في الطريق إلي لاهاي .. ( محاولات شعريـة )

أحبتي الاعزاء ..


اهدي هذه الكلمات التي " احسبها " رائعة لكم احبتي وشركائي في الهم الوطني لترتقوا بحسكم وذائقتكم الى مستوى المواجهة والانحياز الى اهلنا الغبش المساكين ..
كما اني في انتظار تقييمكم لهذه الـ"محاولة الشعرية " وغيرها من العديد من المحاولات ..


وشكراً لكم احبتي فانتم مني هنا ( )


واي واي واي
وانا المسكين رموني براي
وانا الغلطان بقيت بكاي
واي واي واي
وفي لاهاي وفي لاهاي
وشفت الويل وضقت اذاي
سهرت الليل عرفت شقاي

واي واي واي
الروب الروب
ويا دارفور قلنا الروب
الرجالة تطير لبسنا التوب
الرجالة تطير وقلنا الووب

وليد دارفور قول لعنان
بقينا الليلة زي نسوان
التوبة التوبة يا الحبان
ونحن الليلة ما كيزان

واي واي واي
وفي لاهاي وفي لاهاي
محاكم تش وتش هاي هاي
وناركم تش وتش هاي هاي
احب لاهاي احب لاهاي


شعارنا - إذا اعجبناكم فاخبرونا وأخبروا غيرنا .. وإذا لم نعجبكم فسنعجكم ولا على كيفكم هذا عهد علينا

أيها الكوز حيدر الزين ..
سارق القصيدة وجاي تتفسح بيها هنا!!


الويل + تبا لكـ!!

Quote: أيها الكوز حيدر الزين .. سارق القصيدة وجاي تتفسح بيها هنا!!

اسمع يا ود الصائم ايها الرمادي ..
انت ###### و###### هناي @#and..% ^### والا شنو؟!
شوف يازول والله انا الناس #### وكمان معاك #### الخال والاسمو ###3 بتاع هناي

فيا اما تثبت كلامك او اعتذار منك ما عاوز ايها الامنجي بتاع الجهاد الالكتروني

وشكرا..

هع هع هع هع ..
إت قايل نفسكـ وين يا معلم!!


في هذا البورض .. بورض من لا بورض له ..
تتهم الزول وتخليهو يجيب الإثبات كمان!!
أي نعم ..
والله صحي
وأيــم الله كلامي دا جد!!

أها وكان اتعثّرت الحالة اتجرجر معاكـ لمن تجي الأرشــفة

آمممال إيه!!

لك التحية احي وصديقي الشاعر حيدر انقابو
اطربتنا بهذه الشعر الجميل .. لك التحية

الابن حافظ الزين..
جزيت خيراً وزوجت بكراً ..

ربنا اعطاني هذه الموهبة الشعرية لماذا؟
مش عشان ابدع بيها واستنهض همم الناس وعزتهم واعيد للوطن قيمه..
وطيب يآخ !!

انا عارف نفسي شاعر مفوه وانسان سياسي بارع وانا اساسا في نفسي شخص رائع وجميل وواثق واي حاجة..
بالله ما تشكرني اكتر من كدة رجاءاً عشان ما يصيبني الغرور..

تحياتي

Quote: في هذا البورض .. بورض من لا بورض له .. تتهم الزول وتخليهو يجيب الإثبات كمان!!

عارف .. يكفيك تقول انه الزول دا كوز بس.. بعد كدة مسوغ ليك تتهمو بأي اتهام حتى ولو قلت فيهو انه .........
وكمان لو زدتها بانه امنجي .. ممكن عاادي تقول انه كان بيلبس بنطلون رمادي وقميص ابيض وزل في البورد دا يقول ليك كضاب مافي
ولا سيد الحوش زاتو ما يسألك خاصة اذا تميتها " نياصة " وغني مظلوم ظلومات تاريخية ..
يآخي من محن هذا المكان إذا رفعت شعار انك مناضل وساعي لإسقاط النظام أو الاسلام " هم سيان بفهم البعض بالمناسبة " زول حايتهمك ساكت مافي
والبيتهمك الله قال بي قولو ..

