Post: #1
Title: شمارات الخرطوم
Author: محمد إبراهيم علي
Date: 04-21-2013, 09:39 PM
اي زول داير مصادر يرفع راسو فوق يشوف العنوان
|
Post: #2
Title: Re: شمارات الخرطوم
Author: ABUHUSSEIN
Date: 04-21-2013, 09:41 PM
Parent: #1
كبييييييييييييييييييييير كدا و بتاع شمارات ...
|
Post: #3
Title: Re: شمارات الخرطوم
Author: محمد إبراهيم علي
Date: 04-21-2013, 09:42 PM
Parent: #1
هناك لجنة تنشط في اجراء حوار بين قوى المعارضة والمؤتمر الوطني
اللجنة تحمل صلاحيات واسعة جدا من شخصية نافذة
التقت اللجنة حسن الترابي وفاروق ابوعيسى والخطيب
بالنسبة للصادق ولدو نقل الرسالة
الميرغني زارو البشير في دار ابوجلابية
طبعا الميرغني والصادق موضوعهم ساهل
|
Post: #4
Title: Re: شمارات الخرطوم
Author: محمد إبراهيم علي
Date: 04-21-2013, 09:44 PM
Parent: #3
ابوحسين عاين فوق ثم قوم لف
قول انا بتاع شمارات انت الجابك شنو؟
|
Post: #5
Title: Re: شمارات الخرطوم
Author: سامى عبد المطلب
Date: 04-21-2013, 09:46 PM
Parent: #4
سيناريو تسجيل هيثم مصطفى وعلاء الدين سيتم اعادته على الشاشه الكبيره ....!
قلنا نسلم يا هندسه ومتابعين ....
|
Post: #6
Title: Re: شمارات الخرطوم
Author: ABUHUSSEIN
Date: 04-21-2013, 09:49 PM
Parent: #5
Quote: ابوحسين عاين فوق ثم قوم لف
قول انا بتاع شمارات انت الجابك شنو؟ |
الفوق دي علشان تتهرب من الضرائب ......
عالم ########ات بشكل ....
|
Post: #7
Title: Re: شمارات الخرطوم
Author: ABUHUSSEIN
Date: 04-21-2013, 09:51 PM
Parent: #6
| Quote: عالم ########ات بشكل .... |
عالم جـبـانات بشكل .....
بكري دا فلترو أشتر زيو ...
|
Post: #8
Title: Re: شمارات الخرطوم
Author: محمد إبراهيم علي
Date: 04-21-2013, 09:52 PM
Parent: #4
يبدو انو السقف كما يلي
مافي سلم تسلم
ما في تهتدون
مافي الحس كوعك
مافي كل القوة الخرطوم جوه
مافي ......... احسن نسكت ولا في ناس بجيهم شلل
|
Post: #9
Title: Re: شمارات الخرطوم
Author: محمد إبراهيم علي
Date: 04-21-2013, 09:55 PM
Parent: #8
يا قدال
قول (يا رب ما يكون باعونا رخيس)
|
Post: #10
Title: Re: شمارات الخرطوم
Author: ABUHUSSEIN
Date: 04-21-2013, 09:56 PM
Parent: #9
Quote: Elmutaz Elgaddal · Rouen, France
هل للشمارات علاقة ببوست(محمد حامد جمعه)( ساعدونا بالسكات والموية الباردة !)
رد · · منذ 5 دقائق |
يا القدال ممنوع التحدث مع السائق ...
