Post: #1
Title: بيان إعلان إنشقاق من القوات المسلحة السودانية
Author: BousH
Date: 04-13-2013, 09:37 PM
Parent: #0
بسم الله الرحمن الرحيم
بيان الانشقاق من قوات المسلحة السودانية
انا رامي ادم عبدالرحيم ابوريشة من مواليد ولاية جنوب دارفور محلية قريضة عام 1985م البطاقة العسكرية برقم 21018 رتبة نقيب وتاريخ الانضمام 4/5/2008م والوحدات التي عملت فيها
1-الفرقة 16 مشاة جنوب دارفور نيالا
2- اللواء 64 مشاة جنوب دارفور برام
3- قائد حامية منطقة دفاك
4- قائد سرية الم . د
5- رئيس شعبة الادارة والامداد
6- تم نقل لفرقة السابعة الحرس الجمهوري
ايمانا مني بقضية دارفور واهلي في الاقليم بما يعانون من الظلم والقتل والدمار والتشريد المتعمد وعدم وجود المساواة بين مكونات السودانية المختلفة ان كانت اثنية او عرقية وعدم مقدرتي في تحقيق المطالب التي التزمنا بها امام اهلنا وشعبنا في دارفور وعموم السودان والاعتماد الحكومة السودان على المليشيات من قوات الاحتياطي المركزي وابوطيرة وجهاز الامن والمخابرات و لقوات المسلحة السودانية فقد المهنية والمصداقية إستنادا إلي المسؤولية التاريخية و الأخلاقية الملقاة علي عاتقنا تجاه حقوق و إستحقاقات شعبنا في دارفور، و في ظل تحديات سياسية و إجتماعية و إنسانية معقدة يمر بها عموم السودان و شعبنا في دارفور و ثورة المقاومة المسلحة على وجه الخصوص من جراء عوامل داخلية و خارجية فضلا عن تكتيات الحكومة السودانية المستمرة حيال معالجة أزمات الدولة السياسية و الإقتصادية و الثقافية و الإجتماعية في دارفور و السودان عامة نعلن البيان الانشقاقي ومع كل الرفاقي من القوات المسلحة السوانية وانضمامنا الي ثورة الهامش
عنهم
رامي ادم عبدالرحيم ابو ريشة
الاراضي المحررة بتاريخ 13/4/2013م
|
Post: #2
Title: Re: بيان إعلان إنشقاق من القوات المسلحة السودانية
Author: محمد علي عثمان
Date: 04-14-2013, 02:02 AM
Parent: #1
راجل والله
تتمني مزيد من انشقاق الشرفا
|
Post: #3
Title: Re: بيان إعلان إنشقاق من القوات المسلحة السودانية
Author: محمد المسلمي
Date: 04-14-2013, 04:21 AM
Parent: #2
الدفعة كم وتاريخ التخرج من الكلية الحربية
المسالة ما بطاقة وبيان ساهي
-----------
أظنه من الكوادر بتاع الحركات المسلحة دخل الجيش في كوتة بعد المصالحة
إذا صح الخبر
|
Post: #4
Title: Re: بيان إعلان إنشقاق من القوات المسلحة السودانية
Author: أحمد ابن عوف
Date: 04-14-2013, 07:06 AM
Parent: #3
نتمنى ان حدث انشقاق آخر ان يعاد صياغة هذه البيانات
فماذا يعني سعادة النقيب بـ "شعبنا في دارفور"؟؟؟
هو ضابط في القوات المسلحة السودانية، فيجب ان يكون الحديث عن فشل
المؤسسة العسكرية في الالتزام بواجباتها تجاه كل الشعب السوداني وليس شعب دارفور فقط
عموما نقدر له موقفه وان لا يكون اداة في يد المؤسسة الكيزانية الشيطانية في تقتيل الشعب السوداني
|
Post: #5
Title: Re: بيان إعلان إنشقاق من القوات المسلحة السودانية
Author: omer osman
Date: 04-14-2013, 07:34 AM
Parent: #4
| Quote: انا رامي ادم عبدالرحيم ابوريشة من مواليد ولاية جنوب دارفور محلية قريضة عام 1985م البطاقة العسكرية برقم 21018 رتبة نقيب وتاريخ الانضمام 4/5/2008م |
حسب لائحة الترقيات المعدلة والمعمول بها منذ عدة سنوات لو نطط ما ممكن يبقي (نقيب) تلاتة دبابير في الفترة من (مايو 2008م الى ابريل 2013م)
من (ملازم) بي دبورة الى (ملازم أول) دبورتين دي براها دايرة ليها 4 سنوات !!!
|
Post: #6
Title: Re: بيان إعلان إنشقاق من القوات المسلحة السودانية
Author: زول ساكت
Date: 04-14-2013, 07:39 AM
Parent: #5
Quote: حسب لائحة الترقيات المعدلة والمعمول بها منذ عدة سنوات لو نطط ما ممكن يبقي (نقيب) تلاتة دبابير في الفترة من (مايو 2008م الى ابريل 2013م)
من (ملازم) بي دبورة الى (ملازم أول) دبورتين دي براها دايرة ليها 4 سنوات !!! |
مع العلم ان تاريخ الانضمام يعني تاريخ الالتحاق بالكلية وليس التخرج
|
Post: #9
Title: Re: بيان إعلان إنشقاق من القوات المسلحة السودانية
Author: omer osman
Date: 04-14-2013, 07:50 AM
Parent: #6
| Quote: مش امكن فنى يا جنابو ؟؟؟ كدا برضو ما ممكن ؟ لانو فعلا ملاحظتك لو صحت بتكذب الخبر كلو |
ما ممكن يكون (فني) لانو الزول ده حسب السيرة الذاتية بتاعتو زول مشاة عديييييل
Quote: -الفرقة 16 مشاة جنوب دارفور نيالا
2- اللواء 64 مشاة جنوب دارفور برام
3- قائد حامية منطقة دفاك
4- قائد سرية الم . د
5- رئيس شعبة الادارة والامداد
6- تم نقل لفرقة السابعة الحرس الجمهوري |
..........................................................................
