Post: #1
Title: ما يصدر عن السكران اسفيريا هل يؤاخذ به؟
Author: فاروق عثمان
Date: 04-16-2013, 10:11 PM
Parent: #0
السكر ظاهره قديمه,وهي فعل اجتماعي يكاد يكون منتشر في كل بقاع العالم وعلي مستوي معظم المجتمعات
بعضه يكون مزاجيا,والاخر عند الملمات والمناسبات,وبعضه طقوس,والاخر ادمان
ليس هنا لمناقشة حرمته من عدمها وفقا للاديان ولا اضراراه او فوائده
ولكن كثير من الناس حين تداعبه مينيا السكر(السِنه) يمتشق كيبورده
بعضهم يكون لطيفا يكتب نصا شعريا او موضوعا جاذبا
وبعضهم يجلب اغنيات او يشارك بافكار واراء جرئيه وموضوعيه
والبعض الاخر يكون شرسا عدوانيا,حادا وشاتما
|
Post: #2
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-16-2013, 10:15 PM
Parent: #1
والخمر تكشف حُجب اللاوعي كما هو معروف
فكل ما يكون مختزنا في لاوعي احدهم,وحين يصل مرحله ما من الطشمه
يبدأ لا وعيه في التحرك انابة عن وعيه,فيكتب ويناقش ويتونس وفق لاوعيه
|
Post: #4
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-16-2013, 10:22 PM
Parent: #2
وحين يكون احدهم شاتما,او حادا بالضروره يكون فاقدا للتحكم في ما يقول او يفعل وهي اسوأ انواع الطشمه واكثرها خروجا عن العقلانيه
بعضهم يمتلك ثيرموتر جيد لقياس متي يكتب ومتي يتوقف,وبعضهم لا يقرب الكيبورد وهو علي وسن طشمي,وبعضهم لا يقرب الكيبورد الا حين طشمة مجيهه
وهذا الاخير تجده من اكثرهم ندما صباح اليوم التالي,فقد يجد انه اشعل حروبا او اسهم في ايلام اخر,او اتي بفعل قد يدخله في حرج بالغ امام ذاته قبل الاخرين
|
Post: #6
Title: Re: ما يصدر عن السكران اسفيريا هل يؤاخذ به؟
Author: حافظ انقابو
Date: 04-16-2013, 10:27 PM
Parent: #4
برضو الزول لما يكون سكران .. بمرق الجواه بدون ما يراعي لاي شي
ف نصيحة للناس البسننو ..
ابعدو عن الكتابة .. فالسكر يذهب العقل .. والكتابة عقل
اقصد الكتابة الاسفيرة التي تنشر آنياً
|
Post: #3
Title: Re: ما يصدر عن السكران اسفيريا هل يؤاخذ به؟
Author: حافظ انقابو
Date: 04-16-2013, 10:22 PM
Parent: #1
الصديق د. فاروق
في نظري ان السكر حاجة شخصية .. والسكران يتحمل تبعات ما خطت يداه
ولا تبرير أبداً بان يعفو عنه ..
نصيحة لي أيي زول بسنن .. وما بقدر يتحكم في نفسو .. انو يبعد من الكتابة الاسفيرية
لما يكون سكران .. ممكن يحضر كتاباتو وهو سكران ولما يوعى يراجعا وينشرا
شنو ذنب القارئ أنو يتحمل تخريف السكران؟؟
وشنو ذنب الزميل يتشتم من زول سكران؟؟
__________
السكران في ذمة نفسو 
تحياتي يا صديق
|
Post: #5
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-16-2013, 10:26 PM
Parent: #3
أنقابو يا صديقي
كدي خليني افكك الموضوع اول
جيت طاير وفاكي الزراير
امشي اضرب ليك نص غايتو حا تجي تبل ملاسي ده لمن يااامن ههههههههههههه
كيفك يا زول
موضوع الغده ان شاء الله اتحل
|
Post: #7
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-16-2013, 10:39 PM
Parent: #5
قال لي احد اصدقائي في زمان غابر ان هناك فرق بين ا(لبسكر )و(السكير)
فعلي حسب رؤيته ان (البسكر)ر هو اللذي يتعاطي الكحول بوعي ويعرف مقدار تعاطيه واين يقف ولماذا يتعاطي
اما السكير فهو اللذي يشرب دون ان يعرف مقدار وقوفه ولماذا يتعاطي ولا يتحكم في تصرفاته وهو في حالة سكره تلك
وبالرغم من ايماني القاطع ان هذه المساله سلوك شخصي بحت,ليس لاحد ما حق التدخل في اختيارات الاخر,ولكن
ولكن هذه نعود اليها لاحقا
|
Post: #8
Title: Re: ما يصدر عن السكران اسفيريا هل يؤاخذ به؟
Author: يحي قباني
Date: 04-16-2013, 10:52 PM
Parent: #7
| Quote: نصيحة لي أيي زول بسنن |
اخونا انقابو ...