|
Post: #11
Title: Re: شمارات الخرطوم
Author: محمد إبراهيم علي
Date: 04-21-2013, 10:01 PM
Parent: #10
يا سامي تسجيل هيثم وعلاء الدين حيكون شبيه
غايتو في ناس حالهم بكون زي ده
وسعو الضل
|
Post: #12
Title: Re: شمارات الخرطوم
Author: محمد إبراهيم علي
Date: 04-21-2013, 10:09 PM
Parent: #11
ما بين اديس والدوحة وواشنطن حبل سري
ووصايا الوزيرة كلنتون التي وضعت على طاولة جون كيري يبدو انها في طريقها الى التنفيذ
فيا جماعة قومو الى احزابكم فقوموها البكا على اللبن المضيع ما بفيد
وضعت الاقلام وجفت الصحف
بكري بالله ارفع البوست ده فوق
|
Post: #13
Title: Re: شمارات الخرطوم
Author: فتح الرحمن حمودي
Date: 04-21-2013, 10:17 PM
Parent: #12
Quote:
بكري بالله ارفع البوست ده فوق
|
ارفع يا عمك
--------1
يا هندسة والله خايف القدال يبقى على:
ة(ان شاء الله يكون باعونا بي تمن)
|
Post: #14
Title: Re: شمارات الخرطوم
Author: محمد إبراهيم علي
Date: 04-21-2013, 10:22 PM
Parent: #13
يا قيقا تفاءلوا فان الصلح خير ههههههههه
بس الثبت وكت الحارة وما باع اخوانو الزموهو
|
Post: #15
Title: Re: شمارات الخرطوم
Author: محمد حامد جمعه
Date: 04-21-2013, 10:32 PM
Parent: #14
هاك دى ( من طرف الحبيب )
امسك الخشب (المؤتمر الوطنى ) كحزب تلقى دعوة لــــــــــــــ(واشنطن) مباحثات حزبية ، اكرر حزبية ، دا تطور فسرو بطريقتك ، باقى الحنك .... جرعة جرعة ننزلو هناك ..... الله يعين ... بس
|
Post: #16
Title: Re: شمارات الخرطوم
Author: فتح الرحمن حمودي
Date: 04-21-2013, 10:36 PM
Parent: #14
انا شخصياً ما متفاءل من مدة
اييييه نسأل الله حسن الخاتمة
باقي لينا فيها كتير باقي ليك!؟
---------
لكن اتعودنا على البيع المجاني نحنا
من ن ن زمن عبود الباع حلفا مجاناً
|
Post: #17
Title: Re: شمارات الخرطوم
Author: بدر الدين احمد موسى
Date: 04-21-2013, 11:02 PM
Parent: #16
محمد ابراهيمنا المهندس
يا جماعة ما تتفائلوا خير!
انا غايتو لو باعوني و حصل سلام و ديمقراطية, راضي تب !
يا جماعة السودان في حاجة يخم نفسه شوية.
---
هذا مع العلم باني لا اعرف اي معلومة صغيرة او كبيرة, عن اي شئ يدور خلف الكواليس.
بس لو حصل, انا ارحب!
|
Post: #18
Title: Re: شمارات الخرطوم
Author: فتح الرحمن حمودي
Date: 04-21-2013, 11:19 PM
Parent: #17
Quote:
محمد ابراهيمنا المهندس
يا جماعة ما تتفائلوا خير!
انا غايتو لو باعوني و حصل سلام و ديمقراطية, راضي تب !
يا جماعة السودان في حاجة يخم نفسه شوية.
---
هذا مع العلم باني لا اعرف اي معلومة صغيرة او كبيرة, عن اي شئ يدور خلف الكواليس.
بس لو حصل, انا ارحب! |
كلامك مية مية يا بدر
------------
بس انا شخصياً -نفسياً وبسبب شلال الدم والعسف- ما بقدر اقبل كلام زي دا
عشان كدا -ولخير البلد- مفروض نحن نتلاشى .. ونخلي الفرصة للحكماء، واليدهم في النار يحددوا
الناس جوة ضاقت .. واكلت قرفة نخرتا
|
Post: #19
Title: Re: شمارات الخرطوم
Author: محمد على طه الملك
Date: 04-22-2013, 00:24 AM
Parent: #18
يا هندسة ..
المعادلة بخيوطها الثلاثة بين أصابع الأمريكان تحركها كيف تشاء ..
اليمين الحاكم بكل ضواغطه المتطرفة في قبضتها اليمنى ..