هسع شوف جنس اتهامك لي بالسرقة دا رغم انك لم تبرز دليل ولا اثبات .. بس ساكت قرشت ملحتي الناس اتكالبوا علي في " نصي الشعري " الرائع هذا كيف

شعرية دي عندها علاقة بالصوف .. ول الشعيرية ست اللسم
















-------

بت الكــــلب الشعيرية .. المرة الجاية ان شاء الله يلايقوك
القال ليك امشي منو حلة ناس حيدر انقابو ديل؟

حبيبنا حيدر

سلامات ياخي

Quote: ممكن عاادي تقول انه كان بيلبس بنطلون رمادي وقميص ابيض وزل في البورد دا يقول ليك كضاب مافي

ياخي لقيتك حااااامض.

حبيبنا الشييخ سيد احمد كيفك واخبارك ..

Quote: ياخي لقيتك حااااامض.

يآخي حامض انا والا شيخ العوض المسلمي :

ارفعوا اقلامكم عن المناضل الاخ هشام هباني

يمين بالله حاج العوض دا ما فضل ليهو من طيبتو الا باكر يفتح بوست يقولوا فيهو ما تلعنوا ابليس..
ويقول ليك آآآي والله ابليس غلط واتكبر واخذتو العزة بالاثم ومصيرو النار وربنا لعنو واي حاجة لكن دا ما مبرر اننا نعاديهو و يطالبنا باسم الانسانية نفتش العذر لابليس يمكن كان مزنوق في حاجة..

صدقني ممكن .. يآخي اذا مسيلمة الكذاب في ناس احتجت انه بيقولوا عليهو كذاب ليه في شئ باقي لك تاني مستغرب..


تحياتي

Quote: شعرية دي عندها علاقة بالصوف ..

نعم .. اوليس تُصنع من الأصوافِ انكسةٌ ؟؟
ومن " الانكسة " تخرج المفردات ؟!
و نحن بدورنا نصنع من هذه المفردات نصوص شعرية .. لتلتقي الشعرية والاصواف بالرابط العجيب بموجب قوانين اسبيستون*..

وأسمع مني التقاء الشعر بالانكسة في مفرداتي :

و تخرج المفردة في زمن اليأس بلا( نكس)!
نص شعري ..

حينما يصير الوضع في الوطن في اقصي حالات البعص!
والناس تلاط صباحا ونهارا بقوانين الجلاد( ##########)!
والحاكم يصفعنا ..يبعصنا..يرصعنا ولا احديوقظه القرص
وكلاب الحكم تبول علي الوطن والناس لا تابه الا للرقص
والدين في حد السيف والسيف والنطع جاهزة ايضا للقص
لكل من يشمخ مختالا يرفضهم من داخل اسوار النص!
حينها مفردتي لا بد ان تخرج عاريةمن ذاك ( النكس)!
تشمخ عريانة تمارس رقصتها في هذا الطقس
وترفض ان نبقي ارضا لسنابك خيل الجلاد للعفص
وتنعت فرعون العريان بعورته وتقول يا هذا( اليخس)!
يا هذا التيس المخصي يا هذا المخلوق البخس
لتفيق الناس الخوافة وتخرج من هذا الحال الياس!
ويعود الحق منتصرا في زمن اورثنا الرعب والنحس
ويعود الوطن للوطن منتشيا في هذا الجو العرس
والكل فرح جزلان نشوان شماخ مرفوع الراس
لا ذل اخر يلحقنا ولا ظلم لا ضيم يجتاح النفس
حينها لا بد ان ترجع مفردتي في زهو ثانية(للنكس)!
وان عدتم عدنا يا انتم لنعيد عليكم حصصا من ذات الدرس!




ـــــــــــــــــــــــ..
* اسبيستون يمكنك ان تجدها على القمر نايل سات عندما يتعارض مدار الجدي مع موسم الامطار في تكساس..

صديقي حيدروف لك التحيات بطعم القرنفل
كن بخير دائما وأغشي معاك الجزارة اشتري كيلو كبدة وربطة نعناع.
شكرا لك ولايك أوي فقد صنعت يومي .

