يا لمجرد شهوة الكتابة!

نعم .. لم أجد من يكتب لمجرد شهوة الكتابة غير فتح الرحمن حمودي!

يا للثرثرة لمجرد الثرثرة!

طيب الزول لو نفسو مقفولة يكتب كيف يا حسين ؟


غايتو حظك يا قيقراوي ركبت في سرج واحد مع الصادق المهدي

ملاسي دا أصلا بتصيد النجوم

قفلة النفس دي يا حمد أول خطوة في الطريق الصحيح .. فطريق التأهيل يبدأ بخطوة!

ؤنان مالو؟؟


..

.

كامل تضامني مع قيقراوي


بالامس استهدفه البطل


واليوم ملاسي



وغدا ...........................

واحد، لغة فارغة من المحتوى
والتاني، لا لغة ولا محتوى

فابتئس

.. فيا لبؤس الكتابة
وشقاوة بياض الورق

لم يجتهد أحدهم ليلفت نظري أكثر من معاوية الزبير إلا وضاحة!

قِر قِر قِر

دوبيت فى صيوان عزاء

Quote: لئن ساءني أن نلتني بمساءة .. لقد سرني أني خطرت ببالك

لسان حال قيقراوي الان

Quote: لم يجتهد أحدهم ليلفت نظري أكثر من معاوية الزبير إلا وضاحة!

فِرِحت جِنِس فرحة، قايلك كتبت معاوية المدير.

السنين ضاعت وآ حسرتي.

ختمت بعلآمة حسرة، فاستبدلها بكري أبو صلعة
بعلآمة فرحة. شماتة مِنّو،
فتحوقل...

التعديل.
فِرِحت كتبتها بالخاء (فرخت)، وعدلتها
بسرعة قبل إبن منظور يشوفا.
الله مرقني...

أحيي سيدا زاتو على المتابعة اللصيقة


كما أسأل اين فضل الله عبد المولى أو أيا كان أسمه ؟!!

Quote: لم يجتهد أحدهم ليلفت نظري أكثر من معاوية الزبير إلا وضاحة!

من أنت حتى يسعى معاوية الزبير للفت نظرك
معاوية لم أتشرف بلقائه .. لكن سيرته الطيبة دوما حاضرة
الرجل أحد الأرقام السودانية بالخليج في مجال الاعلام

من أنت يا حسين ملاسي
عشان الواحد يعرف يخاطبك .. !

إن لم تشد به أنت - وأمثالك - فمن سيفعل!

قِر قِر قِر

المعني بالبوست هو سيد شباب المنبر في المعط , فهو معااااط , زعااااط , قداااااد , أما صاحب البوست :















فهو : خير "الماعطينا"!

عشنا وشفنا المعاط يدي الزعاط , فأنعم بهما من معاطين وأكرم!

حافظ انقابو، شكرا -يا أخي- على حسن الظن الكبير
لكن بالجد لا نزال نحبو في درب الصحافة الوعر
ونتأمل -قبل ما الكريم ياخد وداعتو- نلقى لينا فرصة نكتب
في صحافة الأعمدة السودانية دي،
ياخ دي بقت أكتر من أعمدة النور في قرى الجزيرة،
معقول ما نلقى لينا فيها ظل نور عمود
---------------

Quote: Abubakr Ahmed Abbas شوف يا سحس، تهبش الصادق المهدي، قيقراوي، حسن موسى، نجاة الأولى، كٌتاب الأعمدة، رؤساء التحرير، وإن شاء الله حتى دينا خالد،؛ ما عندنا معاك مشكلة. بس مُعاوية الزبير دا، خط أحمر مستعدين نموت عشانو، فتأمل في الإحتراس. ع/ جماعة الدفاع عن معاوية الزبير بالخليج

يا دكتور أبو بكر، الزول دا بي محاولاتنا اليائسة للتشابي للفت انتباهو، ما ريّحنا
عايزو يعمل فينا شنو بعد كلامك دا!
باعتبار إنو -عادة- لا يحفل بمن لا حفل له
الهاتف داك ضاع، اتصل هنا: 66226712
---------------
أشتاقك بالجد يا فتح الرحمن حِمودي
---------------
شكرا لصاحب البوست إذ أتاح لي كل هذا
ولو ما جيت تعمل كونكلوشن لي بوستيك دا
مداخلتي الجاية ح يكون فيها ردود على بوستات:
الشعبية، ودفتر أحوال الشرطة، والزقازيق أجدع ناس
المافي شنو! ما شهوة كتابة وكدا

ثم وصف نفسه بما فيها فلما استحسنا الوصف غضب .. فتأمل!

Quote: إن لم تشد به أنت - وأمثالك - فمن سيفعل!

معاوية الزبير بالنسبة لي غني عن التعريف .. أما أنت -مجرد نكرة-
لا تدري ولا تدري أنك لا تدري .. حقيقة ملاسي مثير للشفقة

المثل بتاع (شبير قام بي جماعتو وشبير نزل بي جماعتو) أقترح يتم تبديله بي (ملاسي قام بي جماعتو وملاسي نزل بي جماعتو)

ما ممكن المساككة من بوست لي بوست. طدا بتظلموا فتح الرحمن أكتر مما ظلمه ملاسي

[ما ممكن المساككة من بوست لي بوست. طدا بتظلموا فتح الرحمن أكتر مما ظلمه ملاسي]

احترمك يا اسامة البلال



























------

لم اطلع على (البوستـ/ـات) المعنية
ولا عندي ليها زمن (يا شباب رايكم شنو نعمل تعارف ؤ كدا؟)* :)

ما بقدر امنع زول يقول الفي نفسو .. خيراً او شراً
لكن المتوقعني اجيو .. ما بقدر اوعدو والله

ليس تكبراً - الكبر لله وحده- لكن ما عندي لا القدرة ولا الرغبة

يا شباب عندنا حيوات تانية .. فدنياواتنا كثرو

اما دي موت دنيا .. الفصل الاخير في الرواية .. او في هجاء الراوي السوبر همسلف!

فبح .. بي موية وكملت
غرارة العبوس

اخوكم بشتغل 14 ساعة في اليوم .. في محلين متباعدين جغرافياً
وطالب علم بعد دا

ؤ وراي افواه وارانب ..
اليوم تحديداً 25 أبريل، هو عيد ميلاد فرحنا ..
عيد ميلاد وعد (الوعد)

فاليوم خمرٌ وغدٍ أمر


يا حيدر يا زين
صدقني لا جلد ذات هناك ..
انا كدا .. اسوي شنو!؟

في الاثر قصة عن ابي ذر، وبلال
ارجع ليها

كل إناءٍ بما فيه ينضح
كل زول يسوي اخلاقو عاد

كتب أسامة البلال

Quote: المثل بتاع (شبير قام بي جماعتو وشبير نزل بي جماعتو) أقترح يتم تبديله بي (ملاسي قام بي جماعتو وملاسي نزل بي جماعتو) ما ممكن المساككة من بوست لي بوست.

أسامة يا صاحب مافي داعي لتبخيس الناس وإرسال الايحاءات .. خليك واضح وقول كلامك برة
شايفك ليك فترة شايل قلمك وبتدافع عن حسين !
يا أخوي انت مدي الحاجات حساسية أكتر من اللازم .. ربما أكتر من حسين ذاتو
وفي كل مداخلاتك الكتبتها في الفترة الفاتت في بوستاتو .. ما حصل رد عليك
الجابرك على كدا شنو ؟ !!!!!
أفتكر حسين زول كبير وما محتاج لي زول يدافع عنو وبقدر يدير صراعاتو البفتعلا بي نفسو






































___________________
بالنسبة لحسين .. كما أسلفت في مرات بوستات سابقة
زول عايز بفرض نفسو ككاتب صحفي مرموق على الجمهور
وبفتكر إنو مجرد سطرينو البكتبن في منبر بكري ديل هو كاتب
وعايش الدور .. بإنو بصور الجرايد وبجي يفتح بيها بوستات
ويشبكنا الزميل فلان والصديق فلان .... كعادته !
وبفتعل المشاكل مع الزملاء هنا عشان يسكو ذي ما
حاصل في البوست دا ...

