|
استفسار يا ناس الخرطوم
|
ازيكم .. دايرة لي خشب باركية بتاع أرضيات .. أسعاره كيف والقى لي زول بتاع تركيب كويس وين ؟ لو في طريقة لوضع عنوان او ويب سايت يكون تمام .
|
|
|
|
|
|
|
|
Re: استفسار يا ناس الخرطوم (Re: رشا سالم)
|
Quote: لوضع عنوان او ويب سايت يكون تمام |
ما حصل قابلنى موقع سودانى يفيد وممكن تتفرج فى بضائعه وتختار وتشترى ...
حتى مواقع السفارات السودانية تخشها وما تفهم اى حاجه حتى ان الموقع تجده لم يحدث من سنوات طويله ...
الله يكون فى عوننا
| |
|
|
|
|
|
|
Re: استفسار يا ناس الخرطوم (Re: عماد ساتي)
|
Quote: ما حصل قابلنى موقع سودانى يفيد وممكن تتفرج فى بضائعه وتختار وتشترى ... |
والله يا عماد ما قلت إلا الحق الدنيا كلها بتظبط الويب سايت قبل اللافتة بتاعت المحل ونحنا لسه موغلين في المحلية..
| |
|
|
|
|
|
|
Re: استفسار يا ناس الخرطوم (Re: رشا سالم)
|
نصيحة يا رشا : خليكي في الاصلي - فرنسي ، بلجيكي ، الماني ...الخ عشان ما تندمي ! 600 الف غالي جدا جدا للمتر الواحد !!! ما عندي فكرة عن الاسعار في السودان !
| |
|
|
|
|
|
|
Re: استفسار يا ناس الخرطوم (Re: رشا سالم)
|
تحياتي يا دكتورة السعر ده مبالغ فيه وحرمنة عديل كدة والاتراك ديل شكلهم لاقين السوق كاشف وشغالين سرقة في الناس في السعودية خشب الارضيات الباركيه ومن خامات جيدة ومع ضمان خمس سنوات واجور التركيب 40 ريال ويمكن ان يقل في حالة الكميات الكبيرة يعني بسعر السوق الاسود ما بيفوت 70 جنيه للمتر المربع لو انت بره السودان اشتري واشحني اكيد حيكون ارخص واي فني سيراميك سيكون لديه المهارة الكافية لتركيبه
| |
|
|
|
|
|
|
Re: استفسار يا ناس الخرطوم (Re: محمد إبراهيم علي)
|
الأخت رشا تحية طيبة ما تطلبين متوفر بكثرة فى حى رأس الشيطان جنوب قرية ( الجخيس ) الواقعة غرب الحارة " 100 " بكررى .. بالتحديد سوق خمسة دقائق .. فنيون على مستوى عالى .. أسعار تجنن العالم أو رشا .. العيب الوحيد أن المنطقة تفتقر الى الكهرباء والمواصلات ... والزمن المتاح للتسوق ليس أكثر من اسم السوق ... يلا عليهم غادى .. لا تنسِ أن تشكرونى اذا وفقك الله . استدراك : بعدما كتبت المداخلة تذكرت بأننى أسكن كررى وطلب الاستفسار خاص بناس الخرطوم .. أرجو قبول هذه المساهمة من باب الثقافة العامة فقط .
| |
|
|
|
|
|
|
Re: استفسار يا ناس الخرطوم (Re: omer osman)
|
يا جنابو.. المهارة الكافية دي ما بتتلقي .. دي توفيق رباني :) عندنا واحد جارنا بيشتغل سباكة.. وما بيعرف فيها التكتح.. عمل لينا قبل كده مواسير..لما تخسر واحدة بنضطر نفك بلاط البيت كلو عشان نصلحها ههههههه
| |
|
|
|
|
|
|
Re: استفسار يا ناس الخرطوم (Re: محمد إبراهيم علي)
|
يا محمد .. كيفنك ؟ انا السعودية كنت فيها وشحنت لي حاجات كتيرة منها.. لكن الجماعة نظرو لي قالو الخشب ما بينفع في السودان وشنو ما تعرف عشان الخريف والرطوبة.. وحاتك هسه قاعدة في مكان المطرة دي متحمدانا كل يومين لا بتفرز صيف لا بتفرز شتاء.. والبيت كله خشب جميييييل الحبة ما جاتو. غايتو إلا أكلف واحد من إخواني يشتريهو لي لو السعر طلع عجيب كدا في السودان.
| |
|
|
|
|
|
|
Re: استفسار يا ناس الخرطوم (Re: رشا سالم)
|
Quote: ازيكم .. دايرة لي خشب باركية بتاع أرضيات .. أسعاره كيف والقى لي زول بتاع تركيب كويس وين ؟ لو في طريقة لوضع عنوان او ويب سايت يكون تمام .
