Post: #1
Title: هل المنبر يعترف بتقبل الاخر
Author: بلدى يا حبوب
Date: 04-17-2013, 02:01 PM
Parent: #0
منذ ان دلفت للمنبر لفت انتباهى انعدام تقبل الاخر حيث الشلليلة هى التى تسيره واهل الشتات هم اكثر الناس امعانا فى ذلك فمتى كنت من بورداب اروبا او امريكا او الخليج وكل دول العالم الاخرى ستجد القبول من البلد الذى تقطنه اما بورداب السودان ايضا تنتشر الشلليات على منوال الروابط الضاربة فى القبلية .
تقبل الاخر مشكلة حقيقة فى المنبر جعلت العديد من المنضويين يسارعون الخطىء فى مغادرته ولكن متى دلفت الى المنبر وطويت صفحات البرالمة وما يليها وتعاملت بروح التملك حتما ستجد نفسك تنداح وقناعتك تقول( المنبر العام منبرا من لا منبرا له)
ومن خلال تجربتى التى بدأت فى عام 2003 وحتى الان ما زالت مقتنعا بتمدد الشللية وهضم الاخرين فى عدم الردود بالرغم من قيمة البوستات التى تتنزل
هذه تجربتى ولكننى اقول قد يكون راي خطأ وغيرى صواب
الدليل على عدم تقبل الاخر كثر المسجلين وقلة المتواصلين
تحياتى
|
Post: #2
Title: Re: هل المنبر يعترف بتقبل الاخر
Author: أشرف الرحال
Date: 04-17-2013, 02:27 PM
Parent: #1
الاخ بلدي ياحبوب ،،، تحياتي
المنابر والعالم الاجتماعي الافتراضي ده مبني على هذا الفهم شلليات وعدم تقبل الاخر و تموت كلمة الحق في حناجرهم ولا يستطيعون النطق به .. يدعون بالديمقرطية والحريات وهم ابعد منمنها
مودتي
الرحـــال
|
Post: #3
Title: Re: هل المنبر يعترف بتقبل الاخر
Author: بلدى يا حبوب
Date: 04-17-2013, 02:54 PM
Parent: #2
الاخ/ اشرف
| Quote: يدعون بالديمقرطية والحريات وهم ابعد منمنها |
اتفق معك فالعديد من البوستات فى المنبر العام يقدمها اصحابها كنبراس للديمقراطية ويكتفى البعض بالتعلق بها دون تطبيقها على الواقع
تحياتى
|
Post: #4
Title: Re: هل المنبر يعترف بتقبل الاخر
Author: طه جعفر
Date: 04-18-2013, 02:39 AM
Parent: #1
البركة فينا كلنا
و وداعا بحيراوي
سنفتقد مساهمات و افكار
و سنفتقد وجه صبوح
عزائي موصول لاهله و اصدقائه و عارفي فضله
محزن رحيلك يا بحيراوي
اتفق معك تمام الاتفاق يا استاذنا
بلدي يا حبوب
مرض ربنا يزيله
شللية و استطاف و حدري في الضلمة
غايتو ربنا يسهل
|
Post: #5
Title: Re: هل المنبر يعترف بتقبل الاخر
Author: د.نجاة محمود
Date: 04-18-2013, 04:09 AM
Parent: #4
سلامات يا بلد
كلامك صحيح الاخر هنا مهدور الكرامة والعرض ومجرد من حق الاختيار
ويوجد كثير من الكذب ونهش الاعراض
ذهب من ذهب وبقي من بقي
شخصيا بقيت هنا حتى لا يظن المرضى انهم ممكن يطفشو النساء
بالابتزاز والتعريض والكذب
جزء من برنامجي الخاص في تعزيز دور المرأة السودانية وتشجيعها للمشاركة العامة
ولك التحية والشهادة بانك من اكثر الناس ادبا وودود
|
Post: #6
Title: Re: هل المنبر يعترف بتقبل الاخر
Author: منير عثمان
Date: 04-18-2013, 11:56 PM
Parent: #5
اتفق معاك تماماً يا حبوب
ونحنا كده كسودانيين في الغالب الشللية والقبلية والتمييز جاري في دمنا لو سكنا (كاب الجداد) أو لاهاي
|
Post: #8
Title: Re: هل المنبر يعترف بتقبل الاخر
Author: nour tawir
Date: 04-19-2013, 04:26 AM
Parent: #7
بلدى يا حبوب..
قبول الآخر أزمة دولة وليس سودانيز او لاين فقط..
مثلا حكومات المركز ترفض الهوامش..