[نعم .. لم أجد من يكتب لمجرد شهوة الكتابة غير فتح الرحمن حمودي!]

تهمة لا انكرها .. وشرف اتسلبط فيو






















-------

أرخيلى أضانك يابلد
مرة أسمعينى من البعيد وإنطارشينى وللابد
فى حبلى ماتت شتلتى .. مات بيتى ماتت حلتى
لكنى يوم مات إتولد جواى الف عشم* جديد
وانا ذاتى من ذاتى إتولد
ورتنى ملتى ملتى

* في المصدر (القوقلي) وردت (انسان) .. ولا اعتقد انها رواية صحيحة

اصح منها رواية ملاسي دي عندي: (شهوة جديدة)

مطبوق الاعتذار يا حسين
وارجو كريم عفوك عما بدر مني امس

بالمناسبة امس الكوتة خلصت (عضو جديد كمان) .. كتبت مداخلة طويلة جداً في مظن (تهمتـ)ـك التي لا انكرها وشرف اتسلبط فيو عديييل دي!!

وصعقني صاحب الوداعة الاسفيري بانو (شنو هو!؟ .. تورجغ ساااي برا حساب انت؟) :)

عموماً فحواها انني اتذلل [جصت لايك أ دوغ] لقبولك الاعتذار!
الزول عشان يهدر انسانية آخر .. بهدر انسانيتو في الاول ..
وما كان لي ان افعل
هي شهوة وحظ النفس



اما بعد

بعد ان تستوفي حقك، كلمني ..
باقي انا ذاااتي عندي حق
وحقي ما بخليهو .. فالضيم دونه خرط القتاد
تحسبو لعب ول كيف؟

عشان كدا انصحك بالاستعصام بحقك
الحق حق والفضل فضل

والحساب ولد وبت

عفصت على الرد.. وبعدين لقيت انه مافي شئ يردو بيهو زااااتو..

وقف حمار الشيخ محتاراً..

المهم قلت اصلو ما ارجع فاضي وامارس حقي في " شهوة الكتابة " طالما عفصت رد وكتابة

سنتابع ..


ـــــــــــــــــ
فتوحي الحمودي.. حاشاك يا حبيب من الــ"كـلــبنة " والدوغغة .. ان كانت هي الا لحظة " شهوة للعنف " فإنقضت ،،، فالرجاء ان لا تتحسس بازيد ما يلزم وتمارس جلد الذات لحد هذا المستوى..

اعتذرت اكثر من مرة ويكفيك انك رميت الكرة في ملعب " سي سحس " .. فانصرف لتثبيت وجود المولود الجديد وسط الحلة ولو اي زول قال ليك يا هناي فتعال كلمني يا هناي سمح يا هناي ..

مودتي لك











** والله اتاريهو للكتابة فعلا شهوة بس الزول يعفص رد تاني بتنكتب براااااها

Quote: وفي كل مداخلاتك الكتبتها في الفترة الفاتت في بوستاتو .. ما حصل رد عليك الجابرك على كدا شنو ؟ !!!!!

سلام يا حافظ,
حسين ما محتاج يرد علي لأنو أصلا كتاباتي ما موجهة ليهو!
كتاباتي موجهة للناس البقت مبارياهو زي ضلو من بوست لي بوست وتسب فيهو وكأنها قاصدة تخرب ليهو البوستات
أسي إنت شخصيا بقيت علامة مميزة في بوستات حسين لدرجة اصبح الناس ينتظروا وصولك والبعض إعتبرها لصيق لمجرد الشهرة

وأتفق معاك ملاسي ما محتاج زول يدافع عنو قادر يرد وزيادة وبي السطرين الناس شابلا بيها حالو منجض ناس كتار هنا وبسياسة الفير بلي دون

وبمناسبة السطرين ياخ المكان دا إسمو منبر نقاش يعني ما مجلة أو جريدة أو دورية للكتاب المحترفين حتي نحكم علي الكتابة فيه بقوانين الكتابة التقليدية. دي مواقع تفاعل ممكن زول يكتب سطر ويكون محفز لنقاش عميق ومفيد.
وأغلب الأسماء المعروفة في منتديات النقاش لا يمكن وصفهم بالكتاب ورغم كدا عملوا ليهم أسماء وقراء يتابعونهم أينما كتبوا. وبالمناسبة نحن بنهتم بكتاباتكم إنتو ناس الداخل (بورداب الخرطوم) أكتر من بورداب الخارج لأنكم قريبين من الحاصل وبتعكسوا لينا صورة واقعية

سلامات يا أسامة البلال

كتبت

Quote: حسينما محتاج يرد علي لأنو أصلا كتاباتي ما موجهة ليهو!

في حالة إنك لابس توب الدفاع عنو وهو ما شغال بيك

ثم كتبت

Quote: ملاسي ما محتاج زول يدافع عنو

طيب وكت هو ما محتاج زول يدافع عنو إنت كل يوم بتدافع عنو ليه

الكلام دا ما بشبهك يا صاحب .. حسين بخلق صراعاتو مع الناس من لا شئ وبقدر يمشي حاجاتو انت التاعبك شنو !!
هسة مثلاً أنا وحسين قاعدين في الخرطوم واتلاقينا وبنتلاقى .. وبناخد وندي مع بعض
انت بتشيل وش القباحة ساي ..
انا بالنسبة لي الحكاية منبرية وبنساها هنا وبتخارج .. فأحسن تريح روحك من الدور دا






























_____________________
بالنسبة لي خلافي حسين .. فـ"هو مدين لي باعتذار "
أول ما يعتذر بتاني كان لقيتني ناكفتو لومني
غير كدا ح اتلحو .. ذي ما أنا عايز


تحياتي

التعديل لتصحيح خطأ إملائي

Quote: فـ"هو مدين لي بعتذار "

كان راجى حسين يعتذر ليك معناه حتنتظر كتير يا انقابو .. فدحين إتلح ساكت ..

Quote: كان راجى حسين يعتذر ليك معناه حتنتظر كتير يا انقابو .. فدحين إتلح ساكت ..

يعني نقنع يا مزمل ونعصر علي المساككة ؟؟؟.
سمح، أها.

UpShir

قلت لي كيف!؟

انقابو، ومعاوية الزبير، والمدير واي معاوية ..
باللاهي البوست دا مخصوص ..

امشوا شوفوا ليكم بوست تاني اشتهروا فيو



























-------

يا حيدر الزين لقيت الواقعة ول اجيبا ليك؟

قديمن قيل:

الزول بونسو غرضو، ؤ ان عدمو .. بونسو قوقل بقى!



ويا ملاسي انجز يا اخوي ..
الحق حاااااااار

وكان قلت اقيلك بي حقك .. بقيلك تب
المافي شنو!؟

إذا حضر الماء بطل التيمم!
























---------

اعتقد انو من قواعد الفير بلي انو نجيب الحكاية من جذورها ..

ول شنو يا الركاب!؟
ما ياها اخلاق الفرسان .. ول قواعد اللعب غيروها هي!؟


اها يا سحس .. لحدي ما (تغرر) .. انا بمارس شهوة الكتابة كاشهى ما يكون ..
وبونس ليك الشباب هنا
كويس معاك!؟

Quote: نعم .. لم أجد من يكتب لمجرد شهوة الكتابة غير فتح الرحمن حمودي!

