بِـقـيّت مُـمِـل ومُـقـرِف يـا اخ... والله صـحـي...

الحديث عن الدين والإمور الخاصة بالدين ونهج المصطفى عليه أفضل
الصلآة وأتمّ التسليم مِنك وأمثالك نفاق بائن صريح.

تحدث كما شئت وكما تريد لكن خارج إطار الدين عشان ما تعمل
لنا دغِت يا سخيف.

هذا، والذي رفع السماء بِلآ عمد
بؤرة النفاق في هذا الزمان...

سلامات ودالمدير
وصف بالتفصيل هذا الشخص وراء كل احباط
في بلدنا الله يقلعو بركت من صلي وقال يالله

سلام يا معاوية

سبحان الله، وانا اتابع نفس الحديث، زوجتنا العزيزة لمن استغربت في بعض الالفاظ
التي تلفظت بها. ياخي دا موش كان مقرف بس، دا فات حد النتانة زاتو.

(ولولا بقية إيمان بالله لضعفت عند الناس وقعدت منهم الهمة وتخلوا عن الرسالة والامانه)

ودالمدير هذه الجملة نطقها هذه المقرف بحق بكل اسئ وحزن .


الزول ده عارف إنه أى كلام مقلف بالدين ماعاد بياكل عيش فقد انكشف امرهم .

فالافضل لهم أن يحملوا ما تبقى لهم من ايمان بالله ويذهبوا غير مأسوف عليهم.

سلامات يا مدير
الفيديو في المكتب ما شغال, منو البتتكلّموا عنو ؟ وقال شنو

Quote: سلامات ودالمدير وصف بالتفصيل هذا الشخص وراء كل احباط في بلدنا الله يقلعو بركت من صلي وقال يالله

اللهُمّ آمين.

سلآمات يا باسط.
عجيب والله !!!، الرجل كأنه يقاتل في أبو جهل وعبد الله بن سلول،
والوليد بن المغيرة، وكأنه هو يمثل الرسول وصحابته، ودا بعد
24 سنة الحال فيها غير خافٍ علي الناس، فتعجب !!!...

Quote: سلام يا معاوية سبحان الله، وانا اتابع نفس الحديث، زوجتنا العزيزة لمن استغربت في بعض الالفاظ التي تلفظت بها. ياخي دا موش كان مقرف بس، دا فات حد النتانة زاتو.

سلآمات يا أحمد.

الغريب في أمر هذا الرجل أنه يشعر بالأسى والحسرة عندما يشاهد
ما يجري في الفضائيات حسب زعمه، وهو أعمى بصر وبصيرة مما يدور حوله
طيلة هذه السنين.
إن لم يكن هذا نفاق، فماذا يكون؟؟؟.

جلآفة المدعو نافع تكاد تكون مهضومة أكثر من
تلآعب هذا المخلوق الغريب بالدين.
والله صحي...

Quote: (ولولا بقية إيمان بالله لضعفت عند الناس وقعدت منهم الهمة وتخلوا عن الرسالة والامانه) ودالمدير هذه الجملة نطقها هذه المقرف بحق بكل اسئ وحزن . الزول ده عارف إنه أى كلام مقلف بالدين ماعاد بياكل عيش فقد انكشف امرهم . فالافضل لهم أن يحملوا ما تبقى لهم من ايمان بالله ويذهبوا غير مأسوف عليهم.

يا بدر الدين هذا المؤمن المجهاد الذي يعمل ليل نهار لرفع رآية الإسلآم وهو
بلا شك يعد نفسه قائد العلماء الذين يريدهم مع ثقة كبيرة في نفسه انه هو ومن
بقيت فيهم بقية من إيمان حاملي الأمانة ومبلغي الرسالة!!!.
زول مكنكِش في السُلطة وناس يقاتلون كي ينزعوها منه. عليك الله الدخّل
الرسالة والأمانة هنا شنو غير النفاق ؟؟؟

إذهب وتطهر يا علي عثمان فقد أصبت أنوفنا بالزكام
جراء نفاقك يا حامل رآية النفاق في هذا الزمن.
أنت أنجس وأقذر من أن تتحدث عن كتاب طهره الله
ورسول أدبه وأحسن تأديبه يا معدوم الأدب...