Quote: اسمع يا ود الصائم ايها الرمادي .. انت ###### و###### هناي @#and..% ^### والا شنو؟! شوف يازول والله انا الناس #### وكمان معاك #### الخال والاسمو ###3 بتاع هناي

من زمان عندو فيهو شك إنه كما قلت تماما.

طلع كوز بالله يا ود الصائم

أي نعم يا وضاحة .. طلع كوز!!
لكن كمان أفضل من الكـوز المندس!!

هلا مرحبتين حباب ام مؤيد ..

Quote: النبي فيك كان ما سجلت في أمير الشعراء الاخيرة دي بتعمل ماتش مع القصيده العسماء بتاعت صحبك وحبيب ألبك ..

عيييييك يا المضيعة .. صاحب شنو كمان البعمل معاهو ماطش

انا شاعر من فحول شعراء العصر الحديث.. والله صحي

لو شاركت بشارك في " ملك ملوك الشعراء* " بهذه القصيدة التي تعبر عن - فحولتي الشعرية - وتوريك اني وحدي لا شبيه لي :

سلامات سلامات الى حبيبنا الفحل ود أبرق!!

حبابك ألف يا فحل طيورالدنيا والسودان
ودأبرق حبيبنا يا طيرا عظيم الشان
أهلين بيك عزيزا في امريكا يا الخمجان
أهلين بيك لوتري وأهلين بيك لاجئا حردان
أهلين بيك طاشي وهاجي بالبلدان
ما الوجع والله حاصل عم الناس والحيوان
والحال انكسروهنت يا بلد حبيبنا يا سودان
ياك زاتك ما بغباني صوتك الرنان
وما بغباني لونك زي حمرة امدرمان
وما بغباني فعلك وانت طيرا في الطيورفنان
وات طيرا صريح ما بتتدارى بين اغصان
مدرس عديل في حيشانا بالمجان
مرة دروس صباح مرة دروس عصر
في سبلوقة في راكوبة في ديوان
معلم في علما مفيد بخدم الانسان
شفتك امس العصير وانا التعيس غلبان
شفتك ساعة الرزق وانا سايق الكحيان
تكسي السجم تكسي البجم رزقة التعبان
فجأة شفتك هناك راكي فوق اغصان
فوق شدر تكساس مضبلن وماك طير فرحان
متوهط في نص عشوشات نصارى سميحاتا والله زي رمان
طويراتا سميحاتا فيهن غنج ألوان
لكنك ما كأنك زي ود ابرق الفرحان
ود ابرق الفحل المأصل من زمان وزمان
وما أظنك قايم بواجبك زي زمان ياman
انت يا المفضوح
انت يا المسنوح
زي ما قالت حبوبتنا بت حمدان
قليل ادبا شديد لا بتحترم ناس بيتنا لا ضيفان
وعمرك ما كت طيرحزين خجلان
شنو الحكاية؟؟

رغم انك في بلدالترف تريان
ولياقة زي البمب وماك زول تعبان
وماك محتاج لصاجة في القيزان
ومحمي بقانون بلد يان
وعايش عيشة الشبعان
شنو الحكاية يا سجيمان؟
ماقايم بالسنة يا الرمدان
فوق عشوشات امريكا ياكحيان؟


