أميرة السيد..لو سمح وقتك!

كتبت يا استاذة أميرة في هذا البوست:

Quote: لأنه يعلم تمام العلم انه اذا تجرأ وتقول( اي قال شيئا غير الحقيقة ) على النبي موسى والنبي عيسى فسوف تقوم عليه قيامة اليهود والمسيحيين ويجعلون حياته جحيما

Re: قراءة في كتاب: نبوة محمد التاريخ والصناعة
انت كما فهمت تعيشين في الولايات المتحدة ، و في الولايات المتحدة كما في الغرب عموما ينتقد الناس الأديان نقدا موضوعيا و غير موضوعيا و يسخرون و يتمسخرون
و يقولون في و حول عيسى و موسى و الكتب المقدسة ما يشاؤن قدحا و ذما و سخرية ، فكيف لم تلاحظي ذلك بحيث أنك كتبت عبارتك اعلاه.
ام أنك تعرفين هذه الحقائق و لكنك لسبب ما اخترت أن تكتبي عبارتك تلك ؟
ايا كان الحال ساقوم في هذا البوست بتزويدك بقائمة طويلة من انشطة مختلفة "يتجرأ" فيها الناس على قول ما يريدون عن عيسى و موسى و المسيحية و اليهودية.
هذه الأنشطة تتضمن محاضرات عامة تقام في المكتبات و في الجامعات و في الكنائس -نعم في الكنائس- و تتضمن مؤتمرات لغير المؤمنين و الملحدين و المتشككين
و تتضمن ايضا كتبا و افلاما ، و ما ساعرضه عليك هنا هو مجرد قطرة من محيط و يمكنك أن تواصلي بحثك بعدها حتى تغيري قناعتك تلك التي اودعتها العبارة في الاقتباس اعلاه.

هنا بروفيسر بارت ايرمان في مناظرة مع دانيش ديسوزا اقيمت في كلية لاهوتية يتحدث فيها عن عدم عدالة الرب ، و عنوان المناظرة كما تلاحظين عن الرب و المعاناة.

هنا بارت ايرمان في مقطع قصير يطعن في وثوقية الكتاب المقدس (علنا).

دكتور ريتشارد كاريير يشكك في الوجود التاريخي للمسيح (في مؤتمر عام و على رؤوس الاشهاد)

لقاء اذاعي مع كريس هتشنز حول كتابه "الرب ليس عظيما". هتشنز توفي قبل حوالي عامين بالمناسبة.

سلامات د.سيف النصر . سلامات لاميرة السيد.
احتمال الكلام اللى ح اكتبه هنا ما ليه دخل بموضوع البوست....لكن نعمل شنو حال البورد.
اميرة, انت عارفه انى بعزك جدا رغم انه ما فى اى معرفة غير البورد بيننا.
That said
اميرة دى عايشة فى امريكا لكن ما بتعرف عنها حاجه. اى حاجه كتبتها هنا عن امريكا ( و انا قريتها) خلعتنى. كانو انا و هى عايشين فى بلدين مختلفات. اناعارفة ان امريكا كبيرة و كل ولاية.... بل كل مدينة عندها نظام وعادات براها ...لكن اميرة ما شاء الله عليها قادرة دائما على اثارة دهشتى. اخر مرة قدمت ليها دعوة تجينى فى اجازة افرجها فى امريكا البعرفها انا.

يا سمارت يا بت أم سمارت
تحياتي وسلامات

Quote: اخر مرة قدمت ليها دعوة تجينى فى اجازة افرجها فى امريكا البعرفها انا.

ياخ خلي ( عزومية المراكبية )** دي
لو عندك دعوة ( جادة ) قدميها لينا نحن عشان تفرجينا في أمريكا البتعرفيها إنت وأمريكا البتعرفها أميرة
وشوفينا نجيك كاسحين كيف ؟؟
بى وليداتنا وأمهم
قصرنا معاك ؟؟


_______________

( عزومية المراكبية )**
دحين بتعرفيها ؟؟



_______________

أعفى لينا يا دكتور سيف يا صديق
كل المحبة

سلام يا استاذ سيف
تعرفى يا اسمارت انا ايضا مندهشه زيك كدا بخصوص الاخت اميره السيد
لكن اقول ليكى حاجه ومن خلال وجودى فى هذه البلاد لى فتره طويله جدا قابلتا نفس طريقه التفكير لى ناس عايشين
فى امريكا لى فتره تفوق العشره سنوات ولسه مركبين العدسات الجايين بيها من الشرق الاوسط وبينظرو بيها للمجتمع الامريكى
وديل غالبا عندهم الدش العربى والجزيره والمسلسلات العربيه وما عندهم اى استعداد يفهموا قوانين البلد العايشين فيها
ولا فاهمين طريقه تفكير الامريكان كل الموضوع stereotyping
طبعا اميره السيد زوله حبوبه وقلبها ابيض لكنها صغيره فى السن وما عندها تجربه كافيه نتمنى ليها كل التوفيق
ويديها العافيه

زرزرة شديدة
يا بشمهندس عاطف عمر. شهر ديسمبر الجاى ده. تجونا انت والعيال و امهم زيارة. ما فى اى اعزار. تجوا يعنى تجوا. بس التذاكر عليكم. انا حتى اهلى فى السودان بعمل ميتة معاهم فى حق التذاكر.