تحياتي ود المدير

والافظع انه يجد عدم قبول عند كل السودانيين .. وهذا في حد ذاته بلاء
نسأل الله السلامة ..

Quote: صدقت يا ود المدير الزول ده أصلو ما مقنع وعبارات إنشائية لا تنطلي على راعي الضأن في الخلا (المشكلة يمكن قايلها بتنطلي) !! (فتأمـــل !) نذكــرك صاحبك ههههه

سلآمات يا زيزو.

يا زيزو دا وآحد من الذين زُيّن لهم سُوء عملهم، فهو يخادع الله
بعواءه هذا، دعك منا نحن وراعي الضأن. تنطلي وين ؟؟؟. الزول
دا سوءته في السهلة من زمن.

يا ربي صاحبي بيجي بجاي ؟؟؟
أكيد يكون قاع يتاوق.


لك مودتي...

Quote: سلامات يا مدير الفيديو في المكتب ما شغال, منو البتتكلّموا عنو ؟ وقال شنو

سلآمات يا محمد البشرى.

يا اخي الزول دا حيرنا !. حتي متي سيظل يتحدث عن المحجة
البيضاء وأنهم علي هدي المصطفى وحُماة لبيضة الإسلآم ؟؟؟.
والله لو تحدث بصراحة عن الإنقاذ ومبتغاها من السُلطة، والسبب
الأساسي في تمسكهم بالكراسي، لتبادل معه الناس وُجهات النظر
رغم الفساد، لكن أن يضع هذا الكم الهائل من النهب والظلم
والقتل والتشريد في إطار الدين هذا لعمري هو النفاق ذات
عينه. الرجل منافق بائن النفاق...

Quote: تحياتي ود المدير والافظع انه يجد عدم قبول عند كل السودانيين .. وهذا في حد ذاته بلاء نسأل الله السلامة ..

سلآمات يا علاء.

طبيعي جداً يا علاء أن لا يجد هذا المنافق قبول عند الناس
كلّ الناس، وإليك هذا الحديث:
: (( إذا أحب الله تعالى العبد، نادى جبريل، إن الله تعالى يحب فلاناً، فأحببه،
فيحبه جبريل، فينادي في أهل السماء : إن الله يحب فلاناً فأحبوه، فيحبه أهل
السماء، ثم يوضع له القبول في الأرض ))
كيف يوضع القبول في الأرض لإنسان يبغضه الله سبحانه وتعالى ؟؟؟ خائن
للأمانة ظالم للعباد، يخادع الله ورسوله والمؤمنين ؟؟؟...

لن يهزم وطن ينام ويصحو على تلاوة كتاب الله ( فيديو)

أمس قال حاجة والله آلمتني جداً:

قال فيما معناه : لو قدر لي أن أعيش خارج العاصمة لماترددت لحظة للسكن في أم روابة!!!
معقولة بس ؟؟

حديث إنشائي أجوف لا يلزم الناس في تلكم اللحظات!!

Quote: قال فيما معناه : لو قدر لي أن أعيش خارج العاصمة لماترددت لحظة للسكن في أم روابة!!! معقولة بس ؟؟ حديث إنشائي أجوف لا يلزم الناس في تلكم اللحظات!!

فعلا يا عبد اللطيف

جابها واااااسعة


















هو الكضب بقروش

يرفع أمر ود المدير لعضوة البورد ميادة كمال - مع وافر الاحترام -
للنظر والإفادة.
..
- مديدة حرقتني -

Quote: أمس قال حاجة والله آلمتني جداً: قال فيما معناه : لو قدر لي أن أعيش خارج العاصمة لماترددت لحظة للسكن في أم روابة!!! معقولة بس ؟؟

سلآمات يا عبد اللطيف.