واليسار المعارض بكل زعانفه المسلحة في قبضتها اليسرى ..
الوسط بكل ثقله الشعبي فت عضده الفرقة وللامبالاة وعدم الحيلة ..
وليس بينه من يثب ..
يدفعونه تارة للضغط على اليمين الحاكم ..
وتارة أخرى للضغط على المعارضة اليسارية ..
ليبق ( قدح ) السودان الشمالي طافيا بين أمواج السلم والحرب ..
(ربما ) حتى تكمل دولة الجنوب الوليدة بنيتها وقوتها الموازية ..
قلت (ربما ) كناية على أن الأمر مجرد تخمين.
فابشر بطول عزاء يا مربع .
|
Post: #20
Title: Re: شمارات الخرطوم
Author: قرشى محمد عبدون
Date: 04-22-2013, 00:35 AM
Parent: #19
Quote: يا هندسة ..
المعادلة بخيوطها الثلاثة بين أصابع الأمريكان تحركها كيف تشاء ..
اليمين الحاكم بكل ضواغطه المتطرفة في قبضتها اليمنى ..
واليسار المعارض بكل زعانفه المسلحة في قبضتها اليسرى ..
الوسط بكل ثقله الشعبي فت عضده الفرقة وللامبالاة وعدم الحيلة ..
وليس بينه من يثب ..
يدفعونه تارة للضغط على اليمين الحاكم ..
وتارة أخرى للضغط على المعارضة اليسارية ..
ليبق ( قدح ) السودان الشمالي طافيا بين أمواج السلم والحرب ..
(ربما ) حتى تكمل دولة الجنوب الوليدة بنيتها وقوتها الموازية ..
قلت (ربما ) كناية على أن الأمر مجرد تخمين.
فابشر بطول عزاء يا مربع . |
|
Post: #21
Title: Re: شمارات الخرطوم
Author: الصادق اسماعيل
Date: 04-22-2013, 03:58 AM
Parent: #20
هندسة
المعلومات بتاعت (حكومة قومية) شمارها شنو؟ وقصة في ناس (حردانيين في المؤتمر الوطني) واحتمال يفرتقوا الموضوع شنو؟
تكاثرت (الشمارات) علينا
فما ندري أي (الشمارات) نصدق
|
Post: #22
Title: Re: شمارات الخرطوم
Author: محمد إبراهيم علي
Date: 04-22-2013, 04:29 AM
Parent: #21
| Quote: كحزب تلقى دعوة لــــــــــــــ(واشنطن) مباحثات حزبية |
شكرا يا محمد حامد
انا خبرك ده ما عندي
لكن الشمار انو في شخصية غربية مؤثرة جدا ومن الذين يضعون السياسات التقت واحد من ناس فوق فوق اوي وتوصلو لتفاهمات
وانو السيادي الرفيع حاز على اعجابها واوصت بالعمل معه وجاري تنفيذ التوصية
هوي ده شمار بس
(وَتَفَقَّدَ الطَّيْرَ فَقَالَ مَا لِيَ لَا أَرَى الْهُدْهُدَ أَمْ كَانَ مِنَ الْغَائِبِينَ)
هل من هدهد ياتينا من واشنطن بخبر يقين ؟
|
Post: #23
Title: Re: شمارات الخرطوم
Author: عبدالمنعم الطيب حسن
Date: 04-22-2013, 05:11 AM
Parent: #22
تغيير شامل ،
تغيير الوجه ، واليد ، التوب ، واللسان ،
باقل دم ممكن ...
اي قطرة دم لا ..لا ..
ثم سلطة تغير لديها تفويض الشعب الواسع ،
تحاسب عسيرا ...
كل من اجرم في حق الشعب ،
ودايرين حقنا على دائر المليم ، وبسعر اليوم ...
وتجمع واسع ،
لوقف التدهور ،
لبناء الوطن ...