|
يا رشا أخبارك والعيال والأهل ؟
ينفع سويدي ؟
قومـي لِفّـي
| |
|
|
|
|
|
|
Re: استفسار يا ناس الخرطوم (Re: لؤى)
|
غايتو يا رشا من اسبوع كدا عندى صاحبن لى اكان جعيص ولا بيتجاعص ماعارف المهم كنا فى جولة تسعيرية داير يشترى حاجة يجلد بيها حوائط مكتبو وحسب نصيحة الديزاينر كانت( خشب باركيه) المهم لقينا السعر ياهو ال 600 دى ثم تحول صديقى للسؤال عن البدائل وكان ال MDF لنلقى السعر 450 للمتر الواحد للأسف فى النهاية كان سؤالنا ايهما افضل الجزيرة ولا جوتن غايتو كان مابقيتى زي ماقال ملاسى فاتوقع سؤالك القادم عن البورسلان وسالومى ايطالى وما الى ذلك من ارضيات
مجددا لك التحية وبالتوفيق ان شاءالله
| |
|
|
|
|
|
|
Re: استفسار يا ناس الخرطوم (Re: رشا سالم)
|
أختنا العزيزة رشا
والله دخلت هنا بعد شفت الجماعة شتتوا ليك الكورة وقربو يمنعوك من استخدام الباركيه!!
أوعك تسمعي كلامهم ، ومهما كلفك ، ولو القروش قصرن انتظري حبة (اوع من اتم ليك ههههههه) ، لغاية تكملي تمن الباركيه
اجمل ارضيات على الاطلاق
واكثررها ثباتاً في الألوان
وأسهلها تنظيفاً بما لايقارن
النوع الفرنسي هو الأجود وبالمناسبة مقاوم للحريق - يعني لو زول طفأ في سيجارة ، ودا مؤكد- لا تترك أثر مطلقاً وكذلك فحم البخور وغيرها
هو في حد زاتو additional and v. elegant feature
رائع في توليفته مع السسجاد
والاهم الأهم انو ما (سيرميك ) مهما كانت الرجفة ههههههه
سبعين ألف القاليك باشمهندس محمد ابراهيم ياها الاربعين ريَّال ، لو مع التوصيل والتركيب يكون خير وبركة
اهم حاجة الفنين - لو في مصريين - كويس لأنه السودانيين ممكن يكونواشافو قبل كدا يقول ليك بيعرف ، ومن اول يوم الهول بتاعك كلو شغال سسته وتاني يوم طاير
الباركيه ثم الباركيه ثم الباركيه ( اجمل الالوان walnut
شوفي كدا
قصرت معاك؟؟؟
| |
|
|
|
|
|
|
Re: استفسار يا ناس الخرطوم (Re: خالد)
|
يا رشا إنت أسألي من رسوم الشحن والتخليص في السودان وأديني المساحة العايزاها... نقوم أنا وإنت (دا دخول شمال بدون إحم ولا دستور) نتشارك لينا شحنة تكفينا الاتنين...أوصلوا ليك حتي سوبا...بنفس اللون الجابو عبداللطيف بكري دا.. واذا عايزا لون فاتح برضو موجود.....(السيراميك لقيتو تقيل وخليتو)
ومع ذلك لسة ما سألت من اسعارو بي كم.
| |
|
|
|
|
|
|
Re: استفسار يا ناس الخرطوم (Re: زول ساكت)
|
زول ساكت.. الشي دا انا ذاتي مان خابرا .. علا شكرو ولمان شفتو بعيني عجبني تب أبقى زول باركيه ساهي ما بتجيك عوجة.. في الصيف يبرد ليك حشاك وفي الشتاء .. سعيلي الله أخير مية مرة من البلاط البارد داك..