Quote: غالبا عندهم الدش العربى والجزيره والمسلسلات العربيه

سلامات يا زينب. الدش العربى والجزيرة والمسلسلات العربية ما فيهم حاجة يا اخى.
انا رحلتا مرتين فى البلد دى. اول حاجة بعملها انى بركب الدش العربى و احضر مسلسلاتى. .و حقيقي انا بوصى اى زول عندو اطفال انه يعمل دش عربى
اظن ان اميرة ما حاولت تعرف الشعب الامريكى.... زملاءها فى الدراسة و الشغل. لو الزول عرف ديل بس بيعرف كتير عن البلد دى.

سلامات يا اسمارت
قبل كم يوم كنت قاعد مع زول صاحبنا و بندردش قام الكلام جاب الكلام و صاحبنا قال انو البلد دي -يعني امريكا- مسيطرين عليها اليهود
و أنهم هم قيادتها الحقيقية! قلت ليهو يا اخوي اليهود اقلية، نعم اقلية مؤثرة و نشطة لكنهم اقلية. ثم سألتو بتعرف الWASP اصحاب الجلد
و الراس؟ ديل بنظرة سريعة على مدى يوم او اتنين في القنوات و النشاط السياسي في البلد بتقدر تعرفهم و تعرف من الذي يقود البلد فعلا.
المهم دخلنا في غلاط سوداني انتهى بتمسك كل زول برأيو كما جرى العرف السوداني، مع العلم أن هذا الأخ له عشرة سنوات او تزيد هنا!

رتشارد دوكينز و الذي يعيش في بريطانيا مع محمد محمود في الحلقة الأولى من برنامج تلفزيوني ينتقد الدين و خصوصا الدين المسيحي بلا هوادة!
و دوكينز هذا ينشط هذه الأيام في نشر الالحاد في امريكا و يحضر أكثر من مرة في السنة لهذا الغرض و لا يتعرض له أحد بسوء.
في المداخلة الجاية حاوريك مشروع خطير يشرف عليه و يموله عبر منظمته يستهدف رجال الدين المسيحي في امريكا.

http://www.clergyproject.org/
في هذا الرابط تفاصيل مشروع دوكينز و أخرين لتشجيع رجال الكنيسة -و نساءها- على الانسلاخ وو اعلان عدم ايمانهم. ايضا يقوم المشروع على
تقديم الدعم المالي و التدريب اللازم الذي يساعد المنسلخين على البحث عن وظائف و مهن جديدة بديلة لوظائفهم الكنسية.
يقوم هؤلاء بذلك بكل حرية و بدون اي خوف ، فقط اذا طلب المنسلخ ابقاء أمره طي الكتمان "خوفا" من عائلته و اصدقائه و مجتمعه يجاب إلى طلبه هذا.
الخوف هنا خوف معنوي و لا يشير بأي شكل لحتمال تعرض الشخص لعقوبات عنيفة او غير عنيفة.

سلامات يا سيد البوست والضيوف

في ناس كتار ...ما أميره براها...
عايشين في أمريكا ولا يعلمون عنها أي حاجه
لأنهم عازلين نفسهم literally
ما بيخشو سينما ما بسمعو إذاعه ولا تلفزيون
ولا بتكلمو مع إمريكان
وكمان كرهانين أمريكا والإمريكان للطيش

اهلين بعاطف و زينب و اقبال.

معليش يا اسمارت طريقه الاقتباس ما بتعمل معى فى الكمبيوتر
انتى قلتى :

( سلامات يا زينب. الدش العربى والجزيرة والمسلسلات العربية ما فيهم حاجة يا اخى.)

عفوا يا اسمارت انا ما قلت انو الدش العربى والجزيره والمسلسلات فيهم حاجه لا
انا بنتقد الثقافه الاحاديه ..... يعنى ما ممكن الناس تكون عايشه فى امريكا واولادهم مولديين فيها وبمشوا المدارس
والمستشفيات وبقت بلدهم بتأثروا بيها وبتتأثر بيهم لازم يكون عندهم ادنى المام بى قوانين البلد وثقافتها اهلها وطريقه تفكيرهم
يا اختى العزيزه اسمارات انا بديك مثال واحد من عشرات الامثله عشان اوضح ليكى مدى الانفصام والتناقض العايشنو بعض الناس

فى واحده سودانيه انا بعرفها ليها عشرين سنه فى امريكا كانت بتبحث عن دكتوره شاطره للعلاج قمت عملت ليها ريكمنديشن لى دكتورتى
وقلتا ليها دى دكتوره شاطره جدا وبتساعدك كتير قالت لى جنسها شنو قلت ليها دى يهوديه شاطره
تخيلى قالت لى شنو ....قالت لى اليهوديه دى تمشى تصورنى عريانه وتخت صورتى فى الانترنت لا لا ما بقدر امشى ليها !!!!!!!!
والله على ما اقول شهيد
الزوله دى لاحظى شغاله substitute teacher دا مفهوما عن اليهود الامريكان والكتير الكتير من المفاهيم الغلط ممكن كان يصححوها لو
بس استمعوا لى نشره اخبار او اشترو كتاب او استمعوا لى مدولات فى الكونقرس
وتلقى الواحده سايقه عربيتها ولمن تعمل غلطه والبوليس يوقفها تقول ليك البوليس عنصرى وقفنى عشان انا محجبه دى لو كانت واحده بيضا
ما كان وقفها !!!!
وزى ما قالت الاخت اقبال عايشين فى البلد ومستفدين من خيرها وكارهنا ويشتموا فيها صباح ومساء

هسي ورونا دا دُش عربي ولا دًش أمريكي؟!
عشان نعرف نتونس معاكم وندخل خشمنا معاكم
..
..

