كيف ولماذا تخدع المرأة الرجل ""بغشاء بكارة"" مزيف؟

إندهشت حقيقة لهذا الخبر...

Quote: مصرية تخدع زوجها الإماراتي بزراعة غشاء بكارة صناعي قضت محكمة أبوظبي لرجل إماراتي بتعويض 8 آلاف دولار من زوجته السابقة التي خدعته عبر زرعها غشاء بكارة صناعي لتخفي به زواجًا سابقًا فاشلًا، واعتبر الزوج أن هذا المبلغ تعويض عن خسائر نفسية واجتماعية ألحقتها به وبعائلته. أوردت صحف بريطانية نبأ من أبوظبي يفيد أن رجلًا حصل على تعويضات من زوجته لأنها خدعته بعذرية تفتقر إليها. وسلطت هذه الصحف الضوء على أن فقد البكارة «عار» في المجتمعات العربية، ولذا فقد انتشرت عمليات زرعها. وأصدرت محكمة الأحوال المدنية في أبوظبي حكمها بأن تدفع امرأة مصرية مبلغًا يعادل نحو ثمانية آلاف دولار، بعدما أدانتها بالغشّ في حق زوجها. وكان الرجل قد اشتكى من أنه تزوّجها، وأنجب منها طفلًا، قبل أن يكتشف أنها كاذبة، وأن غشاء بكارتها «مزروع» بعملية جراحية. واستفاض الشاكي زوجته في تداعيات طلاقه منها، وأقنع القاضي بأنها خدعته مرتين: الأولى عندما تسترت على حقيقة أنها متزوجة من قبل، والثانية أنها لجأت الى الجراحة من أجل زراعة غشاء بكارة حتى تصبح «عذراء»، وتكتمل كذبتها بالتالي. وحكمت له المحكمة بتعويض من المرأة التي استأنفت هي ضده في ما يبدو. لكن محكمة الاستئناف أيّدت الحكم، ورفعت الغرامة إلى 8 آلاف دولار. وصمة عار وقالت الصحف البريطانية، التي أوردت النبأ، إن القاضي اتخذ قرار زيادة الغرامة، لأنه أخذ في الاعتبار «وصمة العار»، التي ألحقتها المتهمة بالرجل وعائلته. وقالت إن وصمة العار هذه تأتي وفقًا للمقاييس الثقافية السائدة في المجتمعات العربية، وإن «جرائم الشرف» التي تعجّ بها هذه المنطقة ترتكب كلها في هذا الإطار. رسالة فاضحة تركزت القضية على أن الزوجة انتهكت عقد الزواج بالكذب سوية مع والدها، إذ شهد كلاهما على أنها لم تتزوج من قبل، وإنها عذراء بالتالي. ويبدو أن هذا الوضع استمر ثلاث سنوات، أنجبت فيها المتهمة طفلًا لزوجها. لكن أمر الكذبة افتُضح عندما تلقى العريس بعد كل هذا الزمن رسالة SMS، علم فيها أن عروسه متزوجة من قبل، وأنها أجرت عملية جراحية لزرع غشاء بكارة جديد. لم تكتف الجهة، التي بعثت الرسالة بذلك، بل دعمت زعمها بإرسال نسخة من وثيقة طلاق المرأة من زوجها السابق. وعندها سارع الرجل إلى طلاقها، ورفع عليها دعوى قضائية، طالب فيها بتعويضه عن الخسائر النفسية والاجتماعية الفادحة، التي ألحقتها به وباسم عائلته جراء كذبتها الهائلة عليه. أضرار وقال الشاكي إن زوجته أكملت كذبتها الكبيرة بزراعة غشاء بكارة جديد في عملية «صارت ممارسة تزداد انتشارًا يومًا بعد الآخر في الدول العربية» وفقًا للصحف البريطانية. وأضاف الرجل أنه وقع فريسة للاكتئاب، وفقد الثقة في سائر الناس من حوله. وكانت الصحف نفسها قد أوردت قضية في العام الماضي في دبي، نالت فيها امرأة خليجية حق الطلاق وتعويضًا يعادل 25 ألف دولار من زوجها، بعدما قالت إنه «مهووس بالمواقع الإباحية على الإنترنت». وأضافت أنه اعترف لها خلال شهر العسل بأنه مصاب بأمراض جنسية معدية، ويتلقى العلاج الطبي لمداواتها.

المصدر

إذ كيف إستطاعت تلك المرأة خداع هذا الرجل طيلة الثلاث سنوات؟؟؟

ما هو المدهش يا رجل يا طيب

ياخ توقع أى شيىء من أولاد بمبة ديل

ما سمعت بتاعة اليمن؟

إمرأة مصرية جائت مع زوجها .. وتزوجت عليه وبعلمه من ثرى يمنى

وإنكشفت القصة لاأذكر كيف... وهى خبر قديم

ياخ ديل أى حاجة كعبة توقها منهم

تحياتى

شمس الدين سلامات
بي طريقتك دي يبقي السودانيين
كلهم كسالي ذي ما بقول الخليجيين
دائماً التنميط ما كويس
المصريين ديل أكثر من 80 مليون
يعني كلهم كعبيين؟
ياخي في أعضاء معانا هنا متزوجين
مصريات وعايشين في أمان الله هم
وأولادهم
ده ما بمنع انه يكون فيهم السيئين ذيهم
وذي أي مجتمع تاني

سلام مربع

بوست زي دا يلزمه صور وفيديو عشان المعلقين يجوا منكبين فيهو

ويجيبوا ليكم التعليقات الما خمج

عاصم فقيري
سلام تكعيب

ياخ تخيل ساي مزعج وممكن يسبب ليك (نايت مير) بإرتياح
خليه تجيب صور وفيديو

Quote: سلام مربع بوست زي دا يلزمه صور وفيديو عشان المعلقين يجوا منكبين فيهو ويجيبوا ليكم التعليقات الما خمج

ههههههههه سلام ود فقيري

سلام أخوي أشرف

أمين علي الشيخ

شكرا للمرور

يااااااااااااااااااااااااااااااااااااااااااااااااااااااااااه

يا أمه ضحكت من جلها الامم

ياهى دى اخباركم واكتشافاتكم مع الرجال ؟!!!!!!!!

الناس فى شنو والمسلمين فى شنو!!!!!!

نائب برلمانى سودانى يقول (( البنت الما مطهره عفنه )) وهذه ليست ونسه بل علنا وفى اجهزه الدوله الاعلاميه

تفكيركم بس فى الجنس و وتحقير المرأة

والله الكلام الزى دا حتى الحبوبات فى ونستهم الخاصه اصبحوا ما بقولنو

نحنا يهمنا ايه فى الاشياء والتفاهات هذه ( كيف يمكن أن تخدع المرأة الرجل بغشاء البكاره )

بالامس بنشاهد فى التلفزيون الامريكى اخبار تفجيرات بوسطن
وبنشوف هيبه الدوله متمثله فى رجالها البوليس وال FBI ATF وال National Guard
وهم يؤدون واجبهم فى تفانى واحترام للقانون والحرص على تمليك المواطن المعلومه بالدقيقه والثانيه
وفى حاله النصر ما برقصوا وبغنوا بل يرقص المواطن فرحا بهم وحق عليهم chanting
USA USA USA

ياتو امم يا زينب؟؟؟؟؟؟
السؤال استنكاري: بمعنى لماذا تخدع بعض النساء الرجال بزرع غشاء بكارة صناعي؟
وداخل البوست قصة خبرية منقولة
ده موضوع مهم وحيوي وليس شمارات وونسة وضحك
بل امر هام جدا للرجال

يا زينب إنتي راميكي جمل ولا شنو؟

شنو من ما فتحنا البوست بتنططي وبتتكلمي دون قراءة صحيحة للبوست؟

لو قاصدة أنا البطاعنك اطاعنك لشنو وبعرفك من وين اصلا؟

ولو قاصدة انا مخطط افنح البوست ده اطاعن بيه ناس تانيين فإنتي غلطانة ونص وخمسة

عايني أسفل:




أنا أفتح الراكوبة يومي لأقرا الاخبار ولو في موضوع جذب إنتباهي وشعرت انو مهم للقراء او فيه فائدة بفتح ليه بوست

فشوفي الموضوع ده نزل بتاريخ اليوم وأنا لمن شفتوا زعلت على الخداع وده سبب فتح البوست

حتى بأمانة ذكرت ان السودانية افضل للإرتباط بها لأنها قليلة الخداع (ان وجدت) خصوصا في المسائل بتاعة الزواج دي

مش كده بس عصرت القاموس العربي عصر عشان ما اسيئ حتى للأجانب لو انتي متابعة معانا البوست

اها اكتر من كدي اشرح الموضوع ده بأي صورة؟ فعليك الله خليكي حقانية شوية!!