وتتمركز فى سياساتها على الشمال النيلى العربى أفريقى..
أو دولة ال(رآم)التى قامت الانقاذ بتعريفها وتنفيذها(مثال ذلك مثلث حمدى).
ما يحدث فى هذا المنبر هو أنعكاس لما يحدث فى السودان..
ففى المنبر يتم التداخل على أساس الاصحاب وليس الفكرة..
ويتفق معك المتداخلون اذا كنت تحمل نفس أفكارهم..
أما اذا أختلفت معهم فى الرأى فأنت عدو يكيلون لك السباب والشتائم من كل لون.
وفى رأييى فأن السودان سوف لن يستقيم حاله الا بقبول الاخر والتعامل بالندية..
|
Post: #9
Title: Re: هل المنبر يعترف بتقبل الاخر
Author: عبد العزيز محمد عمر
Date: 04-19-2013, 11:08 PM
Parent: #8
| Quote: ما يحدث فى هذا المنبر هو أنعكاس لما يحدث فى السودان.. |
إن لم يكن أسوأ...
|
Post: #10
Title: Re: هل المنبر يعترف بتقبل الاخر
Author: ابراهيم الفاضل
Date: 04-19-2013, 11:47 PM
Parent: #1
الرائع الحبوب / بلدي ياحبوب
انتو الاقدم مننا وادرى بالحاصل بس في حتة انا بتأمل فيها من لما دخلت سودانيز اون لاين قبل 3 شهور..لاحظت انو اعضاء من دفعتى 2013 بفتحو بوستات وبطرحو فيها ارائهم وبتلقي مجرد كونو الشخص ده عضو جديد بيلقي ردود فيها شي من السخرية او الاستهجان وكمثال مثلا ((انت ده موضوع تفتح ليه بوست اسي )) تخيل معاى يا بلدي ياحبوب انو عضو جديد كان بيتابع كل الانت بتكتبو ومعجب بيك اشد الاعجاب ولما وجد فرصة يكون قريب منك يجد منك رد زي ده !! تخيل مدى الصدمة
فيا بعض قدامي محاربي سودانيز اون لاين اتينا هنا لنتعانق معكم فكرا وودا لاننا عرفناكم قبل ان نلتقيكم واحببناكم .
وافر احترامي وتقديري ،،،
|
Post: #11
Title: Re: هل المنبر يعترف بتقبل الاخر
Author: Dawalbait Hamid
Date: 04-20-2013, 11:52 AM
Parent: #10
يا الحبـــوب
والله ما قلت إلا الحقيقة
والسلاح الوحيد ليكون عندك شللية لازم تبدا بالشتيمة والكلام الجارح
وفي ناس الواحد لو كتب بس ( السلام عليكم ) تلقى البوست ما فيه فرقة
وتدخل الصداقات والقرابة والمنطقة والألقــاب وما دام هم متعارفين ومتقاربين
ما يتراسلوا بأي وسيلة تانية ويكتبوا لينا في المنبر ما يفيد خلق الله
حتى موضوعك ده العاملين نفسهم عتاولة ما بجوا جنبه ،هي شللية وبس والله العنصرية والقبلية الفي المنبر ده
ما شفناها مما قمناوأحسن ما في المنبر ( أنك لن تندم عليه إذا تركته) لآنه ناس المنبر دايرين
كلهم يكونوا بمفهوم واحد وشللية فايته الحدود، مافي واحد ما عنده شلة ويكتب وجهة نظره ياكل
شتيمة تلحق الخلفوه بعد أن يتم تصنيفه وفقا لمرئياتهم وكل واحد فيهم عايز يكون راس حربه أوعاك من الدفاع
موضوع هادف لكن ما صادف هواهم
تحياتي يا حبوب
( الله يستر ما تقول : ده منو كمان راكب من وين )!!!