بسنن ... تاخذ معني آخر ...
انت تقصد بسنسن ...
__________________
فاروق يا جميل ...
زمان قلنا ليهم ...
( لا تقربوا الكيبورد و انتم سُكاري ) ...
|
Post: #9
Title: Re: ما يصدر عن السكران اسفيريا هل يؤاخذ به؟
Author: كمال عباس
Date: 04-16-2013, 11:29 PM
Parent: #8
لامات أخ فاروق
نعم يؤخذ به فيما يتعلق بتحمله مسؤلية كتاباته وخصوصا ما يدخل في باب التعدي علي الآخرين والإساءات - والإ إتخذ السكر والغياب عن الوعي مهربا من تحمل المسؤلية ومدخلا لتصفية الحسابات والتجريح! يجب أن تعامل الكتابة - في موقع عام -معاملة قيادة السيارة - لاتقودإنت تحت تأثير -مسكر أومخدر = لاتكتب وإنت تحت تأثير مغيب للوعي ! ** الكتابة تحت وقع مغيبات الوعي تضر بالكاتب وأسرته وتحرجه أمام أصدقائه بل وإمام نفسه- حينما تغيب السكرة وتأتي الفكرة! ** السكر ممارسة خاصة ويجب أن يبقي تأثيره السلبي في دائرة المتعاطي ولايمس الآخرين بحيث يقلل من إحترام المتعاطي ويهز صورته أو يفقد كتابته قيمتها ويضعف فعاليتها ...
|
Post: #10
Title: Re: ما يصدر عن السكران اسفيريا هل يؤاخذ به؟
Author: فتح الرحمن حمودي
Date: 04-16-2013, 11:40 PM
Parent: #9
[انتو بتسيئوا للسكر .. السكران دا ما مجنون]
عبارة لقريبنا الطيار
جزئياً اوافقه .. السكران ما مجنون
ومسئول عن اي تصرف، وفي ذمة نفسو (فغط) لا غير
-------
مرات السكران بكون احسن من الما سكران ذاتو ياخي
يحكى انو في ليلة مديح كان في واحد سكران لط .. يمش ويجي يبشر في المداحين .. وينقط في الكورة ..
يمش ويجي يبشر .. وينقط
وفي واحد درويش، بس قاعد جمب المداحين .. ويبكي ساااي!
لمن جا احد الشباب المنظمين .. عاوز يمرق السكران .. المداح قال ليو:
عليك السكران خليو .. طلع لينا الزول الببكي دا
|
Post: #11
Title: Re: ما يصدر عن السكران اسفيريا هل يؤاخذ به؟
Author: Mohamed alhabib
Date: 04-16-2013, 11:51 PM
Parent: #8
Quote:
انت تقصد بسنسن ... |
بل يسنن يا استاذ قبانى
انه يقصدها .. يسنن
هذه احدى مصطلحات هذا الزمان
يقولون ذهب الي بيت السِنة (بكسر السين)
محتاج ليك ابديت تقيل يا استاذ :)
ـــــــــــــــــــــــــــــــــــــــــــــــــــــــــ
الكتابة تحت تاثير السكر على مسؤولية كاتبها ..
|
Post: #12
Title: Re: ما يصدر عن السكران اسفيريا هل يؤاخذ به؟
Author: Muna Khugali
Date: 04-17-2013, 00:12 AM
Parent: #11
اسه الزول يعرف الزول السكران من القليل ادب بس كيف؟؟
الإتنين مؤذيين!
تحياتي اخي فاروق
|
Post: #13
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-17-2013, 00:58 AM
Parent: #12
هناك مثل سوداني مووغل في الحسيه
شئينا او ابينا يظل مثلا
ان السكر زغاريد شنو كده ما عارف
وهو هنا يستصحب حاله نفسيه تتعلق بفقدان الوعي تماما في حالة السكر العميق
وحاله فسيولوجيه تتعلق بتحريك بنية تفكيرنا كشرقيين بصوره عامه وكسودانيين بصوره خاصهءوفي حالة ربطها بهذا الفضاء الاسفيري
وما يعقب هذا الشئ من من اخطا فعلا واو تلميحا او قولا.........................
|
Post: #14
Title: Re: ما يصدر عن السكران اسفيريا هل يؤاخذ به؟
Author: يحي قباني
Date: 04-17-2013, 02:55 AM
Parent: #13
Quote: بل يسنن يا استاذ قبانى
انه يقصدها .. يسنن
هذه احدى مصطلحات هذا الزمان
يقولون ذهب الي بيت السِنة (بكسر السين)
محتاج ليك ابديت تقيل يا استاذ :)
|
افادكم الله اخونا الحبيب
كنت قايلو قاصد ( يتسنّن ) ... وده موضوع تاني ...