ياخ هنا الناس بتفتح بوستات ربنا في وربنا مافي وما في زول بقول بغم

كمان لمن نفتح بوست مصرية غشت لبناني تجي تقلبي فينا الهوبة كده؟؟!!

ياخ انا ما قاعد ابشع بزول وانتي عليكي الظاهر ما تدخلي في قلبي

انا هنا حتى صور النساء ما قاعد اجيبها بقصها كلها ولو جبت صورة تكون بالغلط او ناسي

تجي تقولي لي بطاعن وبطيخ؟؟ (بعدين بطيخ وكده ده الإستايل بتاعي)

مرة انا قلت (طفل معجزة) شبوا لي في حلقي رغم انو انا استايلي كده بحب الون الكلمات واخت صور

لكن مرات من الناس ما تفهم كتابتي ربما تفهمني غلط (وانا هنا اقصد بوست سابق)

المهم يا حبوبة بالله انزلي من الجمل ده براحة وشيلي ليكي نفس طويل وما تفهمونا غلط!!!

تحياتي اخي الفاضل
شمس الدين ساتي

عشان كده الواحد ما يتزوج الا من بلده
لأنه ما ممكن يقع وقعة كبيرة قدر ده
ما ممكن اصلا واحدة تكون متزوجة وتدس زواجها
ليه؟؟؟؟؟؟؟ فيها شنو لو قالت ليه كنت متزوجة؟؟!
بعدين ديل بكونوا قلة سواء في مصر ولا غيرها
وإنشاء الله الخير في الغالبية العظمى من النساء
لكن برضه الواحد من بلده بكون مطمئن أكتر

ما سمعوا بي دخان الطلح بدل بهدلة العمليات

Quote: عشان كده الواحد ما يتزوج الا من بلده لأنه ما ممكن يقع وقعة كبيرة قدر ده ما ممكن اصلا واحدة تكون متزوجة وتدس زواجها ليه؟؟؟؟؟؟؟ فيها شنو لو قالت ليه كنت متزوجة؟؟! بعدين ديل بكونوا قلة سواء في مصر ولا غيرها وإنشاء الله الخير في الغالبية العظمى من النساء لكن برضه الواحد من بلده بكون مطمئن أكتر

يا أشرف حكاية تغش وتنكر انها كانت متزوجة لانوا الأماراتي يبدو كان بفتش علي واحدة بكر عشان يستمتع بي لحظة فض البكارة وكثير من الخليجيين للأسف همهم الزواج من واحدة بكر وفض بكارتها وتركها بعد الزواج والبحث عن واحدة جديدة
وثانيا الغش والتزوير بقي ماركة دولية ماعندو بلد ولا جنسية

ما سمعوا بي دخان الطلح بدل بهدلة العمليات

Quote: عشان كده الواحد ما يتزوج الا من بلده لأنه ما ممكن يقع وقعة كبيرة قدر ده ما ممكن اصلا واحدة تكون متزوجة وتدس زواجها ليه؟؟؟؟؟؟؟ فيها شنو لو قالت ليه كنت متزوجة؟؟! بعدين ديل بكونوا قلة سواء في مصر ولا غيرها وإنشاء الله الخير في الغالبية العظمى من النساء لكن برضه الواحد من بلده بكون مطمئن أكتر

يا أشرف حكاية تغش وتنكر انها كانت متزوجة لانوا الأماراتي يبدو كان بفتش علي واحدة بكر عشان يستمتع بي لحظة فض البكارة وكثير من الخليجيين للأسف همهم الزواج من واحدة بكر وفض بكارتها وتركها بعد الزواج والبحث عن واحدة جديدة
وثانيا الغش والتزوير بقي ماركة دولية ماعندو بلد ولا جنسية

حبيبنا أسامة البلال
أخبارك يا فردة

ف
ممكن جدا يكون في شرك زي ده من بعض الفتيات للإيقاع بالخليجيين
لكن اعتقد في هذه الحالة الزوج الاماراتي كان زول طويلة
عشان كده موضوع زي ده جد بيدمره وفعلا بخليه يفقد الثقة بمن حوله

هناك الكثير المؤلم والمدهش وطبيبات النساء وغيرهن من بعض الأطباء يعلمون فى ذلك الكثير
من حالات ( التخييط لبعض البنات المتلاعبات ) عندما يكن على أبواب الزواج وهي قصص معروفه ..
وفيهم من يكتشف الأمر بعد العقد والدخول بها فيكتشف الحقيقة التي لاتخفى على الرجل ،
ويتخارج بسكوت وهدوء ، ستراً له ولها
ولكنها ترد على أن طلاقها أنه كان بسبب كذا وكذا وتختلق أسباب خوفاً من إنكشاف أمرها ، ...
كل ذلك عندما تبيع نفسها لشيطان الأوهام وتفرض فى أغلى شيء تملكه وحينها تصبح عدوة لغيرها
فمسلك البنت القويم لاتخطئه العين ولا يحتاج الى تزكية من أحد ، فالشريفة العفيفة تعرف بسيمائها
وبمسلكها وحياؤها بين الناس ، وبذلك تظفر بمن تريد ، بل يبارك الله لها حين تشاء قسمتها لأنها
حفظت ربها في السر والعلن .. نقول ذلك والحالات التي نشهدها ونسمع عنها كثيرة ..
وتحيتي ...

انتو المنبر دة ماله بقى شايل موسه وحايم

الواحد فيكم ليه بطاعن ؟؟؟
ما يوجه كلامو مباشره لى القاصدوا بالكلام
عشان يكون فى اخذ ورد بى احترام
انا شخصيا لو اتضح لى خطأ بعتذر طوالى
لكن اسلوب المطاعنه ما اسلوب احرار

انا شخصيا ما برضى بى اى كلام يقلل من شأن المرأة
لانها هى الام والاخت والزوجه والبنت
احترام المرأة ما مسأله صوريه فقط

سلام يا شباب،

ياريت لو كان للرجل الشرقي والعربي على وجه الخصوص غشاء بكارة،
والله عينكم ما تشوف إلا النور من كترة الرجال المفتوحيين.