يا حسين تقصد الكتابة هنا في المنبر

و لا الكتابة عموما؟
فليكتب قيقراوي انت زعلان ليه و ليكتب بشهوة او بشهية

الاقتباسين التحت ديل لداحة ساكت

Quote: شَهِيتُ الشيء، بالكسر؛ قال ابن بري: ومنه قول الشاعر: وأَشْعَثَ يَشْهَى النَّومَ قلتُ له: ارْتَحِلْ، إِذا ما النُّجُومُ أَعْرَضَتْ واسْبكَّرَتِ وشَهِيَ الشيءَ وشَهاهُ يَشْهاهُ شَهْوَةً واشْتَهاهُ وتَشَهّاهُ: أَحَبَّه ورَغِب فيه. قال الأَزهري: يقال شَهِيَ يَشْهى وشَها يَشْهُو إِذا اشْتَهى، وقال: قال ذلك أَبو زيد. والتَّشَهِّي: اقتِراحُ شَهْوةٍ بعد شَهْوةٍ، يقال: تَشَهَّتِ المرأَةُ على زوجِها فأَشهاها أَي أَطْلَبها شَهَواتِها. وقوله عز وجل: وحِيلَ بينهم وبين ما يَشْتَهُون؛ أَي يَرْغَبُون فيه من الرجوع إِلى الدنيا. غيره: الشَّهْوةُ معروفة. وطعامٌ شَهِيٌّ أَي مُشْتَهىً.

Quote: شَهِيَهُ، كَرَضِيَهُ ودَعاهُ، واشْتَهاهُ وتَشَهَّاهُ: أحَبَّهُ، ورَغِبَ فيه. ورَجُلٌ شَهِيٌّ وشَهْوانُ وشَهْوانِيٌّ، وهي شَهْوَى ج: شَهاوَى. وأَشْهاهُ: أَعْطاهُ مُشْتَهاهُ، وأَصابَهُ بعَيْنٍ. وتَشَهَّى: اقْتَرَحَ شَهْوَةً بَعْدَ شَهْوَةٍ. ورَجُلٌ شاهِي البَصَرِ: حديدُهُ. ومُوسَى شَهَواتٍ: شاعِرٌ م. وشاهاهُ: أَشْبَهَهُ.

Quote: انقابو، ومعاوية الزبير، والمدير واي معاوية .. باللاهي البوست دا مخصوص .. امشوا شوفوا ليكم بوست تاني اشتهروا فيو

طيّب الوآحد لو جاتو شهوة كتابة، يسوي شنو ؟؟؟
يدُق الكيبورد يعني ؟؟؟.

Quote: طيّب الوآحد لو جاتو شهوة كتابة، يسوي شنو ؟؟؟

اصلو شنو هو!؟
تشخيصك دا ما سليم ...
شهوة كتابة دي ول ابو الشهيق!؟

تعرف شهوة الكتابة دي عاملة زي شنو؟
شهوة الكتابة دي زي البهق- اسألني منها انا- بتجيك وتلصق فيك.. مرة والى للابد ..
وبتعمل ليك لواية وغرغرينة في عصب الحس

انا لا اكتب .. ولكنني أعبرُ في الهواء ابواباً
انا لا ارقص .. ولكنني اصنع من طينتي آنية خزف
وجرارَ خمر لنبيذٍ آبد


















--------

كفكي ديغيتال..
حالتك دي من نوع البطل سيندروم ... من جنس ابو الشهيق والصداع المفاجئ ساي

هاك الروشتة الاون لاين دي ...

اعمل ليك بوست اكتب فيو اسم البطل ..

هو البشهر الصغار (على حد زعمه الصاعق الزاعق)

اها بعد ما تشتهر .. تعمل ليو برنت آوت .. وتبلوا وتشرب مويتو .. على الريق

وبالهنا والشفا

Quote: يقولوا ليو تور: Quote: ليس حضور الماء بشكل مطلق يبطل التيمم فقط الماء الطاهر يقول احلبوهو: Quote: ولا يهمك .. يستبدل عنوان البوست ل(إذا حضر الماء الطاهر بطل التيمم). فتامل!! ---------- وتغيير المتن كيف!؟

-------

شكراً استاذنا طه على تثبيت عقلي
والله من امس قربت افقد ثقتي في معرفتي للغة العربية!!

ميعادنا بكرة
يا اقنعني ملاسي ومن لف لفه من غير احسان بانو عبارتو دي ذم ..
يا اقنعتو انا بانو ما بفهم عربي .. وما بفهم كلو كلو!!

والحشاش يملا شبكتو

Quote: كفكي ديغيتال.. حالتك دي من نوع البطل سيندروم ... من جنس ابو الشهيق والصداع المفاجئ ساي هاك الروشتة الاون لاين دي ... اعمل ليك بوست اكتب فيو اسم البطل .. هو البشهر الصغار (على حد زعمه الصاعق الزاعق) اها بعد ما تشتهر .. تعمل ليو برنت آوت .. وتبلوا وتشرب مويتو .. على الريق وبالهنا والشفا

يا فكي ديغيتال صاحبك طلع دجّال.
جربنا الشغلآنية وما لفقت. عندي إحساس ماظنيتو يخيب أنّ طريقي
للشهرة سوف يتم عبر بوابة ملاسي.
البطل طلع بِيش وخاين كمان، هاك أها:
عـمـي الـبـطـل زول كـتـآب كـلآمـوا كُـبـآر دُرآب دُرآب ...

شوف ليك درب غير دا لو كنت ساعي للشهرة زي كدا...

يا معاوية انت الما فهمتو في (صغار) دي شنو بالضبط؟



























----------


البطل قاصد صغار الواحدة دي ...

الزول دا عندو عقدة عمر) بالدرب الوااااحد داك
ما شايفو نحنا صرف لينا كفر سااااي!؟

Quote: ( زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا والله عنده حسن المآب ( 14 ) )

ما شايف شهوة الكتابة ضمن "الشهوات" الكتيرة دي!


__________________________________________________
يا حمودي (بكسر الحاء) يكون زينوا ليك حاجة براك دونا عن العالمين ههههه

حمودي ..
انا الواقعة لاقيها وعارفها من زمناً اول.. واعطيت راي فيها كمان ..وسكتت على كدة لانه في " اعتقادي " خلاص مسالة انتهت في حتتتها
وياهو ملاسي وطريقتو واسلوبو من زمااان الجد شنو؟
والا انت عشان غيرت البتاع بقيت تشوف ملاسي من خلف بتاع تاني.. كان رايي انك ما تتعامل " بحساسية مفرطة" مفرطة..مفرطة !! حلوة والله !
شوف انا علقت علىحتة شهوة كتابة وسكتت لا الوي على شئ ( باقي مشيت كان عندنا جليّع ثوري )
Re: إذا حضر الماء بطل التيمم!

منها وانت مارست " نقة " لا يستحقها سي سحس - باعتباره اسلوب من قديم الزمان.. وكلما مارست نقتك وهو ما يرد عليك تزيد في النقة :
انت يا حمودي في ظني ما بيحسسك كلام سحس في عضمو براهو هو زاتو
الشئ الدورك وخلاك طلعت عن طورك " البين قوسين " والشجمشجرة البيمارسها ناس حمودي العسل ومن لف لفهم..!
يآخي والله دا كلو ما بيستحق.. ملاسي اساسا معروف سلفا بيستهدف القمم وما بيلذ ليهو الا يفلعهم بالحجارة عشان ما قادر يلحقهم
فااااشنو استعصم ببرجك وقدر ما يفلعك بحجر نزل ليهو تمرة طيبة لذّة للآكلين حا يخنق..كدة :)
ما شايف عمك ود المدير قدر ما ملاسي يعفصوا ينفض كريعاتو من غبار ملاسي ويديلو بالطشاء لكن بلعب قانوني..
غايتو دي قرايتي للامر كلووو - واللهم هذا قسمي فيما املك فلا تلمني فيما لا املك -

شهوة ان تكون الخصومة في عزها وااااضحة ..
غير مخدوشة بالعناق الجباااان





























--------

يا حيدر قوم لف .. وسوق معاك كل الذكرتهم ديل

ويا ابو السيوف ملاسي جبنا ليو (الشهوات) من مظنها (مريد البرغوثي) جا يمارس (شهوة الهبل)*

هنا ح نعمل ليو فرش متاع، مع كورس تثقيفي في اللغة، الحيل، واخلاق الفرسان
دا قدرنا انو نمارس شهوة الكتابة لرفع الوعي لذوي الخيال المحدود ديل


Stay Tuned


* فييييير بلي .. مش رفعتواسقف القواعد .. وخفضتوا سقف اخلاق النزال وبقيتوا تسمحوا بالضرب تحت الحزام!؟
خموا وصروا

Quote: ثم وصف نفسه بما فيها فلما استحسنا الوصف غضب .. فتأمل!

