Post: #1
Title: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 09:04 AM
Parent: #0
Quote: دشن مساعد رئيس الجمهورية السودانية العقيد عبدالرحمن الصادق المهدي بحضور وزير السياحة والآثار والحياة البرية محمد عبدالكريم الهد ووزير التنمية البشرية والآثار والسياحة د.يحيى صالح مكوار، واعضاء المركز العربي للاعلام السياحي ومثلهم الزميل جاسم التنيب، والمركز السوداني للاعلام السياحي التابع للمركز العربي للاعلام السياحي وهذه المحطة العاشرة لانشاء مركز الاعلام السياحي بالوطن العربي بحضور اعضاء مجلس ادارة المركز.
كما تضمن الحفل تسليم جوائز السياحة العربية لمدينتي الخرطوم وبور سودان والاحتفال بتخريج 40 اعلامياً وصحافياً في اول دورة متخصصة على اساسيات الاعلام السياحي.
واكد المهدي دعم الدولة للسياحة وذلك من خلال دور المركز في التعريف بعوامل الجذب السياحية للبلاد مشيرا الى التنوع البيئي السياحي.
واكد المهدي على اهمية اشراك المرأة بنسبة فاعلة في المركز وقال ان تمثيلها منقوص واضاف بان المركز السوداني للاعلام السياحي عليه دور ايضا في تقديم المحاضرات في الجامعات السودانية لاجل تثقيف الطلاب في هذه الجامعات حول السياحة بالسودان مؤكدا بان مقومات السياحة كثيرة وكبيرة ولكن تحتاج إلى المستثمرين من العرب والاجانب والسودانيين.بحسب الوطن
تدريس السياحة
ومن جانب اخر ثمن وزير السياحة والآثار والحياة البرية محمد عبدالكريم الهد دور المركز معلنا تبني وزارته مشروع تدريس السياحة في المناهج الدراسية بالجامعات والمعاهد العليا واشار للدور الفاعل للاعلام وتوفير المعلومات وتسليط الضوء على المقومات السياحية.
واكد وزير التنمية البشرية والآثار والسياحة د. يحيى صالح مكوار على اهمية تدريب كوادر اعلامية متخصصة وتعد السياحة احد اهم الموارد الاقتصادية في تطور البلاد وتعزيز مسيرة التنمية البشرية.
جهود مكثفة
واعلن مدير المركز محمد عبدالقادر عن بذلهم الجهود لابراز السودان بمقوماته السياحية والتراثية. وقال ان المركز يقوم بتدريب الكوادر وتعزيز المفهوم السياحي.
وفي ختام الحفل تم تقديم دروع تذكارية لمساعد رئيس الجمهورية ولوزير السياحة من قبل المركز العربي للاعلام السياحي.
كما تم تبادل الهدايا التذكارية بين الوفود المشاركة كما تم تسليم الشهادات للاعلاميين الذين شاركوا بالدورة.
الترويج مهم
وعلى هامش الملتقى الاعلامي السياحي بالسودان اكد الدكتور يحيى صالح المكوار وزير السياحة ان النمو السياحي بالسودان يحتاج الى الترويج حيث ان السودان من الدول الكثيرة والكبيرة في مجال السياحة ولذلك فان المركز العربي للاعلام السياحي يعزز الامل في العبور الى العالم في المجال السياحي.
وقال ان ولاية الخرطوم سوف تشهد الكثير من الانجازات خلال الايام المقبلة وان هذه الانطلاقة مستمرة للولاية.
وبين المكوار بان هناك خارطة سياحية لاجل الاستثمار السياحي من فنادق ومنتجعات سياحية ومدن ترفيهية بالاضافة الى حديقة الحيوانات وهي اكبر حديقة بالعالم وهذا بهدف التنشيط السياحي في الولاية.
واضاف المكوار بان الولاية تضم ايضا السياحة النهرية ولها 6 ضفاف من النيل الابيض والازرق ونهر النيل.
وسوف يتم استغلال النيل في مجال السياحة والنقل النهري، مشيرا الى تفعيل هذا النقل بين الخرطوم وأم درمان.