هذا اقل ما يمطح اليه الشعب الصابر ،
بعد ( الساعة العفنة ) التي اذاقتنا لها الانقاذ ،
ويالها من ساعة طويلة ، 24 سنة مما نتالم ،
|
Post: #24
Title: Re: شمارات الخرطوم
Author: محمد إبراهيم علي
Date: 04-22-2013, 05:26 AM
Parent: #23
بدر السما
Quote: انا غايتو لو باعوني و حصل سلام و ديمقراطية, راضي تب !
يا جماعة السودان في حاجة يخم نفسه شوية. |
ومين سمعك يا بدر
امس احد الاصدقاء سالني عن الشمارات دي قلت ليهو ياخي فترنا والمواطن فتر الناس محتاجة انجمامة
لكن البعرفو انو في حوار دائر وعلى متسويات عليا لكن في سرية مطلقة فشلت كل العصافير في معرفة الحاصل
حنتابع التصريحات البتطلق في الايام دي عشان نعرف سقف التفاوض وصل لوين
|
Post: #26
Title: Re: شمارات الخرطوم
Author: محمد إبراهيم علي
Date: 04-22-2013, 05:47 AM
Parent: #24
مؤسف يا محمد علي طه ان يكون امرنا
| Quote: المعادلة بخيوطها الثلاثة بين أصابع الأمريكان تحركها كيف تشاء |
المعارضة الموجودة في الساحة الان خياراتها كالاتي
1- الانضمام للمعارضة المسلحة وتحمل تباعات ذلك (وده خيار صفري واعتقد انه استبعد تماما كما بدا اخيرا)
2- قيادة ثورة شعبية تطيح بالنظام وتقتلعه من جذوره (لا يبدو ان في مقدور المعارضة في ظل المعطيات الحالية ان تقوم بذلك)
3- الدخول في حوار مع النظام ومحاولة تفكيك دولة الحزب الواحد ( هذا خيار معقول وهو المطروح في الساحة من الوسطاء الدوليين )
4- الوقوف في الموقف الحالي (لا حرب ولا سلم ولا معارضة ولا موالاة ولا دياولو ) الخسارة اكبر والرابح هو المؤتمر الوطني
الان هناك مشروع مطروح للحوار للخروج من عنق الزجاجة
المؤتمر الوطني ضعيف ولكنه يستقوي بالاجهزة الامنية وحتى هذه بدات تقل فاعليتها في الاطراف وايضا لا يوجد لديه موارد اضافية لشراء ذمم المعارضين
بوادر الانشقاقات داخله والصراع على خلافة البشير والمحاولة الانقلابية الاخيرة كلها عوامل ضعف ظاهرة وتحتاج الى فعل سريع لاستغلالها للضغط في اتجاه تحول ديمقراطي
اي تاخير او تهاون سيعطي المؤتمر الوطني الوقت الكافي للملمة اطرافه والتقاط انفاسه وعندها سيكون متشددا جدا وسيكون المطروح على الطاولة فتات فقط
انا من راي ان تقود المعارضة الحوار مع المؤتمر الوطني بصورة جادة وحاسمة وبسرعة لاحداث تغيير ديمقراطي ربما لن يكون حقيقيا مائة بالمئة ولكن بالتاكيد سيكون افضل الراهن
وعليهم الانتباه للمتغيرات الجيوسياسية في المحيطين العربي والافريقي وكذلك العالمي والاستفادة منها
وعدم ترك المجال المؤثر اقليميا للمؤتمر الوطني وحده (مصر ، السعودية ،قطر ،اثيوبيا، تشاد، ليبيا، جنوب السودان)
|
Post: #25
Title: Re: شمارات الخرطوم
Author: osman righeem
Date: 04-22-2013, 05:26 AM
Parent: #23
سلام
من شماراتك دي مافي حاجه عن زيارة مرسي العياط للخرطوم
والتي تمت بترتيب قطري و عن الخيار الاستراتيجي الجنوبي
للاهوان في مصر و نقل خلايا تبع التنظيم العالمي من سينا
الي السودان و يمكن ان تفخخ بها حلايب .
