ترباس يصف تصريحات فرفور بالإجرامية!!!

أبدي الفنان كمال ترباس استياءه البالغ من الفنان الشاب الذي أطلق تصريحات غير مسئولة كما وصفها ترباس بإحدى الصحف في الأيام الفائتة قال فيها : ” سأحكم على الوسط الفني بالإعدام لو كنت قاضياً ” ، ومضى ترباس قائلاً : ” ده أسلوب إجرامي نحن كوسط فني نرفضه تماماً وياريت الشاب ده يعمل على توصيل أعمالو للناس ، وبعد كده يتفرغ للتصريحات ” .
وأضاف : ” الواحد لما يكون في بداية طريقو مفروض يحترم الناس الظهروا قبلو ، والفنان الذي اطلق التصريح ده ياريت يعرف انو أنا لو وقفت منو غناي .. بموت بدون إعدام ” .
مؤكداً أن ذلك الفنان – الذي لم يذكر اسمه – سعى للظهور عقب رحيل ” الحوت ” إلا أن جمهوره كان واعياً ورفضه جملة وتفصيلا .
الجدير بالذكر أن الفنان جمال فرفور صرح لإحدى الصحف السياسية في الأيام الفائتة وقال انه سيحكم على الساحة الفنية بالإعدام إذا أصبح قاضياً .

ترباس البقل عليه لا بخليلو ولا ببقيلو

رشو يا ترباس

يا وضاح خليك محضر خير ياخ..

ترباس ده قاعد على الهبشة يا نزار..

نرباس سيد الناس
زول مبدع وحريص على الفن النضيف
وكلامو في فرفور كله صح

يا حيدر كلام فرفور برضو بصب في مصلحة الفن النضيف..

بس يمكن بتعبير مختلف شوية..

-

في السابق أخي خالد:

كان لدينا "الكروان" ، كرومة
وكان لدينا "العندليب" زيدان
وما تزال لدينا "البلابل" هادية وآمال وحياة طلسم

أصوات جميلة و أسماء وألقاب أكثر جمالاً

ومع احترامنا للأصوات والقامات الفنية الحالية، فإن ألقاب المطربين أصبحت تثير الحيرة
وتستحق أن يتوقف عندها قاضي جهنم هذا قبل أن ينصب مشنقته في ساحة الإعدام.
عليه، أن يبحث مع اتحاد الفنانين –إن كان عضواً فيه- إعادة النظر في ألقاب الفنانيين..
و "إعدام" الألقاب التي تستحق الإعدام من بين التالي:
(ترباس)
(الحـوت)
(الجقر)
(فرفور)
(تمتام)
إلخ...
[/B]


...
..
.

Quote: ياريت يعرف انو أنا لو وقفت منو غناي .. بموت بدون إعدام ”

شرحوو
ياحبيبنا خالد ترباس ده عندو ردود مريحه خالص خالص ....

شوف بموت بدون إعدام دي قوية كيف بالله ...
وتقبل تحياتي يافنان ...