هسّع ما يشيل عفشو ويمرق علي أُم روابة، صعبة يعني ؟؟؟، واللآ خايف
ريح الإسلآم والمسلمين تنقطع لو تخلى عن حراستهم ؟؟؟.
طيّب يا شيخنا لو مشيت أُم روابة حا تدخل أولآدك ايّ مدارس هناك ؟؟؟.
ويلٌ لكل أفاك اثيّم.

يا شيخنا إنت قايل الحكاية جخ في التلفزيونات ؟؟؟. سيدنا عمر بن الخطاب
في عام الرمادة جاب ناس الهامش كولهم سكنهم معه في داخل المدينة، وفال
لهم، يا نموت سوا أو نعيش سوا.

يا علي عثمان ركّز علي مكركم ودع الإسلآم، وأعلم أنّ المكر
السيئ يحيق بأهله...

أخوي معاوية ، هون على نفسك
وهدئ من روعك
والله تتابع العصابة دي تموت واقف على حيلك

أقول قولي هذا ولا أعاقب نفسي بمشاهدة هذه الأفات

يمهل ولا يهمل

اسمو الشيخ علي يامعاويه يامدير


احترمو ولي الامر فيكم عشان العالم يحترمكم


وهو القوي الامين والذي كتب اسمه بماء من ذهب
في التاريخ السوداني

لو امد الله في الاعمار ستري سيرة هذا الرجل تدرس في
مناهج السودان التعليميه المختلفه

الا ليتكم ترتقون

Quote: سلامات يا مدير الفيديو في المكتب ما شغال, منو البتتكلّموا عنو ؟ وقال شنو

خطاب شيخ على عثمان محمد طه للعلماء والمجاهدين صبيحة الهجوم على ام روابه
الى الذين يبذلون النصيحة ويتقدمون الصفوف شهادةً لله واعزاراً للأمه ورفعاً لكرامتها وراية دينها
نحن نريد علماء عاملين مجاهدين ؟؟؟؟؟؟؟ح الصفوف ينظمونها ويقودونها حتى ترتد وتنكسر كل المحاولات
التى نشهدها الان عبر الفضائيات فتصيبنا بالاسى والحزن , ولولا بقية من الايمان بالله لضعفت وفترة الهمه
لنتخلى عن الرساله والامانه (ويقصد الامانه التى عرضها الله على السماوات والارض والجبال وقبلها الانسان ( الاية) ).
ولكن هو الايمان بالله
ولكن هو التصديق بكتابه
ولكن هو التأسى بصورة رسوله صلى الله عليه وسلم
ولكن هو السعى على طريق سلف هذه الامه من العلماء والشباب والمجاهدين
وهو الذى يحدو للثبات والثقه بالله وبنصره وبتمكينه .
ومهما بدرت محاولاتهم حتى المحاولات التى وقعت هذا الصباح فى بلادنا ،
فانهم لن ينالوا منا الا مزيداً الثبات ... ومزيداً من الايمان بالله ..... ومزيداً من التمسك بدينه ..................... وبنهجه
حتى ترتد هجمتهم بإذن الله .........................................................>
النقاط دى ياود البشرى فى ناس متحمسه بى جوووهـ بتكبر وتهتف ضد الخونه والمخربين
والنصيحه ليك يا الله (بإذن الله دى منى انا لانو الفديو انتهى ولانو شيخ على دا ما بى يختم من غير اذن الله )



التعديل لحذف كلمة واستبدالها بعلامة ستفهام لانى ما سمعتها كويس

Quote: ود المدير اركز ياخى

والله يا محمد أحمد أخوي الله يلزمنا الصبر.
الزول دا الناس كووووولهم شايفنوا ماشي عريان،
وهو شايف نفسو مِتغتغت تب !!!، وهكذا يكون
حال المنافق.
ولتعرفنهم في لحن القول...