دحين موضوع المصالحه ده بكون كفر استوري لتسويق الاصابع
التي تلعب ( علي قول مرسي)
و الروس قادمون وخاصة بعد الاستقبال الفضيحة الذي عمل لمرسي
في زيارته لروسيا الاسبوع الماضي و اصدار المحكمة العليا في روسيا
بإعتبار تنظيم الاخوان المسلمون العالمي تنظيم ارهابي !!!!!!!!!!!!
|
Post: #27
Title: Re: شمارات الخرطوم
Author: مدثر صديق
Date: 04-22-2013, 06:19 AM
Parent: #25
جون كيري
.............
.......
..
.
يصنف شبه صديق للمؤتمر الوطنى ....
|
Post: #28
Title: Re: شمارات الخرطوم
Author: د.يوسف محمد طاهر
Date: 04-22-2013, 07:03 AM
Parent: #27
سلام : محمد إبراهيم
|
Post: #29
Title: Re: شمارات الخرطوم
Author: ود الباوقة
Date: 04-22-2013, 07:11 AM
Parent: #28
متابعة
|
Post: #30
Title: Re: شمارات الخرطوم
Author: زول ساكت
Date: 04-22-2013, 07:19 AM
Parent: #29
المصدر ؟؟؟؟
ماتقول لي ارفع راسك
|
Post: #33
Title: Re: شمارات الخرطوم
Author: عماد قريش
Date: 04-22-2013, 07:45 AM
Parent: #30
Quote: المصدر ؟؟؟؟
ماتقول لي ارفع راسك |
والله لو رفعنا راسنا عمتنا بتقع
ومتابعين كان شمار أو من مصدر
|
Post: #44
Title: Re: شمارات الخرطوم
Author: صلاح حمد
Date: 04-24-2013, 10:21 AM
Parent: #30
Quote: تكاثرت (الشمارات) علينا
فما ندري أي (الشمارات) نصدق |
|
Post: #31
Title: Re: شمارات الخرطوم
Author: حمد عبد الغفار عمر
Date: 04-22-2013, 07:20 AM
Parent: #29
غايتو الواحد حيلو مات عديل من التناقض بتاع سياسيينا ديل
طيب برنامج الحكومة الجاية دي حيكون شنو؟
تحياتي
|
Post: #32
Title: Re: شمارات الخرطوم
Author: nazar hussien
Date: 04-22-2013, 07:27 AM
Parent: #31
الجماعة ديل إبليس زاتو احتار فيهم وقعد في الصقيعة...وما بعيد يكون بقي كوز زاتو...
الي اللحظة دي في بعض الناس بيفتكروا مسرحية الترابي الاولي ديك لا زالت
مستمرة في كل دور العرض...السودانية.
أمس القريبة دي...واحد بيعتبر نفسه منظر سياسي...
قال لي الترابي...شغال شنو؟؟ وارث؟؟ كان جاوبت لي علي السؤالين ديل بوريك باقي المسرحية..
وطبعا ما عندي اجابة...وبالتالي ما وراني باقي المسرحية.
|
Post: #34
Title: Re: شمارات الخرطوم
Author: محمد إبراهيم علي
Date: 04-22-2013, 07:58 AM
Parent: #32
يا ابو رغيم
الموية هي ايدهم البتوجعهم ويجب استغلالها لاقصى حد لاسترجاع حقوقنا عندهم (حلايب وشلاتين وارقين )
المشكلة في البشير المنبطح للاخر والباحث عن قشة
مرسي يقال انه نحس على كل من يزوره
زار اثيوبيا بعدها بيومين زيناوي مات
اها في روسيا جاهم زلزال 6 ريختر :)
|
Post: #35
Title: Re: شمارات الخرطوم
Author: nazar hussien
Date: 04-22-2013, 08:01 AM
Parent: #34
عبدالماجد عبدالباسط كان وزير ثقافة علي ما اعتقد وهو صديق للطيب صالح
قال الطيب صالح قال لي بعد ما التقي بعدد من ناس الحكومة ديل...