تحياتي يا دكتور سيف

والعجب عربنة اللغة الانجليزية ناس فرزنت اللحمة :) واخدت اللونات هههههههههههه ياخ علي بالحلال ناس لذيذين جنس لذاذة :)

اذكر فيما اذكر ان احد الاصدقاء وهو قادم جديد كرت كرتونة لبلاد العم سام.... اها الجماعة قالو ليهو يا زول تقرأ بس, الشغل ملحوق... المهم جاي جاي اقنعوهو
ونصحوهو باخد ( اللون ) .... صاحبنا قدم للون المدعوم وغير المدعوم ..... جا صاحبنا تاني كدا زول مرح وظريف ساله ( اها يا اخونا قدمت ( للونات )؟؟؟؟
قال ليهو ايوة قدمت للمدعوم وقدمت للما مدعوم هههههههههههههه فتبسم صديقنا قائلا له ( بختك بقيت خاتف لونين

سلامات يا شباب والله يا سمارت أنا لي 18 سنة في المخروبة دي الحاجات البتقولهم أميرة دي ما صادفوني خالص لمن افتكرت اني عايشة في نيكاراغوا...بعدين يا زينب النقول ليك حاجة أنا كل دكاترتي ودكاترة أولادي يهود وبثق فيهم بشدة...اليهود لانهم أقلية بيسعوا بشدة علي تثبيت أنفسهم في المجتمع وتجويد عملهم بعدين لان اغلبهم شرقيين بتلقي عندهم صفات كتيرة بتشبهنا أهمها الكرم...أي والله الكرم...أنا عندي استاذتي في الجامعة عندها بيت ريفي جميل فيه حوض سباحة كانت بتعذم كل ألفصل وأسرهم مرة شهريا في بيتها وبتخدمنا هي وزوجها العالم السبعيني...بعدين 75% من اليهود الأمريكان غير ممارسين لليهودية واغلبهم يساريين ...المهم هاجس ألدين ده ما موجود الا في المجتمعات المسلمة...وحكمة الله هم أكتر ناس بيشتموا كل الأديان الآخري علنا...وبامر ألدين نفسه...لكن كان اتكلمنا إتقلمنا علي قول حبوبتي،،،وكان سكتنا ياهو ده الحال

سلامات د. سيف. تعرف موضوع اليهود مسيطيرين علي البلد دي ما صحبك السوداني براه معتقد فيها. في أمريكان (أولاد قبائل) مصدقين ان اليهود مسيطرين علي الميديا علي الأقل. اليهود المساعدهم ان بيساعدوا بعض. و عندهم شعور بانهم لسه مقهورين. أما الأنجلوسكسون فانا رأي فيهم أنهم جنس جبار. رغم أني ضد التعميم و لكن الجماعة ديل كلهم جبارين. :)

زينب، عاد صحبتك بااااالغت.
تعرفي انا كل ما لاقي يهود في البلد ده بيكون عندهم حب استطلاع عني. لكن ما اليهود براهم كل الناس اللي ما اتعاملوا مع مسلمين قبل كده، خاصة مع الحاصل في الأخبار الايام دي. اي زول بكشكر ليه اعزمة في البيت ( ذي عزومة أميرة كده) :) طوالي بيقول لي اها متين ؟؟

سلامات يا عفراء. غايتو انا شايفة ان اليهود ذيهم ذي غيرهم فيهم الكويسين و فيهم النص نص و فيهم المجارمة. الحاجة اللي بتميزهم من باقي الناس أنهم متعلمين تعليم كويس جدا. تلاقي الواحد فيهم جده كان بروفسور في الجامعة. حقيقي في أمريكا دي اتعاملتا من قريب جدا مع اتنين يهود بس. الاتنين اظن ملحدين لكن لسه بيعرفوا روحهم بانهم يهود. واحد فيهم كان بروفسور درسني كورس بتاع
Environmental economics
و حكي لي بانه مشي السودان في عهد نميري مع البيس كور و كان عايش في الدويم و جاته ملاريا. كان زول لطيف جدا و لما قدمتا لأول وظيفة بعد التخرج كنت خاته اسمه و عنوانه كزول ناس الشغل يضربوه ليه يسألوه مني. و اظن انه قال عني كلام كويس لأني اشتغلت مع اول شركة عملتا معاها انترفيو.
اليهودي التاني كان زميلي في الشغل. كان عندو زوق جميل جدا في الموسيقي. و هو اللي عرفني علي فن الأوبرا. و ال musicals. أيام كان شغال معانا كان رمضان او العيد واقع في نفس أيام الهنكا( عيد اليهود) و احتفلنا في المكتب إحنا 3 مسلمين و هو اليهودي الوحيد مع بعض. بعد فترة ساب الشركة و الان برضو بيدرس في جامعة.
مرة سجلتا لكورس وو طلعتا انا الطالب الوحيد المسجل للكورس. عندي زملاء فلسطينيين قالوا لي الزول البيدرس الكورس ده يهودي بولندي. ما اشتغلتا بالموضوع. المهم كان زول مسحلب حبة. لبسه عجيب و حركاته اعجب. قام قال أني عاوز اعرف عن المسلمين و السودانيين، كل يوم اول 10 دقائق من المحاضرة ح نتونس شوية. المهم مرت الأيام و كل محاضرة سؤال. مرة عن الأكل مره عن العادات. يوم سألني : بعد تخلصي من القراية ح ترجعي؟ الزمن داك كنت مقررة اعمل خبرة سنين تلاته بالكتير و ارجع. قلت ليه: ايوه. قمتا انا لشلاقتي قلت ليه انت ما ناوي تهاجر؟ عاين لي بدهشة قال لي امشي وين؟ قلت ليه: إسرائيل. الراجل مندهش لسه: ليه امشي إسرائيل ؟ قلت ليه يا أخي مش في يهود بيقرروا يمشوا يستقروا في ارض الميعاد. الراجل منطط عيونه قال لي: انا ما يهودي. منو اللي قال ليك أني يهودي؟ طبعا انا ما اتلفتا، طوالي قلت ليه فلان و علان قالو لي انك يهودي. في نهاية المحاضرة قال لي ارح ليهم، مشينا ليهم في المكتب ( هنا طلبة الدراسات العليا غالبا بيدوهم مكاتب لو شغالين مع بروفسو معين). المهم وقف في نص المكتب، منو فيكم اللي قال لاسمارت أني يهودي؟ الجماعة ما زول فيهم رفع راسه من كومبيوتره. لما ما في زول قال حاجه قال ليهم ( و انا معهم) بس للمعلومة انا بولندي و اتربيت كاثوليكي. الأن ما عندي دين.
بعد ما سبتا الجامعة بكم سنة عرفتا انه اسلم.