يا ود المدير تحياتي
اسوأ ما في الامر ربط السرقة والنفاق والمحسوبية بالدين وقتل الابرياء وآخرهم اليافع في ام دوم ... هو لسه الناس ديل بدون خجل بيتكلموا عن الدين ؟؟ خسئت يا علي عثمان وبقية العصابة ربنا يسقط حجركم ويعذبكم في الدنيا قبل الاخرة ..

ده كارثة

الله ينتقم منو دنيا و اخره

رأس النفاق
بيقدمو فى الزنقات عشان يتكلم باسم الدين

حسبنا الله ونعم الوكيل

Quote: حسبنا الله ونعم الوكيل

من منو!وعلى منو!
قبلناها في سياق رفع البوست وعدو عاقل خير من صديق جاهل
جنى

اللهم ثبيتنا على دينك يا الله

اللهم ابعد عنا الفتن ما ظهر منها وما بطن

مقتل والد الطفل مسئولية عثمان اكثر من مسئولية الحلو
على عثمان مسؤول مرتين لاضعافه الجيش ثم لمتاجرته بالحدث
عندما يموت شرطى مسؤؤليته حماية داخل المدينة تبقى مسئولية الفشل في حماية اسوار المدينة الجيش والقائمين عليه
جنى

Quote: مقتل والد الطفل مسئولية عثمان اكثر من مسئولية الحلو على عثمان مسؤول مرتين لاضعافه الجيش ثم لمتاجرته بالحدث عندما يموت شرطى مسؤؤليته حماية داخل المدينة تبقى مسئولية الفشل في حماية اسوار المدينة الجيش والقائمين عليه

Quote: عمر عثمان عبد الوهاب إنت جادي في كلامك ده يا زول ؟؟؟

ما ظنيتو...

Quote: اللهم ثبيتنا على دينك يا الله اللهم ابعد عنا الفتن ما ظهر منها وما بطن

اللهُمّ أحشُر عمر عبد القادر ود الباوقة مع علي عثمان
وعمر البشير وزمرتهم يوم لا ينفع مال ولا بنين ألا من
اتى الله بقلبٍ سليم.

إتحداك يا عُمر لو تقدر تجي تأمّن علي هذا الدعاء...

Quote: إتحداك يا عُمر لو تقدر تجي تأمّن علي هذا الدعاء...

ماااااااااااااا ظنيتو والله ..!!

ارسل ليك السيد(ح) يأمن ينفع ؟

Quote: فعلا يا عبد اللطيف جابها واااااسعة هو الكضب بقروش

والله يا قرجة بعض الناس يعجبهم هذا الكذب
المجاني المعسول وينسون أنه من ايات النفاق.
{ ومن الناس من يعجبك قوله في الحياة الدنيا
ويشهد الله على ما في قلبه وهو ألد الخصام } ،
وشيخ علي دا مشهور بالحاجات الزي دي لدرجة
إنه يجعل الناس يتعاطفون معه لأبعد حد.
تلقى وأحد يقول ليك: الزول دا نزيه ما عمل حاجة،
وما عندوا بيت مِلِك ؟؟؟!!!.
هل هذا يعفيه من الخراب والتدمير والقتل والتخريب
بإسم الدين ؟؟؟.
يا شيخ علي أو كما ينادونك، أخلع عباية الدين، الجابرك
شنو علي النفاق ؟؟؟...