ومالك يا أخوي حزين مهموم؟
دحين جاك خبر هناك من شدر خرتوم؟
من يوم الطيارة السجم وكتلت وليد كلتوم
والناس كتلت بعض والحكومة ضاربة النوم
مع حالة النفس الصبح مكتوم
وحالة البلد محكومة بأم دلدوم
والحكم مقسوم والنفط مقسوم
واللبع اقسام والختف اقسام والبلد مظلوم
والشعب خارج القوس ميت عديل مرحوم
أوعى تكون الزرازير ما لاقية عيشة اليوم؟
طبعا ما الحدية الليلة ست القوم
تختف من هنا وتختف هناك رزقة المعدوم
وات واقف شقي ومحروم
وأبو السعن الكان مرطب قالوا اغترب مظلوم
لا لاقي الجراد لا قعوي بس قالوا صايم صوم
والسمبر قالوا رافض الجية للخرتوم
بدور الامان والامن في البلد معدوم
وام قيردون الحاجة حالفة بالقيوم
ما بتجينا حتى القيامة تقوم
حتى الرهو الكان بجينا زمان
حلف ما يجينا فت يوم
وخايف من غابة فيها قدل بعشوم
وحتى النمل قالوا هاجر يغتي عرضو
من حكومة دايرة تسوي الشعب النملة بالمعلوم
عشان كده النمل قررسفر بالكوم
وهاجر لبلاد الله وماهو ملوم

بالله كلمنا كيفن جيت بلاد اليانكي يا مهموم
اظنك جيت باللوتاري يا موهوم
زي ناسا حظهم ضرب معلوم
هجروا الوطن بالقرعة ياملخوم
أهو عايشين كان كضب كان صح
عبيدا في بلاد اليانكي وساكنين مية فيbedroom

أوعى تكون جيت لاجئا مقهور؟؟
ضارب الشتات بي خاترا مكسور
تارك الوطن وقاطع وراك بحور
طردوك الكلاب من حقك المسطور
لكن ما شفناك يا الاخو في قطرنا الشاقي بالعتمور
ولا في الخلق الطاشة بالبابور
والكل راضي بالمقدور
وقاصدين العشم في بلاد الطور
وتاركين الوطن للحاكم الطرطور

وما شفناك كمان في شدر (كاريتاس)*
عند ناس( لمعي ورجائي)* الكلهم احساس
يا حليلهم كتيرارحم كتيرمن ناس ضريح كدباس
بدوك حق الزيارة بذوق رقيق حساس
فيها حق العلاج وفيها حق الملاح
والباقي حق الباص والفضل للكاس
في صفا طويل فيهو البشر اكداس
شي من صومال و من سودان ومن مكناس

وما شفناك هناك في (السكاكيني)*
كنيسة سمحة ليها اجراس
شايل زيتك وشايل الصابون وايضاالاعداس
وكمان علب اناناس
ومرة ماشي الحصة وشايل الكراس
وما شفناك معانا فوق (شهاب)*
والامم الواقفة بالاكداس
قدام عمارة ماكنة ومحروسة بالحراس
زي يوم الحشر واقفين عيونا فوق للراس
يوم تاخد الرجيكشن اخير منك قرد نسناس
ده ما خبرا صعيب وجعو ما بنقاس
بس استانف مرة تانية وانده جدك العباس
ويوم تاخد اللجوء انت سيد الناس؟؟
دربك مرق للجنة و هاك ياقعدة وغني ياترباس؟؟
مبروك اللجوء اخر زمن ياناس؟؟
مبروك عليك كمان تنداس؟؟
تنداس في نار المنافي عبدا فاقد الاحساس
تف يا زمن فطاس
اولاد عزة آخر زمن ننداس؟؟

وما شفناك يوم الحليفة الحار
وات قاصد السفر لبلاد اليانكي والدولار
ابصم على كلاما دقاق تبدو فيهو اسرار
قطع شك حلفت انك ما كت شعوعي يسار؟؟
لا بتعرف ديالكتيك ولا بطيخ ولا ثوار
ولا طبقية لا منشور ولا مشوار
وشنو كانت( كيسك)* يا زرزورنا يا مغوار
قطع شك ضربوك ناس ابو الرقيع رموك في النار
لصوص الدين والتجار
عبيد الجاه والدولار
قالوا عليك فاسقا وسيد الفجار
زاني بن زاني ود ابرق المكار
وتشهد عليك الدنيا انك زير وسيد الازيار


قطع شك ودوك بيوت اشباح
وكانت كشة فيها سلاح
وادوك كفا تاح ترح تاح تاح
وقلت الروب وحي يا ووب ويا فتاح
وما كان معاك عقد نكاح
وحقك في نص المصايب راح
وعشوشة قالوا زانية وفاجرة
دقوها وكسروا فيها جناح
وشهد عليها تيس الحاجة بت تمساح
وهو تيسا زاني ليل وصباح
نازل طالع وهاك يا مراح


