التريلا تعود للواجهة في في قالب خليجي (يوجد فيديو مدهش)

عجيب أمرهم هؤلاء الأعراب

يستهزوا بفننا ـ ويطربوا ليه حتى الثمالة ـ

ولو أن الأغنية نفسها ما محسوبا من الغناء السوداني
وإنما ضرب من الغناء الهابط ردده البعض في غفلة

الغناء للمطربة شذى حسون وهى من أب عراقي وأم مغربية ونشأة مغربية






مع خالص الود والتقدير لصاحب التوثيق د. محمد ، أبو نوسة ـ عضو منتدى الهلال

الغريبة .......... اللحن جميل

وده السبب فى انتشارها رغم كلماتها -- والتلتيق البفيها

العربي بتاع الساكس دا جاب الاحساس دا وين؟؟؟؟؟


سلام يا البصير

هل هذا يعنى فى نظرهم انه افضل ما لدينا ؟؟؟

Quote: الغريبة .......... اللحن جميل وده السبب فى انتشارها رغم كلماتها -- والتلتيق البفيها

لو قلت الإيقاع لكان منطقياً يا وضاح

لكن وجهة نظر ونقدرها

Quote: العربي بتاع الساكس دا جاب الاحساس دا وين؟؟؟؟؟ سلام يا البصير

فعلاً يا ود جبرة الراجل ضرب صولو بإحساس عال شديد

شغل زي دا يستاهل ليه أغنية تستحق

وكاتبين عليها " تراث شعبي " ..
سرقة أدبية عديل بغض النظر انها " غنا بنات " ..

كلو من الرافضي داؤود حسين ..

Quote: هل هذا يعنى فى نظرهم انه افضل ما لدينا ؟؟؟

بكل أسف دا الحاصل أخوي قرشو

أي عربي تجيب ليه سيرة الفن السوداني يقول ليك الممبو السوداني
والأن جو يكحلوها عموها ، جابوا لينا هابط بالشكل دا

Quote: وكاتبين عليها " تراث شعبي " ..

الأخ هشام ـ ما قدرت أحصل عبارة تراث شعبي دي في الفيديو

Quote: كلو من الرافضي داؤود حسين ..

بالله داؤود حسين دا شيعي

محمد علي البصير ....تحياتي

اذا كان بيفتكرو انه ده احسن ما لدينا ما تستبعد المرة

الجاية يغنو ( راجل المرة ) للاسف برضه

سلامي

Quote: محمد علي البصير ....تحياتي اذا كان بيفتكرو انه ده احسن ما لدينا ما تستبعد المرة الجاية يغنو ( راجل المرة ) للاسف برضه سلامي

تسلم أستاذ عباس

لو نحن لأكثر من نصف قرن ما سمعوا لينا غير الممبو السوداني
والأن بغنو لينا في التريلا ،
مؤكد راجل المرا في الطريق

Quote: الأخ هشام ـ ما قدرت أحصل عبارة تراث شعبي دي في الفيديو

سلام يا ود البصير ..
الاغنية بثت يوم الجمعة الماضية في MBC من قناة وناسة ولا شنو كدة ..
من غرائب الصدف اني كنت واخي الاصغر نضحك على الراقصين من الرجال ..
وجات الأغنية دي وكتبو عليها تراث شعبي ..
شفتا كيف ..
وضحكنا الى ان اغرورقت عيوننا بالدموع اصبحت التريلا غناء خليجي شعبي ..





-----------------
يا زول انت بي جدك ؟؟
يعني ما عارف انو الباكستاني الأصل الكويتي الجنسية
داؤود حسين شيعي ؟
امشي اليوتيوب وبحت ..

Quote: سلام يا ود البصير .. الاغنية بثت يوم الجمعة الماضية في MBC من قناة وناسة ولا شنو كدة .. من غرائب الصدف اني كنت واخي الاصغر نضحك على الراقصين من الرجال .. وجات الأغنية دي وكتبو عليها تراث شعبي .. شفتا كيف .. وضحكنا الى ان اغرورقت عيوننا بالدموع اصبحت التريلا غناء خليجي شعبي .. ..

تسلم أخوي هشام ـ طبعاً الأغنية الغالبية العظمى ما شاهدوها سوى في الفيديو المنتشر في عدد من المواقع

Quote: ----------------- يا زول انت بي جدك ؟؟ يعني ما عارف انو الباكستاني الأصل الكويتي الجنسية داؤود حسين شيعي ؟ امشي اليوتيوب وبحت ..