واشار المكوار بان تسويق مثل هذه المشاريع للمستثمرين العرب والاجانب والسودانيين حيث ان القانون السوداني يمنح تسهيلات كبيرة للمستثمرين.
وبين الوزير بان المستثمرين الخليجيين بدأوا في الاستثمار بالسودان بنسبة كبيرة وخاصة بالزراعة والصناعة كما قامت الحكومة بتمليلك هذه الاستثمارات.
الخطر الدولي
وكشف الوزير بان الحظر الدولي على السودان يؤثر تأثيراً مباشراً في جهود التنمية والسياحة في السودان، ولذلك نوجه رسالة الى العالم كله بان السودان من الدول الآمنة للجميع سواء من السائحين او المستثمرين.
تأشيرة الخليجيين
وذكر الوزير بان مجلس الوزراء السوداني يقوم بدراسة اسقاط الفيزا لرعايا دول مجلس التعاون الخليجي.
والقيادة العليا مقتنعة بهذه الاجراءات وذلك لتسهيل السياحة والاستثمار من قبل الخليجيين وهذا احد الاهداف التي تقوم الحكومة السودانية بدراستها لاجل النهوض بالتنمية للسودان.
|
المصدر: مباشر
|
Post: #2
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: محمد عبد الماجد الصايم
Date: 04-20-2013, 09:12 AM
Parent: #1
ياخ في الأول يدرسوا إلغاء تأشيرة خروج السوداني هم سلف!!
التقول دول التعاون دي قاعدة تدخل السودانيين ساي!!
|
Post: #3
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 09:38 AM
Parent: #2
| Quote: التقول دول التعاون دي قاعدة تدخل السودانيين ساي!! |
محمد عبدالماجد لك التحيه
ياأخي ادعوا معنا انشاءالله درون
|
Post: #4
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: هشام كمال عبادي
Date: 04-20-2013, 11:20 AM
Parent: #3
خطوة كويسه انو الناس تفكر في بدائل للبترول وتفتح باب السياحة ..
لكن ما اعتقد انو الخليجيين عندهم فكرة انهم "يسيحوا" في السودان" ..
|
Post: #5
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 11:37 AM
Parent: #4
Quote: خطوة كويسه انو الناس تفكر في بدائل للبترول وتفتح باب السياحة ..
لكن ما اعتقد انو الخليجيين عندهم فكرة انهم "يسيحوا" في السودان" .. |
الاخ هشام كمال عبادي وانصار السنة قالوا عايزين سياحة نظيفه !
وحياك الله
سياحة تصفية الغزلان ؟ يمكن
التعديل للاضافة
|
Post: #7
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: نادر
Date: 04-20-2013, 11:54 AM
Parent: #5
بي تأشيرة ولاّ بدون تأشيرة
هو الجاييكم منو في الأساس
السودانيين أسياد الشي ذاتو طلعوا من البلد (ذهاب وغياب)
إنتو يا دوب بتدرسوا!
مشكلة الكيزان إنهم ما بطلعوا برة يشوفوا الحاصل شنو،
كل قراراتهم أوفبوينت
السودان مافي زول عايزو ولا في زول بجيهو بي وضعوا الحالي،
كل الدول تتحاشى التعامل مع السودان في ظل وضعه الغريب المريب من خلال تصرفات البشير
وأعوانه، يعني ببساطة بعد مسرحية إيران السمجة القبل فترة الما عندها طعم ولا نكهة دي منتظر منو من عربان الخليج ديل يجيكم وبي ياتو فهم؟
بدون إصلاح بصورة جدية في البلد وعلى رأس الإصلاحات الإصلاح السياسي الشامل، حتظلوا عايشين في جزيرة معزولة، مش لو لغيتو التأشيرة
لو اشتريتو ليهم التذاكر ما بهببوا ليكم.
|
Post: #9
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 03:51 PM
Parent: #7
Quote: بي تأشيرة ولاّ بدون تأشيرة
هو الجاييكم منو في الأساس
السودانيين أسياد الشي ذاتو طلعوا من البلد (ذهاب وغياب)
إنتو يا دوب بتدرسوا!