تأمل عزيزي القارئ!؟

من بؤس الدنيا على ملاسي، انو قايل نفسو ذكي

ما وصفت نفسي به -وانا حر- هو (العوارة) الواحدة ديك اجارك الله عزيزنا القارئ ..
شفت كيف

اها انا قدر كلامي وما هو (كلام ساكت) .. ح اشرح قصدي وادلل عليو بالشواهد
اها المطلوب من ملاسي يجي ويجيب شواهدو معاو ..
كلام ساكت ما معانا هنا .. ول ح نقيم عليو الحد الاسفيري
ويحكم .. مافي واحد يجي يشفع في حد .. اتفقنا؟























------------

المجنون منو بالله!؟

مرة كنا ماشين حفلة في كوستي، والدنيا خريف، ؤ كوستي في الخريف اجاركم الله
كان معانا زول جميل خلاص، بعاني من مرض عصبي/نفسي، وبتعامل معاو بكل موضوعية وجمال .. كأجمل ما يكون
اها طوالي نط قال لينا انا عارف لي درب ناشف.. وصدق يا مؤمنين مشينا وراو لا نلوي على شيء .. ولا حتى اطراف بناطلينا ذاتو!

انقروا ما غتس حجرنا في نص الطين .. بقينا طارق بن زياد وجيشو بس!!

اتلفت علينا وصاح بفرح يليق:

اسي المجنون فينا منو!؟
انا ول انتو المبارين ليكم مجنون؟


اسي العوير منو فينا!؟
انا ول الفتح ليو بوست لعوير .. وبعاني من شهوة كتابة .. واسهال كتابي حاد!؟

اها يا ملاسي منتظرين (تغريرك) يا اخوي
ما اصلو نحنا جينا هنا ساكين لينا كيس!

























------------

بمشي محاضرة ؤ بجيك اخر الليل نتمو

ارتقيت مرقاً صعيب عليك .. مش كل الطير البتاكل لحمو
ولا انا الحيطة القصيرة

فانكرب!!

Quote: بالمناسبة تاوقت بهناك محل شهوة الكتابة لقيتك اغلظت لصاحبنا قلت احسن انسرق بالراحة.

يا صديقي لو كنت جادي في حتة [اغلظت] دي وما شهو تعليق ساي .. والله لتوقفت
جادي انا

كل هدفي بهناك انو (افهم) اي والله الفهم شنو البخلي [شهوة الكتابة] مذمة!؟
























----------

اما لو البائس ملاسي قاصد [شهوة الورجغة] وازعم دون ان يطرف لي جفن انو لافحها من [شهوة الورجغة] من صكي شخصياً النفحت بيها صاحبو البطل ..
لو كان ذلك كذلك فيا لبؤس ملاسي ..

المثلبة في [الورجغة] لا في [الشهوة]!!

دا اللفحي وختف المحافض البقولوا عليو بي ذاتو!!

معقولة يكون بالبلادة دي!؟
ويتبعه الغاوون برا هدى او كتابٍ منير!؟


[شهوة] مفردة قرآنية، استخدمها رب العزة
المشكلة وين فيها؟

تمادى في الثرثرة بدل أن يرعوي .. فتأمل!

Quote: تمادى في الثرثرة بدل أن يرعوي .. فتأمل!

إرعوي يا أخي وريحنا.
فترنا من التأمُلآت...

Quote: يا حمودى كدة اكدتة لى بان قرأتى كانت صحيحة لكلام ملاسى فى البوست المعنى بالشهوات يافردة. .

والله العظيم حيرتني في حناني يا بدر يا طائفي انت!!

يا زول قراءتك وينا هي؟

اني زعلان من وصف ملاسي لي بالكتابة لمجدد شهوة الكتابة؟

يعني انا كضبت في انها تهمة اتشرف بيها!؟

ما قدرت افهم حكاية فرض قرايتكم لي علي دي كلو كلو!؟

ياهو دا السجن العاوزكم تطلعوني منو يا شباب ..

لم اعد قيقراوي .. ولا عندي الاخلاق ولا الزمن























------------

فتح الرحمن خلف الله عبدالكريم حمودي .. دا اسمي الحقيقي يا ناس
مافضي امثل ليكم دور قيقراوي

الصعب في الكلام دا شنو


ويا حسين ما تستمرأ دور الغبي البستهبل على الناس دا


لن ينتهي البوست دا الا بتعريتك تماماً

Quote: تمادى في الثرثرة بدل أن يرعوي .. فتأمل!

ايييييوة .. شاااااطر

كدا بديت تتعلم .. يلا امشي غير العنوان والبوست الاساسي
[شهوة الكتابة] دي شكرة .. ولا يلقاها الا ذو حظٍ عظيم
لا تفتي فيما لا تعلم تاني مرة .. اوعك تتبرع بجهلك
بدقك انا! (و ورور له بسبابته اليمنى) :)



وما تبقى جاحد سمح؟
تعال اشكر استاذ اللغة العربية بتاعك
سمعتا .. الجحود دا من قلة الادب (عند اولاد الناس!)























------------

تحسبو لعب ول كيف انت؟

بديتا هنا .. ونكملا معاك في السودان هناك
ما ح اعتقك الا تقول لي قيلني ... يا استاذي ومعلمي










التعديل:

شكراً استاذ اللغة العربية الخاص بي زميل البورد (عبدالوهاب حجازي) على التصويب

شفت كيف يا ملاسي .. ولا جميلتي
من علمك حرفاً، صرت لهو عبدن!

كسّر البرق بللوره في الأعالي
وافلت من دغله نمر طائش اللونِ
رنّت على ظهره فضةُ الليل والرغبةِ الغامضه
كأنّ الصواعقَ تعدو على جسمه وهو يعدو ويعدو ويعدو
ويعلو عن الارض
حتى لَيوشِكَ ان يشغلَ الجاذبيةَ عن شُغلِها
لحظةً
ثم يرقى الى ما يشاءُ الخَيالْ
هذه شهوتى للتى اشتهيها بخمس حواسٍ
ولكنها لا تُنالْ.















--------

شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
**
شهوةٌ لبلاد تقل الاناشيد فيها
وفيها نعود الى نمنمات احتياجاتنا العابرات
بلا خجل او ندم

Quote: لم اعد قيقراوي .. ولا عندي الاخلاق ولا الزمن ------------ فتح الرحمن خلف الله عبدالكريم حمودي .. دا اسمي الحقيقي يا ناس مافضي امثل ليكم دور قيقراوي الصعب في الكلام دا شنو

كلمتهم والله كلمتهم.. علا براهم ما دايرين يسمعو ..

قيقراوي قال تاني ما يقولوا ليهو قيقراوي..سمح فهمنا ياقيقراوي..

غايتو العلي عملته .. علا تعال النسعلك انت ود المدير دا مالو؟؟ شكلو شكل همباتي همباتي .. - حوالينا ما علينا - حوالينا وعليهم هم ..

ــــــــــــــــــــــ..
اسمع ممكن نعمل " نيك نيم " لفتح الرحمن خلف الله عبد الكريم الخ الخ الخ .. يعني اسم اختصار تحبباً كدة والا ناكل باسطة

تلاتة جلدات على مؤخرة رجل .. تعزيراً لانو (ود ناس!)

من نكد الدنيا على امثال ملاسي -الذين لا يدرون، ويظنون انهم يدرون (اقرأ جهل ثلاثي)- انهم لاينتبهون لوجود الآخر مع ذواتهم المتضخمة ..
فيسرحون ويمرحون في مساحات الغير .. ساي كدا!!