سلام سيف و الشباب

تخصصت في أوربا ( بلجيكا تحديدا) علي يد أطباء أساتذة يهود...والله العدل اللقيتو عندهم ...في بلدي النشأت فيها مالقيتو

هنا في أمريكا تعاملت مع أطباء زملاء يهود (وأتعامل بصورة مستمرة) الظرف و الادب والصدق اللقيتو عندهم مالقيتو عند غالبية الزملاء التانيين

أولادي كانوا بيدرسوا هنا في أمريكا و رجعوا مؤقتا....الإهتمام و التعامل و اللقيناهو من الاساتذة ( وكتير منهم اليهود )هنا مالقيناهو في أي مكان
والله بتي ماقدرت تتأقلم في الاول..في أستاذة يهودية جابت أمها (وهي معلمة قديمة بالمعاش) مرتين عشان تدرس بتي وتوريها كيف التعامل ...بالرغم من إنو زوجتي تلبس الاسود بالكامل ...يعني كان ممكن تقول ليه أنا أتعب في بت العرب المسلمين ديل...ا
هذه ليس مدح ولا تقريظ لكنها حقائق لمستها هنا ...ولو الناس فكرت في انو طريقة التعامل مع الاخرين هي افضل طريقة لعكس ثقافتنا و دينا (ولو كنت فظا غليظ القلب لإنفضوا من حولك)....(وأدعو إلي سبيل ربك

بالحكمة و الموعظة الحسنة).....لكن من يعي

شكرا د. سيف والشباب

Quote: منو فيكم اللي قال لسمارت اني يهودي؟

احلفي انو قال كدا!؟


















غايتو نحنا كان ما لحقنا ناس عاطف .. ابنجوا مع العفش
نتحقق من الكلام دا
المافي شنو!؟








----------

د. سيف ومن لف لفه

ارفعوا ايديكم عن اميرة

من حق اي زول يكون نفسه .. ونفسه فقط لا غير
اميرة زولة صادقة مع نفسها ومع الاخرين اقلو
ودي لا يلقاها الا ذي حظٍ عظيمٍ

Quote: غايتو نحنا كان ما لحقنا ناس عاطف .. ابنجوا مع العفش نتحقق من الكلام دا المافي شنو!؟

غايتو الشايفو أنا

سمارت ح تعمل ميتة من البوست دا زااااااااتو

في الصفحة الأولى ( فقط ) من البوست إتدبست في زيارة أسرتين

ح تكتشفي أنو التذاكر هى ( أخف ) ما في الموضوع

جاهزيز جاهزين




____________

ح نعطيهم فارق شهر للراحة يا قيقا

+
تحية طيبة دكتور سيف،
أكثر حاجة أسعدتني إنك حضرت لأمريكا مقيماً
فهنئا لأمريكا بك.


بعض الظروف والملابسات ساعدت لوجود "أميرة"
وأمثال أميرة في الولايات المتحده وكندا.
لم يسعوا اليها فرارا من معاناة الفكر والإضتهاد
بكل مسمياته، بل أتوا سيّاح مع وقف التنفيذ.
المشكل العظيم في كراهيتهم لأمريكا كما
تفضلت الأخت إقبال.
ولسماحة التنوع في أمريكا
تنعم أميرة وغير أميرة من أصحاب الأفكار
السالبة بحقوق المواطنة الكاملة.





دنقس.

عزيزي سيف النصر محي الدين

اولا انا في غاية الأسف للتأخير في الرد على اتهاماتك . ولكن في الحقيقة تلقيت اتصال تلفوني من صديقة لي مدمنة قراءة مقالات المنبر العام وقالت لي بالحرف: افتحي الكمبيوتر.. خلاص بقيتي مشهورة واسمك مكتوب في عنوان رئيسي.. والاتهامات واقعة عليكي زي المطر بانك بتكرهي اليهود بتكره امريكا.. ( معقولة انا اكون بقيت مشهورة كده.. وفتحت المنبر العام وقرأت كل كلمة وكل حرف وهالني كمية الاتهامات التي لا اساس لها من الصحة.. وسوف اقوم بالرد على كل من عقب على موضوع سيف النصر فردا فردا...
ولنبدأ بكاتب البوست سيف النصر:

عزيزي سيف النصر محي الدين
اولا لك كل الشكر والتقدير والامتنان لسببين اولهما انك وضعتني في مكانة مرموقة ومميزة وخصصت لشخصي الضعيف بوست كامل باسمي وبصراحة ذلك جعلني اشعر بشوية فخر ( وراسي كبر) عشان خليتني مهمة واديتني مكانة عالية بين كتاب وادباء المنبر العام الذين يكتبو الروائع هنا منذ سنين عديدة زانا لي اقل من سنتين هنا... وثانيهما انك اتحت لي فرصة كي اوضح موقفي من هذهالاتهامات التي لا اساس لها من الصحة والتي تركزت في هذا البوست بانني اكره اليهود وانا من هذه التهمة براء( يعني كأني شعبان عبد الرحيم المطرب الشعبي المصري الذي يغني ( انا بكره اسرائيل) على الرغم من ان هناك فرق بين اسرائيل الصهيونية وبين اليهود.

