البشير؛ انا ما قلت الجنوبيين حشرات (and#1700;يديو)

http://m.youtube.com/watch?v=Wc0sVrfExsc

الأسد النتر يضع يده في صدره في صيغة علي الطلاق ثم يبلع كلامه دون أن يرجف له لسان،

ما بلع كلامه يا متوكل
فعلا البشير ما قال المواطن الجنوبي حشرة
ارجع للكلام الأصلي ح تلقى الحشرة دي اطلقها على الحركة الشعبية فقط

والحركة الشعبية دي ما فيها مواطنين جنوبيين ولا شنو يا محمد ؟؟

وإذا كانت الحركة الشعبية "حشرة" كما يقول البشير

فمع من يتعامل البشير اليوم ؟؟ أليست هي نفس الحركة الشعبية الذين وصفهم بالحشرات ؟؟

الأفضل له كان أن يصمت عن الموضوع وما يجيب سيرتو خالص خالص بدلاً عن هذا الهراء ..

وبدلاً عن أن يهبل بي نفسه بهذه الطريقة

وده كلام منوا؟؟؟؟

دا موضوع تاني يا الهادي
موضوع البوست هنا و كلام متوكل انو البشير بلع كلامو
ودا ما حاصل

و الله بلعو لمن إتخنق!

دا أتفه إنسان في العالم

زمان يا محمد البشرى في ازمة الخليج وقت احتل العراق الكويت تم تصنيف السودان ضمن دول الضد الستة موقف السودان كان موقف نظام لماذا اذن تمت معاقبة الشعب السوداني وبقية شعوب دول الضد يعني الحركة الشعبية هي شعب الجنوب زيها وزي شعوب وحكومات الضد في ازمة الخليج

بشبش بلع كلامو وقال الحمدلله وعينه في البترول والصراعات الداخلية في المؤتمر الوطني

Quote: و كلام متوكل انو البشير بلع كلامو ودا ما حاصل

حصل يامحمد البشري ودة الفيديو

يا خوانا كان عايزين تبلعوه كلامو رجالة وغلاط ساي بي عافيتكم
نحنا غايتو العقل الأداه لينا ربّنا عشان نميّز بيه قاعدين نستفيد منو :)

يا أخ محمد البشرى خضر

Quote: نحنا غايتو العقل الأداه لينا ربّنا عشان نميّز بيه قاعدين نستفيد منو

الفيديو الاخير الجابو ليك الأخ محمد شيخ الدين ما أقنعك انو البشير قال الجنوبيين حشرات
ومش بس غيّر اسم الحركة الشعبية للحشرة الشعبية كما قال؟!

.

يا أخ مصطفى مدثر
لا لم يقنعني الفيديو الجابو ابراهيم ان المعنيين بالحشرات هم شعب جنوب السودان
لأنو في الفيديو الجابو عمر مصطفى الدقيقة تقريبا تلاتة و عشرين ثانية قال بالنص " احنا يا جماعة ما عندنا مشكلة مع المواطن الجنوبي"

البشير؛ (دنسوه الخونة، المرتزقة، الحشرات شبر من بلدنا ما بنديو..)الي اخره

سلام الأخ
mutwakil toum

غايتو جنس مصائب
الله يسترنا من الجاي
سلام صاحب البوست وضيوفه

والله يا عمر البشير خجلت ليك لمن اضايرت
ياخى اشعر با الآخرين و أوزن كلامك وخليك
من الهباله البتهبل فيها روحك .
بلغت السبعين من عمرك ولسه ما قادر توزن كلامك
وتشعر با الآخرين .
بقيه الشعب ذنبه شنو؟
مره حشرة شعبية ومرة غرابية وقال شنو؟
قتلى دارفور لو بالغوا ما بفتوا ال 10000 سبحان الله.
ياخى عذبتنا وفتنت أبناء الشعب بهطالتك وكلامك الأجوف
الذى لا يحمل داخله إحساس بالإنسانية .
عيييييب عليك والله

تحياتى أخ متوكل
ونأمل أن يتم الإعتذار لكل ضحايا الإنقاذ مع تقديم
كل من أجرم فى حق الوطن والمواطنيين إلى محاكم عادلة .

wat um zagada

يا جماعة السؤال ما البشير قال شنو ولا ما قال شنو أو قاصد شنو ولا ما قاصد شنو، انحنا كلنا عارفين ماذا كان يقصد البشير بالحشرات في السابق

وجدل أخونا ود البشرى ده لا معنى له على الاطلاق ..