لا يا سيدي، ما انا بكاتب .. ولا أنت
لا اقول ذلك تواضعاً، ولا جلداً للذات .. "رَحِمَ اللهُ امرئ عرِفَ قدْرَ نْفسه".
بيد اني اقرر (ولا اغرر) اني انا امتلك العدة اللازمة، لكنني لم اشرع في ممارسة الشهوة/الغواية/الهواية دي لسة ..
وانت ينقصك الكثير .. اولها المعرفة الكافية .. ودي بتتناقض مع الورجغة الكتيرة .. وانت سيد المورجغين
وتانيها (الضمير) .. الكتابة بدون ضمير، ولغير شهوة الكتابة دي غالباً تتخذ اسماً آخر، او تتسمى باسم مهنة .. شفت كيف؟
خذ مثلاً: المحاسبة اصلاً كتابة (في الاثر الشريف غالباً ما ترد مفردتي (الحساب والكتابة) متلازمة) .. الموظف، كاتب .. (الكاتب) الصحفي الراتب، محض موظف ... وهكذا






















-----------


بعدين وانت تحرر نفسك بالاستعارات .. تذكر غيرك .. من حرموا (حق) الكلام!

واحسن ليك تتذكر الما حرموا ذااااتم .. فكلك عورات .. وللناس ألسن (اقرأ كيبوردات)

[ظلم الحسن للحسين]

وهل ظلم الحسن الحسين!؟

المقولة لجارتنا (ام النصر) الانصارية .. كانت ترددها دون ان يطرف لها جفن، ناصرةً للحسين بلا هدى ولا كتابٍ منير!!

Quote: في خلال الأربعة و عشرين ساعة سبعة مداخلات بينما سخى حسين ملاسي المينماليست [ Less is more ! ] حتى كتب خمسة مداخلات متواترة بفواصل زمنية تتراوح بين عشرة دقائق و نص ساعة. عادة حسين ملاسي، بين كل مداخلة و التانية، يدخل خلوة و ينحت مخه لأيام قبل أن ينبل بواحدة من عباراته العادية التي تروّع خواطر العوام بين الإعجاب الشديد والحنق الأشد د.حسن موسى

http://##################/forum/viewtopic.php...098c3f40bd39e18971ed

هل ظلم الحسن الحسين!؟

وح نجي نفكك البوست دا: ظاهرة ملاسي في المنبر

يا حسين الله يرضى عليك لو عاوز تعمل روحك مســـخرة، فأنت حر في روحك .. لكن ما تجرجرني معاك
شنو يا معلم طواااالي ربطت حمارك في نص حمير الكتبة، لا وكمان بكرم دونه كل سنن البرامكة الاحياها النعيم ود حمد ..
كمان اديتني معاك وتد!؟

يازول انت ما نصيح!؟

[شهوة الكتابة] دي لا يلقاها الا ذُو حَظّ عَظِيم
يازول اكسب زمنك في تحسين مقدراتك، واتركني في حالي الله يرضى عليك








. شكراً حبيبنا المحترم abdelwahab hijazi على التصويب
دي اسي لو لم فيها واحد من ذوي الخيال المحدود من جنس ملاسي وبقية البرسايتس الاسفيرية كان عمل بيها موضوع زي بوستو البائس دا!

تشكرات كميات يا اخي

اللهم عليك باصحاب (قيقراوي) البقوا ما ينفرزوا من اصحاب (البطل)!!

Quote: منها وانت مارست " نقة " لا يستحقها سي سحس - باعتباره اسلوب من قديم الزمان.. وكلما مارست نقتك وهو ما يرد عليك تزيد في النقة : انت يا حمودي في ظني ما بيحسسك كلام سحس في عضمو براهو هو زاتو الشئ الدورك وخلاك طلعت عن طورك " البين قوسين " والشجمشجرة البيمارسها ناس حمودي العسل ومن لف لفهم..! يآخي والله دا كلو ما بيستحق.. ملاسي اساسا معروف سلفا بيستهدف القمم وما بيلذ ليهو الا يفلعهم بالحجارة عشان ما قادر يلحقهم فااااشنو استعصم ببرجك وقدر ما يفلعك بحجر نزل ليهو تمرة طيبة لذّة للآكلين حا يخنق..كدة :) ما شايف عمك ود المدير قدر ما ملاسي يعفصوا ينفض كريعاتو من غبار ملاسي ويديلو بالطشاء لكن بلعب قانوني.. غايتو دي قرايتي للامر كلووو - واللهم هذا قسمي فيما املك فلا تلمني فيما لا املك -

تعرف يا الطريفي (سابقاً) بالضبط هنا المشكلة
ياخي المشكلة -من وجهة نظري- ما هي مشكلة اسماء .. ان هي الا اسماء افتريتموها انتم واباؤكم الاولين .. ما انزل الله بها من سلطان!

ياخي ما المشكلة تناديني بشنو فتح الرحمن، Hemoudi، حمووودي .. ولا "مريم زخيرة"* ذاتو ان شاء الله .. دي ما المشكلة
المشكلة في المحتوى، والمضمون

معاوية المدير، مسمى لكيان وبشر من لحم ودم .. ليهو آمالو وتطلعاته .. وفكره، ونظرتو للحياة دي
وقيقا، ؤ (فتحي، حِمودي، فتح الرحمن، مريم زخيرة) .. ديل ذاتين مستقلتين كل واحدة بذاتها .. له اسباب ومقومات وجود .. وسيرورة ستأخذه لزوال حتمي
لكلٍ يوم اسود يحيق به .. ثم يليق به.
قيقا اتوسد تقيلة ان شاء الله ثابت أجرو .. صنقعوا للسماء، بتطيروا ول بتجروا؟

اما [الشئ الدورك وخلاك طلعت عن طورك " البين قوسين " والشجمشجرة البيمارسها ناس حمودي العسل ومن لف لفهم..!]
ايوة بالضبط دا الدورني ..
ما عندي الزمن الكافي - قدر الاهرقو قيقراوي في مصاقرة السراي الصفراء دي- للرد ومحاربة جحافل الجهل النشط انا
هل عبارة ملاسي اصلاً صحيحة .. غير الاهمال الفكري الفيها، هل قعدها على ساقين منطق؟
وهل اخراجها من سياقها -الكيدي الملاسي**- تعبر عن نزاهة واخلاق فرسان؟
وهل فتح الباب على مصراعيه لكل من هب ودب، وسبق وانضرب في منازلة (سياسية/فكرية) لرص الكلام المجاني في البوستات داك كان مسألة مقبولة؟
(عاوزين نماذج ول تمشوا تقروا براكم؟)
ول قايلننا جينا هنا ساكين لينا كيس؟

تلقوها عند الغافل دي (اقرأ عند قيقراوي) .. سلموا لي عليهو بالله .. ان وصلتم سالمين فبلغوا عني السلام .. السلاااااام















------------

*مريم زخيرة هي مريم ذخيرة (بالسوداني)
ما عارف لو قصتها دي مشهورة او لأ .. او حتى كانت محض اسطورة من صنع الخيال الشعبي السودانوي

قيل انها كانت حكامة .. وقعت في الريف داك حادثة اغتيال شاب من قبيلة بواسطة واحد من قبيلة تانية .. والقبيلتين اللتنين هي لا تنتمي لهما
فقامت جلّدت يدها -بالجلد الوااحد داك- وحلفت تاني ما تاكل الا القبيلة تجيب تارها !!

