Post: #1
Title: تشاد فتحت .. والبترول حدو الركب
Author: Osman Musa
Date: 04-21-2013, 04:02 AM
Parent: #0
الكلام ده من خشم مكسيكي عايد من تشاد .
المكسيكي قال . ترك الشغل مع الشركة الفرنسية في تشاد بعد ما شاف بي
عينو النهضة القايمة بي هناك في أشغال الكونستركشن .. والله جد قصص تعجب .
المكسيكي سجل شركة معمار وبفتش في ناسو المشتتين .
|
Post: #2
Title: Re: تشاد فتحت .. والبترول حدو الركب
Author: محمد الأمين موسى
Date: 04-21-2013, 04:44 AM
Parent: #1
إنتا يا عثمان مرة ترسلنا كاركاس ومرة تبعثنا لانجمينا.... إنتا محل ما قاعد في بلاد العم سام ما بيفتح أبدا؟؟؟ لإنو موضوع اللوتري دا ما بيخارج.
شكرا لك على إشاعة التفاؤل.
|
Post: #3
Title: Re: تشاد فتحت .. والبترول حدو الركب
Author: جابر برمه
Date: 04-21-2013, 06:02 AM
Parent: #2
الاخ / عثمان
سلامات
حقيقة تشاد في تطور و نمو سريع منقطع النظير بعد ظهور البترول فيها
و انني ذرت تشاد عام 1993م و كانت ام جمينا اشبه بقري دارفور لكن الان تشاد تغيرت كثير بفضل البترول و التخطيط السليم
من الناحية العمرانية و التعليمية و البنية التحتية و تشوف في السنيين القادمة الهجرة سوف تكون عكسية بدلا من الخليج الي تشاد
ام جمينا نفر
|
Post: #4
Title: Re: تشاد فتحت .. والبترول حدو الركب
Author: الطيب شيقوق
Date: 04-21-2013, 06:51 AM
ابو عفان
سلام
كدى ورونا حجم الانتاج اليومي والاحتياطي النفطي عشان نتكاملها
|
Post: #5
Title: Re: تشاد فتحت .. والبترول حدو الركب
Author: ombadda
Date: 04-21-2013, 07:28 AM
سلامات
Osman Musa
الوصول إلى تشاد سهل جدا. من مدينة أبشى على الحدود السودانية إلى انجمينا عبارة عن شارع مسفلت وبه حركات بصات سفرية سياحية والطريق آمن. بمعنى من يتمكن الوصول إلى مدينة الجنينة فقد وصل تشاد.
انجمينا مستوى المعيشة والعلاج فيها أغلى من الخرطوم. مرضى تشاديين كثر يأتونا إلى الخرطوم قصدا للعلاج والغريبة ترى إندهاشهم لإنخفاض تكاليف العلاج فى المستوصفات الخاصة كالبراحة والزيتونة. أحدهم اندهش بأن التاكسى لم يكلفه سوى 50 ج من مطار الخرطوم إلى الثورة.
العملة التشادية (الريال) مربوطة بالفرنك الفرنسى.
بالمناسبة أنا مولود فى انجمينا وآباءنا اكتشفوا البلاد دى فى ستينيات القرن الماضى وما طلعوا منها إلا بعد اشتداد الحرب الأهلية فى العاصمة.
باختصار تشاد تنفع ك venture capital
تجارة أو بيزنس براس مال مغامر.