زمنا كانت ( سنسنة ) ...
شكلي برة شبكة ( الدكشنري ) الجديد
حق السودان الوطن الواحد ...!!!
|
Post: #15
Title: Re: ما يصدر عن السكران اسفيريا هل يؤاخذ به؟
Author: حيدر حسن ميرغني
Date: 04-17-2013, 03:53 AM
Parent: #14
نفسي اعرف كيف تعرف ان فلان كتب مداخلة تحت تأثير السكر؟
الدليل شنو؟
في ناس مشهود لهم بعدم تناولهم الكحول ... يكتبوا كلام مايكتبو زول قاعد في كمبو الري ..
بعدين شايف الشغلانة دي بقت ديباجة جاهزة عند البعض
مجرد مايختلفون مع احد ...يوصموه بالسكران او شارب بنقو
اعتقد ده نوع من اغتيال الشخصية اللي بيمارسو نفس الشخص المتهم بالسكر تجاه الاخرين
|
Post: #16
Title: Re: ما يصدر عن السكران اسفيريا هل يؤاخذ به؟
Author: فاروق عثمان
Date: 04-17-2013, 04:22 AM
Parent: #15
Quote:
نفسي اعرف كيف تعرف ان فلان كتب مداخلة تحت تأثير السكر؟
الدليل شنو؟
في ناس مشهود لهم بعدم تناولهم الكحول ... يكتبوا كلام مايكتبو زول قاعد في كمبو الري ..
بعدين شايف الشغلانة دي بقت ديباجة جاهزة عند البعض
مجرد مايختلفون مع احد ...يوصموه بالسكران او شارب بنقو
اعتقد ده نوع من اغتيال الشخصية اللي بيمارسو نفس الشخص المتهم بالسكر تجاه الاخرين |
كدي ارد علي حيضر ده اول نفسو قايم شديد
يا حيدر متين انا قلت عرفت زول بكتب سكران ولا حدتت الشئ ده انا بكتب عن شئ عام ممكن انت انا الاخر او غيرو بعمل الشئ ده
انا بتناول ظاهره عامه,او سلوك متجذر زي ماقلت في الاول
ومتين اغتلت شخصيه زول او غيرو
كدي يامان هدي اللعب شويه واعرفني انا عايز اقول شنو او اصل لي شنو امكن نكون متفقين في خلاصتك بتاعت اغتيال الشخصيه دي
بعدين يامان في البورد في ناس معلنين الشئ ده وممكن اكونو من اميز الناس تفكيرا ووعيا ,وماعندي اي غضاضه او حكم مسبق تجاهم وممكن جدا اكون بحبهم وبحب كتاباتهم
وزي ماقلت في الاول انا ما مؤسسه عقابيه او طارح نفسي مصلح عشان احدد لي اخر اعمل شنو او ما اعمل شنو لكن دي كتابه عامه ممكن تعتبرها عن ظاهره او سلوك متواجد في مجتماعتنا
شئينا او ابينا نظل نحن والبورد جزء من هذا السلوك او المجتمع.
|
Post: #17
Title: Re: ما يصدر عن السكران اسفيريا هل يؤاخذ به؟
Author: تبارك شيخ الدين جبريل
Date: 04-17-2013, 04:37 AM
Parent: #16
يا دكتور عارف الركابي .. انا الليلة جبت الفودكا ...
انا مع مقولة أن السكران في ذمة نفسو ....
(والبيسكر وما يلقى برنامج غير البورد دا؛ فليراجع الفكي!)
... المهم ....
|
Post: #18
Title: Re: ما يصدر عن السكران اسفيريا هل يؤاخذ به؟
Author: Sameer Kuku
Date: 04-17-2013, 07:28 AM
يا حبيبنا فاروق عثمان عشان موضوعك ده يركب عدلو لأنك عنونت موضوعك ب "ما يصدر عن السكران اسفيريا" المفترض في الاول تجاوب بصورة واضحة
على سؤال حيدر الاول و يمكن نصيغ ليك السؤال تاني: كيف تعرف ان المكتوب الاسفيري المعين صادر من شخص ثمل عشان يؤاخذ به او لا يؤاخذ به؟ فلنفترض انو في زول اعلن
هنا قال قاعد يسنِن فكيف تفرز كتابتو و هو "مدور" من كتابتو و هو واعي؟ و لا انت بتفترض انو الزول ده بكون "سكران ديمة"
لمن تجاوب نبقى نناقش!
|
|