Post: #1 Title: Old sudanese photos and videos Author: الامين موسى البشاري Date: 04-16-2013, 00:36 AM Parent: #0
هناك قروب رائع في الفيسبوك بهذا الاسم .. جمع صور جميلة وقديمة عن السودان .. بصراحة الصور تعتبر توثيق لحقب مختلفة من تاريخ السودان .. ولما كان سودانيز أونلاين هو قبلة السودانيين على الانترنت .. فقد رأيت أن انقل الفكرة الى سودانيز اونلاين حفاظاً على هذا الرصيد من الصور .. هنا ستكون بأمان أكثر وهي مرفوعة على سيرفر بكري .. استأذن هؤلاء الشباب وصاحب القروب في نقل الفكرة ... ولي أجر المناولة ولهم الحقوق كاملة ..
Post: #2 Title: Re: Old sudanese photos and videos Author: الامين موسى البشاري Date: 04-16-2013, 00:38 AM Parent: #1
كما ارجو أن يعاونني الزملاء والزميلات والقراء في اثراء البوست .. وذلك باضافة الصور حفاظاً عليها ونشـــراً لها على أكبر نطاق ..
Post: #3 Title: Re: Old sudanese photos and videos Author: Elhadi Date: 04-16-2013, 01:56 AM Parent: #2
سلام يا البشاري
بوليس الحركة في الخرطوم قبل عصر الأوباش
Post: #4 Title: Re: Old sudanese photos and videos Author: الامين موسى البشاري Date: 04-16-2013, 08:02 AM Parent: #3
شكراً يا الهادي على البداية الفعلية للبوست .. لكن دعني اضع الاطر والقواعد العامة لفكرة البوست.. الفكرة الاساسية هي حفظ هذه الصور وعمل مرجعية لها ومن ثم التوثيق .. ومعروف انه لعرض الصور في الانترنت لا بد من رفعها على مركز تحميل .. معظم مراكز التحميل تحتفظ بالصورة المرفوعة فيها لمدد محددة ثم تقوم بحذفها لتفريع المساحة .. ولذلك لابد من رفع هذه الصور في مركز تحميل سودانيزأونلاين ولا اعتقد ان بكري سيقوم بحذفها .. وذلك لأنها تعتبر تاريخ وارث للسودان والسودانيين من بعدنا .. وعشان كده يجب علينا اتباع الخطوات التالية :
1. لو وجدت صورة في الانترنت احفظها اولاً في جهازك. 2.قم بتحميل الصورة في مركز تحميل سودانيز اونلاين مركز تحميل سودانيزاونلاين 3. انسخ رابط الصورة بعد اكتمال عملية الرفع وضعه في المشاركة. 4. كتابة نبذه قصيرة عن الصورة (مكان الصورة ، تاريخها ، محتوى الصورة كأسماء الاشخاص او الاماكن ، .... الخ الخ) 5.ما يستجد من أمور ..
Post: #5 Title: Re: Old sudanese photos and videos Author: الامين موسى البشاري Date: 04-16-2013, 08:16 AM Parent: #4
بالنسبة للفيديوهات يمكن رفعها على موقع اليوتيوب مثلاً فهو موقع ثابت .. وما عارف بكري عنده قناة في اليوتيوب ولا لا؟ يا ريس ياخ الفيديوهات المجدعة دي والتي تقوم انت شخصياً .. وكذلك التي يقوم برفعها الاعضاء تستحق أن يعمل لها قناة خاصة لحصرها ومتابعتها في مكان واحد .. وما اظن قناة في اليوتيوب بتغلبك يا ريس .. أو بالعدم يا ريس ركب ليك اسكربت جاهز كمركز تحميل للفيديوهات ياخ ..
عموما حاليا يمكن استخدام اليوتيوب لغاية ما نشوف آخر الريس شنو؟
شرح تحميل الصور والفيديوهات موجود في بوست المهارات التقنية ..
Post: #6 Title: Re: Old sudanese photos and videos Author: د.يوسف محمد طاهر Date: 04-16-2013, 08:21 AM Parent: #4
سلام يا الأمين يا دفعة طبعاً بوستيك جميل زي كل بوستاتك . الصفحة دي أنا برضو مرت علي في الفيس وعجبتني جداً وحلو إنك توثق ليها في سودانيز أون لاين .