يا أشرف ياخي إنت عايش في بريطانيا يعني شنو مفتوحة ويعني شنو مقفولة
ياخي الكلام دا حبوبباتنا وأجدادنا بقوا ما بشتغلو بيهو، وبعدين منو اللي قال ليكم
شرفكم في أعضاء نسائكم التناسلية؟! يشرفكم في تحرير بلدانكم من حُكامكم الدكتاتوريين
ومن أشياء أسمى من ذلك، وعني شخصياً ما بشوف في فرق بين مرأة مفتوحة ومرأة مقفولة
وكلو عند سيان

Quote: إذ كيف إستطاعت تلك المرأة خداع هذا الرجل طيلة الثلاث سنوات؟؟؟

لانو الراجل كان بفكر براسو الصغير طيلة الثلاث سنوات مش الراس الكبير
حكمة اليوم
نعيب النساء والعيب أصلآ في الرجال

Quote: وتفرض فى أغلى شيء تملكه

و ما هو أغلى شئ تملكه المرأة؟

اوعى يكون غشاء البكارة بس؟؟

بغض النظر عن التفاصيل وقصة غشاء البكارة, يوجد هنا خداع, كونه تخفي زواجها الأول و تدعي العذرية
دا لو حصل في امريكا او بريطانيا يا نذير و زينب يعتبر من الكبائر و الطلاق مضمون, لا اعتقد في اثارة الموضوع دا يوجد تقليل من شأن المراة كمرأة بل النقد فكرة الخداع بغض النظر عن جنس صاحبها

كذبت عليه ليس بغشاء بكارتها المصنوع ولكن بسبب ادعائها بهتانا انها لم تتزوج بكرية لم يمسها بشر من قبل

كثرة ظاهرة غشاء البكارة بين المتزوجات الامهات والدات الاتنين وتلات وبعلم ازواجهن يعني ما فيها حاجة لكن الغش هو المشكلة

حسب ما اراه هذه الايام يمكن لبعض الرجال غض النظر عن حكاية (مفتوحة) دى لو اوضحت الفتاة الامر لزوج المستقبل بتفسها و بكل وضوح
من غير ان يكتشفه بنفسه خصوصا لو توفر قدر كاف من الحب و عهود مشتركة من الجانبين بالاخلاص لبعضهما فى مقبل الايام

!!!!!!!!

Quote: لكن اسلوب المطاعنه ما اسلوب احرار

اسلوب عبيد قصدك ؟!!

يا النذير حجازي اي انا قاعد في بريطانيا والغرب واي حاجة

لكن كمان ما قاعد استعمل كلام زي كلامك ده ولا قلتوا هنا في البوست ده

بتين انا قلت كلامك القلتوا انت ده؟؟؟!!!

يا حبيب انا بتكلم عن خداع الرجل بزرع تركيب (سمها ما شئت) لغشاء بكارة مستعار

نتج عن ذلك حب وبطيخ واطفال وفي النهاية لمن عمك عرف دمار وآلام وانهيار وربما الراجل يروح فيها

تجي تقول لي الفتح الباب منو والشال المفتاح منو؟؟؟

النزير حجازي ..

ونحن طلبة على أعتاب التخرج زارنا في مهاجرنا رجل مفكر ومشهور لا أود ذكر اسمه ، تطرق الحديث للمستقبل والعمل والزواج احدنا سأله عن كيف تعرف قبل الزواج ان من تريده شريكا لحياتك (غشاء بكارتو لسع قاعد ولا اختفى بفعل فاعل مجهول) ؟! أذكر أن ذلك المفكر المجرب احتقر صاحب السؤال بعتاب مبطن حين داهمه بسؤال : هل عاشرت فتاة في حياتك ؟ وتلعثم السائل فقال لنا : كلكم مخطئون وترتكبون اثم ازالة الغشاءات وبعد ذلك تطالبون بزوجات غشاء بكارتهن سالما ..!!؟!

سألناه : ما الحل ؟! فقال لنا بصريح العبارة أختاروا زوجاتكم دونما خوف أو توجس بعد أن أن تسألوا الله (الضيق) ...!!


فأجبناه بصوت واحد : نسأل الله السلامة ...!!!

Quote: الناس فى شنو والمسلمين فى شنو!!!!!!

لوعثرت بغلة في العراق لقيل ان الاسلام السبب .

الاخت زينب لا افهم سبب اتهامك للمسلمين ؟

عن نفسي لايهمني غشاء البكارة ولكن ما يهمني ان لاتخدعني .

تحية لصاحب البوست و ضيوفه

اريد ان اضيف جزئية مهمة تتعلق بالموضوع واهميته لانو ممكن بيت يتخرب بسببه و البنت قد تكون بريئة...
هناك نوع من انواع غشاء البكارة يسمى المطاطى... و هو من الاسم قد لا يتمزق بالمعاشرة الاولى واحيانا يبقى دون تمزق حتى الولادة -اثناء خروج رأس الطفل او بعد قطع المقص بواسطة الطبيب المولد مباشرة قبل خروج الرأس بما يسمى بالوربة او Episiotomy
فيا اخى الرجل-العريس- هذا النوع سهل معرفته بواسطة اخصائى نساء و توليد ... فقط ارجو ان لا تتعجل الاحكام قبل التأكد...حسن الظن لا يضر و لو الى حين...
كلامى هنا بناء على خبرتى... قطعت شوط كبير فى تخصص النساء و الولادة MRCOG الجزء الاول و التدريب له بمستشفى الجلاء بالقاهرة لكن لم اكمل الجرء الثانى لاتجاهى لتخصص طب الاسرة بكندا...وعملت لفترة نبطشيات ولادة بمستشفى خاص بالقاهرة وما زلت احمل رخصة مزاولة المهنة بمصر...رأيت بأم عينى ما كتبت هنا...عملت كشف اكثر من مرة للعذرية للتأكد من سلامة الغشاء او عدمه-بعد الحاح شديد من اصحاب الامر- لانو بالجد دى حكاية سخيفة ان تحصر عفة البنت فى غشاء
فى كندا هنا ما فى زول شغال شغلة بالموضوع دة طبعا لاختلاف التقاليد والعادات...

ملخص الكلام: فى نوع مطاطى ...اعرضها لكشف اخصائية نساء قبل اى حكم قد يكون ظالم و تكون خسرت قدر كدة شيلة و مهر و صالة...الخ و تتنكد بعد ده كله
----

رأى شخصى:
-اى حياة زوجية تبدأ بغش و خداع من اى طرف - رجل او امرأة- لو استمرت بيكون كله غم و نكد...
-الثقة المفروض تبدأ قبل الزواج بعد اختيار اساسه التربية و الاخلاق ...و اهم اركانه الصدق الصدق ثم الصدق ...
ليس من الحكمة فى شئ ان تبدأ الثقة او تنتهى بغشاء البكارة .

اعتقد ان القصة تكمن اساساً في الكذب واخفاء انها كانت متزوجة ...

ولا اعتقد ان ما يسمى بغشاء البكارة قد يمثل هاجس او معضلة ...

فكثيرين يتزوجون نساء سبق لهن الزواج او حتى يعلموا ان لهن ماضي خارج نطاق الزواج ..

دون ان يؤثر ذلك في مسيرة زواجهم او حياتهم معاً ..

وهذا الرجل كان يمكن ان يجد المبررات ويتجاوز عن خطأ الزوجة واسرتها ...

ليحافظ على بيته ..

ولكن اعتقد ان الشخص صاحب الرسائل وهو بلا شك صاحب غرض اسهم بصورة كبيرة في زعزعة ثقة الرجل في زوجته

وهذا قد يكون السبب الرئيس الذي جعله يرفض التجاوز عن الخطأ واكمال حياته معها

سلام يا فرد

يا أشرف ما فرقت إنت قلتها باللغة العربية الفصحى وأنا قلتا بالعامية والناس كلها ما بتسخدم عبارة غشاء بكارة، وأحسن الناس
تسميها بمسمياتها الحقيقية، وفعلاً الرجل هو من فتح هذا الباب وعليه تحمل تبعياته.

