هاكم التنقليزي الجد جد فوق شلاليف وتلاليش سيدو....الريس التليفة العميكة كان قاصد allegations ولكنه نطقها حسب طايوقه العجيب اوبلقيشيوس!!
Post: #4 Title: Re: أحسن سوداني يجضم الانجليزية تجضيما!! Author: Osman Musa Date: 04-20-2013, 01:54 PM Parent: #1
عزيزنا هباني سلامات ياخ زولنا ده دروسو برضو شوية كدي أحسن من دروس الرئيس حسني مبارك . يا هباني ياخ عمك حسني ده في زيارتو الزمان لنيويورك كعوج اللغة المسكينة دي جنس كعوجة . لا حدي ما الخواجات خافوا . دحين يا هباني زولنا ده خليه يتعلم واليجرب . التجريب مالو ؟؟؟ وبعدين هو يا دوبو ليه عشرين سنة بس في الحيكومة . يعني دي بدايايتو في التجضيم . الحمد لله الما حلف طلاق بالانجليزي كان القيامة قامت .
الشىء الغريب أن هذا الرجل وحسب معلوماتى قد درس فى بريطانيا قرابة السنتين فىوقتٍ ما قبل الإنقاذ
Post: #8 Title: Re: أحسن سوداني يجضم الانجليزية تجضيما!! Author: سيف اليزل سعد عمر Date: 04-20-2013, 10:46 PM Parent: #6
الجابرو على الانجليزي شنو كان مابعرف يتكلموا؟؟
غايتوا بقينا مضحكة عالمية
Post: #9 Title: Re: أحسن سوداني يجضم الانجليزية تجضيما!! Author: Hisham Osman Date: 04-21-2013, 06:58 AM Parent: #8
Quote: الجابرو على الانجليزي شنو كان مابعرف يتكلموا؟؟
غايتوا بقينا مضحكة عالمية
مضحكة ساي.. علي بالايمان كان سمعت وزراء الخارجية مصطفي عثمان, علي كرتي ولا السفير السابق في ال UN عبدالمحمود يمين تدي ربك العجب, انجليزي بالعربي...الوحيد اللغته عليها القيمة كان غازي صلاح الدين..البقية محتاجين اعادة تعليم..
Quote: الوحيد اللغته عليها القيمة كان غازي صلاح الدين
مهدي إببراهيم جضيم شديد برضو
Post: #11 Title: Re: أحسن سوداني يجضم الانجليزية تجضيما!! Author: بدر الدين احمد موسى Date: 04-21-2013, 07:18 AM Parent: #9
و الله يا هشام هباني كلامك دا "آر جست اوبليقيشياس" ههههههههههههاااااايييي هسع يا هباني هسع البشير دا لو ما بعرف انجليزي كان عمل الكلمة دي كيف ? اوبليقيشاس ! اخير النميري و الله تب انا عرفت ليه ناس الانقاذ عربوا التعليم العالي!
Post: #15 Title: Re: أحسن سوداني يجضم الانجليزية تجضيما!! Author: صلاح حمد Date: 04-23-2013, 06:51 PM Parent: #14
الأستاذ/ هشام هباني تحية وسلام ضللني عنوانك المميز، خشيت البوست مسرعا لكي أستفيد وأتعلم ولمعرفة من هو ذلك السوداني الخواجه الذي يجضم الإنجليزية تجضيماً، لكني لم أستمع لهما واكتفيت بقراءة الردود وتعليقات ضيوفك الكرام، أرجو إضافة تسجيلات لوزراء لحكومات سابقة يتقنون الإنجليزية حتى يستقيم المحتوى مع عنوان البوست، مع احترامي
صلاح حمد
Post: #16 Title: Re: أحسن سوداني يجضم الانجليزية تجضيما!! Author: صلاح حمد Date: 04-23-2013, 07:25 PM Parent: #15
للفائدة العامة هل من تسجيل باللغة الإنجليزية للأديب السياسي/ محمد احمد المحجوب - رحمه الله.
وشكرا علي رفدك هذا الخيط -الفاضح لقادة السودان من انعام اخر الزمان من اورثوا مواطنهم القهر والذل والهوان - بهذه السيرة العطرة لواحد من اعظم القادة السياسيين التاريخيين والنادرين في بلادنا بل المنطقة بوعيه ومؤهلاته ومواقفه حيث كان مشرفا لبلاده داخلها وخارجها.....الا ارحم الله الزعيم الراحل محمد احمد المحجوب وجعله في معية الصديقين والشهداء وانا لله وانا اليه راجعون.