اكيد جادي يامعاويه يامدير


كانما هنالك تار بايت بينك وبين شيخ علي

والله ان كنت تعرفه شخصيا وان هذه هي اخلاقه فهذا مرده لك

اما ان كنت كبعض اهلنا الصوفيه وعندما يخلص شاي اللبن واللقيمات
يقول لهم شيخهم ادعو0 ندعو بي شنو ياشيخنا ؟؟ يقوليهم ادعو بي اي شي

اها انتو شاي لبنكم ولقيماتكم كمل وام روابه كملت والحلو قربتو تدخلوهو
الخرطوم برضو كمل ولما كل شي كمل كل واحد قبل علي زول وبقي يدعو عليهو
لحين رمية لقيمات جديده وشدة شاي بي لبن0

لايزال يستجاب للعبد مالم يدع باثم او قطيعه رحم0


انتم تدعون بالهلاك لرجل دين ودوله


واي رجل؟؟

Quote: بمناسبة الممل والمقرف دا يا معاوية المدير ياخ اخير ليك من مطاردة ملاسي والتمسح فيه كان طاردت نسيبك معاوية عبيد الزول دا جاب ليكم العار وفضحكم سيبك من علي عثمان ومن ملاسي خليك في نسيبك لانه بقى ممل ولا يطاق بالاضافة لأنه قليل أدب كمان وكذاب وهاتك اعراض ودي صفات ما تشرفكم ولا كيف

كدي مطاردة ملاسي دي خليها، وكذلك التمسح فيه حسب قولك.
أما نسيبي معاوية الصايم، فإنت ماك مقصر معاهو والصفات التي ذكرتها
حقاً لا تشرفنا ولا تشرفني وأنا بريئ منها. بس يا عبد العزيز إنت
كان شايف علي عثمان ما ممل ومقرف، فيأخي أنا مسلم الحمد لله
وبعرف الإسلآم، وأقوال علي عثمان تشير للإسلآم أما أفعاله
فتشر بلا شك للنفاق. حال البلد وأهل البلد في جيهة وحديث علي
عثمان عن الدين والشرع في جهة!!!. دا يبقى نفاق واللآ ما نفاق؟؟؟
أنا شايف علي عثمان منافق ودا الموضوع البتحدث عنو، إنت
لو شايفوا غير ذلك قول قولك. الموضوع دا ما عن معاوية عبيد،
ويا عبد العزيز لو لقيتك قاعد تتكلم عن معاوية عبيد، وقلت ليك
سيبك من معاوية عبيد وإتكلم عن صديق الموج ما راح تقبل
لأنوا موضوعك خاص بمعاوية.
كدي خلينا في علي عثمان المنافق دا،
وشكراً ليك...

Quote: السودان ده كان من قبل موطن للكفار ولا شنو ؟؟؟؟؟؟؟؟

بل علي عثمان حتي اليوم يعتبر مخالفيه الرأي كفار يا محمد طاهر،
بدليل إعلآن الجهاد ضدهم وإستنفار الشعب للجهاد، وهذا لا يكون
إلا ضد الكافرين. علي عثمان يعلم علم اليقين أنّ الطائفتين من
المسلمين يمكن أن تقتتلا، لكن إمعاناً منه في النفاق أراد أن يظهر
الفئة المخالفة له بمظهر الكفر.
علي عثمان ملعون بس الحق في زمنا دا أصبح
مرهون بالمصالح...

أنتو الناس ديل بتسمعوا كلامهم ده كيف؟؟؟؟

هؤلاء لا دين ولا مبدأ لهم

Quote: يرفع أمر ود المدير لعضوة البورد ميادة كمال - مع وافر الاحترام - للنظر والإفادة.

أبادلك الإحترام أخي طه وإحترامي موصول للأخت ميادة كمال،
ولا إحترام لشيخ علي عثمان طالما إنه يستهذئ بالدين ويستعمله
مبرر للخراب والدمار الذي ألحقة بالبلآد والعباد.

مودتي...