يا ود البشرى يا فردة، أنا متفق معاك مائة المائة بس با ود البشرى نحن بنتكلم عن مأساة أمة، يعني الزوجة المسكينة دي
ضحية المجتمعات المتخلفة، يعني لو ما المجتمعات ما كانت لجأت لإسلوب الغش من الأساس، نحن بنحاول نحل المشكلة من جذورها.

هاهاهاها@ ناذر يا ناذر تعرف فتشت للايك في منبر بكري دا ما لقيتها كلامك دا بستحق لايك كبيرة، وتعرف يا ناذر والله أنا عارف
الإجابة لكن ما بقولها علشان ما أخرب بيوت زي ما قالت جواهر، بس يا ناذر وباقي الشباب ياخي عصرتو على زينب دي شديد،
زينب قاصدة أحرار في التفكير أي كناية وليس المعني القبيح، وبرضو بتقصد بالمسلمين الشرقيين ولكن خانها التعبير، بالجد زينب دي
بت جدعة وأنا مبسوط منها شديد وهي كاتبتي المفضلة في هذا المنبر، لأنها زولة واعية شديد.

تحياتي وتقديري للجميع

سلام للجميع

كتب اشرف مصطفى :
( ياتو امم يا زينب؟؟؟؟؟؟ )

لوعملته بحث سريع لى الامم المهوسه بالجنس وتحقير المرأة وماهيه الامم التى تتناقل اخبار مثل عنوان هذا البوست بتلقى الاجابه على سؤالك البرىء دا

كتب اشرف مصطفى :

( ده موضوع مهم وحيوي وليس شمارات وونسة وضحك
بل امر هام جدا للرجال )

كلامك صاح يا اشرف فعلا موضوع غشاء البكاره موضوع هام لى رجال هذه الامه ....وفى موضوع اهم من كده فى هذه الدنيا ؟!!!

كتب محمد البشرى الخضر :

( بغض النظر عن التفاصيل وقصة غشاء البكارة, يوجد هنا خداع, كونه تخفي زواجها الأول و تدعي العذرية
دا لو حصل في امريكا او بريطانيا يا نذير و زينب يعتبر من الكبائر و الطلاق مضمون, لا اعتقد في اثارة الموضوع دا يوجد تقليل من شأن المراة كمرأة بل النقد فكرة الخداع بغض النظر عن جنس صاحبها )

يا محمد البشرى سلام

النقطه المهمه هنا والتى جاءت متصدره عنوان البوست هى موضوع غشاء البكاره واهميته بالنسبه للزوج صاحب القصه
موضوع الغش والخداع والكذب هى من اكبر الكبائر لى اى انسان وفى اى مكان .. وانا بتفق معك فيه ....الم يقل الرسول عليه الصلاة والسلام
من غشنا ليس منا والحديث يقول ( أيزنى المؤمن قال رسول الله قد يزنى المؤمن أيسرق المؤمن قال قد يسرق المؤمن أيكذب المؤمن قال لا يكذب المؤمن )

لكن يا عزيزى محمد البشرى الخضر الرجل صاحب القصه ما مزعلو الكذب فى حد ذاتو المزعلو غشاء البكاره ..يعنى القصه لو كانت كالاتى
رجل يطلب تعويض من زوجته بعد ان اكتشف بأنها كانت متزوجه قبل زواجه منها ..كان الموضوع يكون عادى ومن حقوا يزعل ويطالب بى
تعويض ولا اى شىء ....لكن الرجل الشرقى عندما يناقش اشياء مثل غشاء بكاره ومدى اهميته دى بتكون امه مأزومه بحق وحقيقه
لانو الامم وين وانحنا وين الناس قطعت شوط فى التطور والتنميه ورفاهيه وسعاده شعوبها وانحنا لا زلنا
تفكيرنا من الصره وتحت وجارين وراء شهواتنا مثنى وثلاثه ورباع وطهور ودخان وخيط وفرتق وعدل وووووووو

ناذر الخليفه :

انت اظنك كل ما تسمع كلمه حر او احرار بى يجى فى راسك المقابل عبد !!!!!
لا يا ناذر المقصود بى كلمه احرار هم الناس البقولو الكلام دوغرى فى وجه الزول ...ودى بنسميها حريه الفكر
واصحابها بنطلق عليهم ناس احرار... يقولوا العايزين يقولوه من غير تخفى

لكن لو عايز تعرف رأيى فى موضوع اسود وابيض بقول ليك انا مع
one drop rule
انشا الله ما اكون قصرت معاك

الاخ محمد جمعه الخير سلام

انت قلت :



الاخت زينب لا افهم سبب اتهامك للمسلمين ؟

فى المواضيع الهايفه زى دى المسلمين عندى هم المتهم الاول يعنى عايزنى اتهم الصينيين ولا الغربيين ولا ناس الايسكيمو

وايضا كتبت :

( عن نفسي لايهمني غشاء البكارة ولكن ما يهمني ان لاتخدعني .)

كلامك عين العقل يا اخ محمد خير جمعه ومتفقين

الاخ النذير حجازى :
شكرا كتير على كلامك الطيب فى حقى... ولكن صدقنى ما فى اى حد بيقدر يعصرنى
عندنا لى اى زول ما يناسبه من المنطق

يا اشرف مصطفى انت الراميك جمل..... كلامى عن المطاعنه ما موجه ليك انت ....فهمتا
انت صاحب البوست لكنك ليس صاحب كل المداخلات فى هذا البوست

هديه لى زوار البوست

Quote: بغض النظر عن التفاصيل وقصة غشاء البكارة, يوجد هنا خداع, كونه تخفي زواجها الأول و تدعي العذرية دا لو حصل في امريكا او بريطانيا يا نذير و زينب يعتبر من الكبائر و الطلاق مضمون, لا اعتقد في اثارة الموضوع دا يوجد تقليل من شأن المراة كمرأة بل النقد فكرة الخداع بغض النظر عن جنس صاحبها

عليك نور يا باشمهندس

ودى النقطة المحورية.. القصة ما قصة غشاء بكارة وغيرو

القصة كلها الخداع والغش من أجل المال وهذا ما يفلح فيه أولاد بمبة يا أمين

على الشيخ .. عن تجربة يا أمين أكثر شعوب العرب إستهبالا هم أولاد بمبة

خليك من أن بعض السودانيين متزوجين منهم لكن تبقى حقيقة أنهم أكثر الناس

غشا وخداعا

Quote: الواحد فيكم ليه بطاعن ؟؟؟ ما يوجه كلامو مباشره لى القاصدوا بالكلام عشان يكون فى اخذ ورد بى احترام انا شخصيا لو اتضح لى خطأ بعتذر طوالى لكن اسلوب المطاعنه ما اسلوب احرار انا شخصيا ما برضى بى اى كلام يقلل من شأن المرأة لانها هى الام والاخت والزوجه والبنت احترام المرأة ما مسأله صوريه فقط

سلام زينب
ياخي كلامك دة موجه لي منو تحديدا
عشان نحن كلنا تداخلنا في الموضوع دة
بس عشان المعني بي مداخلتك دي يقدر يرد عليك
احترامي

الغريب في دول شرق اروبا البنت العذراء قد لا تجد احد يتزوجها

الإخوة والأخوات الكرام

- محمد مختار جعفر

- طارق جبريل

- النذير حجازي

- عادل بلاير

- حافظ بشير

- محمد البشرى الخضر

- حسين عبد المجيد

- عوض محمد احمد

- ناذر محمد الخليفة

- محمد جمعة الخير

- جواهر ابراهيم

- علي محمد الفكي

- شمس الدين ساتي

- ام الحسن بشير

- سليمان رافاعي

- العوض احمد

- يوسف بشاري

- الفاتح احمد عباس

- حبيب شرفي

- سودان ريبل

تحياتي لكم وشكرا على المرور والمشاركة

انا لم افتح البوست لأناقش غطاء او غشاء البكارة (فدي في رأيي حاجة فردية ترجع للرجل المتزوج بقبول وجوده من عدمه) ولكن ما يعنيني هنا ألا تكذب المرأة للرجل بعدم إخباره انها بزواجها السابق او بأن غشاء بكارتها قد فض او انتهك لأي سبب من الأسباب, وهذا بنفس القدر الذي أؤمن فيه بأن الرجل لا يجب ان يخدع المرأة عند الزواج بها او يكذب عليها وهو متعمد, وهنالك حالات عدة يكون الرجل او المرأة مصابان بمرض الإيدز والبعض منهما لا يخبر الطرف الآخر بالموضوع كما قرأنا في أمكنة اخرى, وكل هذه الحوادث مكروهة ومستفزة ويجب ان يضع المجتمع حدا لها... والحق لا يفترض ان يغضب أحدا.

