********** امانى ابراهيم **********

********** امانى ابراهيم **********


04-14-2013, 03:14 PM


  » http://sudaneseonline.com/cgi-bin/sdb/2bb.cgi?seq=msg&board=430&msg=1365948851&rn=0


Post: #1
Title: ********** امانى ابراهيم **********
Author: moaz elsir
Date: 04-14-2013, 03:14 PM



في بنات الجيل بشوف حسنك فريد
فيك قوام زي الغصن وكتين يميد
والجمال الفاتن الفات الحدود
ربنا يغطيه من عين الحسود
والله خايف في مشيتك يسحروك
بسحروك يا السمحة لو شافو الخدود
ولا شافوا الأعين المكحوله سود

خوفي بس ياسمحه ماتصيبك عيون
بسحروك في البسمه لو شافو السنون
والسمار الباقي ليك ياحلوه لون
والدلال والروقه والنغمه الحنون
ياشبيه الحور بخاف مايسحروك
بسحروك يا السمحه لو شافو الخدود
ولا شافوا الاعين المكحوله سود

العجيب كل البنات منك تغير
شافن الجسم اللطيف زي الحرير
والغزال حاسدك عشان فيكي الضمير
والهلال من نور جبينك يستعير
بسحروك الناس عشان ما بشبهوك
بسحروك يا السمحة لو شافو الخدود
ولا شافوا الأعين المكحوله سود

Post: #2
Title: Re: ********** امانى ابراهيم **********
Author: abas
Date: 04-14-2013, 04:21 PM
Parent: #1

البنت غنايه شديييد


وزي ما قالو جماعة لجنة التحكيم ماشه بي خطي ثابته للنجوميه وبتعرف تغني وتختار الاغاني


وزي ما قال صبري الحبيب هل سوف نشهد نجم غد مره اخري من رفاعه

Post: #4
Title: Re: ********** امانى ابراهيم **********
Author: moaz elsir
Date: 04-22-2013, 04:13 PM
Parent: #2

شكرا عباس

بجد البت صوت غير عادي وكان مافى محسوبية ومجاملة مفروض تكون الاولي .

|= تظهر قدراته الصوتية فى نهاية اغني بسحروك لما تردد المقطع الفيهو: ""ولا شافوا الأعين المكحوله سود""

|= وفى اغنية تعيش انتلما تردد المقطع الفيهو "" اي كلام تقولو حلو""

Post: #3
Title: Re: ********** امانى ابراهيم **********
Author: moaz elsir
Date: 04-22-2013, 03:25 PM
Parent: #1



تعيش انت ...

تعيش انت ويدوم خيرك

تعيش ما الدنيا مصيرك

لو جارت عليك ايامك

تعال لي عيونا بتشيلك

ولما الليل يروق يحلى

تجي النسمه وتضم شتله

نساهر الليل نلاقيها

شايلا سواد عيون طفله

كلامك لما تتكلم

نتوه نسرح بعيد نحلم

وا تلقانا ما بنتقدر

نجيب الروح علشان نتلم

اي كلام تقولو حلو

منو البسمع كلام بدلو

تكون دي رساله للعاشقين

لي ناس لسا ما سألو

Post: #5
Title: Re: ********** امانى ابراهيم **********
Author: moaz elsir
Date: 04-23-2013, 02:44 PM
Parent: #1



من ارض المحنة ومن قلب الجزيرة
برسل للمسافر اشواقي الكثيرة

من ارض المحنه
من قلب الجزيرة
برسل لي المسافر
اشواقي الكتيرة
قول لي يا حبيبي
شن بعمل وراكا
انا احلم وامل
في سرعه لقاك
ولا اسيبا مدني
واجي اسكن حداكا
قول لي يا حبيبي
انا حيران معاكا
يا حليل الليالي الحلوات بي غرامك
ايام بالاشارة كنت ترد سلامك
ياما عيوني كانت تسهر من كلامك
من ارض المحنة من قلب الجزيرة
برسل للمسافر اشواقي الكثيرة