ودارت الدائرة .. ومات من مات .. ونال [رهق الحرب] من الجميع في الآخر .. وقعدوا في نيفاشا ووقعوا CPA*
انقر اول بند فيها شنوا؟

اعدام بسوس القرن العشرين السوداءنية AKA "مريم زخيرة" دي!!
والله صحي (دي ما حليفة .. احلف على شنو .. انا محض راوي وليس علي اي عهدة )
سامعاني يا دلوش بت حافظ؟

** هل الناس راجعت السياق ..
تفتكروا ملاسي غتس كدا .. وجاتو [الفكرة العادية تماماً] دي وصاغها الصياغة المهببة دي (قدر قدراتو .. يشحد يعني؟) برا سبب؟
حكموا ضميركم يا ناس قبل ما تمارسو [شهوة التعليق]
فانكم مساءلون .. و(الكتابة) مسئولية

والقال (حقي) غلب

ويا ملاسي لسة العرض قائم ..
اقيلك بي (حقك) عندي؟
والله انه لعرض جاد .. واني لناصحك به
خليك (تلميذ) شاطر .. دي في مبحث [اخلاق الفرسان] .. لا في جراب حيل الحاوي
وياما في جراب قيقاحاوي!

Quote: معاوية المدير، مسمى لكيان وبشر من لحم ودم .. ليهو آمالو وتطلعاته .. وفكره، ونظرتو للحياة دي

بتبااااالغ لكن يا عبد الرحمن،
فكر ونظرة للحياة اللِتنين مع بعض !!!؟؟؟.
يا أخي أنا صح بشر من لحم، وعارف نفسي ما عندي دم وميّت موّت عديييييييييل كدا
في الشهرة. يعني عايز إشتهر بأيّ طريقة، ويا عبد الرحمن لو عندي فكر ونظرة للحياة
لرتقيت درج الشهرة بضراعي دا وما التمستها عند ملاسي والبطل.
بعدينِك أنا مقتنع ما عندي طريقة إشتهر غير إتلعوس في ملاسي وحسن موسى والبطل
والهندي شامي كابور، وعندي إحساس شديد إنو ملاسي دا إيدو لآحقة رغم إنها عاجزة
عن طمبجة الورق بالكتابة زي الباقيين.
أرجوك يا ملاسي خذ بيدي فإني أتنفس تحت الماء.

حيدر الزين دا عارف إمكانياتي كوييييييس، أكان داير يكتب عنقالي عنقالي، فجعلها
همباتي همباتي، فدحين يا فتح الرحمن تأمّل...

عندي إحساس كدة انه الــ" همباتي " ود المديــر " ومين كدة فتح الله خلف الله الخ الخ الخ حمودي رابطين لي ( فرنيب ) عاملين لي كمين

دا تعملوهو زمااااان للطريفي سابقاً .. هسع - حيدر الزين - الاضنين مُشرعات طشت والعيون مفنقلات فنجان

يآخي اقول ليك بإختصااار كدة

ابييييييييت ابيت كمينكم دا ولا بخشو ولا عاوز :)

قوم لف طيب .. آند كلكت بيبرز





















----------

ؤ سوق معاك ود المدير دا ..

البطل قال بشهر (السغار) سغار بس!!

بوين ليك عاد .. انتو الواحد فيكم يسرح بالبهائم لمن عمرو يبقى 15 سنة حتن يدخلوهو المدرسة!!

امش طلع ليك شهادة تسنين وتعال

انا اصلو غير حمودي العسل دا زول بيضيع الناس مافي .. والله صحي ..!!

مرة جيت بسلم عليهو في بوست من بوستات المثقفين والمفكرين الكبار اوووي اووي - حتى سي سحس بكل الزخم اللي هو بيعيشو ما بيقدرش يهوب على بوستاتهم ولا حتى يحييهم.. شفت كيف
جيت سلمت عليهو .. طوالي شبكوني ليك :
اتخير اصحابك واتخير شلتك
نحن ما بنتكلمش مع كل من هب ودب.. ولو ديل جنس معارفك نحن غير مستعدين ولا حتى لرد التحية عليك..

بالله انت لو في محلى - مثلا كدة - كنت حا تتصرف كيف؟


ــــــــــــ
هسع ود المدير دا جارنا بي هناك ويمكن نكون لقطنا الدفيق سوا والا بهماتنا اتلخبتنا زات سرحة ما.. لكن قدام الاخطبوط سي سحس وحفاظا على مظهري المثقف الانيق
بنكرو ليك حطب واقول وااط از ود المدير.. واعوج لساني وانطقها بلكنة خريج من اكسفورد
وااات المتير از آآآن إن بوستيف كونكليجشن مانوفاكتري اند منجمنت ديكشنري..
وامشي منتفخ الاوداج عشان سي سحس يصفق لي ويقول
اوووووه كاتبي المفضل لربعين قادمين :)

بالله هو كير لهؤلاء القوم ؟؟!

[فرز مويات] ؤ كدا:

Quote: حمودي العسل

حمووودي العسل .. غير حِمودي المررررر
شن جاب لجاب .. حمودي (بكسر الحاء) Hemoudi همباتي من سلاسلة جلها همباتة
نحن ناس (ابكسرة) يا عمك



ولداً بطبـق المسـرى فوق المســرى
يخلف ساقـو فـوق ضهـر ابوقوائم ويسـرى
حقـب قربينـو فوق جربانــو خت ابكســرة
فرقــاً شتــى من ناس يمـه زيدي الكســـرة

فااا شنو!؟
الناس تفرز ؤ كدي ..
آي افرزوا لينا ديل من ديلا




سنعيدها سيرتها الاولى ..
ابالة (من Apple ؤ كدا)، سلالة أبالة ..


نــاس أب آمنة شدوهن مع الاوكـــات
عقدو الشـورة من تقلي وعقيدن فـــات
ابوك ياالزينة الخجـّا المديريـــــات
ابوك ياالزينة عكــاز التقيلـة إن جات

نحن ذاااتنا نشد عنافيات Apple (اقرأ iPad ؤ iMac .. اللخ اللخ) ونخج ليكم عتامير الاسافير دي

سايم دمـو في وقت الحديث مـطيّن
غصبـاً عنو يـا الساحر نسـوقن بيّن

المافي شنو!؟

















----------

كل المربعات هنا لود ضحوية
لذا لزم التنويه

ؤ ود ضحوية عاليابي (ود ناس يعني!)
والحموداب فرع مر من العالياب

يحكى انو - اي حِمودي جدنا دا ذاتو- ذات مرة، والممرات كثيرة، يقال انو حل ضيف هجعة على حلة مجاورة من قرى العالياب .. وهو منحدر من (جريف) العالياب بنهر النيل- اتبرأ/الدامر وبالعكس
الجماعة ضبحوا ليو، وصحوا النسوان يطبخوا .. لمن جابوا العشاء، قال ليهم انا ما باكل ضبح الناس!
جلبولو سعية، طلع سكينو من ضراعو وضبح، والنسوان قامن يطبخن .. تااااني .. من اول ؤ جديد
لمن جابوا العشاء .. قريب الفجر كدا.. نط في العنقريب .. وطلع (قرض) من جيبو وهو يردد:
انا حِمودي .. الليلة باقي عشاي قرض!

اللآمة فوق ام كم من اللول ما عارف!!

Quote: حلة مجاورة من قرى العالياب .. وهو منحدر من (جريف) العالياب بنهر النيل- اتبرأ/الدامر وبالعكس

ود المدير تعال امسك مني زولك دا !!
قال اتبرا / الدامر وبالعكس :) انت ماشي العكد والا ماشي العالياب
اظنك طشيتها في الكنوز..


ـــــــــــ
ههههههههههههه اسعدك الله والله خليتني اتخير منظر كتحة القرض وخلفة الكراع فواق والزول راقد على ضهروا..

علا والله يا فتح الرحمن جدك دا الله يرحمو ويكرم مثواه ان لحق هسع في بلد الجداد الميت دي حيث شواية الخليج وتشيزبيرجر ماكونالدز ان لحق ختا سكين ضراعو دي في عتبة جرس البلد
ودقاهو كررن كرن كررن اقول اغشي الهندي التحت بتاع البروستد الرخيص لف لك نص جدادة في كيس اكلها بعدين تعال
جدك دا متعب يآخي .. والله صحي !!
الناس يضبحوا لو يقول ضبيحتكم ماني دايرها ويجز غنم سعيتهم.. ويساهر بيهم ينجضو العشاء وفي الاخير يحرد عشاهم/هو ويرقد يمدغ قرضو :)
هسع >نب الضبيحة التانية شنو؟
قال لك في حديث كدة انه الواحد ما يصداد الصيد او الطير عشان يلهو.. يا تصيد قدر البكفيك وياكلك وحوجتك يا امتن عليك اثم اهدار الموارد القومية لامنا الطبيعة ..



