Post: #1
Title: الخرطوم محتاجة أحزمة شجرية...
Author: سيف اليزل برعي البدوي
Date: 04-15-2013, 06:46 PM
كل الصور من هنالك ..من عاصمة الوطن الحبيب توضح كمية الغبار العالقة في الجو...
مباني وشوارع و زحمة ...غايتو كبسيبة عجيبة
هل ازداد الوطن غباشا وغبارا...أم تغير شوفنا للأشياء؟؟؟
|
Post: #2
Title: Re: الخرطوم محتاجة أحزمة شجرية...
Author: سيف اليزل برعي البدوي
Date: 04-15-2013, 08:32 PM
Parent: #1
ناس المحليات مفروض برضو يجتهدوا في التشجير الداخلي
ممكن يشتروا فناطيس موية برضو في المناطق الفيها مشاكل موية
|
Post: #3
Title: Re: الخرطوم محتاجة أحزمة شجرية...
Author: سيف اليزل سعد عمر
Date: 04-15-2013, 08:54 PM
Parent: #2
اخونا سيف اليزل
الخرطوم المحتاجة ليهو كتييير عشان يحلنا من الكبسيبة الشايفة دي
والموضوع أساسا ما صعب وما بحتاج لتكنولوجيا عالية
اما موضوع الاحزمة والخدرة والأشجار والقضايا بتاعة البيئة دى شكلها أبدا ما أولوية الحكومة المحلية فى الخرطوم
وحتى المواطن العادي موضوع الشدر ده ما شغال بيه لانه بيزيد فاتورة الموية عليهو
عشان كده لون الخرطوم زي الزول العندو ايرقان
|
Post: #4
Title: Re: الخرطوم محتاجة أحزمة شجرية...
Author: سيف اليزل برعي البدوي
Date: 04-15-2013, 09:42 PM
Parent: #3
سميي سيف اليزل سلام عميق وشكرا لمداخلتك القيمة
دوما أشاهد صور وفيديوهات من خرطوم الفيل التي ناءت بحملها وتمطت وتمددت الي ما لا نهاية
عايزين الناس المؤهلين والعقول تجتهد وتبدا في الحلول فورا خصوصا مع بوادر الاستقرار الحالية وبدء ضخ النفط
عايزين بنية تحتية منها المجاري فورا
الكيزان يحكموننا ...اللهم لا اعتراض في حكمك...وقفنا مع البلد وليس معهم مافي ذلك شك
الناس ديل شايفننا صابرين لكن تحت الرماد وميض نار
اذا ما اشتغلوا بجد في فرصتهم الاخيرة هذه فسنقطعهم باسناننا بلا شك
الجماهير العريضة تعرف حقوقها جيدا ...ولا ولن تجاملهم بعد صبر 24 عاما
والقومة ليك يا وطني
مودتي
سيف
|
Post: #5
Title: Re: الخرطوم محتاجة أحزمة شجرية...
Author: ابراهيم الفاضل
Date: 04-15-2013, 10:44 PM
Parent: #1
أ. سيف اليزل دي بلدنا وبنحب نشوفها في انضر وابهي صورة والله بوستك ده مهم شديد واظن ظاهرة الغبشة والغبار العالق في الجو لفتت انتباه اى زول خصوصا وانت بتعاين من الطيارة وهى داخلة العاصمة الخرطوم
المشكلة يا رب من الجو واللا المشكلة فعلا تشجير واللا مشكلة شوارع غير مرصوفة .
الوطن ما ازداد غباشا الوطن ازداد حزن ووجع وقنع من خيرا فينا .
كل ودي يا انسان
|
Post: #6
Title: Re: الخرطوم محتاجة أحزمة شجرية...
Author: سيف اليزل سعد عمر
Date: 04-15-2013, 11:28 PM
Parent: #5
اخونا سيف اليزل
عندى صورة بحاول ارفعا ليك هنا. والصورة لمحاولة تشجير شارع الوادي من تقاطع شارع الأبراج الواحة وحتى مدخل كبري الحلفاية
يعنى مهزلة ومضحكة ومأكله
|
Post: #7
Title: Re: الخرطوم محتاجة أحزمة شجرية...
Author: سيف اليزل برعي البدوي
Date: 04-19-2013, 06:10 PM
Parent: #6
ازرع شجرة ترُدّ لك الجميل ، تُطعمك من ثمارها ، وتمُدّك بسبعة ليترات أكسجين يوميًّا ، أو على الأقلّ تظلّلك وتجمّل حياتك بخَضارها ، وتدعو أغصانها الوارفة العصافير ، لتُزقزق في حديقتك . تأتي بإنسان وتزرعه في تربتك... فيقتلعك أوّل ما يقوى عوده ، يتمدّدُ ويُعربش يسرق ماءك كي ينمو أسرع منك .
تستيقظ ذات صباح وإذ به أخذ مكانك ، وأولَم لأعداءك من سِلال فاكهتك ، ودعى الذئاب لتنهشك وتغتابك . كيف لا ينخرط المرء في حزب الشجر ؟ - احلام مستغانمي
http://hekam.mamalk.com/?id=1296
|
Post: #8
Title: Re: الخرطوم محتاجة أحزمة شجرية...
Author: مدثر صديق
Date: 04-20-2013, 07:25 AM
Parent: #7
موضوع مهم شديد ........
في موضوع مزعلني جدا عند مدخل كبري النيل الازرق من جهة بحري تم وضع براميل و زرعت فيها شجيرات بطريقة المدارس الابتدائية زمان .......!!!!
!!!!
|
|