ياخ انتو كل زول فيكم كويس وطيب ومن الخيرين...مما تجتمعوا يركبكم عفريت
|
Post: #36
Title: Re: شمارات الخرطوم
Author: محمد إبراهيم علي
Date: 04-22-2013, 01:06 PM
Parent: #35
ناس حزب الامة اتشاكلو من اسي
Quote: علمت «الوطن» من مصادر موثوقة أن هنالك تحركات ماكوكية يقودها السيد عبدالرحمن الصادق، مساعد رئيس الجمهورية، والأستاذ عبدالرحمن الغالي من اجل مشاركة حزب الأمة القومي في الحكومة القادمة، وقالت المصادر إن هذه التحركات قد انطلقت بعد أن تلقت الضوء الأخضر من السيد الصادق المهدي، وحسب المصادر فإن حزب الأمة كان قد شدد على مقترح إنشاء منصب للوزراء يتولى رئاسته الإمام الصادق المهدي، ويمضي المصدر لتشير إلى أن هذه التحركات تسببت في انقسامات خطيرة وسط قيادات الحزب، وكانت وراؤه توقف نشاط الأمانة العامة.
ولم تستبعد المصادر أن يدفع السيد إبراهيم الأمين، الأمين العام للحزب باستقالته حال مشاركة حزبه في الحكومة، وأشارت المصادر أن اتجاه مشاركة حزب الأمة في الحكومة القادمة يقف من خلفه الفريق صديق إسماعيل، الأمين العام السابق لحزب الأمة.
واعتبر بعض الرافضين المشاركة في السلطة بأن المشاركة ستكون حصرياً على بيت المهدي، بالتالي تكرار سيناريو مشاركة عبدالرحمن المهدي في السلطة.
وتوقعت المصادر أن يشهد اجتماع المكتب السياسي الثلاثاء القادم بعد غد انشقاقات وسط قيادات الحزب، مما يفاقم من الخلافات وسط قيادات الحزب. |
|
Post: #37
Title: Re: شمارات الخرطوم
Author: Jamal Mustafa
Date: 04-22-2013, 02:23 PM
Parent: #36
رجع الصدى وقع اللوم على جريدة الوطن ياهندسة
Quote: سم الله الرحمن الرحيم
تصريح صحافي
22/4/2013م
ورد في صدر صحيفة الوطن (22 أبريل 2013م- العدد 4413) خبرٌ نسبته الصحيفة لمصادرة موثوقة مفاده أن هناك:
1) تحركات يقودها السيد عبد الرحمن الصادق والأستاذ عبد الرحمن الغالي من أجل مشاركة حزب الأمة في الحكومة القادمة بضوء أخضر من السيد الصادق المهدي على حسب نص الخبر.
2) أن حزب الأمة قد شدد على مقترح إنشاء منصب (رئيس) للوزراء يتولى رئاسته الإمام الصادق المهدي.
3) أن هذه التحركات تسببت في انقسامات خطيرة في الحزب، وأنها كانت وراء توقف نشاط الأمانة العامة.
4) لم تستبعد المصادر أن يتقدم د. إبراهيم بالاستقالة حال مشاركة الحزب في الحكومة.
.. إلى آخر الخبر الكاذب.
وفيما يلي أعلق على هذا الخبر الكاذب:
1- هذا الخبر عارٍ عن الصحة جملة وتفصيلاً، وهو مختلق من أساسه إذ لم تحدث أصلاً أية تحركات مثل المذكورة، ولا نعلم أن هناك حكومة قادمة يتم التشاور حولها. ومواقف حزب الأمة معلنة وموثقة في فشل النظام الحالي وضرورة الانتقال لنظام جديد من حيث السياسات والمؤسسات والهياكل والأشخاص. ورأيه معلن حتى حول الدستور ولا جدوى الدخول في لجنته وفي كتابته، ما لم يتم وفق اشتراطات محددة منها إيقاف الحرب والوصول لاتفاق سلام وتهيئة المناخ وقومية وحياد الجهة التي تدعو لكتابته وقومية اللجنة..إلى آخر الشروط المعروفة.