لكم خالص الود جميعا وكل زوار البوست

وعفوا إذا أساء البعض فهم العنوان لذا قمت بتعديله.

(سلام زينب
ياخي كلامك دة موجه لي منو تحديدا
عشان نحن كلنا تداخلنا في الموضوع دة
بس عشان المعني بي مداخلتك دي يقدر يرد عليك
احترامي )

سلام يا طارق جبريل
فى الحقيقه وبعد ما قريت تعليقك ادناه:

( انتو المنبر دة ماله بقى شايل موسه وحايم )

شعرت انو انا المقصوده بى تعبيرك هذا .. لانى انا الوحيده اللى انتقدت الموضوع من كل نواحيه
انا ما عندى اى مشكله فى اى موضوع او فكره او رؤى تطرح للنقاش سواء فى الدين والاعتقاد
الجنس او الحب او الرومانس السياسه الرياضه ...الخ
لكن عندما يأخذ الموضوع جانب الابتذال والنكات البايخه عن المرأة وتحقيرها خاصه فى مواضيع الزواج
والجنس انا ما بقدر اسكت

ملحوظه لمن يحتاج : كلامى لى الاخ طارق جبريل دا كلام عام وليس له علاقه بى موضوع البوست
الا من ناحيه انو قيمه المرأة بقت تساوى غشاء بكاره !!!!!!

Quote: سلام يا طارق جبريل فى الحقيقه وبعد ما قريت تعليقك ادناه: ( انتو المنبر دة ماله بقى شايل موسه وحايم

سلامات يازينب
لو انا فهمت طارق جبريل صح
ما مداخلاتك المقصودة بالكلام القالو
طارق قاصد انو المنبر بقي مليان بالبوستات البتتكلم عن المواضيع البتشبه الموضوع ده ( مواضيع ختان الاناث )
ارجو انو اكون فهمت صح

شكرا الاخ عبدالله فقير
فعلا تحليلك لى كلام طارق جبريل قد يكون هو الصح او القاصدو الاخ طارق
وفى هذه الحاله يلزمنى اعتذار صريح للاخ طارق جبريل
تشكركتير يا استاذ عبدالله

Quote: لو انا فهمت طارق جبريل صح ما مداخلاتك المقصودة بالكلام القالو طارق قاصد انو المنبر بقي مليان بالبوستات البتتكلم عن المواضيع البتشبه الموضوع ده ( مواضيع ختان الاناث ) ارجو انو اكون فهمت صح

شكرا يا عبد الله
شكرا كثيرا يا حبيب
هذا ما عنيت بالضبط
والله من وراء القصد

استاذتنا زينب كيفنك ياخ
على المستوى الشخصي انا ما قاعد ادسدس كلامي نهائي في المنبر دة
والحاجة المقتنع بيها بجي بشوتها هنا وما عندي اي مشكلة لو حسيت انه انا اخطأت أجي اعتذر

يا أستاذة زينب هجومك حاد وغير مبرر

أكتر من إمتهن كرامة المرأة وحولها لي سلعة تباع وتشتري في الفترينات هو الغرب

أمريكا الضربتي بيها الأمثال بلغ بها الهوس الجنسي مبلغا أن رئيسها يخون زوجته في البيت الأبيض والفضائح الجنسية علي قفا من يشيل
أكثر أفلام الجنس والمجلات الجنسية التي تتجار بجسد المرأة وصورها العارية تطبع وتصور وتنتج في الولايات المتحدة

أعتقد أن ما تتحدث عنه زينب يجب أن يناقش في بوست منفصل عن أسباب عزوف الشباب عن الزواج في السودان والآثار العكسية لذلك أو ما شابه

لكن ليس له علاقة بهذا البوست من قريب أو بعيد فهذا البوست يتحدث عن شيئ والأخت زينب تتحدث عن شيئ آخر بكل عصبية ودكتاتورية

فالبوست يتحدث عن خبر منقول عن فتاة مصرية خدعت زوجها الإماراتي بالزواج منه, وبالرغم من انها كانت متزوجة في السابق الا انها لم تخبره

بذلك حتى بعد أن انجبت له طفلا وهو يظن طيلة الوقت ان الفتاة بكرا ليفاجأ لاحقا بأنها كانت متزوجة من رجل آخر, وهذا ظلم لا يقبل به اي

رجل ولا يجب ان تقبل به اي امرأة لأن هذا هو ما سيقلل من شأن المرأة وليس ما تتحدث عنه الأخت زينب بكل تعصب وتشنج ضاربة بكل الآراء

والنصائح عرض الحائط, وقد أكدت من أول مداخلة وثاني مداخلة وفي كل البوست أن المشكلة هي الكذب والخداع والتضليل الذي افتعلته الفتاة

المصرية ليس فقط بترقيع غشاء البكارة وإنما بإخفاء الزواج كليا عن الزوج, ولست هنا مدافعا عن الزوج ولا اعرفه ولكن كقاعدة عامة لا

يجب ان تخدع المرأة الرجل قبل الزواج ولا يجب ان يخدع الرجل المرأة قبل الزواج وفي هذه الحالة خدعت تلك المرأة الرجل بصورة لا يقبلها

احدا اطلاقا حتى ان كانت زينب او غيرها والوقوف مع الباطل ضد الحق, لأن رأيي في الفتاة السودانية انها اصيلة وبنت بلد ولا تقبل مثل

ما فعلت تلك المصرية مع زوجها ولكن كأن زينب تريد ان تبعث برسالة لي مفادها انني مخطأ في تصوري وان كل النساء يمكنهم فعل ذلك حتى

السودانيات ولا شأن لي بالموضوع من قريب او بعيد, فقط أقرأ الخبر بعيدا عن هذا المنبر ولا تحضره او تناقشه والا اطلقت عليك اللعنات

والإساءات, ورغم تلك الرسالة المنبعثة رائحتها من زينب الا انني لم افقد كل الثقة في السودانيات ككل لكنني فقدتها في زينب التي

تلوي عنق الحقائق وتفتري على غيرها وتصر على مواقفها وهي مكابرة لشيئ في نفسها لم افهمه ولكن بالنسبة لي افهم جيدا معنى احترام

النساء والامهات والخالات دون درس من احد او معايرة بذلك لا اقبل من زينب او غيرها ان تقولني ما لم اقل وان تكذب صراحة امام الملأ

وتبهتني بأشياء ما انزل الله بها من سلطان وان تدافع بإسم المرأة عن جريمة يندي لها الجبين لا يجب ان تقبلها سودانية اصلا ولا يجب

ان يعاير الرجل هنا بأنه ضد المرأة او لا يحترم المرأة حتى تنفث عن ما بدواخلها, فأنتي تشاركين في الجريمة بالدفاع عنها وتريدين

اخراص الكل حتى ترضين غرورك وانا لم أشأ مجادلتك ورغم ان كلامي الاول معك كانت بصورة مرحة ان لم يخلو من العتب الصديق الا انك لم

تتلقي الإشارة وتماديتي في موقفك تريدين اخراص كل من سولت له نفسه بالحديث, فأرجوا الا تتمادي في اتهامات الآخرين وافتعال معركة

في غير معترك.