بعدين يا دفعة شنو يا أخي معلق ليك في بوستين ما بترد علي ..... صدقني داير إتونس معاك .......
كلمني حاول حس بي ....
Post: #7 Title: Re: Old sudanese photos and videos Author: محمد شيخ الدين ابراهيم Date: 04-16-2013, 09:25 AM Parent: #6
الامين البشاري
تحية طيبة
Quote: كما ارجو أن يعاونني الزملاء والزميلات والقراء في اثراء البوست .. وذلك باضافة الصور حفاظاً عليها ونشـــراً لها على أكبر نطاق .
بوست جميل ومعاك ان شاء اللة
ودة فيديو بة صور السودان القديمة من اليوتيوب
Post: #9 Title: Re: Old sudanese photos and videos Author: محمد بابكر محمد Date: 04-16-2013, 09:37 AM Parent: #7
الاخ الامين سلامات بوست مهم جداً وجميل معك ان شاء الله حضوراً بالمشاركة بالتوفيق يا صفوة
Post: #10 Title: Re: Old sudanese photos and videos Author: الامين موسى البشاري Date: 04-16-2013, 10:11 AM Parent: #6
Quote: بعدين يا دفعة شنو يا أخي معلق ليك في بوستين ما بترد علي ..... صدقني داير إتونس معاك .......
الزول السمح د. يوسف
تحياتي ،، معليش ياخ أخوك الزمن مقصر معاهو شديد .. وتقدر تقول شغلتنا اموالنا واهلونا وكفيلنا .. براك شايف الكفيل بقى مهم قدر شنو ياخ وعشان كده كل زول يعمل حساب كفيله ..
كن بخير
Post: #8 Title: Re: Old sudanese photos and videos Author: عوض جاه الرسول Date: 04-16-2013, 09:33 AM Parent: #1
Quote: Old sudanese photos and videos
يا سلام ياخي امبارح أنا مساهر اتصفح في الصور الجميلة دي وفعلاً يا الامين موسى البشاري مجهود جبار من الأخوة في القروب ويلا جاهزين وطالما أخدتا العفو منهم "
Post: #11 Title: Re: Old sudanese photos and videos Author: د.يوسف محمد طاهر Date: 04-16-2013, 10:39 AM Parent: #8
سلام مجدداً يا ود البشاري
Quote: براك شايف الكفيل بقى مهم قدر شنو ياخ وعشان كده كل زول يعمل حساب كفيله ..
يا زول والله بشاغل فيك ساكت .... أنا القدامك ده جاتني فترة سنة ونص ما فتحت النيت خلي سودانيز أون لاين ..... إن أكل العيش أهم من النيت لو كنتم تعلمون .... ................................... يعطيك العافية
Post: #12 Title: Re: Old sudanese photos and videos Author: عبد الواحد أبراهيم Date: 04-16-2013, 06:28 PM Parent: #11
الامين موسى البشاري
عاطر التحايا لك
الصورة لسائقى القطارات بمدينة عطبرة سنة 1966م
والتقطت باستديو الرشيد - عطبرة
الثانى من على اليمين وفى الصف الاوسط والدى / أبراهيم محمد احمد عليه الرحمة
الثالث من على الشمال فى الصف الثالث وقوفاً عم / بدوى الحلفاوى ، اطال الله بقاؤه ، واسرته تقطن حى خليوة الشهير بمدينة عطبرة.
الثانى من على الشمال جلوساً عم / القاضى ويسكن الامتداد الشمالى وهو والدة السر القاضى وكمال والباقر والفاتح(بلبة)
وهاشم ، له الرحمة والمغفرة.
يلا اجتهدوا فى البقية.
الصورة الاصلية وجدتها ضمن مقتنيات والدى بعد 25 عاماً من رحيله له الرحمة والمغفرة.
Post: #13 Title: Re: Old sudanese photos and videos Author: احمد سيد احمد Date: 04-16-2013, 07:52 PM Parent: #11
السلام عليكم اخونا الشاري
فكرة جميلة
بس الامر الذى لا يقل اهمية عن الصور هو بعض التعليقات التى كُتبت عنها ...لانو في معلومات مهمة شديد من ناس عاصروا تلك الاحداث
