|
|
|
 Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: ولياب)
|
اصبحنا واصبحت الملخوليا للمؤتمرجية وربك يكمل باقي اليوم على خير
ههههه
صاحب البوست سلام
ولياب لك التحية
مالخنو بمعني بترت جزء منه كما فعلت الانقاذ بجنوب السودان او ما هي قادمة عليه بشأن دار فور والنيل الازرق وجنوب كردفان
العضو معاوية عبيد
اتوقع احتجاج الجراد على مثل هذه الاهانات لذا ارجو حذف الصورة
التوقيع
مندوب دولة جردونيا
مع التحيييييييييييييييييييية
| |
 
|
|
|
|
|
|
|
|
Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: فرح الطاهر ابو روضة)
|
ود الباوقــة ...
| Quote: نحن نسبنا من نسب ( الرسل ) مالخنو |
يملخ يدك .. قول آآآمين ..!!
خلي بالك يا ود الباوقة انت ترباية خرطوم ساكت وما بتعرف معاني الكلمات البتجي تركبها ساكت دي ومفتكرها كلام دارج او مصطلحات من قنقونك دا..
الملخ بيقتضي الشدة والقوة والاخذ بالقهر كما وان المملوخ مقهور ومغصوب .. وانت كان داير تضيف نسبك لنسب الرسل بالملخ
وانك ملختو منهم ملخ بتبقي كضاب ومفترئ على الله سبحانه وتعالي الذي قال :
إن الله اصطفى آدم ونوحا وآل إبراهيم وآل عمران على العالمين ( 33 ) ذرية بعضها من بعض والله سميع عليم ( 34 ) )
ونسب الرسل اصطفا واختيار من الله سبحانه وتعالي مافي زول بيملخو
وكلامك برضو بيحتمل معنى تاني على حسب دلالة كلمة مالخنو أي نازعنو وشادنو منه يعني بمعني اقرب ما عاوزين نسب الرسل لانكم ملختو نفسكم منه زي ما بتتملخ اليد من باقي الجسم او من الكتف ..
ودا المعني الاقرب والبيتبادر للذهن من قراية " طربقتك " الفوق دي حول نسبك بالرسل .. فيا امتن انت قاصد او ماعارف معني الملخ شنو يا تربية الخراتيم ..
اما قولك بالجلخ فهو اشد وانكي..
لانه الجلخ حسب ما حاول الاخوة فوق يوروك فمعناه ( ممارسة العادة السرية ) وبراندوق السودان بيقولوا دق الحلاوة .. وبعضهم بيسميها ضربت عشرة
وانت ماعندك اي فكرة عن كلمة جلخ او معني ليها غير سمعك ليها بالخليج لانه في السودان غير متداولة هذه الكلمة بصورة كبيرة .. ولاكلمة " جلخ " خاصة في بيئة المنطقة التي تقول انت منها بالسودان
الا اللهم للدلالة على الطوب الاحمر الزادت نارو وساح في كراسي الكمائن فيُسمي " الجلخ " وهو معني لا يستقيم باستخدامك للكلمة بالموضوع دا من الجملة .. غير كدة جيب معني ليها ..
وسبق لك ان استخدمت نفس الكلمة ونبهناك لمعناها..
فيا أخينا ما تنضم بلسان ماهو لسانك.. ركز في اللغة الدارجة البتفهمها بس يا ود الخرتوم وخلك من تركيب اسماء ومصطلحات لا تفقهها..
