Post: #1
Title: القرضاوي يدعو لجمهورية اسلامية تجمع مصر وليبيا وتونس
Author: محمد عمر الفكي
Date: 04-17-2013, 06:40 AM
Quote: المسيرة _ تونس :
دعا الداعية الاسلامية ‘ يوسف القرضاوي ‘ الى قيام”جمهوية ديمقراطية اسلامية يكون مركزها وقيادتها في قطر ” وحض على تحقيق شكل من أشكال الوحدة بين من وصفهم ب”المؤمنين الثوريين ” في ليبيا وتونس ومصر ‘وأعرب عن فرحته لمقتل الزعيم المخلوع معمر القذافي ‘الذي قال انه زعم لنفسه قدرا من الألوهية” وتوقع نهاية قريبة ومماثلة للرئيس السوري ‘بشار الأسد . |
ونحن فاطنا مالك؟ دي عنصرية دي ولا شنو؟ نحن اقدم من الناس دي كلها
الكلام دا ما صاح منك 
|
Post: #2
Title: Re: القرضاوي يدعو لجمهورية اسلامية تجمع مصر وليبيا وتونس
Author: شمس الدين ساتى
Date: 04-17-2013, 07:17 AM
Parent: #1
Quote:
ونحن فاطنا مالك؟ دي عنصرية دي ولا شنو؟ نحن اقدم من الناس دي كلها
الكلام دا ما صاح منك |
عاد إنتو عادنكم من العرب ولا من المسلمين ذاتو
تعرف يا ود الفكى الراجل دا بيكون قرا لبريمة البتحكحك فى العرب وإغتاظ منه
علشان كدا ما جاب سيرتنا......
|
Post: #3
Title: Re: القرضاوي يدعو لجمهورية اسلامية تجمع مصر وليبيا وتونس
Author: محمد عمر الفكي
Date: 04-17-2013, 07:32 AM
Parent: #2
طيب يا شمس الدين ما يدخلنا مع ”المؤمنين الثوريين ” وبالعدم مع المؤلفة قلوبهم ولو ما لقى لينا طريقة طب اليحشرنا مع (وفي الرقاب)
اسمع دي قصة حقيقة حكاها لي زول عن صاحب القصة نفسه ومهداة للاخ بريمة
راعي شغال مع سعودي بدوي عجوز، فيوم لما ليك في ولد العجوز وشبكو ليك انا امحمد ود منو ود منو لمن وصله العباس، الولد يا رباً تجيب ابوه راجع من الشغل، الزول جا متأخر وخت العشاء والراعي وولدو معاهو
اول ما بدو ياكلوا الولد قال لابوه
تدري ويش راعينا يقول؟
ايش يقول؟
بقول ان النبي جده وحسب لي اجداده الين العباس عم الرسول
العجوز كان شايل لقمة في ايده وموديها على خشمو، عاين في الراعي والتفت لولده وقال له: اقول، اتعشى 
اها القرضاوي قال لك اتعشى يا بريمة
|
Post: #4
Title: Re: القرضاوي يدعو لجمهورية اسلامية تجمع مصر وليبيا وتونس
Author: وليد التلب
Date: 04-17-2013, 07:52 AM
Parent: #3
Quote:
ونحن فاطنا مالك؟ دي عنصرية دي ولا شنو؟ نحن اقدم من الناس دي كلها
الكلام دا ما صاح منك |
عاجبني انا للمارقوت
ومركزها قطر عشان زوجة امير المؤمنين ( موزة ) تشيلها موزة لحدي تل ابيب براحتها
|
Post: #5
Title: Re: القرضاوي يدعو لجمهورية اسلامية تجمع مصر وليبيا وتونس
Author: محمد عمر الفكي
Date: 04-17-2013, 08:41 AM
Parent: #4
انتوا ناس القرضاوي وموزة ديل لقريب دا ما كانوا اصحابكم؟
انا بكره القرضاوي من يوم عرفتوا ولحدي هسي بكرهوا مش لو اتعلق في اثواب الثورة السورية المباركة
لو اتعلق في استار الكعبة برضو بكرهو
|
Post: #6
Title: Re: القرضاوي يدعو لجمهورية اسلامية تجمع مصر وليبيا وتونس
Author: محمد أبوالعزائم أبوالريش
Date: 04-17-2013, 09:22 AM
Parent: #5
| Quote: دعا الداعية الاسلامية ‘ يوسف القرضاوي ‘ الى قيام”جمهوية ديمقراطية اسلامية |
ديمقراطية وإسلامية؟
طيب ... ولو فرضنا - كممارسة للديمقراطية - صناديق الإقتراع المرة الجاية، جابت حكومة يسارية ....... المسألة بتبقى كيف؟
بالله ما تجلطونا بالقرضاوي ده.