والله أول يوم أعرف
دا من الليلة بالنسبة لي بلاك ليست
سبابين الصحابة ديل أبداً ما مقسمين معاي

مع تقديرى واحترامي للمتداخلين

من تغنى بهذه الاغنية (اذا سميناها هكذا) لم يصرح بانها اجمل الاغاني السودانية فقط عجبهم اللحن والايقاع السريع للاغنية وهو الاشبه لسلالمهم الموسيقية ان صحت توقعاتى وتغنوا بها
فى اعتقادى اداء المطربة فى اليوتيوب اعلاه جيد ولاغبار عليه
بغض النظر عن الاغنية ومدى هبوطها

تقديرى واحترامي
د.محمد الهادى

خفست عن عمنا قوقل لقيت لي فنانة سعودية تردد بعض الاغاني السودانية كما اسميت حسب الفيدويو

راجل المرة وعزاز عليهم وكولنكولن وكل الحاجات كوكتيل والفنانة مبسوطة شغالة يب ويلا وها وهكذا نطبط


المهم كما يقول تبارك


اللوم يقع على وسائطنا الاعلامية التي لم تستطع حتى الان ايصال ولو اليسير من انتاجنا الفني الى الخارج سوى اقليميا او عالميا


وماوصل الى افريقيا واوربا والخليج تحديدا كان عبر الافراد الذين لديهم علاقات تواصلية مع المجتمع هناك

حتى الفعاليات الثقافية رغم ندرتها لاتجد انديتنا الثقافية قد وجهت الدعوة فيها لاجهزة الاعلام للدولة المضيفة وتحديدا التلفزيون والاذاعة

احيانا تتم دعوة بعض الصحف للامانة

عليه

السلم الخماسي كما يسميه اهل الموسيقى مفهوم بالنسبة لاهل الخليج علينا فقط ايصال منتوجنا فلا حرج عليهم الان


مسالة الحقوق والملكية دي واضحة ومعروفة بس هي الترلة دي مسجلة ولا ماشة ساي

.....
العزيز / محمد علي البصير . تحياتي

Quote: مع تقديرى واحترامي للمتداخلين من تغنى بهذه الاغنية (اذا سميناها هكذا) لم يصرح بانها اجمل الاغاني السودانية فقط عجبهم اللحن والايقاع السريع للاغنية وهو الاشبه لسلالمهم الموسيقية ان صحت توقعاتى وتغنوا بها فى اعتقادى اداء المطربة فى اليوتيوب اعلاه جيد ولاغبار عليه بغض النظر عن الاغنية ومدى هبوطها تقديرى واحترامي د.محمد الهادى

تسلم د. محمد

نحن بنلوم في الأعراب ديل ، لكن العتب الأكبر واقع علينا ـ لما كانت أمثال الأغنية دي هى فرمالة الحفلات

أتفق معاك بن حسون جضمت الأغنية ، وخلقت منها حاجة مختلفة

Quote: خفست عن عمنا قوقل لقيت لي فنانة سعودية تردد بعض الاغاني السودانية كما اسميت حسب الفيدويو راجل المرة وعزاز عليهم وكولنكولن وكل الحاجات كوكتيل والفنانة مبسوطة شغالة يب ويلا وها وهكذا نطبط المهم كما يقول تبارك اللوم يقع على وسائطنا الاعلامية التي لم تستطع حتى الان ايصال ولو اليسير من انتاجنا الفني الى الخارج سوى اقليميا او عالميا وماوصل الى افريقيا واوربا والخليج تحديدا كان عبر الافراد الذين لديهم علاقات تواصلية مع المجتمع هناك حتى الفعاليات الثقافية رغم ندرتها لاتجد انديتنا الثقافية قد وجهت الدعوة فيها لاجهزة الاعلام للدولة المضيفة وتحديدا التلفزيون والاذاعة احيانا تتم دعوة بعض الصحف للامانة عليه السلم الخماسي كما يسميه اهل الموسيقى مفهوم بالنسبة لاهل الخليج علينا فقط ايصال منتوجنا فلا حرج عليهم الان مسالة الحقوق والملكية دي واضحة ومعروفة بس هي الترلة دي مسجلة ولا ماشة ساي ..... العزيز / محمد علي البصير . تحياتي

تشكر أخي الجنيد على هذه الإضافة القيمة

تسلم يا حبيب

من خلال مشاركات الفيس بوك ـ كتب الأخ جلال الدين القرشي

Quote: يخرب بيت سنينم ...طرب زي الطرب ....يستاهلوا ياخدو كل حاجة جميلة مننا ...حتى ولو سنين عمرنا

أخوي جلال ـ أشكرك على المشاركة
ـ قل بأي وجه حق يستاهلوا قدر دا !!!

النجيضة يا بصير .. Like

Quote: النجيضة يا بصير .. Like

البركة الجات على كدا يا ود الصائم
خفت (تنجضني) بكدة (anti like)

تسلم يا الحبيب

من خلال الفيس بوك ـ كتب الأخ عباس عمر

Quote: سمعت الاغنية من موقع الفنانة على صفحتها قبل اليوتوب..ولم امل سماعها..خصوصا مقطع عازف السكسفون..هنالك (اااااااااااااااااااي) بعد كذا مقطع..:)

شكراً أخوي عباس على المشاركة ـ
أتفق مع أرائك
وهل التريلا تشرف موقع شذى حسون في وقت يشعر فيه أي مغني سوداني بالخجل لو أضطر لترديد هذا الضرب من الأغاني