وهنا أود طرح السؤالين التاليين على الأخت زينب:

1- إذا تزوجتي من شخص ثم إكتشفتي بعد ذلك أنه كان متزوجا في السابق وله أطفال (دون إخبارك مسبقا).. كيف سيكون موقفك؟؟

2- هل تعتقدين أن زواج المرأة المصرية من ذلك الرجل كان شرعيا أم باطلآ؟؟ وما هي شروط عقد النكاح؟ وما الذي يكتب في العقد؟

الاخ طارق جبريل
لك العتبى حتى ترضى... وانت من الناس المحترمين عندى فى هذا البورد
ولكن احيانا بيحصل سوءفهم لى بعض الاشياء خاصا عندما يكون التعبير رمزى
كل الود

الاخ اسامه البلال
سلام
انت قلت : يا أستاذة زينب هجومك حاد وغير مبرر

( أكتر من إمتهن كرامة المرأة وحولها لي سلعة تباع وتشتري في الفترينات هو الغرب

أمريكا الضربتي بيها الأمثال بلغ بها الهوس الجنسي مبلغا أن رئيسها يخون زوجته في البيت الأبيض والفضائح الجنسية علي قفا من يشيل
أكثر أفلام الجنس والمجلات الجنسية التي تتجار بجسد المرأة وصورها العارية تطبع وتصور وتنتج في الولايات المتحدة )

مافى اى هجوم ولاحده يا اخ اسامه ولكنها الحقيقه المره والواقع المعاش

انا عندما تحدثت عن الغرب بصفه عامه وامريكا بصفه خاصه لم تكن المقارنه بين من هم الذين يمارسون الجنس بكثره
المقارنه كانت فى الاهتمام الشديد بالجنس والمرأة الذى وصل حد الهوس فى مجتمعاتنا والاهتمام بى اشياء جنسيه تتعلق بالمرأة وخصوصيتها
يعنى مايسميهم الناس رجال الدين عندنا كل صباح عاملين لينا فتوى فى الامور الجنسيه وما يتعلق فى العلاقه بين الرجل والمرأة
احسب عندك فى كم نوع للزواج ..كل يوم مطلعين ليهم اسم جديد لى كيفيه استهبال وغش المرأة وكل بى فتوى
يعنى الواحد عندو مثنى وثلاث ورباع وبرضو كل دا ما مكفيهم !!!فى حاله سفر من اجل العمل او السياحه الفتوى جاهزه لى تحليل العلاقه الجنسيه
فى الوقت الذى فيه الغرب يهتم بى النماء والتعمير والاكتشافات التى تجعل حياة الانسان اكثر استقرار وسعاده


بعدين الرئيس كلنتون مشكلته مع الشعب الامريكى لم تكن خيانه زوجته الشعب عاب عليه الكذب lie under oath
وحتى فى كذبته دى فى النهايه الشعب الامريكى سامحه لانو فى فتره حكمه كان فى نماء ورخاء والناس مرتاحه ودى
الحاجه البتهم المواطن اما موضوع علاقته خارج اطار الزوجيه دا امر بينه وبين ربه وزجته

كتب صاحب البوست:

(( أعتقد أن ما تتحدث عنه زينب يجب أن يناقش في بوست منفصل عن أسباب عزوف الشباب عن الزواج في السودان والآثار العكسية لذلك أو ما شابه

لكن ليس له علاقة بهذا البوست من قريب أو بعيد فهذا البوست يتحدث عن شيئ والأخت زينب تتحدث عن شيئ آخر بكل عصبية ودكتاتورية

فالبوست يتحدث عن خبر منقول عن فتاة مصرية خدعت زوجها الإماراتي بالزواج منه, وبالرغم من انها كانت متزوجة في السابق الا انها لم تخبره

بذلك حتى بعد أن انجبت له طفلا وهو يظن طيلة الوقت ان الفتاة بكرا ليفاجأ لاحقا بأنها كانت متزوجة من رجل آخر, وهذا ظلم لا يقبل به اي

رجل ولا يجب ان تقبل به اي امرأة لأن هذا هو ما سيقلل من شأن المرأة وليس ما تتحدث عنه الأخت زينب بكل تعصب وتشنج ضاربة بكل الآراء

والنصائح عرض الحائط, وقد أكدت من أول مداخلة وثاني مداخلة وفي كل البوست أن المشكلة هي الكذب والخداع والتضليل الذي افتعلته الفتاة

المصرية ليس فقط بترقيع غشاء البكارة وإنما بإخفاء الزواج كليا عن الزوج, ولست هنا مدافعا عن الزوج ولا اعرفه ولكن كقاعدة عامة لا

يجب ان تخدع المرأة الرجل قبل الزواج ولا يجب ان يخدع الرجل المرأة قبل الزواج وفي هذه الحالة خدعت تلك المرأة الرجل بصورة لا يقبلها

احدا اطلاقا حتى ان كانت زينب او غيرها والوقوف مع الباطل ضد الحق, لأن رأيي في الفتاة السودانية انها اصيلة وبنت بلد ولا تقبل مثل

ما فعلت تلك المصرية مع زوجها ولكن كأن زينب تريد ان تبعث برسالة لي مفادها انني مخطأ في تصوري وان كل النساء يمكنهم فعل ذلك حتى

السودانيات ولا شأن لي بالموضوع من قريب او بعيد, فقط أقرأ الخبر بعيدا عن هذا المنبر ولا تحضره او تناقشه والا اطلقت عليك اللعنات

والإساءات, ورغم تلك الرسالة المنبعثة رائحتها من زينب الا انني لم افقد كل الثقة في السودانيات ككل لكنني فقدتها في زينب التي

تلوي عنق الحقائق وتفتري على غيرها وتصر على مواقفها وهي مكابرة لشيئ في نفسها لم افهمه ولكن بالنسبة لي افهم جيدا معنى احترام

النساء والامهات والخالات دون درس من احد او معايرة بذلك لا اقبل من زينب او غيرها ان تقولني ما لم اقل وان تكذب صراحة امام الملأ

وتبهتني بأشياء ما انزل الله بها من سلطان وان تدافع بإسم المرأة عن جريمة يندي لها الجبين لا يجب ان تقبلها سودانية اصلا ولا يجب

ان يعاير الرجل هنا بأنه ضد المرأة او لا يحترم المرأة حتى تنفث عن ما بدواخلها, فأنتي تشاركين في الجريمة بالدفاع عنها وتريدين

اخراص الكل حتى ترضين غرورك وانا لم أشأ مجادلتك ورغم ان كلامي الاول معك كانت بصورة مرحة ان لم يخلو من العتب الصديق الا انك لم

تتلقي الإشارة وتماديتي في موقفك تريدين اخراص كل من سولت له نفسه بالحديث, فأرجوا الا تتمادي في اتهامات الآخرين وافتعال معركة

في غير معترك. ))


اووووووووه!!!!!!!! رمتنى بدائها وانسلت

انت هسى نفسك قايم كدا وكاتب اسمى سبع مرات فى مداخلتك اعلاه بالرغم من انو انت رصيت اسماء كل المشاركين فى واحده من مداخلاتك وشكرتهم
حتى الاخ عادل بلير كاتب هذه المدخله (( لانو الراجل كان بفكر براسو الصغير طيلة الثلاث سنوات مش الراس الكبير
حكمة اليوم
نعيب النساء والعيب أصلآ في الرجال ))

لكن يظهر انو اسمى سقط سهوا !!!!!!ها ها ها who cares

انت لازم تفهم انو لمن تكتب موضوع فى هذا المنتدى من حق الآخريين التداخل وابداء وجه نظرهم ... اتفقت انت معهم ام لم تتفق
كدى اقرأ العبارات المسيئه اللى انت استعملتها فى حقى فى مداخله لك فى الصفحه الاولى من البوست

1.يا زينب إنتي راميكي جمل ولا شنو

2. شنو من ما فتحنا البوست بتنططي وبتتكلمي

3. كمان لمن نفتح بوست مصرية غشت لبناني تجي تقلبي فينا الهوبة كده؟؟!!