|
Post: #7
Title: Re: القرضاوي يدعو لجمهورية اسلامية تجمع مصر وليبيا وتونس
Author: محمد عمر الفكي
Date: 04-17-2013, 10:03 AM
Parent: #6
| Quote: بالله ما تجلطونا بالقرضاوي ده. |
الواحد عينو في محل الجلطة ويخش براهو ويجي يقول لك ما تجيبو لينا الجلطة
ابو العزائم
اختشي
|
Post: #8
Title: Re: القرضاوي يدعو لجمهورية اسلامية تجمع مصر وليبيا وتونس
Author: محمد احمد النور
Date: 04-18-2013, 05:14 PM
Parent: #7
”جمهورية ديمقراطية اسلامية يكون مركزها وقيادتها في قطر ”
العزيز محمد سلامات
في راي فعلا ده حاصل كل الثورات القامت في تونس ومصر وليبيا دعمت اعلاميا وسياسيا ولوجستيا من قطر والعديد من القيادات الاسلامية و غيرها كانت لاجئة او عملت في قطر منهم صاحب الدعوة والرئيس التونسي المزروقي الذي اتي للسلطة من قطر بعد التحالف مع حزب النهضة ...
فالواقع انها الدول المذكورة تخضع قياداتها بشكل او باخر لقطر وتمول حكوماتها من قطر ...
لكن كويس انو فطونا لاعتبارات كتيرة منها 23 سنة دولة (اسلامية ) فاشلة وتاني فشل ...
نحن جينا خليهم يجو مع العفش ...
لك الود
محمد
|
Post: #9
Title: Re: القرضاوي يدعو لجمهورية اسلامية تجمع مصر وليبيا وتونس
Author: jini
Date: 04-18-2013, 06:59 PM
Parent: #8
ختاها ليهم على بلاطة قيادتها قطر
اخر الزمن مشيخة صحراوية تقود دول حضارتها آلاف السنين
كلام لا يقول به حتى الكاروري
جنى
|
Post: #10
Title: Re: القرضاوي يدعو لجمهورية اسلامية تجمع مصر وليبيا وتونس
Author: Zakaria Joseph
Date: 04-18-2013, 07:14 PM
Parent: #9
وحدة وادى النيل و العلاقات الازلية بين الشعبين و النضمى داك راح ساى... لم اكن على دراية بعنصرية المصريين لاننى لم اعيش فى ديارهم و لكن اهلى حكوا لى بمرارة شديدة عن معناتهم فى مصر. قبل ايام كنت استمع الى نائب برلمانى مصرى من سيناء و كان يتحدث عن ان الكثيرين من سكان سينا ليس لديهم الجنسية المصرية و التى يصعب سكان هذه المنطقة الحصول عليها. "نعم نصوت" و لكن حتى جوازاتنا تكتب محل الجنسية "بدون" و قال لا يمكننا امتلاك شئ الا فى حالة اثبات انو والدينك مصرين و قال ان هذه الاشكالية "القانونية" تعانى منها كذلك سكان حلايب و شلاتين????
|
|