مشكلة الكيزان إنهم ما بطلعوا برة يشوفوا الحاصل شنو،
كل قراراتهم أوفبوينت |
الاخ نادر هذا هو الحب من طرف واحد
حب من اجل الدراهم
|
Post: #6
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: فتح العليم محمد أبوالقاسم
Date: 04-20-2013, 11:51 AM
Parent: #1
الناس ديل ما حا اجيو عندنا لاسياحة ولاغيره وحتى لو رسلنا ليهم طائرات مجانا وسكن مجان ما حا اجيوا ، احسن لينا نصالح اولادنا عمنا الافارقة نبقي عليهم عشرة بدل ضياع الزمن
|
Post: #8
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: مدثر صديق
Date: 04-20-2013, 01:46 PM
Parent: #6
سلام
| Quote: احسن لينا نصالح اولادنا عمنا الافارقة نبقي عليهم عشرة بدل ضياع الزمن |
اولاد عمنا الافارقة ...ما خلوا حتة للسودانين في السودان الا و ضايقوهم فيها ... وهم ما محتاجين جواز زاتوا ...
غرب الخرطوم نادرا ما بقينا نرى فيها سوداني ..!!!!
الغريب جيرانا كانوا من قوات اليونميس من غرب افريقيا و عندما انتهت عمليات اليومنيس رجعوا ثم عادوا و اجروا نفس المنزل .....
و...........
!!!!!
|
Post: #10
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 05:41 PM
Parent: #8
Quote: ote: احسن لينا نصالح اولادنا عمنا الافارقة نبقي عليهم عشرة بدل ضياع الزمن
|
الاخ فتح العليم والاخ مدثر
ماجيبو سيرة البحر
ولكم التحيه
|
Post: #11
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: عماد ساتي
Date: 04-20-2013, 07:53 PM
Parent: #1
قمة الإستجداء .... دائما ما تتم هذه العمليه بالمثل اى ان يسمح للسودانيين بدخول دول الخليج بدون تاشيرة وليس من جانب واحد ...
قمة المهزله والإستجداء ... يا حليلك يا سودان اصبحت فى هذا العهد ملطشه ...
|
Post: #12
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-20-2013, 09:07 PM
Parent: #11
| Quote: يا حليلك يا سودان اصبحت فى هذا العهد ملطشه ... |
...عماد ساتي ازيك وشكرا علي المرور
|
Post: #13
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: Ebrahim Hijazi
Date: 04-21-2013, 04:28 AM
Parent: #12
سلام صاحب الدار
اعجبنى جداً تعليق احد الإخوان تحت فى الفيسبوك والله مباااالغة ههههه
كان اقتراح أحدهم ان يكون التعامل بالمثل ودا رد الأخ :
Dal Ali
كيف يكون بالمثل ؟؟ انت داير السودان يفضى !!
اليوم at 05:22 صباحاً · أعجبني · 2
هههههههه
|
Post: #14
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: MOHAMMED ELSHEIKH
Date: 04-21-2013, 06:37 AM
Parent: #13
| Quote: وبين المكوار بان هناك خارطة سياحية لاجل الاستثمار السياحي من فنادق ومنتجعات سياحية ومدن ترفيهية بالاضافة الى حديقة الحيوانات وهي اكبر حديقة بالعالم وهذا بهدف التنشيط السياحي في الولاية. |
دي وين؟
|
Post: #15
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-21-2013, 09:01 AM
Parent: #14
صحيح يامحمد دي وين؟ وتحياتي
|
Post: #16
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: Sayed Bekab
Date: 04-21-2013, 09:23 AM
Parent: #15
يلغو التاشيرات للسودانيين و بعدين يفكرو فى الخلايجه
|
Post: #17
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-21-2013, 10:16 AM
Parent: #16
Sudan Rebel · الأكثر تعليقا
مع العلم ان وزير السياحه انصار سنه فالقرار مقصود به تسهيل دخول السعوديين لصيد الغزلان والطيور لتدمير هذه الثروه , واذا كان هناك قرار فاولى ان يكون الغاء تأشيرة الخروج للمواطنين
رد · 2 · · منذ 23 ساعة
المكوّن الإضافي الاجتماعي لفيس بوك
والله كلام
|
Post: #18
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-21-2013, 11:06 AM
Parent: #17
Quote: Azzam Hassan Farah Mohammad · الأكثر تعليقا
في حالة التعامُل بِالمِثْل لا بأس وإلا كان ذلِك إبْتِذال.. وهو جدير بالإنْقاذ وسُفْهِها على كُل حال
رد · 2 · · أمس في الساعة 02:12 صباحاً
|
Dal Ali
كيف يكون بالمثل ؟؟ انت داير السودان يفضى !!