|
Post: #12
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 03:47 PM
Parent: #11
لكل المتداخلين
ليكم السلام والشكر
عزرا لعدم الردود فلقد كنا فى عزاء الراحل المقيم البحيراوى له الرحمه والمقفره
تحياتى
|
Post: #13
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 03:59 PM
Parent: #12
الاخ/ طه
Quote: مرض ربنا يزيله
شللية و استطاف و حدري في الضلمة
غايتو ربنا يسهل |
حدرى فى الضلمة ده تعبير معبر يا حبيننا طه
ولكننا رغم ذلك يجب على الجميع ان نتعامل مع المنبر العام كملك حر لا ايجار
واكييد ستخف هجمة الشللية التى ضيعت بعض المنضويين تحت المنبر فجعلتهم يستعرضون عضلاتهم وهم ما زالوا فى طور البرالمة ومهما كتبوا سيجدون الدعم من شللهم واتمنى ان يفيق هؤلاء فالمنبر منتدى اجتماعى يطوى المسافات ويجعل من السودان عنوان يحكى عن هذا البلد الجميل بمواطنيه لا حكومته
تحياتى
|
Post: #15
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 04:11 PM
Parent: #13
د. نجاة
مشرفه البوست لك كل التحايا وجل السلام
Quote: شخصيا بقيت هنا حتى لا يظن المرضى انهم ممكن يطفشو النساء
بالابتزاز والتعريض والكذب
جزء من برنامجي الخاص في تعزيز دور المرأة السودانية وتشجيعها للمشاركة العامة |
واشهد على ذلك نعم لقد كنت وما زلت تدافعين بقوة الحروف ورصاص الكلام فلك ولبقية العقد الفريد الشكر على ان يكون المنبر عام منبرا من لا منبر له
وامل ان يحذن من انضوين تحت المنبر العام على نفس طريقك لتكن للمراة السودانية دوراكما ذكرته
وانت مدرسة كم نهلنا منها فالتحية لك ولكل من يؤمن وجوده فى المنبر العام مالك حر
تحياتى
|
Post: #14
Title: Re: هل المنبر يعترف بتقبل الاخر
Author: Kabar
Date: 04-22-2013, 04:07 PM
Parent: #12
بلدي يا حبوب..حبابك يا صديق
المنبر يتقبل الأخر..و الدليل العضوية مفتوحة لناس كتيرة و بخلفيات متنوعة..ده من ناحية شكلية..
اما من ناحية موضوعية..فالمحتوى هو الذي يتشكل بطريقة قد توحي بعدم تقبل الأخر..و هنا اهو بتظهر الأشياء التي ذكرتها.. حكاية الشللية و المجموعات..و الأستهتار بالمواضيع الهادفة ..!
في اعتقادي ان أي عضو في المنبر هو مهم.. كل الناس تتساوى في هذه الأهمية..و ان كل عضو لديه ما يقوله..و يجب أن يقوله بكل حرية وشفافية..اما التفاعل..فهذا ليس معيار لعدم جدية المطروح..ولا يجب ان يكون..!
بعض الناس فعلا تركت المنبر..ولا اعتقد انو المشكلة مشكلة تفاعل أو تجاهل..و انما الذات السودانية مرات جواها ديكتاتورية ما بتستحمل الرأي الأخر..و البعض ترك المنبر لظروف خاصة بيهم..!
وزي ما قاعدين نقول طوالي..أي مشكلة و ليها حل..و اذا الناس وصلت لقناعة انو الموضوع محتاج اصلاح.. فيمكن فعل ذلك..والمثابرة و الإستمرار هي اهم ادوات للأصلاح..!
فكرة مشروعية الإختلاف.. حاجة مهمة..و يتخيل لي كل زول عندو دور ممكن يلعبوا في ترسيخ الفكرة كممارسة..!
ناس التنظيمات السياسية فشلوا في ان يلعبوا دورهم الحقيقي و يكونوا قدوة للناس..عشان كده ممكن الناس تتجازوهم..
و لو عاينت بتأمل.. ح تلاقيك الجوطة معظمها جاية من ناس الحركة الشعبية شمال..و حلفائهم في الجبهة الثورية..و ديل بينطبق عليهم فاقد الشئ لا يعطيه.. يعني محصورين في حكاية رزق اليوم باليوم..
بقية الأحزاب ما قادرين يقودوا عملية تعليمية تتعلق بقيم الديموقراطية و حقوق الإنسان...و كل حدهم ادانة شجب..و اثارة عابرة.. لكن خطة مستمرة وواقعية مافي تب..!
المسئولية بتحتم أنو الناس تستمر و تواصل..و اكيد ح تكون هناك نتائج ايجابية على المدى البعيد..
و دمت..