| |
|
|
|
|
|
|
Re: استفسار يا ناس الخرطوم (Re: نادر النور آدم)
|
الاخت دكتورة رشا
بكل المقاييس الباركيه في السودان غالي بصورة تفوق الثلاثة أضعاف سعره,
يمكنك شراء الباركيه من الرياض وشحنه شحنة واحدة بالشاحنات العادية في طبلية من الخشب يجهزها وكيل الشحن البحري مع المواد اللازمة للتركيب من عوازل وغراء وغيره ومن ثم الاستعانة بعمالة محلية لتركيبه بالخرطوم
في الرياض يوجد الالماني وهو من افضل الأنواع ثم الأندونيسسي الممتاز وهو بنصف سعر الألماني ومقارب له في الجودة وأنصحك بمؤسسة (باقر) في شارع التخصصي كما يوجد في ساكو باركيه أندونيسي وصيني
لك التحية
أحمد الشايقي
| |
|
|
|
|
|
|
Re: استفسار يا ناس الخرطوم (Re: أحمد الشايقي)
|
غرناطة بها ولادة بنت المستكفي يا حبشي ولن نفارق ديارا عفصت ارجلها ترابها اخخخخخخ الحبشي انت سمعت النكتة بتاعة (انت وكت بتعرف انجليزي قدر ده المقعدك مع الطير ديل شنو ههههههههههههه)
| |
|
|
|
|
|
|
Re: استفسار يا ناس الخرطوم (Re: عمر الفاروق)
|
مااا اتباربكوها ياجماعة ــ نزار حسين ياعمك نقوووم ونقع ونفتش ليك في كُسار الطوب وقلوبنا معاك نلاقيك طلعتّها في الباركيه وإخترتوا لونو فاتح يسرّ الناظرين كمان أها نجعصّ ليك ولاّ الرأي شنو؟
| |
|
|
|
|
|
|
Re: استفسار يا ناس الخرطوم (Re: أيمن محمود)
|
شكرًا يا باشمهندس على التوضيح.. لكن قشرة دي حركات الناس المقرشين البيغيروا ويبدلو تبع الموضة أمي وصتني قالت لي الزول ألما عنده قروش يصبر لما يقدر يشتري الغالي عشان يعيش معاهو :)
| |
|
|
|
|
|
|
Re: استفسار يا ناس الخرطوم (Re: nazar hussien)
|
يا نزار اخبارك ؟ يا زول انا بعرف موظف في الطيار تبع الشحن،، راجل ما بستفضله عليكم ( يا قولة أمي ) اها ما أظن الموضوع يحتاج كونتينر.. انا عايزة زي 150 متر .. انتي شوف لينا الأسعار في التخصصي وبعد داك ما يصير خاطرك إلا طيب :)
| |
|
|
|
|
|
|
Re: استفسار يا ناس الخرطوم (Re: Hussein Mallasi)
|
Quote: مااا اتباربكوها ياجماعة ــ نزار حسين ياعمك نقوووم ونقع ونفتش ليك في كُسار الطوب وقلوبنا معاك نلاقيك طلعتّها في الباركيه وإخترتوا لونو فاتح يسرّ الناظرين كمان أها نجعصّ ليك ولاّ الرأي شنو؟ |
كسار الطوب كنت عايزو لي المظاهرات ومن عمك نقد الله يرحمو كتب حضرنا ولم نجدكم تاني ما جبت سيرتو؟؟؟
| |
|
|
|
|
|
|
Re: استفسار يا ناس الخرطوم (Re: nazar hussien)
|
Quote: يا نزار اخبارك ؟ يا زول انا بعرف موظف في الطيار تبع الشحن،، راجل ما بستفضله عليكم ( يا قولة أمي ) اها ما أظن الموضوع يحتاج كونتينر.. انا عايزة زي 150 متر .. انتي شوف لينا الأسعار في التخصصي وبعد داك ما يصير خاطرك إلا طيب :) |
المشكلة ما في الشحن يا رشا...المشكلة في الجمارك... ويرموه ليك في سوبا لما تجي تلقي الباركيه باربكيو..
الموظف تبع الشحن دا ما بيفيدنا...فقط المطلوب هو بجمركوه علي اساس شنو... المتر الطولي...القطعة....المساحة وبي كم؟؟؟ عشان كان دخلوا لينا بي حمد نمرق ليهم بي خوجلي..
يا ملاسي ...150 متر مربع ياخ خلي الجعاصة في مكانها
هاك شوف الرابط دا : http://arab-training.com/vb/t24231.html
فيلا نظام قديم على مساحة 150 متر مربع ولكن ما اروعها traditional house
| |
|
|
|
|
|
|
Re: استفسار يا ناس الخرطوم (Re: Hussein Mallasi)
|
Quote: ها قد ذهبت الجعاصة من حيث أتت |
والله يا ملاسي وما طالبني حليفة .. انا مشركة ليك بال 150 متر دي هههههههههه ياخي جيب لينا الأسعار وخلي الغتاتة... دايرين تتجاعصوا براكم في السودان دا ؟
| |
|
|
|
|
|
|
Re: استفسار يا ناس الخرطوم (Re: رشا سالم)
|
Quote: يا نزار ما تشتغل بمكاواة ناس السودان ديل.. دراب وكسار مافي مشكلة كعب البيعرشوا على كدا : |
ههههههههههههههههههههههههههههههههههههههههههههههههههههههههههههههههههه
المشكلة بعد تعبي دا كله...يجي محمد عبيد الصايم يحشر لي ورق بيتي مع ملف فساد... ويدخلوا لي رويال كير ما يطلع كلو كلو ناس الطوب والكسار ديل مكاواتهم ما بشتغل بيها
| |
|
|
|
|
|
|
Re: استفسار يا ناس الخرطوم (Re: nazar hussien)
|
Quote: هههههههه إذا"..ها قد ذهب كُسار الطوب من حيث أتى |
هو كسار الطوب كان أتي كان نقد الله يرحمو كتب عبارته الشهيرة ديك...
كسارة طوباية واحدة ما لقيتا من المنبر دا بي عصام خواضو زمنو الببني في الفلل مع المصري...
| |
|
|
|
|
|
|
|