السؤال هو : لماذا قبلت الحركة الشعبية بهذا "التخريج" أو التفسير من عمر البشير ؟؟ كان ممكن يقولوا ليهو حتى تفسيرك ده في حق الحركة الشعبية مرفوض

ومع السلامة يللا شيل عفشك واتخارج، أو ما دام انحنا الحركة الشعبية "حشرات" طيب جاي تتفاوض معانا ليه أو بي ياتو وش ؟؟

أو أن يخرج أحد مسئولي الحركة ليزيد في تهبيل البشير وإذلاله وإراقة ماء وجهه أكثر وأكثر وهو في مسعاه المتهافت وراء بترول الجنوب...

ولكن ربما أنهم قبلوا بتفسير البشير على مضض وعلى طريقة أخونا البشرى في أعلاه.. هذا إن لم يكونوا متفقين معه على هذا الحديث ليتجنبوا الحرج أمام شعبهم..

ببساطة ربما لأن الحركة الشعبية لن تجد "على الإطلاق" أنسب من عمر البشير ومن زول في وضع وزنقة عمر البشير لتحقيق كل ما تريد في الحاضر والمستقبل، وكذلك كل ما حققت في الماضي من انتصارات عسكرية / سياسية / واقتصادية .. الخ ..

بل وربما أجزم أنه حتى لو حكم السودان عبد العزيز خالد أو مالك عقار واللي كل تاريخهم مرتبط بالحركة الشعبية، فقد لا يكونا لقمة سائغة و أنسب للحركة التي تحكم جنوب السودان من عمر البشير..

Quote: لا معنى له على الاطلاق ..

على الإطلاق عديل كدا !!
طيب :)
ما علينا
سؤالك يا الهادي حكومة الجنوب هي الأقدر على الإجابة عليه بالطبع, لكن لا يمنع نجتهد شوية
في رأيي أن حكومة الجنوب تجاوزت المسألة دي لأنو لا معنى لإثارتها طالما ارتضت الدخول في عملية سلمية ومفاوضات مع السودان من الأساس
وبالنسبة ليها دا احد اقل الجراح - التي تجاوزوها في سبيل مصلحة شعبهم العليا - أذى
وهذا أمر يستحق الإشادة و التقدير
فمصلحة الشعوب امر مقدّس ويعلو على المرارات الشخصية وياريت لو كان البشير تعامل بنفس المستوى ووضع مصلحة بلده أمام كرامته الشخصية و كبرياؤه واعتذر بلا لولوة أو تبريرات
حكومة الجنوب تعاملت بسياسة سليمة و السياسة لا تدار بطريقة مراهقة ولا على نهج هلال مريخ ولا بعوارات الأسافير وهتافاتها ناس بلّعناه رشّيناه و غلبناه إلى آخر الإنتصارات الزائفة التي لا تعني للشعوب التي تعاني على الأرض أي شيئ

يا أستاذ محمد البشرى
سلام

ياخي أ سوأ شيئ هو اضاعة الوقت في الجدل الحرفي!
البشير دا حيوان (لا أتحرج من قول ذلك علناً)!
إنت عايز تديه فرصة عشان يقول الحاجات بطريقة صاح؟
أوكي ما ح يقول ليك لأنه حيوان!
نحن الزييك دا فهمنا من المرة الأولي إنه بيقصد شعب جنوب السودان كله!
مستخدمين العقل، الذي تحدثت عن نعمة استخدامه!
(بعدين ما في كل المرات الإشارة دي لاستخدام العقل بتكون صحيحة!)
إنت عايز الناس تكون دقيقة في شنو؟
من المهم جداً تحطيم صورة الرئيس الغبي الحيوان المستبد التي يمثلها
البشير. عشان ما تمر ظروف وتجينا نسخة منه تااااااني على سدة الحكم
فالتمسك بحرفية ما قاله لا تعني إنه ما ح يقولوا بالصيغة اللي انت
ما متخيل إنه ح يقولها! ح يخزلك وح يقولها بنفس صيغة الانسان الجاهل
عديم الإحساس! فتحسس معارضتك يا أخي!
_______________
سلام يا متوكل وعفواً نسيت أسلم!

.

الله يسلمك يا دكتور