2- لم يحدث أن ذكر حزب الأمة في أيٍ من وثائقه في الحوار مع الحكومة أو المعارضة ضرورة إنشاء مجلس للوزراء ليرأسه السيد رئيس الحزب، فهذا محض افتراء، وسير في نهج تشويه صورة الحزب ورئاسته التي لم ولن تتولى منصباً إلا عبر الانتخابات الحرة النزيهة، يستوي في ذلك المناصب الحزبية أو في المؤسسة الدينية أو على الصعيد القومي.
3- هذه التحركات المزعومة هي من نسج الصحيفة ومصدرها، وهي تحركات خيالية، وبالتالي ليست مسئولة عن الخلافات التنظيمية. والدليل على ذلك أنها لم تتم مناقشة تلك التحركات المزعومة في أي جهاز من أجهزة الحزب، الخلاف التنظيمي لا علاقة له بالموقف من الحكومة، فكل طرف من أطراف الخلاف يضم غلاة المتشددين ضد الحكومة وسياساتها، ويضم كذلك من هم أكثر مرونة، ولذلك لا علاقة للموقف من الحكومة بالخلاف التنظيمي. المكان المناسب الوحيد لمناقشة الخلاف التنظيمي هو داخل مؤسسات الحزب ولن نخوض فيه.
4- بالنسبة لي شخصياً، أعتقد اعتقاداً جازماً لم يتزحزح منذ 30 يونيو 1989م أن هذا النظام قد فشل وأوقع البلاد في كل الكوارث الحالية، وأنه غير مؤهل للخروج بالبلاد إلى بر الأمان، وقد ساهمت قدر استطاعتي في مناهضته بالأنشطة الحركية السلمية بالحوارات والندوات والمقالات والكتابات، وحررت كتاباً بعنوان (ماذا خسر السودان بقيام الإنقاذ) منشور بموقع حزب الأمة. ودفعت مثلي مثل الأغلبية الساحقة من أبناء الشعب ثمن موقفي وما زال هذا رأيي.
5- درجت جريدة الوطن على اختلاق الأكاذيب حول حزب الأمة وقياداته، أكبرها خبرها الكاذب عن مشاركة الحبيب رئيس الحزب في المحاولة الانقلابية، واستمر هذا نهجها، وكنت وقتها قد ذهبت للصحيفة وعلمت أن الخبر جاء من رئيس تحريرها من مصادره التي لم ولن يستطيع ذكرها.
6- وحينما تم إغلاق صحيفة الوطن وفكها، كنت قابلت الحبيب الراحل الأستاذ سيد أحمد خليفة وشرح لي الملابسات وأنه خلال فترة ستة أشهر من الحوار في قضية إغلاق الصحيفة لم يكن يحاوره المجلس القومي للصحافة ولا وزارة الإعلام، ولكن كان يحاوره جهاز الأمن والمخابرات الوطني، ولذلك اضطر للرضوخ لهم ومن ثم تم إعادة فتح الجريدة.
7- إنني أكتب هذا التصريح بصفتي الشخصية، ودون استشارة لأي من مؤسسات الحزب توضيحاً لكثير من الذين اتصلوا بي غاضبين ومشفقين، حتى أوضح للرأي العام السوداني وللأحباب كذب الصحيفة وحتى ينقلب كيدها في نحرها ونحر الجهات التي تقف خلفها.