بالله انزلي من الجمل ده براحة وشيلي ليكي نفس طويل وما تفهمونا غلط!!!

عاين لى عبارتك دى : راميكى جمل .....بتنططى ....تقلبى فينا الهوبه .....انزلى من الجمل دا ....شيلى ليكى نفس طويل

وهل انت اعتذرت بعد ما اتضح انو انت ما المقصود بالمداخله تلك ؟؟؟ لا لم تعتذر لانو الاعتذار من شيم الكبار
وفى مفهومك الاعتذار انكسار

على اى حال نمر على مداخلتك الاخيره دى سطر سطر

كتب صاحب البوست:

( فهذا البوست يتحدث عن شيئ والأخت زينب تتحدث عن شيئ آخر بكل عصبية ودكتاتورية )

عنوان البوست يتحدث عن كيف يمكن أن تخدع المرأة الرجل بغشاء بكاره ( لو غيرت العنوان بعديها بحجه ما تفهمونا غلط اواى تبرير فطير فدى مشكلتك ما مشكلتى انا)

وانا كان ردى الاول او محور كلامى يدور حول المقارنه بين المجتمعات التى تهتم بالمشاكل الحقيقيه ومجتمعاتنا

وبعدين دكتاتوريه كيف يعنى؟ هل منعت زول من ابدا رايه؟

كتب صاحب البوست :

( وليس ما تتحدث عنه الأخت زينب بكل تعصب وتشنج ضاربة بكل الآراء

والنصائح عرض الحائط )

وانا مالى ومال أراء الغير كل يقدم رايه والقارىء يحكم

كتب صاحب البوست:

( وفي هذه الحالة خدعت تلك المرأة الرجل بصورة لا يقبلها

احدا اطلاقا حتى ان كانت زينب او غيرها والوقوف مع الباطل ضد الحق, لأن رأيي في الفتاة السودانية انها اصيلة وبنت بلد ولا تقبل مثل

ما فعلت تلك المصرية مع زوجها )

؟؟؟؟؟؟؟؟؟؟؟؟؟؟!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟

كتب صاحب البوست :




( ولكن كأن زينب تريد ان تبعث برسالة لي مفادها انني مخطأ في تصوري وان كل النساء يمكنهم فعل ذلك حتى

السودانيات ولا شأن لي بالموضوع من قريب او بعيد, فقط أقرأ الخبر بعيدا عن هذا المنبر ولا تحضره او تناقشه والا اطلقت عليك اللعنات

والإساءات, )

لا تعليق

كتب صاحب البوست:

( ورغم تلك الرسالة المنبعثة رائحتها من زينب الا انني لم افقد كل الثقة في السودانيات ككل لكنني فقدتها في زينب التي

تلوي عنق الحقائق وتفتري على غيرها وتصر على مواقفها وهي مكابرة لشيئ في نفسها لم افهمه )

هه ..هه حالتك صعبه

كتب صاحب البوست :

( ولكن بالنسبة لي افهم جيدا معنى احترام

النساء والامهات والخالات دون درس من احد او معايرة بذلك لا اقبل من زينب او غيرها ان تقولني ما لم اقل وان تكذب صراحة امام الملأ

وتبهتني بأشياء ما انزل الله بها من سلطان وان تدافع بإسم المرأة عن جريمة يندي لها الجبين لا يجب ان تقبلها سودانية اصلا ولا يجب

ان يعاير الرجل هنا بأنه ضد المرأة او لا يحترم المرأة حتى تنفث عن ما بدواخلها, فأنتي تشاركين في الجريمة بالدفاع عنها وتريدين )

اخراص الكل حتى ترضين غرورك وانا لم أشأ مجادلتك ورغم ان كلامي الاول معك كانت بصورة مرحة ان لم يخلو من العتب الصديق الا انك لم

تتلقي الإشارة وتماديتي في موقفك تريدين اخراص كل من سولت له نفسه بالحديث, فأرجوا الا تتمادي في اتهامات الآخرين وافتعال معركة

في غير معترك. )

امتاع حد الدهشه


كتب صاحب البوست :

وهنا أود طرح السؤالين التاليين على الأخت زينب:

1- إذا تزوجتي من شخص ثم إكتشفتي بعد ذلك أنه كان متزوجا في السابق وله أطفال (دون إخبارك مسبقا).. كيف سيكون موقفك؟؟

2- هل تعتقدين أن زواج المرأة المصرية من ذلك الرجل كان شرعيا أم باطلآ؟؟ وما هي شروط عقد النكاح؟ وما الذي يكتب في العقد؟


وبعد كلامك دا كلوا بتسألنى وعايزنى اجاوبك

نصيحه لى وجه الله خليك فى الفديوهات من شاكله

لا حوله رجل يعذب فى القبر ....لا حوله اسم الجلاله مكتوب فى شجره كذا ....يوجد فديو فلان دخل الاسلام

(*)

غايتو زينب دي هددت عرش (قيقراوي) وكادت ان تزيحه عن موقعه ..













___________________________________________
كامل التضامن مع أشرف -(زينب دي يقع فيها العدو )

لصراحه فى ردوووووووووووووووووووووووود مبدعه لدرجه تخلى الزول يككككككز على اسنانه وهو بيقراها
معقووووووووووووول نحنا اطورنا قدر دا فى نقاشاتنا مع بعض
هل التصريح والايحاء بالالفاظ والمعانى المخجله بتعكس اننا فاهمين ومطورين وما معقدين ومتحررين وسعيدين ومنفتحين وناخد بعض بالاحضان وتكون الخاتمه ورديه
,,,
الموضوع فى حد ذاته ما كان فيه مشكله
خبر وقضيه وما المشكله من راجل ولا ست
المضمون فى نظرى الكذب والخداع الحصل من البدايه فيه كسائر اغلب مشاكلنا
لان اللاغلبيه بقيت عشان تصل للمراد بتتبع اىىىىىىىىىىىىىى وسيله غير اخلاقيه لحصول عليه
,.,

الشرف اينعم ما بيتمثل فى شى ملموس
لكنه بينعكس فى كل ذره بنحملها من انفاسنا وسلوكياتنا واجسادنا
ممكن نلقى حاليا محافظين على الشرف المعترف بيه وفى الاصل ابشع من من فقدوه بخطىء ندمانيين عليه
,.,
ونحنا اصلا شغاليين نحاسب فى بعضينا ليه
ما ننتظر يوم الحساب اصلا قرب والخالقينا كفيل بكل واحد فينا
لو كل انسان ركز فى حساب نفسه ما بيلقى فرقه اصلا يعاين لغيره ويحاسبه على خطىء لو تمعن فى نفسه بيلقى انه بيعمله او حيعمله
,.,
التوعيه والتوجيه والنقاش ما معركه مفروض نشنع فيها ببعض لمن نختلف

يا استاذة زينب .. أزيك

انتى امريكا دى اتولدتى فيها ولا مشيتى كبيرة ..
كى يستقيم لى فهم كثير من مداخلاتك ..

شكرن ..