كبر
|
Post: #16
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 04:25 PM
Parent: #14
الاخ/ منير
| Quote: ونحنا كده كسودانيين في الغالب الشللية والقبلية والتمييز جاري في دمنا لو سكنا (كاب الجداد) أو لاهاي |
اتفق معك الشللية هى من سمات الشعب السودانى بصفة عامة ولكن فى المنبر العام اتحرفت عن مسارها الحقيقى فكانت وابل ينكوى به البعض وانا منهم ولكن ايمانا بقناعات كانت السبب فى انضمامى للمنبر سأواصل المشوار طالما فى العمر بقية و سأعمل بفقه المقل (البوست ادناه)
تحياتى
|
Post: #17
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 04:31 PM
Parent: #16
الاخ/ محمود بعد السلام
نعم بوستك اعلاه لعب دورا كبيرا فى مسيرة المنبر وماكتبته من (بوست) تحريكا للمياه الراكده لزوم التغير فى المنبر
تحياتى
|
Post: #18
Title: Re: هل المنبر يعترف بتقبل الاخر
Author: بلدى يا حبوب
Date: 04-22-2013, 04:43 PM
Parent: #17
الاخت / نور
لك السلام
Quote: ففى المنبر يتم التداخل على أساس الاصحاب وليس الفكرة..
ويتفق معك المتداخلون اذا كنت تحمل نفس أفكارهم..
أما اذا أختلفت معهم فى الرأى فأنت عدو يكيلون لك السباب والشتائم من كل لون.
وفى رأييى فأن السودان سوف لن يستقيم حاله الا بقبول الاخر والتعامل بالندية.. |
هى مشكلة كما اسلفت ولكن فى منبر يشهد له الجميع بأنه صوت السودان الحقيقى كان على الاقل ان نكون كاعضوية غدوة فى تقبل الاخر وبذلك يسمو المنبر العام فكم استلهمت منه الكثير من المتغيرات التى غيرت بعض الامقبول ان صح التعبير
تحياتى
|
Post: #19
Title: Re: هل المنبر يعترف بتقبل الاخر
Author: بلدى يا حبوب
Date: 04-23-2013, 02:02 PM
Parent: #18
الاخ/عبد العزيز محمد عمر
| Quote: ما يحدث فى هذا المنبر هو أنعكاس لما يحدث فى السودان.. |
السودان ياهو فى رماده بسبب الحاكمنه لكن المنبر الحر نحن ناسو وهو بيتنا ولازم يتم ترتيبه والمسئولية تقع على عاتقنا ومن هذا المنطلق كان السؤال
متى وقفنا جميعا حتما سيكون ديدننا تقبل الاخر
شكرا للمداخله
تحياتى
|
Post: #20
Title: Re: هل المنبر يعترف بتقبل الاخر
Author: بلدى يا حبوب
Date: 04-23-2013, 02:22 PM
Parent: #19
الاخ/ ابراهيم الفاضل
كل التحايا وجل السلام
Quote: فيا بعض قدامي محاربي سودانيز اون لاين اتينا هنا لنتعانق معكم فكرا وودا لاننا عرفناكم قبل ان نلتقيكم واحببناكم .
وافر احترامي وتقديري ،،، |
احييك على طرحك وقد لامس نقاط مهمة فى عدم تقبل الاخر واعتبرها اكثر كارثة لولا وجود نفر كريم لاطاحت بالمنبر فالحمد الله فى تواصل الاجيال التى دلفت الى المنبر وتسير المنبر الى الامام وقديما كنا نختم بوستاتناوالردود بالقول البوردابى الماثور ....
حوش بكرى ونحن سكانه
ما تجرعته من مرارات خلال تلك السنوات كانت دافعى الاكبر للتواصل والاستمرار وطالما فى بورداب 2013 انت وغيرك حتما سيأتى اليوم الذى اجد فيه الاجابه التى تقول
نعم المنبر العام يتقبل الاخر
ولا انسى وجود بورداب رائعين حتى الثمالة منهم من غادرنا للدار الاخرة لهم الرحمه ومن بقوا احييهم عبر هذه البوست
تحياتى
|
Post: #21
Title: Re: هل المنبر يعترف بتقبل الاخر
Author: محمد المسلمي
Date: 04-23-2013, 02:23 PM
Parent: #19
بلدي ياحبيب وضيوفه سلام
خليها بس مستورة
|
Post: #22
Title: Re: هل المنبر يعترف بتقبل الاخر
Author: بلدى يا حبوب
Date: 04-23-2013, 02:58 PM
Parent: #21
الاخ/ ضو البيت
كثير السلام
QUOTE]\]( الله يستر ما تقول : ده منو كمان راكب من وين )! |
وفعلا بعد قراءة مساهمتك الرائعة اتفق معاك على ما قلت طبعا قصدى مداعبة لا اكثر
احييك قد لامست الحقيقة وفى نفس اللحظة التهنئة على اكتشاف السر الذى يجعلك متواصلا فى البورد
لا اتفق معك فى .... QUOTE]اوأحسن ما في المنبر( أنك لن تندم عليه إذا ت ركته) لآنه ناس المنبر دايرين |