هو زاااتو البيشيلو قرض في جيبو شنو؟

يا قرقراوى سلامات ,

الفهم شنو يازول؟؟؟
عسى أن نلحق الكيتة,,

Quote: يا قرقراوى سلامات , الفهم شنو يازول؟؟؟ عسى أن نلحق الكيتة,,

أوّل حاجة جلي لينا الزول دا.

بعدين نشوف اخرتا شنو ؟؟؟

Quote: قوم لف طيب .. آند كلكت بيبرز ---------- ؤ سوق معاك ود المدير دا ..

عليك الله يا حيدر قبل تتأمل شوف الزول دا متوهِط كيفِن ؟؟؟.
سوى البوست اللِيلو تب، وهنا يحق لك أن تتأمل إن شئت.
خلي بالك بعد شوية حا يخلف كُراعوا ويمصلوا قرضة.

يا سيد البوست يمين الحقرة ليك ما بيها
وكان اصلك جفل شيلتك علي خليها
قدُر ما تبقى مُرّه إياني مِتباليها
ومِن هنا ما بتُر يا فيها واللآ اطفيها.


الحاضر يحدث الغايب، أها...
ا

Quote: يا سيد البوست يمين الحقرة ليك ما بيها وكان اصلك جفل شيلتك علي خليها قدُر ما تبقى مُرّه إياني مِتباليها ومِن هنا ما بتُر يا فيها واللآ اطفيها.

جاكم كلامي..!
ما قلت لكم الزول دا همباتي .. شبكتوني شنو وشنو وشنو!
عاينو أها دا ما كلام الهمباتة زااااتو .. قلع ورجالة وحمرة عين!!


ـــــــــــ
سي سحس بعد كدة باقي لي الا تستعين بقوات دولية للتدخل الانساني لاجل بوستك دا
واحد رقد وخلف راعو في عنقريب يمص في القرض .. والتاني ولع جمر وقعد قدامو..

Quote: ـــــــــــ سي سحس بعد كدة باقي لي الا تستعين بقوات دولية للتدخل الانساني لاجل بوستك دا واحد رقد وخلف راعو في عنقريب يمص في القرض .. والتاني ولع جمر وقعد قدامو..

إنت في دِي واللآ الجماعة بتاعين الفيس بُوك !!!
أخدوا راحتُن بالكاااااامل لحدي ما دخلوا في تعارف وكدا،
فتأمل.

ذكروني ناس القطر زمان، تلقى الشكلة مدورة في محلِي ومحلّك،
وساعة الفطور يختو الطحنية والجنا جداد ويقعدوا ياكلوا ويتونسوا.
عليك الله يا ملاسي تجي تتأمل، عيب يا اخي الناس جايينك من قِبل
الشبكة العنكبوتية اللربعة وإنت طناااااااااش...

Quote: مريم زخيرة هي مريم ذخيرة (بالسوداني) ما عارف لو قصتها دي مشهورة او لأ

آآآي آآآي مشهورة كان حكاها لينا قيقراوي
ولو ما أخاف الكضب قصة حيمودي الأكبر دي المآكل قرض دا برضو سمعناها من قيقراوي
ـ
تحسبوا لعب ياحمودي أبو كسرة ..ياااا لمجرد اللفح من قيقراوي
والله ياهو الفضل أنت قايلنا ما بنفرز ولا بنعرف حكاوي المغدور* قيقراوي ...
ولاّ..إنت قايلنا جاين هنا ساكين كيس الخ الخ الخ من آكسنت ولهجة أبو كسرة العدائية
_
أقول قولي هذا وأنا أدندن بـ:
* كلّو من ديييييييل ...وأأشر بيديّ يدٌ واحدةً ناحية برارّي أريزونا...وبالأخرى ناحية جدة

ايمن الطيب يا عمك

Quote: الفهم شنو يازول؟؟؟ عسى أن نلحق الكيتة,,

خش توشك
المافي شنو!؟

لا فهم هناك ... اصلاص لو كان في فهم كان البوست دا قام!؟

اهو قلنا نعمل من (عدم فهم) ملاسي، عبرة لمن يعتبر ..لكل من القى السمع وهو شهيد

قال عز من قائل في محكم تنزيله :

{زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْـمُقَنطَرَةِ مِنَ الذَّهَبِ وَالْفِضَّةِ وَالْـخَيْلِ الْـمُسَوَّمَةِ وَالأَنْعَامِ وَالْـحَرْثِ ذَلِكَ مَتَاعُ الْـحَيَاةِ الدُّنْيَا وَاللَّهُ عِندَهُ حُسْنُ الْـمَآبِ} [آل عمران: 14].

لكن هنا بنجلي في شهوتين، مضرات جداً بـ[شهوة الكتابة] الاتهمني بيها ملاسي ود حمد دا.. بل قول شرفني بيها .. جوداً من عند نفسه الامارة بـ[شهوة النشر] (ممكن تقرأ "شهوة الشهرة" ولا تثريب عليك اليوم) .. ؤ ساي كدا!*

كتب خالد عباس الطاهر (خالد مونيكا)

فتحت مونيكا طاقة من الحلم
شافت وسار بلد ي علي أشجار يباس
من شرايين حام
وامطار دم
وقوس ناري
علي هيئة كتب صفراء
تتفاعل كما البترول
وتنصهر اشتعال
اعاصير من توابل مرة
اكتنزت مدينة من اللهاث العنتري
في ساحة رهان محموم
يوم من الف صرخة وصرخة
يحكي النار زاد
والنزف زاد
و الشهرزاد الميتة في مخدع امير الموت
وخنجر محتشم بالدم
خجول في فارغ النهدين
برئ حتي الطفولة الاولي
واطيب من غني البدوي
الورا اتفضل
ويتقبل عطايا المافي والموجود
وخنجر محتشم بالدم
وراهو عالم من الورم الوراثي
لشهوتين
للمال .. وللمايك


شهوة المال .. بتحول (الكتابة) لمجرد حرفة .. (المحاسب)، فنان .. لكنو بايع فنو لرب عملو .. هو (قارئه) العزيز على ألبو الوحيد .. ومتلقيه الحصري ..الا كان متلقي حجج تاني غايتو!
شهوة المايك/شهوة النشر/ شهوة الشهرة .. لا تثريب عليها .. لكن كمان الوهم ما حبابو!!
زين للناس حب الشهوات .. انتو نسيتو!؟
بس كمان ما تبقى حالة مرضية ملاسية .. وبالغصب!!
دي نحنا بندق فيها ..
اربعة من كنبة ورا يشدوا الزول دا؟

الجلدة التالتة

اوع تعيديها .. سمعتا؟

المرة الجايية [سندفعها دفعاً غير رفيق] .. كلو كلو









--------

يا ود المدير يا اخوي لاشباع شهوة النشر والشهرة:
فكك من البطل (حظك كـ(دغيغ)، ما لم تجيب ليك شهادة تسنين مضروبة) .. وعلى العليهو كمان البطل فسل، في روحو دي ما عاوز يجي يحج ليها*
امسك في ملاسي دا قوي .. جودو جود اروش .. كأروش ما يكون

* لو جا حجا- والتزمنا ليوم بنساعدو كان ما مستطيع- وحسن اسلامه .. وبطل العوارة، ببقى صاحبي (مش انا الببقى صاحبو .. قايليني داقس!؟)

** العبارة كانت لـ(الكاتب الصحفي الراتب) م ع البطل
لكن من يوم الليلة هي للولد الـ:
سايم دمـو في وقت الحديث مـطيّن
غصبـاً عنو يـا الساحر نسـوقن بيّن
إن بردت ماني البخيل صريت (ارتعوا فيها براحتكم .. اصحاب قيقراوي واصحاب البطل (هو في فرق!؟) .. المافي شنو)
وان حرت، ابوك يا وعد عكــاز التقيلـة إن جات

المافي شنو هو!؟

جزيل وعميق خالس خالس شكرى يا فتح الرحمن حمودى
وشكرا على الرد الضافى,,


يا ود المدير,,

Quote: شهوة المايك/شهوة النشر/ شهوة الشهرة .. لا تثريب عليها .. لكن كمان الوهم ما حبابو!! زين للناس حب الشهوات .. انتو نسيتو!؟ بس كمان ما تبقى حالة مرضية ملاسية .. وبالغصب!! دي نحنا بندق فيها .. اربعة من كنبة ورا يشدوا الزول دا؟

ما تقعد تقرا بكرعينك وترد ..