ان شاء الله كلمتهم يا الحبيب
ناس ضحايا الضرب والتعذيب
وسمعوا القصة بالترتيب
عن حالتك و عشوشة وحالة الترهيب
وحالة البلد العايش حالة التغريب
حالة امي وحالة امك وحكم الغيب
حالة الناس العملت قرش بالعيب
حالة الناس السارقة وعايشة في الترطيب
همباتة الحكم القعد بالضرب والترغيب
نهابة الرزق بالختف والتهريب
ماالزول السمح في بلدو خلوهو امسى غريب
اقوم من نومو هابش الجيب
اطلع من فجر وارجع بعد الشمش ما تغيب
اباطو والنجم وعطية ليهو حبيب
والقفة ترجع فاضية
ولسة الدولة هي الفاضية
ولسة هات جيب هات جيب




طيب مالك يا اخوي ما رفعت سلاح
اظنك ضارب الشدر مرتاح
يا مهمش ما الحكاية عايزة تتاح تاح تاح
تخش الغابة والادغال
معاك طيور معاك افيال
وتاخد حقك كان غلط او صاح
المهم بندق فوق مطالب فوق وبكرة انت الصاح

والمجتمع الدولي ياهوكلام الطير في الباقير
سيرسل لجنة للتحقيق شان ترفع التقرير
ستثبت ان هناك ريحة طير
وبالتأكيد هناك حدث تطهير
ومات الطير والزرزور
شنو الفرق بينك وبين بشر دارفور
ما كلكم ضحايا الحاكم الطرطور

وليه ما شفناك هناك في شدر هايكوتة؟*
لا عندك فصيل ولا قوات هناك مختوتة
ليه مولانا ما اداك عضوية من الكوتة؟؟
ما ديك الاسود والحلاليف داخلة جوة الزيطة
اخير ليك كاتل براك دي قصة تبدو عبيطة
شوف حال الجماعة احذر المرميطة
غشوهم عديل لاقسمة لا برتيتة

في الختام يا صاحبي ليك القومة
اهلين بيك كتير وفرفش وفكها الطرومة
شوف عشوشات النصارى
وارفع راسنا في المعلومة
ما هن بنات حور الطيور السمحة
واقدل في جنتك قيدومة
وبكرة نرجع للبلد
ويرجع خريفها نحومها
ويشلع بريق القبلي فيها
وتولع في سماها نجومها
واسمك فوق يا بلد
ريدتنا ليك مقسومة
وبنجيك بالعديل والزين
وابشري الليلة يا فطومة
واركز يا جنا وعلي راسك ميضنة
نحن اولاد بلد امالنا فيك محسومة
ما بننفزر هناك ساعة القومة
وما بننكسر يا خوي يا ادومة
بكرة بنولع صباحاتنا
بنار قلوبنا وتاكلي نارك يا حكومة
والحساب بيناتنا جاي
والله لو طرتوا السما
لا سلام لا نيفاشا تشفع
ولا ابوجا والجلسات بتنفع
وشدي حيلك يا حكومة
وشدي حيلك يا حكومة




شفتي المعلقة دي كيف.. ملك ملوك والا ما ملك ؟؟!


هوامش - لغير الناطقين بها -

كاريتاس: هي منظمة قبطية مصرية تعمل مع الامم المتحدة ترعى شئون اللاجئين من خدمات اعاشية وصحية
لمعي ورجائي : الاول هو الدكتورباسم لمعي عشم الله طبيب بذات المنظمة القبطية وهو انسان بمعنى الكلمة يعرفه كل اللاجئين بالقاهرة في فترة 1999م
اما الاخ رجائي هو موظف طيب بذات المنظمة ارتبط اسمه بيوم صرف المنحة المقدمة من الامم المتحدة عبر منظمة كاريتاس حيث كان ينادي على الناس في الطابوربأسمائهم يوم ( الصرف).
شهاب: هو اسم الشارع الشهير الذي تقع فيه المفوضيةالسامية لشئون اللاجئين بالقاهرة
السكاكيني: هي الكنيسة المشهورة بالعباسية بالقاهرة التي كانت تقدم خدمات مشهودة لكل اللاجئين مسيحيين ومسلمين.
هايكوتة : هي ارض سودانية حدودية مع الجارة ارتريا حيث كانت معقل معسكرات المعارضة السودانية.