واود في هذه العجالة ان اوضح ما يلي حتى انفي عن نفسي تهمة كراهية اليهود بهذا الشكل المرع والذي وصفتموني به تحت اسطور لأنني فقط قلت لن ان الكاتب محمد محمود ملحد ولا يؤمن برسالة سيدنا محمد (ص) ولا يؤمن بنبوة( وليس ببوءة محمد(ص) ولأنني فقط دافعت عن الدين الاسلاميالذي ادين به ولأنني فقط قلت ان هذا الكاتب اذا انتقد الدين اليهودي او الدين المسيحي لأنبرى له الكثيرين من اليهود والمسيحيين يدافعون عن دينهم وعقيدتهم.. لكن لمسلمون ، وانا اقصد هنا المسلمين السودانيين يخشون انهم اذا دافعوا عن دينهم ان يقال لهم بانهم كيزان او مؤيدون للنظام الحاكم في السودان ، مع أنه يجب ان نفرق بين الدين والسياسة( ما لله لله وما لقيصر لقيصر) وانا ايماني بأن السياسة شئ والدين شئ آخر وأن الأسلس في الحكم يجب ان تكون المواطنة ( وهذه هو السبب الرئيسي في فصل الجنوب عن شمال السودان وهذا هو السبب الذي نعيش فيه هذا الفقرالمدقع لننا نخلط السياسة بالدين.. فايماني وعقيدتي بيني وبين ربي.. واما رأي في السياسة والنظام الحاكم فهذا شئ آخر....

اما عن تهمة كراهية اليهود فأنا انفيه لسبب بسيط جدا .. وهو : هل تستطيع يا استاذ سيف النصر ات تأتي لي بأي بوست كتبته هنا في المنبر العام انتقدت فيه اليهود او الدين اليهودي .. ربما اكون قد انتقدت سياسة اسرائيل في تعاملها مع اطفال ونساء فلسطين ( وهؤلاء صهاينة وليسوا يهود) على الرغم ن ان النظم العربية تقتل من شعوبها كل عام اضعاف ما تقتلهم اسرائيل في عقد كامل)..
والشئ الثاني انني قرأت كل الكلام الذي كتبه اخواني واخواتي في هذا البوست عن اليهود ووجدت ان كلامه صاح مية في المية لأنني اتعامل معهم يوميا ورئيسي المباشر في العمل يهودي واستاذي في الجامعة يهودي ولدي اصدقاء من زملاء الجامعة يهود ويهوديات والحقيقة تقال انهم افضل من تعاملت معهم في حياتي( ما تقولوا ده تكسير تلج عشان القى لي ترقية( وجه ضاحك) ولكنها الحقيقة المجردة... وفي الأسبوع الماضي فقط ذهبت لمستشفي اشكو من آلام عنيفة في الأمعاء وعالجني طبيب يهودي ويضع الطاقية السوداء فوق رأسه دلالة على انه يهودي زاهتم بعلاجي اهتماما كبيرا على الرغم من انه يعرف اني مسلمة ولكنه طبيب ولا يخلط عقيدته ودينه بواجبه وكان لطيفا جدا ويلقي النكات ويبث المرح في المكان لكي يزيل رهبة الخوف من المرضى... يعني يا جماعة الخير انا ابدا ما كرهت اليهود بل دائما هم شعب راق جدا في التعامل مع كل البشر بصرف النظر عن اعراقهم وعقيدتهم وهذا على عكس الشعوب الأخرى التي دائما تضع رأي مسبق استنادا إلى عقيدة الشخص او جنسيته او قبيلته...

بالنسبة لأمريكا صاحبة الفضل في اننا نعيش هنا في عزة وكرامة .. لم أكره ابدا امريكا وهي التي تضع لقمة العيش في فمي وهي التي تستقبل ملايين للاجئين والمنبوذين من بلادهم وتوفر لهم العيش الكريم.. وانا معجبة جدا بالديمقراطية الممارسة هنا في امريكا واذا راي اي شخص غير ذلك فهو جاحد .. وانا لست جاحدة ابدا .. ولكن اظن ان لدي الحق في انتقاد شئ سلبي في المجتمع الأمريكي ساعية لإصلاح او التعبير عن النفس لأن حرية التعبير هنا مكفولة ,, وكتب مرة في هذا المنبر( واتذكر جرت مشادة بيني وبين صديقي دينق وجوزيف عن العنصرية في امريكا) وكان نقاشا وحوارا هادئا ومحترما وايجابيا جدا.. وانا لا اود ا اقول هنا ان المجتمع الأمريكي كله عنصري وكنت اعتقد هذا في البداية عند وصولي لأمريكا ولكني وجدت ان العنصرية تصرف فردي وربما تصرف فئة بعينها أن العنصرية اذا كانت الصفة الغالبة لما نجح اوباما كي يكون رئيسا للولايات المتحدة لأن السود وحدهم لا يستطيعون ان يكفلوا له النجاح فإن عدد السود في عموم الولايات المتحدة لا يتعدي 50 مليون نسمة من مجموع 300 ملوين نسمة.. يعني لبيض هم الذين اتوا بأوباما للبيتاالأبيض... ولكن ..