إقرأ بين السطور يا مسطح إنت..غايتو نصكم بقى يجليها واقفة والشغلة دى شايف ساكاك ساكاك كاك ..


يا قرقراوى عليك النبى أرخى عشان نحن خلااااااااااااااااس فترنا ..
ارخيهو أرخيهو ياخ الأيام بتوريهو..

ازداد سعاراً على سعاره .. فتأمل!

Quote: يا قرقراوى عليك النبى أرخى عشان نحن خلااااااااااااااااس فترنا .. ارخيهو أرخيهو ياخ الأيام بتوريهو..

ويحك يا ابن الطيب!!

أجيئت تشفع في حدٍ من حدود الشريعة الاسفيرية!؟

والله لو كتبت الكلام التحت دا حبيبة ألبي (وعد) بنت المعلم القيقاروي .. لقطع قيقا يدها الاسفيرية:

Quote: ازداد سعاراً على سعاره .. فتأمل!

لا جديد تحت الشمس ..
الكـــلب* بريد خناقو!!

شايف كيف؟
مااا تجي تستهبل لينا هنا يا سحس .. ما جابنا الدرب انحنا

العين بالجوز .. والسن بالطقم كلو
والحرمات قصاص
ومريم زخيرة الله يخليها .. الغافل عن (حقـ)ـو بتجلد ليهو يدها
لكن الظاهر مع اسفيركم الظالم اهلهو دا يدها ح تبقى عنقريب قد بس!

يا زول ارعوي ..
ابهاتنا زمان حق الناس كانو بقلعهو حمرة عين وايدية ..
عاوزنا نخلي ليك حقنا!؟
تلقاها عند الغافل .. بتعرف الدرب ول اوصف ليك!؟


















----------

* فيييييييير بليي
فهمت ول اجي اشرح ليك؟

ياخ امش شوف هيافاتك بهناك .. شوف هل الانغاز بالونة ول كفر عديييل كدا
نحنا عندنا (سبغ) حمير بي جاي

وبذا يعلن هذا البوست اراضي محررة

جاييك يا أمير .. جاييك
خلينا نزحزح الافتراضي البطولي عنا قليلاً ..
ونجي نمارس شهوة الكتابة كما ينبغي

المافي شنو؟

بس عليكم الله يا شباب ساعدوها بي جكة خيال ..
تموها جك موية عدييل ما كوز ساي
لا سقف .. الى ما يشاءُ الخَيالْ

كسّر البرق بللوره في الأعالي
وافلت من دغله نمر طائش اللونِ
رنّت على ظهره فضةُ الليل والرغبةِ الغامضه
كأنّ الصواعقَ تعدو على جسمه وهو يعدو ويعدو ويعدو
ويعلو عن الارض
حتى لَيوشِكَ ان يشغلَ الجاذبيةَ عن شُغلِها
لحظةً
ثم يرقى الى ما يشاءُ الخَيالْ
هذه شهوتى للتى اشتهيها بخمس حواسٍ
ولكنها لا تُنالْ.

Quote: عليك الله يا ملاسي تجي تتأمل، عيب يا اخي الناس جايينك من قِبل الشبكة العنكبوتية اللربعة وإنت طناااااااااش...

Quote: ازداد سعاراً على سعاره .. فتأمل!

شكراً يا ملاسي لقبول الدعوة والإستجابة السريعة للطلب، وهذا إن
دلّ إنما يدل علي تواضعك الذي هو ديدنك (علي وزن تايتنك).
عليك الله شد حليك معاي شوييييية يا ملاسي، ولو فعلت حتماً
سأصل.
عارفك ما بتقصر...

Quote: يا ود المدير,, ما تقعد تقرا بكرعينك وترد .. إقرأ بين السطور يا مسطح إنت..غايتو نصكم بقى يجليها واقفة والشغلة دى شايف ساكاك ساكاك كاك ..

ههههههههههههههههههههههههههه،
بالغت يا ايمن.
والله صحي.
يا زول أنا كان بقدر اقرأ بين السطور ما كان وصلت تب.
أها، عشان بين السطور دي أنا دمست البطل وحسن موسى.
يا راجل ديل درِبُن طويل جداً، الواحد يكتب ليك دِشليون صفحة
خاوية علي عروشها وإنت تجي دارش فيها من غير ما تتأمل
فد مرّة تلقى نفسك في السهلة.

غايتو سطر ملاسي دا بيغنيني من القراءة بين السطور. سطر
وآحد وبقدر عليهو، وحمودي وافقني في أنه هو السبيل الوحيد
الذي لا خيار لي غيره.
يا جماعة عليكم الله تساعدوني أصل، باقي مغرود في الشُهرة
دي بالحيل.


يا حمودي ما قلنالك أيمن دا جليهو يا اخ ...

Quote: والله صحي (دي ما حليفة .. احلف على شنو .. انا محض راوي وليس علي اي عهدة ) سامعاني يا دلوش بت حافظ؟

غايتو يا فتحرواي شي نهزني من احلامي السيمي سعيدة دي شي غير شهوة الكتابة مافي ..

يا زول "والله صحي " دي حليفة صرف ..وأكان نفسك الأمارة بالمرواغة حدثتك بغير ذلك ..مخيرين ..

عموما هي فيري كيوت ..والله صحي ..ههههههه

فترت من حلب التور انا

كمان جات دلوش عاوز تبسترو

بطريقتكم!!




















---------

بل قولي (بجراوي)
انه موسم الهجرة الى الشمال
فسبحان من اسرى بعبده من اعالي النيل الى نهر النيل!

ازيكم يا شباب الفيس برسلي
جبرنا يا اخوانا ...
شنو كلو زول جاري ليو تور جايبو لي احلبو ليو
انتو قايلين في البلد -ام طرقاً عرااااض .. كأعرض ما يكون - الانترنت دي ما وصلتن ول شنو!؟
علي بالحلال-كدا كيف يا دلوش- الحق اباشر مهم حلب التيران الجتوا سايقنها دي .. القبيلة الا تتبرأ مني!!

انتو ناسين اني قيقاراعي ول كيف؟


تحياتي للجميع
وعلي بالحلال تاني ما راجع هنا
والعفو والعافية

ما ناسيك يا امير .. الفورة الف يا عمك (او كما قال البطل)
وداليا برضو عاوزة تعرف ..
لكن الموضوع دا معقد شديد .. ومجوبك
كان لازم اكتل قيقراوي ... لاحيا انا
ما كان في خيارات كتيرة


كان حيين بنتلاقى
وكان متنا اعفوا واصفحوا

Quote: فترت من حلب التور انا كمان جات دلوش عاوز تبسترو بطريقتكم!!

شايفة روح العبارة دي عاجباك وبتستخدما كتير بدون اشارة للمصدر ..

يا زول عفيتك ما دايرة اجابة لسؤالي داك انت حر والله جد..

وعموما البوست ده ما بعبر عني وعن رأي في كتابتك ..انا راي في كتابتك اجابي للحد البعيد ..واي شارات من هذا النحو لا تعدو كونها ممازحة ..وما جيت هنا الا لانو اسمي مكتوب ..وهذا ما لزم توضيحه ..