Quote: يا معاوية المدير مش علي عثمان الشين أبو وش زي قرد الطلح إن شاء الله يموت هسع وأنت قايلني بسمع ليه عشان اعرفه ممل ولا مقرف وأقسم ليك أخر مرة سمعته بتكلم قبال سنين لا هو لا القشير الله يقطعهم ويقطع البلد منهم هم وبطانتهم الفاسدة عشان مكجنهم مريح دماغي منهم وبدعي ربي نتخلص منهم وأنا شخصياً اتضررت كتير منهم كويس

شكراً أخي عبد العزيز.
دا موضوعنا، وما بلومك في هجومك علي معاوية عبيد ويا عبد العزيز
والله أحزن جداً عندما أراه يركب حماقاته ويعتدي علي الناس.
أسأل الله لنا وله ولعلي عثمان الهدآية.
علي عثمان كان في يوم من الأيام محط إحترام وتقدير مننا لكن القلوب
بين اصبعي الرحمن، ونسأل الله أن يثبت قلوبنا علي دين الحق.

تقبل إحترامي ومودتي...

Quote: بالنسبة لي نسيبك الكضاب المجرم دا ياخ والله الأذي الأذاني ليه ما تتخيله ... ولي هسع بيأذي في الناس وما مريحهم فأنت ياخ أولى واقرب من الناس ديل كلهم عشان تمنع الأذى والضرر وكونك تبرئ نفسك ما كفاية ونحنا عارفين انت ما عندك دخل ولا شفناك جنيت علي زول لكن يا معاوية كون انك تشوفه بسوط سواطو دي ويخش في اعراض الناس واهلهم وخصوصياتهم ويأذيهم ما صح منك يعلم الله لو اقرب الناس سوى ذرة من البسويه معاوية ياخ اولى لك فأولى وانت بتقدر .. وما تقول البسوي فيه معاوية ما بضرك بل بصلك لمن الناس تعرف انه اولادهم خالهم كذاب ومجرم وهاتك اعراض وانت زاتك ممكن معاوية يبقى ليك ذلة فياخ وجهه قدرتك عشان تمنع الأذي من الناس وقع ليك كلامي

إنك لا تهدي من أحببت، ولكنّ الله يهدي من يشاء.
ليك علي يا عبد العزيز أحاول معاهو، وأسأل الله أن يهدينا
ويهديهو ويهدي علي عثمان زاتو معانا.

تسلم يا زول...

Quote: النسبة لحسين ملاسي يا معاوية خليك من كتابته هنا حسين دا انا قابلته وبعرف اهله كويس ناس أصلاء وهو الطف واجمل زول ممكن تقابله في حياتك زول لذيذ وخجول ومهذب صحي بزعط الناس هنا لكنه ودناس ورجل يتمني أي زول يكون صديقة شفت يا معاوية الأهل بشفعوا للزول كيف ...

صدقت يا عبد العزيز،
وما تفهمونا غلط...

الله اكبر

Quote: ماااااااااااااا ظنيتو والله ..!! ارسل ليك السيد(ح) يأمن ينفع ؟

أمانة ماك فسل يا ود الزين. غايتو الفيك إتعرفت.

ظنّك في محِلو، شايف الزول جقلب. بعدينك أنا ود اعمي
دا عارفو ماهو زولاً بيركز. شابك الناس أركز، أركز، أركز
وكِت طلبنا مِنو يأمّن علي الدعاء جابلوا كلاماً كُتُر !!!
فتأمل...

Quote: أخوي معاوية ، هون على نفسك وهدئ من روعك والله تتابع العصابة دي تموت واقف على حيلك أقول قولي هذا ولا أعاقب نفسي بمشاهدة هذه الأفات يمهل ولا يهمل

محمد علي البصير يا حبيب.
نعِمت نصيحة الأخ لأخيه،
وليك علي أعمل بها إن شاء الله...

Quote: اسمو الشيخ علي يامعاويه يامدير احترمو ولي الامر فيكم عشان العالم يحترمكم وهو القوي الامين والذي كتب اسمه بماء من ذهب في التاريخ السوداني لو امد الله في الاعمار ستري سيرة هذا الرجل تدرس في مناهج السودان التعليميه المختلفه الا ليتكم ترتقون

سلآمات يا عمر عثمان.

