..
رد · أعجبني · متابعة المنشور · منذ 18 ساعة |
ياخ Mahmoud Kamal دا قهران قهرة..
...
عصام دهب
باطن الأرض خير من مكان السيد الرئيس...
حسي تلقاهو بقول: يا خواننا أنا الخلاني أكون قائد انقاذ الشؤم دي شنو؟ كان أكون هسي مواطن عادي مرتاح في أمان الله :)
|
Post: #20
Title: Re: لو كنت مكان السيد الرئيس .. ( متابعة رئاسية ) :
Author: ALZOLZATOO
Date: 04-30-2013, 06:20 AM
Parent: #19
الاخ عصام
موضع لا يحسد عليه
المحكمة الجنائية من جهة والحركات المسلحة من جهة والجنوب من جهة والشعب الصابر من جهة والاختلافات بينهم من جهة اخرى
والوقوف امام الله بكل هذه المحن كمان مصيبة مافي اي حل غير انو الوضع يكون كما هو عليه الى ان يقضي الله امرا كان مفعولا
تحياتي
زاتوووو
|
Post: #21
Title: Re: لو كنت مكان السيد الرئيس .. ( متابعة رئاسية ) :
Author: Zakaria Fadel
Date: 04-30-2013, 06:48 AM
Parent: #20
لو كنت مكانه - اخي عصام -
لتركت الرئاسة ....اليوم قبل الغد
وأقر بفشلي في إدارة البلاد ...وشؤون العباد......
|
|