|
Post: #6
Title: Re: تشاد فتحت .. والبترول حدو الركب
Author: صبري طه
Date: 04-21-2013, 07:44 AM
Parent: #5
يا عثمان موسى .. أسمح لي المرّة دي أقول ليك قوم لف :)
احتياطي تشاد من النفط يساوي 1,500,000,000 برميل (مليار وخمسمائة مليون برميل) هنا
ترتيبها على حسب الاحتياطي رقم (37)
إنتاجها اليومي يساوي 176,700 برميل (مائة وستة وسبعون ألفاً وسبعمائة برميل) هنا
ترتيبها على حسب الإنتاج رقم (45)
|
Post: #7
Title: Re: تشاد فتحت .. والبترول حدو الركب
Author: جابر برمه
Date: 04-21-2013, 09:06 AM
Parent: #6
الاخوة الكرام
الوصول الي تشاد في غاية السهوله من الجنينية الي اديكونك ثم ادري 35 كيلو متر ويفصل بين الجمارك السودانية و التشادي وادي فقط ولاتوجد حدود بمعني الكلمة القبائل مداخلة و الرعاة ايضا، و المسافة من ادري الي مدينة ابشي 170كيلو فقط و اذا اردت الذهاب من ابشي بالطيران فبها واذا اردت البر فالمسافة بين ابشي و انجمينا حوالي 800كيلو تقريباو في كل المحطات التي يتخللها هذا الطريق تجد نفسك و كأنك في السودان طريقة القهاوي و الأكل و عادات الناس لافرق ،اماعن عملة تشادبكل المقاييس الان افضل من عملة السودان 60 الف فرنك سيفا تعادل100 دولار و ال100دولار تعادل 375 ريالسعودي و 375 ريال ضرب 1650جنية =618750الف بالتالي هي الافضل
و تعداد سكانها لايتجاوز 8 ملايين نسمه
|
Post: #8
Title: Re: تشاد فتحت .. والبترول حدو الركب
Author: أسامة البلال
Date: 04-21-2013, 09:24 AM
Parent: #7
| Quote: إنتا يا عثمان مرة ترسلنا كاركاس ومرة تبعثنا لانجمينا.... إنتا محل ما قاعد في بلاد العم سام ما بيفتح أبدا؟؟؟ لإنو موضوع اللوتري دا ما بيخارج. |
كلام في التنك يا محمد الأمين. قريبنا دا شابكنا فنزويلا فتحت وتشاد فتحت. يوم واحد ما قال لينا لاس فيغاس فتحت نجي ناخد لينا خمشة من الأخضر
الله يستر ما يقول لينا الدامر فتحت ويرجعنا لقواعدنا خاليين الوفاض
|
Post: #10
Title: Re: تشاد فتحت .. والبترول حدو الركب
Author: احمد حامد صالح
Date: 04-21-2013, 09:46 AM
Parent: #8
سيد البوست و المتداخلين
سلام
تشاد حباها الله بموارد طبيعية وافرة فهى موازية للسودان جغرافيا تملك كل ما للسودان
و تزيد بالبترول و العملة المرتبطة باليورو و يتفوق السودان بالبحر الاحمر المينا
تشاد دولة مغلقة تكلفة الترحيل فيها عالية لذا تكلفة الحياة فيها اعلى من السودان
يا دكتور امبدة < خبرة الاسرة فى تشاد 60 سنة و خبرة شخصية 15 سنة > الانفتاح التجارى
بين البلدين يرجع بنفع كبير على السودان خاصة الترانسيت عبر بورسودان لتشاد .
اكبر المعوقات للسودان فى تشاد اللغة الفرنسية .. يبدو ان العربى بقى ما باكل عيش
الا محلى ... اتمنى ان ينتبه ناس المناهج للغات الانجليزية و الفرنسية و الاسبانية
و البرتغالية و الدينكاوية و السواحلية و الهوساوية .. فمثلا نيجيريا مرشحة لان
تكون اغنى دولة افريقية ستتقدم على جنوب افريقيا بترولها 3.3 مليون برميل يوميا
و انتاجها فى تصاعد كمى هنا اهمية الهوسوية .. جنوب السودان دولة صاعدة هنا لغة الدينكا
و الانجليزى .. هناك الكثير من الدول الافريقية الصاعدة بسرعة الصاروخ قد اعود اليها لاحقا
-------------------------
دكتور امبدة سلام بالله تلفونك على الخاص
مع شكرى
|
Post: #9
Title: Re: تشاد فتحت .. والبترول حدو الركب
Author: ناصر حسين محمد
Date: 04-21-2013, 09:27 AM
Parent: #7
| Quote: تشاد فتحت .. والبترول حدو الركب |
يطرشنا الركب دي ما سمعنا بيه ، يكون زي بترول أبوجابرة ..
| Quote: إنتا يا عثمان مرة ترسلنا كاركاس ومرة تبعثنا لانجمينا. |
البترسلك الحكيومة مش عثمان ،،،
علي الايمان في شباب لو لقو الصومال بتخارجو اسه
|
Post: #11
Title: Re: تشاد فتحت .. والبترول حدو الركب
Author: Osman Musa
Date: 04-21-2013, 02:04 PM
Parent: #2
يا محمد الامين
الزول ترك شغل حفريات البترول وتحول للبناء .
زولك بتكلم عن الفرص السمحة الموجودة و عن أحتياج البلد لعمال بناء مهره .
المكاسيك ديل يا محمد ناس ناجحين وناس شغل جد وعندهم خبرات كبيرة في أعمال البناء .
|
Post: #12
Title: Re: تشاد فتحت .. والبترول حدو الركب
Author: سيد محمد احمد سيدنا
Date: 04-21-2013, 02:24 PM
Parent: #11
الاخ عثمان موسى
مبروك لكل بلاد الغلابه بس يبعدوا عنهم المستعمرين
ويستفيد شعبها ومن بعدهم الافارقه الذين لا زالوا يتشبسون
بلغه الحروبات .
تحياتى
سيد سيدنا
|
|