Quote: انا شاعر من فحول شعراء العصر الحديث.. والله صحي

بل قل انا شاعر من فحول شعراء العصر الجاهلي الحديث..
والله صحي























-------

حيدر احسن تعترف براك
سارق (النصوص) الرائعة دي من وين!؟

وضاحة ..

Quote: طلع كوز بالله يا ود الصائم

جننتينا بالإتجاه الإتجاه..
اها ان شاء الله عرفتي خط الحركة ماشي على وين

عموماً يا ستي " نحنُ " الشعراء لا نُصنف .. " نحنُ الشعراء " فوق التصنيف وفوق التخندق والتنميط والربط بحزمة واحدة.. نحنُ تتكلم عنا كلماتنا وأشعارنا التي نكتبها بدمائنا..
نحنُ فوق البشر .. وخطابنا يتجاوز البشر ويسمو ليخاطب الأرواح العُلا ..يسمق الى ملكوات الاعالي ليُناجي الاطياف .. وهذا شئ للأسف لا تدركه مقدراتكم يا بني البشر المخلوقين من طين..
وكيف لمن خُلق من طينٍ يفهم كلمات النور .. نحنُ الشعراء نكرس خطابنا للملائكة مثل جبريل ... اقرأيني هنا عساك تسمو بروحك وتفهمي ماذا أقول يا هذه ..!!
ولا عزاء لأهل الطين ..

حــوار مع مــلاك الـوحـي جبـريـل

بالله ربي يا ملاك الرب قل لي
اين انت يا جبريل
يا ملاك الوحي
ايها الملك الجميل
انت يا روحنا القدسي
ايهاالنور النبيل
ندرك ان محمدا كان اخر الانبياء
وندرك انقطاع الوحي من قبة السماء
وان كبش اسماعيل كان اخر الفداء
وحقا يسوع سياتي في نفخة النداء

ولكن هاهو فرعون من تحت اليم عاد
والدم الكوشي الاحمر قد ملأ الوهاد
فمات موسى وعمنا الفساد
وفي بلادي جاهلية جهلاء واوغاد
قوم لوط وايضا ثمود وعاد
قتلونا بافنة الظلام وسطوة النجاد
وابو جهل في بلادي يقتل العباد
والعنسي* يتبعه الدهماء في البلاد
بالله قل لي
أما سمعت ايها الملك الرؤوم
كيف ذبحونا من الحلقوم للحلقوم
فرعون وال(.........)ون في الخرطوم
واضحت الخرطوم هي (سيدوم)*
والدم الكوشي الحر قد سال في التخوم
لم نعرف في حياتنااللجوء يا قيوم يا قيوم
الا عندما اتانا من باعوا الله
والله يعلم افنة الضليل والمأزوم
ويستجيب ايضا لدعوة المظلوم

بالله قل لي اين كنت يا جبريل
ساعة الذبح والموت الثقيل
ذبحونا ونحن من حمي مصر
في الزمن العليل
حين كان تهراقا
يزود عنها بالسيف الصقيل
وال(.........)ون في الخرطوم
اعطوا فرعون حلايب
مهرا لقتلنا وذبحونا يا جبريل
ومتنا ونحن نستجدي غوثا من سماء
وشاخصة ابصارنا لربنا الجليل
في انتظار كبشه الجميل
ولم تتنزل علينا بكبشك يا جبريل
لتفدينا كما فديت اسماعيل
ابن ابراهيم ذلك الخليل
ولم تنعم علينا حتي بديك او(عتود او سخيل)
او اي شيء من هذا القبيل
لتفدي ملوال وهارون واوشيك
في مذبح فرعون ذلك المسخ العليل