Quote: لكن عندما يأخذ الموضوع جانب الابتذال والنكات البايخه عن المرأة وتحقيرها خاصه فى مواضيع الزواج والجنس انا ما بقدر اسكت

يازينب الخبر بيتكلم عن إمرأة خدعت رجل
يعني إمرأة احتقرت رجل
فما عارف انت زعلانة من المرأة ولا من الراجل ؟
ولا زعل لله كده ..

عموما وريتينا والله ..



تحياتي ..

الإخوة والأخوات الكرام

- عبد الله فقير

- طارق جبريل

- أسامة البلال

- كمال علي الزين

- رانية محمد الشيخ

- الشاذلي خيري عبد الله

- فايز ود القاضي

- مجاهد محمد القاضي

- غازي حسن

- حبيبة سودانية (رانية)

- محمد سليمان خالد



شاكر لمروركم الكريم والمشاركة

Quote: الناس فى شنو والمسلمين فى شنو!!!!!!

Quote: نصيحه لى وجه الله خليك فى الفديوهات من شاكله لا حوله رجل يعذب فى القبر ....لا حوله اسم الجلاله مكتوب فى شجره كذا ....يوجد فديو فلان دخل الاسلام

الاخ كمال على الزين / سلام
صدقنى يا اخ كمال انا ما بحب الكلام الكتير وما عندى اى وقت للملاواة
الموضوع عندى ليس شخصى ولا يجب ان يكون .......يعنى انا لمن اتداخل فى موضوع
فى هذا المنتدى بحاول اركز على القضيه وابعادها وليس على الاشخاص
لكن فى ناس لسه فكره انو أمراة يكون عندها رأى وتناقش رجال دى ما قادرين يتقبلوها خالص
وبيحاولوا اسكاتها بشتى الطرق


الاخ شاذلى خيرى عبدالله/ سلام

للاجابه على سؤالك
انا اتولدت فى السودان لحسن الحظ.... وعشت فيه فتره ليست بالقليله ..وبحب السودان اكتر من اى دوله فى العالم
وبحب انسان السودان اكتر من اى انسان آخر ...

سافرت لى عده دول غربيه عشت فيها لى بعض الوقت نتيجه لى ظروف العمل اخيرا استقريت فى امريكا ولى فيها 20 سنه
امريكا ليست هى جنت الله فى الارض وعندها مشاكل عديده جدا ..لكن يا اخى الشاذلى لابد ان نذكر الفضل لاهل الفضل
امريكا بلد قاره ..وعامله زى لحم الرأس بتجد فيها الناس من كل العالم ...الناس دى الشىء الاساسى البوحدهم والبجمع بيناتهم
هو القانون او ممكن تقول عليه ال system يعنى الاباء المؤسسين وضعوا نظام يحفظ للكل حقوقهم الدستوريه
ومافى اى زول فوق القانون
طبعا بديهى تجد تفلتات هنا وهناك من المسؤلين ورجال الشرطه ودا شى طبيعى لانو الناس بشر مش ملائكه
والخطأ بيحصل يوميا فى كل الدنيا
ما عايزه اطيل عليك لكن اتمنى انك تفهم انو انا بتكلم من واقع تجربه عميقه جدا

ود القاضى يا حكيم البورد / سلام

انت كتبت :

(( يازينب الخبر بيتكلم عن إمرأة خدعت رجل
يعني إمرأة احتقرت رجل
فما عارف انت زعلانة من المرأة ولا من الراجل ؟
ولا زعل لله كده ..

عموما وريتينا والله ..))

يا فايز يا خى انا قلت رائى فى قصه خداع هذه المرأة لى زوجها فى عده مداخلات هنا ...لكن عشان خاطرك اقول رائى تانى

الكذب والغش والخداع من اكبر الكبائر بالنسبه لى انا ... وهذه المرأة اخطأت ومن حق الرجل مقاضتها

انا كنت بنظر للصوره الكبيره او بنظر للموضوع من زوايه تانيه وما آلت اليه حال مجتمعاتنا
وبرضو المواضيع فى البورد فى الفتره الماضيه كلها و زى ما علق الاخ طارق جبريل بقوله :
( انتو المنبر دة ماله بقى شايل موسه وحايم )
يعنى عنوان هذا البوست ممكن تقول هو القشه التى قصمت ظهر البعير بالنسبه لى انا
تحياتى

صاحب البوست كلام غاندى دا بورطك انت وليس انا

هذه مقتطفات من بعض ردودك


ولكن كأن زينب تريد ان تبعث برسالة لي مفادها انني مخطأ في تصوري وان كل النساء يمكنهم فعل ذلك حتى

السودانيات

وليس ما تتحدث عنه الأخت زينب بكل تعصب وتشنج ضاربة بكل الآراء

والأخت زينب تتحدث عن شيئ آخر بكل عصبية ودكتاتورية

ورغم تلك الرسالة المنبعثة رائحتها من زينب الا انني لم افقد كل الثقة في السودانيات ككل لكنني فقدتها في زينب...... !!!!!!


لا اقبل من زينب او غيرها ان تقولني ما لم اقل وان تكذب صراحة امام الملأ ؟؟؟؟؟

ولا يجب ان يعاير الرجل هنا بأنه ضد المرأة او لا يحترم المرأة حتى تنفث عن ما بدواخلها....... ؟؟؟؟؟؟!!!!!!!

وتبهتني بأشياء ما انزل الله بها من سلطان

فأنتي تشاركين في الجريمة بالدفاع عنها وتريدين واخراص الكل حتى ترضين غرورك ....!!!!!!!

والكلام الجاى دا برضو من قاموسك:

راميكى جمل .....بتنططى ....تقلبى فينا الهوبه .....انزلى من الجمل دا ....شيلى ليكى نفس طويل

صاحب البوست

العصبيه دى ماركه مسجله بى اسمكم ما تحاول تنكرها

لكن انحنا

we won't get angry, we'll get even

Quote: ....لكن الرجل الشرقى عندما يناقش اشياء مثل غشاء بكاره ومدى اهميته دى بتكون امه مأزومه بحق وحقيقه

من نعم الله على الذكور ان لم يجعل لهم غشاء بكارة
فعلاً امة مأزومة .. الدنيا تقوم و تقعد في خداع البنات .. ماشفت لي يوم زول جا جاري فاتح ليه بوست بيقول ياجماعة الحقوا في راجل خدع زوجته .. الرجل السودني خالق لنفسه دين براه .. الخداع و الغش و كل فعل سوء ربنا جرم بيه الذكر و الأنثى على حد السواء
لكن السودانيين عندهم قانون سماوي اسمه (انا في النهاية ولد ) .. نرجع للقصة بتاعت المصرية -الغرَر والغش والخداع من الأسباب الموجبة لفسخ العقود - (عقود الزواج ,البيع ..) .. و في حالة انه الزوج دخل بها فما بياخد المهر لأنه اصاب منها .. و في النهاية الغش و الخداع امور لا تصدر إلا
بسبب .. الإنحطاط الأخلاقي - سواء صدرت من ذكر او انثى .. الصراحة زيها مافي

سلام مربع

بوست زي دا يلزمه صور وفيديو عشان المعلقين يجوا منكبين فيهو

ويجيبوا ليكم التعليقات الما خمج
ابصم بالعشرة

Quote: ما عايزه اطيل عليك لكن اتمنى انك تفهم انو انا بتكلم من واقع تجربه عميقه جدا

شكرن يا استاذة زينب ..

لا اخفى عليك فلم يكن وقع كتاباتك علىً جيد .. وشايف انو تجربتك هشة لا تصلح للقياس عليها ..
الان تفهمت كثيرا" ومحترم تجربتك اكيد ..

اشكرك .