هذا لا ينفي ابدا وجود شكل من اشكال العنصرية والغطرسة عند بعض الأمريكيين ..
بالأمس القريب قرأت في جريدة ديلي نيوز ان الشرطة الأمريكية في نيويورك قبضت على مفتش شرطة بعد بلاغ ضده من احد افراد الشرطة الذين يعملون تحت ادارته ولنقرأ اتهاماته:

يقول رجل الشرطة وهو اسباني الأصل.. ان المفتش يعقد اجتماع يومي في الصباح معهم قبل ان يتوجه كل فرد إلى موقعه في العمل داخل المدينة.. ويقول لهم : ركزوا في السود والأسبان واقبضوا عليهم في الشوارع بمجرد الشبهة او من غير شبهة فهم اساسا مجرمين ويجب علينا ان نحمي المجتمع منهم.. ويقول الشرطي ": وسالته ولماذ نقبض عليهم اذا لم تكن هناك شبهة ضدهم.. وهنا قال له المفتش :" انت بالذات لم تقبض على اي احد منذ مدة طويلة .. فقال له :" ولكني لم اجد متهما او سارقا او قاتلا كي اقبض عليه في المنطقة التي اعمل بها.. فيقول له : لأنك لا تبحث عن السود والأسبان..
ويقول الشرطي انه ب>ا يسجل تعليمات المفتش .. وبعد فترة اخبر مدير الشرطة وفتح له بلاغ وقبض عليه وألان و تحت المحاكمة بتهمة العنصرية ..
وهذه هي عظمة امريكا انه لا يوجد كبير فوق القانون..
وسوف اواصل بعد حين للرد علي سيف النصر وبعد ذلك على اخواني واخواتي الذين مروا هنا
والله يديكم العافية

آسفة اذا في غلطات مطبعية كثيرة .. لأني ما قدرت اصلحها .. اذا حاولت اصلح كلمة القى لكلمة البعدها انشطبت..

دكتور سيف النصر ...

تحياتي لك و للاخت اميرة و كل الاخوات و الاخوة المتداخلين ...

فقط اريد اضاافة بعض النقاط من رجل عاش هنا 20 عاما ... وشاءت ظروفي ان احتك بكل خلق الله بما فيهم اليهود بجميع اطيافهم ...

اولاً: لي تجارب لصيقة مع الاطباء اليهود في مواقف شخصية اسرية ... لا استطع ان انكر تفانيهم في العمل و الاخلاص و السهر ...

ثانياً : لا يمكن تصوير ان جميع ( اليهود ) انهم من ابسط الناس و احنهم ... هذه معلومة مضللة ...

انا اعمل في مجال العقارات وهو مجال يجمعني بجميع الجنسيات ... هناك بعض المناطق السكنية مغلقة تماما علي اليهود ...

اي لا يمكنك شراء بيت لاي ملة اخري وسطهم ... هل هي عنصرية ؟ نعم ... هل استطاع احد منعم ؟؟؟ لا ....

ولما لم تستطيع الحكومة منع هذه الظاهرة المتطرفه ... خصوصا من الاورثوزكس جووز ؟؟؟

لانهم مراكز قوي ...سواء ماليا ... او علميا ....

كل الاخوات ذكروا تجاربهم الدراسية مع بروفيسيرات يهود ؟؟؟ هل هي صدفة ؟؟؟

كل المحامين هنا تقريبا يهود ؟؟؟ هل هي صدفة ؟؟؟

كل شركات الاوراق المالية يسيطر عليها اليهود ؟؟ هل هي صدفة ؟؟؟

انا شخصيا استطعت التمييز التام بين اليهودى و بين الاسرائيلي ...

اما اليهودي ... فايضا كان لابد من التمييز بين اليهودى العادى الذي يشبهنا و بين المتطرفين من اليهود الاورثوزكس ...

خلاصة الامر ... هم شعوب اكثر منا ( ترتيباً ) ...

امامنا الاف السنوات الضوئية لنصل ما وصلوا اليه ....
_____________________________________________________________________
لدينا رجال اعمال عرب و مسلمين لهم اوزان ثقيلة ...

لم اسمع يهودى قال لا تشتروا منتجاتهم لانها تدعم العرب و المسلمين....

عارفين ليه؟ لانهم فعلا لا يدعمون الا حساباتهم البنكية ...

اما نحن ... فنسمع لا تشتروا الكوكاكولا ... و قاطعوا ستار بكس ...لدعمهم لإسرائيل ...؟؟؟

الغريبة انو اسرائيل هي الدولة الوحيدة في الشرق الاوسط التي يطبق فيها النظام الديمقراطي ...