رد · 2 ·
·
|
Post: #19
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-21-2013, 11:11 AM
Parent: #18
ياجماعه رايكم شنو لو اعطوها اليمنين لان كل رؤوس الاموال حضارم ويفع
|
Post: #20
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-21-2013, 03:57 PM
Parent: #16
| Quote: يلغو التاشيرات للسودانيين و بعدين يفكرو فى الخلايجه |
الاخ سيد انت بقول ايه ودي تجي يا أخي قول كلام غير ده
ولك التحية ابو السيد
|
Post: #21
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-22-2013, 09:38 AM
Parent: #13
عليكم السلام يا ابراهيم وشكرا للمرور
|
Post: #22
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-22-2013, 06:13 PM
Parent: #21
Quote: Faried Mohamed Mahgoub
دي وين؟
كيف دي وين.
الحيوانات ماياها الشعب السوداني ذاتو.
مرة واحد أمارتي لاقاني في مطعم وفام طوالي اتهجم علي وقال لي
والله الزولات أنتو كلكم حرامية؟
قلت ليهو سرقنا منك شنو؟
قال لي نحن مرة مشينا قنص وقاموا لاقونا لصوص أخدوا منا عربيتنا وقروشنا.
سياحة بدون أمن كيف تكون؟ بعدين يسيحوا ذاتو وين. يعني ناس دول مجلس التعاون ديل يخلوا أوربا وشرق ىسيا يجوكم للحر والكهرباء القاطعة ديك والموية الملوثة.
ياخي ديل بس ياها الرازة ونظاحة.
رد · · من |
يازول ده كلام شنو وتحياتي يافريد
|
Post: #23
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-22-2013, 08:21 PM
Mohammed Eljack · متابعة · University of Kordofan
ههههههههههههههههههاى ...صحى البلد كلها بقت همباته .ده كلام عجيب .
رد · أعجبني · منذ 52 دقيقة
لك التحية الاخ محمد
|
Post: #24
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: Mohammed Elhaj
Date: 04-22-2013, 09:08 PM
Parent: #23
دي طبعا حلقة من سلسلة الاذلال البتمارسو الحكومة دي لي نفسها وللشعب السوداني ولي اسم السودان
الناس ديل لا بيفهموا دبلوماسية ولا عندهم عزة نفس ولا بيابهوا لي سمعة البلد دي وشعبها
المصريين بيقطعوا تذكرة ويدخلو البلد معززين ومكرمين والسودنيين يتلطعوا قدام السفارة المصرية عشان ياخدوا تاشيرة دخول لي مصر!!!
الاتراك نفس الشي ولما السوداني يجي ماشي بلدهم يتبشتن بشتنة الجن كانوا ماشي الجنة
يلا الخليج ينضم لي العقد الفريد دا والمواطن السوداني يمشي ياخد تاشيرة دخول زي الما حصل حاجة اصلا اذا كان هو محتاج تاشيرة عشان من اساسو يعتب المطار
هذا زمانك يا مهازل
|
Post: #25
Title: Re: السودان يدرس إلغاء تأشيرة الدخول لمواطني مجلس التعاون الخليجي !
Author: شمس الدين التوم
Date: 04-23-2013, 08:04 AM
Parent: #24
Quote: المصريين بيقطعوا تذكرة ويدخلو البلد معززين ومكرمين والسودنيين يتلطعوا قدام السفارة المصرية عشان ياخدوا تاشيرة دخول لي مصر!!!
الاتراك نفس الشي ولما السوداني يجي ماشي بلدهم يتبشتن بشتنة الجن كانوا ماشي الجنة |
الاخ ود الحاج دا الله ودى حكمتو,
واللهم لا اعتراض ولك التحيه
|
|