ام انهم يا جبريل ليسوا ببشر؟؟
ومنظرهم ابدا لا يسر؟؟
وما خلقوا من طين معتبر؟؟
مثل بقية الاوادم وملة البشر؟؟
ولهذا تبرر التخذيل؟؟

ولكن سيشهدون امام ربنا القدير
انك انحزت لعصبة التضليل والتزوير
هناك في الخرطوم ثغرنا الكسير
وانك انحزت لزمرة الفساد والتشطير
من باعوا الدين والخراء في موطني الكبير
ونحن في زمان نحتاج لمنقذ
يجبر الكسور ويصلح المسير
بل نحتاج الف جبريل والف رسول
وملايين كباش لتفدي شعبنا الكبير
من جاهلية الخرطوم وظلمها الخطير

ولكن ثق ايها الملك الجميل
يا حبيبنا جبريل
اننا شعب تمرس في مهنة النضال
رغم دعوة التخذيل
فصبرنا طويل طويل طويل
وبأسنا نبيل نبيل نبيل
برأينا السديد
وعزمنا العنيد
ونصرنا اكيد أكيد اكيد
وليس مستحيل
وليس مستحيل
وليس مستحيل



وشكرا لي ان صنعت يومك بأشعاري ويوم القراء ..

حبيبنا طلحة.. مراحب ومحبة يا عظيم..

Quote: من زمان عندو فيهو شك إنه كما قلت تماما.

واكتر من كدة كمان

هذا الرمادي ذبحنا ،، ذبحنا ...!

اشعــر ليك فيهو قصيدة عصماء من " عيون " الشعر الحر والا اخليهو على كدة

Quote: سارق (النصوص) الرائعة دي من وين!؟

يا هذا ..!! أنا لا أسرق ولكن اتجمل.. بل اتسول ..
اتسول المعني والقافية والنضيد ..
اتسول الموقف والقصيد..
اقول ويحي اأقف بثبات..
وهل الثبات الا صوت نشيد ؟!

النشيدُ يجري في دمي كما العروق..
اتنسم لحنه كلما اتعاطي " النشوق "..
ابصق السفة وأدردم محلها الحروف..
وحينما تخرج بصقتي ممثقلة بالنشوق..
تاتيني انت لتقول لي شعرك مسروق..

الا تباً لك ثم تباً يا وغد..
تقتلون الابداع داخلي وتنظرون للغد..
يا غدُ لا تاتي ..!
يا غدُ لا تاتي ..!
يا غدُ لا تأتي ..!
فقد مات الابداع داخلي واصبحتُ اُهاتي..
اصبحت اهاتي..
اتي
تي
تي
يي
ي
ي
.
.
.

Quote: اشعــر ليك فيهو قصيدة عصماء من " عيون " الشعر الحر والا اخليهو على كدة

والله يا سابقاً ساااي دافن موهبتك
انت قايل الفاكنا فينا ديل فايتنك كتير ..
بس هم مااااا بتلفتو كتير





























----------

والمثل السري الضهراوي -حيث لا حماما هناك- بقول:

البتلفت كتير .. ماااا بسلح قريب

يازول اطلق العنان للقريض والنظم الحر ..
المافي شنو
لمن يعصرك نص كدا ماااا تتلفت كتير
بتبيع في غُريبة انت؟


نشوف آخرتا
ما اظنو يكون أخر مما نقرأ ..
والله بعض الاشعار شاعرها لو لبس ليو بامبرز في راسو ساعة عصرو النص .. اخير من نظمها في رسين اليتامى الهنا ديل!!