وما فائدة إحترام العالم لنا إن إحترمنا شيخاً ينطبق عليه
قول الله تعالى:
(( إذا جاءك المنافقون قالوا نشهد انك لرسول الله والله
يعلم انك لرسوله والله يشهد إن المنافقين لكاذبون ))
ما فائدة أن يخرج علينا الشيخ علي عثمان متدثراً بعبائة الدين
كلما حلّت به وبحكومته ضائقة ليشهد أنّ دين الله حق وأنّ
الرسول علي حق، وعندما تنقشع الضائقة يخنس هذا الوسواس
الخناس ويغض الطرف عن البلد وأهلها ؟؟؟.
الآ ليتهم يعلمون أنّ الله مضطلع علي أعمالهم وأفعالهم
وفجورهم وفسقهم بإسم الدين.

Quote: السلام عليكم ود المدير ....... والله كان جريت ورا النضم الزي دا بيرفع ليك الضغط زي ماقلت .........الناس ديل من كترة نفاقم لامن وجوهم بقت اسود من الغحم والغريبه مابختشوا

والله مشتاقين يا حسن مختار.
أخبارك يا زول ؟؟؟.
يا حسن أهلنا قالوا: كلّ أوّل ليهو آخر. الناس ديل لا مُحالة قرضانين
في يوم من الأيام والسُلطة التي هم بها مفتونون لا بُدّ لها يوماً مفارقون.
دوب ما يومُن جا اليسوا الدايرين يسوهو بس بعيد عن الدين. يا أخي
إنسان حُب السلطة لم يبقى له من الدين شئ، فآثر أن يرتدي ثوب
النفاق، وما زالوا ينادونه بالشيخ !!!.
صدقني يا حسن سواد الدنيا هيّن الكعب سواد الآخرة.
نسأل الله السلآمة...

الذّ حاجة مكتوب في الصورة يوميات الأُستاذ علي عثمان محمد طه.
لاحظتو الحكاية دي !!!

أبقولنا علي وآحدة الزول دا شيخ،
واللآ أُستاذ ؟؟؟.



أها، شيخ وأُستاذ.

نواصل...

Quote: نحن نريد علماء عاملين مجاهدين ؟؟؟؟؟؟؟ح الصفوف

سلآم يا محمد حمزة،
وشكراً لإيراد النص كتابتاً.

الكلمة المعنية (يستبقون)
الحكاية جابت ليها سبق.
والله صحي.

الصورة التي جلبها ود الباوقة تنضح نفاق.
قديماً قيل:
عدو عاقل خير من صديق جاهل...

Quote: يا ود المدير تحياتي اسوأ ما في الامر ربط السرقة والنفاق والمحسوبية بالدين وقتل الابرياء وآخرهم اليافع في ام دوم ... هو لسه الناس ديل بدون خجل بيتكلموا عن الدين ؟؟ خسئت يا علي عثمان وبقية العصابة ربنا يسقط حجركم ويعذبكم في الدنيا قبل الاخرة ..

حياك الله أخي اسماعيل حسن.

هذا الشيخ (كما يزعمون) ومن معه إتخذوا أيمانهم جُنّة، لذلك تسمع منهم
كثرة الحلف وكثرة الحديث المُغلّف بغلاف الدين كي يدافعوا عن سلطانهم
ومُلكهم ومُمتلكاتهم.
هذا الشيخ ومن شايعه يا اسماعيل لا يستطيعون أن يتحدثوا بمعزل عن
الدين نفاقاً ورياءً، وليس تديناً وخشية لله رب العالمين، وسيحلفون لله
يوم القيامة كما يحلفون لكم اليوم لأنهم يحسبون أنهم علي شئ ولا يعلمون
أنّ الشيطان قد إستحوذ عليهم وصدهم عن الصراط المستقيم...