اموره سلام
الامريكان عندهم مقوله بتقول
you are entitled to your opinion but you are not entitled to the facts
يعنى انتى وانا وغيرنا ممكن يكون عندنا راى فى اليهود وغيرهم وفى السياسه وفى الرئيس
وفى الدين دا حق بيكفله الدستور الامريكى
لكن يا اميره لمن تذكرى حقائق مخالفه لى ارض الواقع الناس من حقها تسألك عن الدليل
او تطلب منك توضيح

يا مراحب بالشباب
امين البشاري
الخير محمد عوض
عفراء سند
د.ياسر عبد القادر: هل حضرت نهائي يا ياسر؟
فتح الرحمن قيقراوي حمودي : نحن رافعين يدنا عن أميرة أساسا الموضوع كلو عبارة عن ونسة ودية.
عبد القادر دنقس: شكرا كتير على الترحيب و ان شاء الله تسمح الظروف و نلتقي.
يحي قباني: نطمع في المزيد من وحي تجاربك الشخصية.
بابكر موسى: اكيد حاجيب المزيد من الأدلة ابقى قريب بس :)

سلامات يا أميرة
في البوست كذا جزء، انا سارد على ما يليني في الموضوع و اترك لبقية الاخوة و الاخوات الرد على ما طرحوه و ليس في الموضوع اي اتهامات يا أميرة
بل مجرد نقاش و حوار حول قضايا عامة و تجارب شخصية و مواقف انبنت على تلك التجارب.

Quote: ولأنني فقط قلت ان هذا الكاتب اذا انتقد الدين اليهودي او الدين المسيحي لأنبرى له الكثيرين من اليهود والمسيحيين يدافعون عن دينهم وعقيدته

اسمحي لي أن اقول أن هذا ليس هو الــmain argument في مداخلتك في بوست محمد محمود. انت قلتي كلاما يصور لقارئه أن لا محمود محمود و لا غيره بقادر على
توجيه انتقادات للمسيحية و اليهودية و لا لعيسى او موسى، و قلت كلاما يمكن تفسيره بأن هذه الأمور خطوط حمر الاقتراب منها يعرض الشخص إلى ما يجعل حياته جحيما لا يطاق!
انا بدوري اتيتك بالأدلة التي تنفي هذا الكلام تماما و تتثبت عكسه و لم اسمع ردك على هذه النقطة بالتحديد حتى الآن.
هذه هي النقطة التي أود أن اسمع رأيك فيها: نقد الأديان و الانبياء و الرسل و التعبير عن المعتقدات بحرية كاملة في امريكا و في الغرب عموما مسألة تدخل في صميم حرية
التعبير و هي لا تثير اي ردات فعل تجعل من حياة فاعلها "جحيما لا يطاق".

الإعلان العالمي لجقوق الإنسان:_

Quote: .......... المادة 18. •لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما بالتعليم والممارسة وإقامة الشعائر ومراعاتها سواء أكان ذلك سراً أم مع الجماعة. المادة 19. •لكل شخص الحق في حرية الرأي والتعبير، ويشمل هذا الحق حرية اعتناق الآراء دون أي تدخل، واستقاء الأنباء والأفكار وتلقيها وإذاعتها بأية وسيلة كانت دون تقيد بالحدود الجغرافية. ...........

وحتي لائحة هذا المنبر تقول:-

Quote: لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد...... 6- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.

** ماورد في الإعلان العالمي لحقوق الإنسان يعتبر حد أدني في أمريكا من حقك في أمريكا أن تعلن أن الأديان إنتاج بشري ووضعي - وأن الإنبياء إختلقوا وألفوا الأديان بل وأن تقول بتعارض الإديان مع العلم بل وأن تنفي وجود خالق وترفض الماوراءيات .. ومن حقك أيضا أن تؤمن وتعتقد في الأديان وأن تواجه الإلحاد بسلاح الفكر والرأي! ومن لا يعرف هذه الحقائق عن أمريكا فإنه ربما يعيش في تورا بورا لا في ربوع الولايات المتحدة!

الاخت اميرة اشارت الى اليهود و المسيحيون بصورة عامة و لم تخصص يهود او مسيحي الغرب و امريكا و ربما تكون محقة لو أن اي كاتب انتقد موسى اوالمسيح

في المجتمعات الشرقية عموما و الشرق اوسطية و افريقيا خصوصاً ربما يحولون حياة الكاتب و الناقد الى جحيم و هذا ينفي عنها تهمة عدم معرفتها بامريكا و حرية

التعبير فيها التي تبدأ بابسط الاشياء و تنهي بانتقاد الذات الالهيًة.





قلنا نفتح ليكي الباب الخلفي يا اميرة عشان تتخارجي!

أميرة، كيف حالك ؟ ما في زول هنا قال أميرة بتكره أمريكا. ما في زول عايش في أمريكا بيقدر يكره أمريكا
What not to love ????? :)
أمريكا دي من ناحية بتتحب، ما في كلام (ح يجوني بعد شوية الناس اللي زمان قالوا لي انت مخلوعة في أمريكا. ح أقول ليهم ايوه مخلوعة. حجات ماشفتها في بلدي، طبعا ح تخلعني) :)
نرجع لموضوعنا، طبعا ما بتكرهي أمريكا. و أظن انك بتحبيها جداً ، بدليل انك عايشة فيها. اللي عاوزين نقوله انك ماعرفتيها كويس. و ما عرفتي الشعب الأمريكي كويس. مرة في بوست زواج الخواجة قلتي بتعميم انه بيضربوا زوجاتهم و حكيتي قصة كده. أنا انا لي 11 سنة في البلد دي، أتعاملتا مع طلبة و مع بروفسورات ( دخلتا بيوتهم و صاحبتا زوجاتهم) أتعاملتا مع زملائى في الشغل من مهندسين مساكين ذي حالتي، للمديرين كبار ساكنين في بيوت بملايين الدولارات. لسكرتيرات بسيطات. حتي البنات الشغالات في النظافة انا بسلم عليهم و اسألهم من أحوالهم و أولادهم. بس عشان اعرف الناس و البلد دي شكلها كيف. الناس ديل ذينا، فيهم الكويس و فيهم الكعب.