احكي ليك نكتة بمناسبة (فني) دي
واحدة مشي اتقدم لي واحدة ابوها سأله اها يا ابني انت شغال شنو ؟
بي قلب قوووي قال ليهو شغال (فني) تكييف ...
ماشاء الله ده شغل كويس ربنا يوفقك يا ابني ...........
انقري العريس طلع شغال شنو بالجد ؟
طلع عندو محل (سعوط /عماري) 
|
Post: #12
Title: Re: بيان إعلان إنشقاق من القوات المسلحة السودانية
Author: عبدالكريم أحمد الامين
Date: 04-14-2013, 08:23 AM
Parent: #9
Quote: احكي ليك نكتة بمناسبة (فني) دي
واحدة مشي اتقدم لي واحدة ابوها سأله اها يا ابني انت شغال شنو ؟
بي قلب قوووي قال ليهو شغال (فني) تكييف ...
ماشاء الله ده شغل كويس ربنا يوفقك يا ابني ...........
انقري العريس طلع شغال شنو بالجد ؟
طلع عندو محل (سعوط /عماري)[/B] |
** ابو عبدالرحمن..
** صباحك خير..
## أديك واحده قريبه للفوق دى:- واحد مشا إتقدم لواحده ابوها كان شغال فى الدفاع فى أبوظبى ورجع السودان ,, وقدم نفسو بإنو مُلازم نجار فى قوة دفاع أبوظبى ..
** ابو البت ضحك وقال ليهو :- والله لو بقيت سيدنا نوح مايدوك مُلازم ,, إتوكل شوف ربك ماعندى بنات للعرس..
## مافى إى إحتمال الزووول دا يكون نقيب نجار ..
(ودام الود بيننا)
|
Post: #13
Title: Re: بيان إعلان إنشقاق من القوات المسلحة السودانية
Author: omer osman
Date: 04-14-2013, 08:29 AM
Parent: #12
Quote: ## أديك واحده قريبه للفوق دى:- واحد مشا إتقدم لواحده ابوها كان شغال فى الدفاع فى أبوظبى ورجع السودان ,, وقدم نفسو بإنو مُلازم نجار فى قوة دفاع أبوظبى ..
** ابو البت ضحك وقال ليهو :- والله لو بقيت سيدنا نوح مايدوك مُلازم ,, إتوكل شوف ربك ماعندى بنات للعرس..
## مافى إى إحتمال الزووول دا يكون نقيب نجار .. |
هههههههههههههههههههههههه
هههههههههههههههههههه
موبالغة يامولانا
|
Post: #11
Title: Re: بيان إعلان إنشقاق من القوات المسلحة السودانية
Author: omer osman
Date: 04-14-2013, 08:11 AM
Parent: #6
| Quote: مع العلم ان تاريخ الانضمام يعني تاريخ الالتحاق بالكلية وليس التخرج |
يفترض ذلك !!
لكن كمان لو حسبناها ليهو كده الزول ده معناها دخل الكلية الحربية وعمره 23 سنة !!!!!! وده كلام اصلو ما منطقي !!!!
فهو من مواليد 1985م في 2008م بكون عمر 23 سنة !!!!!!!!
|
Post: #7
Title: Re: بيان إعلان إنشقاق من القوات المسلحة السودانية
Author: مهدي صلاح
Date: 04-14-2013, 07:41 AM
Parent: #5
نواة لجيش حر
|
Post: #8
Title: Re: بيان إعلان إنشقاق من القوات المسلحة السودانية
Author: سرالختم عباس
Date: 04-14-2013, 07:42 AM
Parent: #5
موش ممكن يكون من الجامعيين البيتخرجوا بي دبورتين ديل
|
Post: #10
Title: Re: بيان إعلان إنشقاق من القوات المسلحة السودانية
Author: حيدر حسن ميرغني
Date: 04-14-2013, 07:56 AM
الاخ احمد الهادي من الفيس بوك
Quote: النقيب أعلاه غالبا من قوات حرس الحدود، أفراد تم إستيعابهم بتوازنات قبلية و بناء على توصيات أهلية، قابلت نقيبا منهم في 2011 وتقريبا كان تم إستيعابه قبلها ب 4 سنوات.
من الممكن أن تكون رتبته في التعيين تبدأ من نقيب أو من ملازم أول على أقل تقدير
مثل هذه النماذج متوفرة بدارفور بكثرة، إستيعاب تدريب لمدة 6 أشهر، وبعدها ملازم أول أو نقيب
ما يحدث في دارفور لا علاقة له لا بالمنطق و لا بالعقل |
--
يادينا مالك بقيتي شغالة من وراء حجاب!!
|
Post: #14
Title: Re: بيان إعلان إنشقاق من القوات المسلحة السودانية
Author: garjah
Date: 04-14-2013, 09:03 AM
Parent: #10
Quote: و شعبنا في دارفور و ثورة المقاومة المسلحة على وجه الخصوص من جراء عوامل داخلية و خارجية فضلا عن تكتيات الحكومة السودانية المستمرة حيال معالجة أزمات الدولة السياسية و الإقتصادية و الثقافية و الإجتماعية في دارفور و السودان عامة نعلن البيان الانشقاقي ومع كل الرفاقي من القوات المسلحة السوانية وانضمامنا الي ثورة الهامش
عنهم
|
بدون تعليق
|
|