والله المستعان وبه التوفيق،،
عبد الرحمن الغالي
22/4/2013م
|
|
Post: #38
Title: Re: شمارات الخرطوم
Author: محمد حامد جمعه
Date: 04-22-2013, 02:42 PM
Parent: #37
| Quote: إنني أكتب هذا التصريح بصفتي الشخصية |
اليس من الاسلم ان يصدر الحزب بيانا ... يا غالى
|
Post: #39
Title: Re: شمارات الخرطوم
Author: وضاح عبدالرحمن جابر
Date: 04-22-2013, 02:53 PM
Parent: #38
حسب ما تم زمان - من خطط لضرب الاحزاب من داخلها
خبر الوطن ما اظنو بعيد من الحته دى
الحاجة الاكيده .. انو ضعف حزب الامة وانقساماتو سببو الاساسى موضوع المشاركة ده - واللى كلو مرة بقسم بيهو المؤتمر الوطني حته من حزب الامه
|
Post: #40
Title: Re: شمارات الخرطوم
Author: Amin Mahmoud Zorba
Date: 04-22-2013, 03:52 PM
Parent: #39
اي حل خارج إطار الكفاح المسلح
او الثورة الشعبية الشاملة هو أزمة جديدة
تمنح المؤتمر اللاوطني فرصة الاستمرار
وتجعل البلد ترزح في مزيد من الصعاب
____
حل جهاز الامن وحل الحكومةوحزبهاوتفعيل المحاسبة أو الطوفان
|
Post: #41
Title: Re: شمارات الخرطوم
Author: محمد إبراهيم علي
Date: 04-24-2013, 09:54 AM
Parent: #40
| Quote: احل جهاز الامن وحل الحكومةوحزبهاوتفعيل المحاسبة أو الطوفان |
امين يا امين
انتظر السادس وقدم طرحك هناك
ولكن هل تنتظر الاحداث السادس ؟
لا اظن الايقاع الان slow dance ولكن صوت الدلوكة بدا يشتد واللعيبة في الخط بسخنو وفي ناس جاتهم حمى
|
Post: #42
Title: Re: شمارات الخرطوم
Author: محمد إبراهيم علي
Date: 04-24-2013, 09:59 AM
Parent: #41
العصفورة :
الصادق حزم امره وتوجه قبلة شارع المك نمر (الواحد طول من الخرطوم هل ما زالت رئاسة الوزراء في نفس الشارع)
ولو ادى ذلك للاطاحة بالامين العام المدعوم من الشباب (الداير يشارك يشارك والما داير اهو داك مبارك )
|
Post: #43
Title: Re: شمارات الخرطوم
Author: أيمن الطيب
Date: 04-24-2013, 10:06 AM
Parent: #42
يا هندسة سلامات ياخ,,
إنت ناس حزب الأمة ما قالوا عبدالرحمن المستشار دا بينا وبينو السلام!!!!
حيرونا الناس ديل والله,,
هسه العقل ممكن يتقبل أنو السيد الصادق وعبدالرحمن ومريم ورباح وبشرى ديل بتغدوا فى صينية واحدة!!!!
تحياتى..
|
Post: #45
Title: Re: شمارات الخرطوم
Author: Amin Mahmoud Zorba
Date: 04-26-2013, 02:25 PM
Parent: #43
يا محمد إبراهيم غرتك لي صرتك ألب منع السادس شنو
|
Post: #46
Title: Re: شمارات الخرطوم
Author: محمد أبوجودة
Date: 04-26-2013, 08:35 PM
Parent: #45
Quote: وانو السيادي الرفيع حاز على اعجابها واوصت بالعمل معه وجاري تنفيذ التوصية
هوي ده شمار بس |
أتقصد تلك الوقفة الضاحكة! كانت للـــــ La vach Cri
والله بعد طلب الأمريكان لقاء مع حزب الكونكان! بقينا ما عارفين مين بيلعَبْ على مين!!!
غايتو جماعتنا، لا يتحمّلون فرح ولا تَرح! أما الأمريكان، فهم بوزيراتم، اقصر عُمراً سلطوياً بأن يفتوا بشيء إبّان جوباكُم!
مع التحية يا ابا حُمَيد
شماراتك طازة والله
|
|