Post: #1
Title: مُشجعي ريال مدريد بالمنبر زوغتكم ظاهرة وشينة
Author: صبري طه
Date: 04-25-2013, 12:42 PM
Parent: #0
نكاكي وين أنحن ؟
من أمس والكاكات محبوسة عملت لي انتفاخ عديل كدا ...
وين كبير القوم عبداللطيف بكري ؟
وين الريالي الضاحك بالريال وبالدولار وبالفرنك الألماني محمد عبدالماجد الصايم ؟
وين صاحب الصور المقلوبة والتوقّعات المعكوسة عُمر الفاروق ؟
وين الرجل الذي يعرف لفشّ الغبائن عُمران حسن صالح ؟
ثمّ الشعب العربي وين .. وين الملايين ؟ هنا
ـــــــ
|
Post: #2
Title: Re: مُشجعي ريال مدريد بالمنبر زوغتكم ظاهرة وشينة
Author: عصام علي أحمد
Date: 04-25-2013, 12:54 PM
Parent: #1
ياصبري الجماعة ديل كانوا خاتين دورتمند فى الجيب وضامنين المباراة وحسمها فى المانيا
لكن المرسيدس رباعى الدفع جهجه باكاتهم
الكورة دى ياصبري لو استمرت خمسة دقائق كانت تكون فضيحة بجلاجل لكن ربك ستر عليهم
قلنا الجماعة محظوظين فى القرعة لكن ......
كااااااااااااااااااااااااااااااااااااك
كاااااااااااااااااااااااااااااااااااااك
ثم كااااااااااااااااااااااااااااااااااااااااااااااااااااااااااااااااااااك
ودالصايم عامل رايح
اخر مداخله للمذكور كانت قبل المبارة
|
Post: #3
Title: Re: مُشجعي ريال مدريد بالمنبر زوغتكم ظاهرة وشينة
Author: صبري طه
Date: 04-25-2013, 01:10 PM
Parent: #2
Quote: ياصبري الجماعة ديل كانوا خاتين دورتمند فى الجيب وضامنين المباراة وحسمها فى المانيا
لكن المرسيدس رباعى الدفع جهجه باكاتهم
الكورة دى ياصبري لو استمرت خمسة دقائق كانت تكون فضيحة بجلاجل لكن ربك ستر عليهم
قلنا الجماعة محظوظين فى القرعة لكن ...... |
فريق بيعتمد على الجري والبرطعة .. معناها مع أوّل سباق خيل حقيقي حتلقى اللسان طلع والعطش حصل ...
أمس رونالدو ما فضل ليهو حاجة إلاّ يقول أدّوني موية 
Quote: ودالصايم عامل رايح
اخر مداخله للمذكور كانت قبل المبارة |
غايتو أنا آخر مُداخلة قريتها ليهو كاتب فيها: الريال لها
غايتو أهو أصبح لها ذكريات جميلة في ألمانيا
|
Post: #4
Title: Re: مُشجعي ريال مدريد بالمنبر زوغتكم ظاهرة وشينة
Author: الزبير صالح الزبير
Date: 04-25-2013, 01:23 PM
يقال والعهدة علي الراوي ان مورينهو ذهب لمحل فديوهات وقال لصاحب المحل عندك شريط لجيمس بوند فضحك صاحب الدكان وقال ليهو جيمس بوند ولا دورتموند
|
Post: #5
Title: Re: مُشجعي ريال مدريد بالمنبر زوغتكم ظاهرة وشينة
Author: جدو
Date: 04-25-2013, 01:33 PM
Parent: #4
يا معلم ديل زايغين من المنبر ومن الفيس بوك ظاطوووووو
والله أخوك بفتش ليهم بالفتاشة ..
أمس ما سردبنا ليهم زي الحلاوة وجلدونا نامن ضهرنا ورم ..
تعالوا يا ناس اندقوا ساكت والله للحول ما بنخليكم..
|
Post: #6
Title: Re: مُشجعي ريال مدريد بالمنبر زوغتكم ظاهرة وشينة
Author: صبري طه
Date: 04-25-2013, 01:39 PM
Parent: #5
| Quote: يقال والعهدة علي الراوي ان مورينهو ذهب لمحل فديوهات وقال لصاحب المحل عندك شريط لجيمس بوند فضحك صاحب الدكان وقال ليهو جيمس بوند ولا دورتموند |
ههههههههههههههه تسلم يا الزبير ...
Quote:
يا معلم ديل زايغين من المنبر ومن الفيس بوك ظاطوووووو
والله أخوك بفتش ليهم بالفتاشة ..
أمس ما سردبنا ليهم زي الحلاوة وجلدونا نامن ضهرنا ورم ..
تعالوا يا ناس اندقوا ساكت والله للحول ما بنخليكم.. |
من المنبر أبت تطلع .. من الفيس بوك أبت تطلع ...
أها تطلع من وين ياخ ؟
|
|