وشكراً
| |
|
|
|
|
|
|
|
|
|
Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: محمد التجاني عمر قش)
|
يوسف البنا
ونحن العندنا الموت والكتل مو سيرا
نحن معانا شيمن مستحيل تفسيرا
نحن بنكرم الضيفان نعز الجيرا
نحن بحرنا طامح وللبعوم تنيرا
نحن العندنا الإكرام وطولت البال
ونحن الجود ذي برق السواري الشال
نحن العندنا الموت فوق وطنا حلال
نحن اليوم صهيل قرة نحاسنا جبال
نحن الجودنا ما بكمل خريفنا وصيفنا
نحن ندردق الجذر القلاد لي ضيفنا
نحن بنحفظ المعروف نراشي ضعيفنا
نحن يفلخ الفارس المدرع سيفنا
| |
|
|
|
|
|
|
|
|
|
Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: محمد التجاني عمر قش)
|
يقول ود إدريس الكباشي مفتخراً بالسودان وشعبه:
نحن وطنا نعزه ولينا باعاً واسع
بادية وحاضرة ثروة ومنتجات و مزارع
إن كمِل المواد ما بنزل شعبنا الشارع
في المو هولنا كان دعت الظروف بنضارع
وفي ذات الباب يقول صديقه وزميله الشاعر يوسف البنا هو يفتخر بالشعب السوداني:
نحن ولدنا المية بسوقها مو مميحيق
نحن الضاربو شوتال الفقر ليْ رفيق
نحن اللي البخيل والله ما بنطيق
نحن عرضنا جار فايت العشاري أب زيق
و يقول ود البنا أيضاً:
نحن مجربين يوم الكتال يوم عيدنا
ما بنخاف بلا الخالقنا ربنا سيدنا
نحن الكافة العالم عرف توحدينا
نحن ملاطمة ردعي السلاح بزيدنا
| |
|
|
|
|
|
|
|
|
|
Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: محمد التجاني عمر قش)
|
يا حيدر الزين...
ما تخمو الراجل ساكت...
جلخ ...وجلخة ...بدون تشديد اللام ديل كلمتين متداولتين ومعروفتين.. في (شريط حمدي) هههههههه
والمعني أن تقطع سريحة من لحم...يقول ليك أجلخها جلخة...
بالضبط زي ما بتعمل قشارة البطاطس في الزمن العلينا دا
فعمل قشارة الطماطم... لما يكون في اللحم الحي اسمو جلخ
بس تستبدل لينا القشارة دي بي سكين...
اما ناس الخليج بشددوا اللام للمعني الذي أوردته...
بدون تشديد لام ما بتعني ليهم شيء...
| |
|
|
|
|
|
|
|
|
|
Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: حسين عبد المجيد)
|
Quote: يانزار دي مافي تب في مثلثنا
عايتو الا تكون في مثلث برمودا
عندنا ... سلَاخية ، جلَافية
-
"الجلخ" الجابو ود الباوقة مسؤول منو هو براه |
يا حيدر
تحياتي...
شوف أهل المثلث متساوي الاضلاع ديل بيقولوا شنو؟؟
Quote: جَلَخَ (القاموس المحيط)
جَلَخَ السَّيْلُ الوادِيَ، كمَنَعَ: مَلأَه، وهو سَيْلٌ جُلاخٌ، كغُرابٍ،
و~ به: صَرَعَه،
و~ بَطْنَه: سَحَجَه،
و~ الشيءَ: مَدَّه،
. |
وفلاناً بالسَّيْفِ: بَضَعَ من لَحْمِه بَضْعَةً
| |
|
|
|
|
|
|
|
|
 Re: نحنا نسبنا من نسب ( الرسل ) مالخنو ونحن قلبنا بي دم الأسد جالخنو . (Re: nazar hussien)
|
نزار حسين لم ياتي لحوار ..
" جلخة " لحم دي يملخ يد ود الباوقة أكان سمعت بيها ...
سمعت سِرحة لحمة وكما قال حيدر ميرغني سلاخي.. وجلافي ..
لكن " جلاخي " دي الا يكون في ضلع القاعدة من المثلث .. هههههه
هسع تعريف القاموس المحيط دا يا نزار بيظب مع كلام ود الباوقة دا :)
ود الباوقة :
Quote: ما اديتينا رايك يا صاحبة السمو
في الملخ والجلخ |
احترم نفسك في مخاطبة " بناتنا "
وشكرا
| |
|
|
|
|
|
|
| |
ABUHUSSEIN
معاوية عبيد الصائم
ولياب
فرح الطاهر ابو روضة
أمير محمد ادريس
حيدر حسن ميرغني
محمد إبراهيم علي
زول ساكت
محمد عبد الماجد الصايم
إدريس البدري
منتصر صلاح
محمد عمر الفكي
HAIDER ALZAIN
حافظ انقابو
علي محمد الفكي
Abuzar Omer
وضاحة
حسين عبد المجيد
فيس بوك
تويتر
انستقرام
يوتيوب
بنتيريست