الرحمة برضك حلوة .. اما اليتيم فلا تقهر ياخي

Quote: لمن يعصرك نص كدا ماااا تتلفت كتير

ههههههههههههههههههههههههههه
يآخي انت " بتشم " نصوصي دي والا شنو

هسع دي الصباح دا بس مسكت الفرشة وقلت احسن اول اعمل " الكاكا " وانا قاعد كدة شعرت انه بقي على البقي على القرد من اللالوب

وبعصِر.. وبعصِر .. وبعصِر . كدة ما بين آآآآآي وآآآآآآيييا وآآآآآي آآآه آآي..
لقيت ليك النص دا نزل تلقائياً ما تعبت فيهو بمجهود غير تضخيــم حروف المد وإظهارها عملاً بمبدأ ( واما بنعمة ربك فحدث ) ..
شفت كيف .. وهذا هو النص السلاحي الجميل مُظهراً ومضمخاً .. :



وشوف يا عمر الجزمة يا وروار يا بكاااي
نحن ماعيال( الجلبي) ولا عيال ( كرزاااي)
نحن شعب اكتوبر شعب ابريل ماهو عميل
شعب اصيل شعب نبيل
شعب عنيد رياح هببااااي
في رمشة عين نشيل الطاغية
لاباااي باااي ولا اسفاااي
شعب ابريل استاندبااااااااي!
وما بنرجااااك لي لاهااااااي
واخااااف انك تجرى براك لي لاهاااااي
ما الزول محروق الفؤاد
ما بفش غباينو حكم لاهاااي
وما بنفش الا لمن اشوفك يا هناااي
معلق زي خروف تكورك وضارب اللالاي
و تسوي في الوااي واااي
واخاف نشوفك برااك جاااري لي لاهااااي
ماالثورة جاية وحصان ابريل اصيل جرااي
حصان ابريل اصيل جرااي
وبكرة براااك بتجرى لي لاهاااي
ااااااي
ااااي
ااي
اي
يي
ي




ـــــــــــــــــــ
آآآح .. آآآآآحيي.. الحمد لله الذي اخرج من الأذى ... دي ىخر مرة اكل فيها لالوب بدون ما اقيسو :)

Quote: ما اظنو يكون أخر مما نقرأ ..

طبعاً لا .. وأكيد لا ..!
انا بجمع " حالياً " في نصوصي الابداعيـة لوضعها في اطار او بين دفتي كتاب اطلق عليه - مجازاً ديواناً .. ( والديوان كما تعلم مصطلح يفيد التقييد وانا شاعر حر ممنطلق لا احب التقيد )
لذلك ابحث عن مفردة جديدة في فضاء الادب والابداع تحل بديلاً لما اصطلح " الأقدمون " بتسميته ديواناً .. سيما وان الاقدمون اناس لهم عصرهم وقوانينه وادبياته ونحن لنا عصر ارحب
سادت فيه حركة انتقال وانتشار واكتساح ادبية جديدة دخلت فيها الانكسة والجزم والواااااايات والابداعات منحلات تؤهلها بجدارة حتى تحتوى من ضمن منظومتها منظومة إحداث " الكاكا "
في صباح عشاء مثقل بالكوارع والفسيخ والشطوط .. وغن كان يدور بخلدي ان خروج المفردة من النكس يؤهلها لتكون عنوان لهذا الانتاج طور التحضير ..
مفردات خارجة من النكس اممممممم
امممممم
استحسنه كعنوان مبتذل بحداثة وإبداع ليتصدر افق انتاجي الشعري ..

Quote: وانا شاعر حر ممنطلق لا احب التقيد ) لذلك ابحث عن مفردة جديدة في فضاء الادب والابداع تحل بديلاً لما اصطلح " الأقدمون " بتسميته ديواناً .. سيما وان الاقدمون اناس لهم عصرهم وقوانينه وادبياته ونحن لنا عصر ارحب

وانت السادئ العصر الجاهلي الحديث دا شدة ما هرررر .. حتى بقى سائل عديل كدا.. مافي عصرن بقولو عليو كدي!


























------------

Quote: مفردات خارجة من النكس

ياخي دي مدرسة تجريدية باين عورتها

نحن ناس رمزية، واقعية سحرية .. وسوريالية

الخلاء -ممكن تقرا بيت الادب لو كنت مديني- كفضاء سردي ومسرح زمكاني .. في فضاء افتراضي
او عندما تتحول ادوات الاخراج البيولوجية .. لادوات ادخال الكترونية!!