مستر قباني، اليهود الاوثادوكس ديل عاملين ذي جماعة الهجرة و التكفير( أو اكتر مسلمين متعصبين في الدنيا دي). حتي باقي اليهود ما مرتاحين منهم.
تعليم اليهود ما فيه خلاف. و لانه اكتر مهن بتدخل قروش في أمريكا هي القانون و أدارة الأموال و الطب. اغلب اليهود بيقروا الحجات دي.



قيقا؟؟؟؟؟؟؟؟؟ ده انت؟ بالغتا و الله. بقيت مع الخيانة؟ كتبت اسمك عشان يدوك مكتبة؟؟؟؟ يا لللهول.
هسي يجيني ود البشري يقول لي اتوكلي و إدينا عجاج رجليك، لأني في ساعة زعل قلتا انو لو ادوك مكتبة ح أطيب البورد. من الآن نوضح، لو ادوك مكتبة باسم قيقا :(

سلام باشمهندس يحيى قبانى
والله ويعلم الله كنت عايزه اكتب تقريبا نفس كلامك عن سيطره اليهود بعد ما قريت لى للبعض وخاصه كلام اختنا اسمارت ادناه :

(( سلامات د. سيف. تعرف موضوع اليهود مسيطيرين علي البلد دي ما صحبك السوداني براه معتقد فيها. في أمريكان (أولاد قبائل) مصدقين ان اليهود مسيطرين علي الميديا علي الأقل ))

نعم اليهود مسيطرين على الاعلام المرئى والمقروء والمسموع سيطره تامه
نيويوك تايمز / وول استريت جورنال/ CNN / فوكس نيوز يمتلكها روبرت مردوخ
ايضا اليهود مسيطرين على مهنه المحاماة والقضاء يعنى المحكمه العليا فى امريكا واللهى وظيفتها مدى الحياة فيها 12 عضو اتنين منهم يهود ( قنسبيرق وكيقن )
وواحد اسود وواحد اسبانى والبقيه بيض
نجى لى الاقتصاد واللسته تطول البنوك حدث ولا حرج انا سمعته معلومه لا ادرى مدى صحتها بتقول اقتصاد امريكا 60 ترليون 40 ترليون حقت اليهود
يعنى بى اختصار ماسكين عصب الحياة
عشان كدا اى رئيس او اى سنتور عايز يترشح لازم يكسب ود اليهود اولا وما يقول بغم عن اسرائيل ويؤدى فروض الطاعه والولاء
وانتو مفتكرين هتلر لمن واجهم كانت من فراغ ما لانو كانو متحكمين فى الاقتصاد والقروش كلها دايره بيناتهم بالرغم من انهم اقليه
عشان كدا هتلر فى حملته الانتخابيه وعد الشعب الالمانى بى تخليصهم من سيطره اليهود لكن كانت وسيلته فى التخلص من سيطره اليهود غلط

انا شخصيا ما بلومهم فى هذا النجاح او السيطره لانهم ما سرقوا او اوكتلو كل الموضوع انهم متكاتفين مع بعض وبساعدو بعض يعنى قروشهم دايره حولهم
انا شخصيا دى قصه سمعتها بى اضانى دى من واحد ليبى قال كان شغال فى دكان بتاع واحد يهودى فقام جاء راجل لليهودى صاحب المحل وقال ليه
انا جيت هسى من المطار ما بعرف اى زول قال اليهودى طوالى اداهو قروس وشقه للسكن ...قام الليبى قال لليهودى صاحب المحل
انتا هسى بتعرف الزول دا كيف عشان تساعدو يمكن يكون محتال قام صاحب المحل رده ليه وقال : يكفى انو يهودى

زمان زمن نميرى ونحنا اطفال كان فى التلفزيون شعار بيتقال : اتحادنا قوة حريه ديمقراطيه

وتيب

استاذ سيف النصر
انا لسع معاك وما كملت ردي على اسئلتك ..
اولا حكاية اليهودي ممكن يقلي عيشتك جهنم دي ممكنة جدا وحأديك مثال بعد شوية... لكني انا ما قصدت هذا المعنى في انه اذا الكاتب الملحد محمد محمود( وانا ما عارفة هو جايب اسمه من وين؟؟) انتقد الديانة اليهودية فسوف ينبري له اصحاب الديانة ويوقفونه عند حده.. لأن اليهود هسع موقفين اي زول يرفض يصدق حكاية الهلوكوست عند حده .. وفي قانون امريكي يمكن يوديك السجن اذا انت انتقدت الهلوكوست وقلت انك ما مصدق... لكن انا شالتني الهاشمية ساكت للدفاع عن الدين الاسلامي ، عشان اشجع المسلمين يردوا على الكاتب الملحد,,,
وطبعا ده ما معناه انا بكره اليهود .. بل بالعكس هذا اعتراف بقوة نفوذهم.. وأقرأ رد الباشمهندس يحي قباني مرة ثانية..

والمثال على قوة نفوذ اليهود ، مش بس في امريكا ولكن في العالم كله...ان مقدم برنامج مشهور جدا وممثل مشهور واسمه ارسينو هول كان بيقدم برنامج فكاهي في قناة تلفزيزنية وقام سخر من اليهود واطلق نكتة عن نفوذهم في الاعلام الأمريكي .. وفي صباح اليوم التالي ناداه مدير القناة وقال ليه: نحن آسفين ولكن استغنينا عن خدماتك من اليوم... وبقي المسكين يلهث وراء قنوات أخرى ولكنه وجد جميع الأبواب مسدودة امامه . واضطر اخيرا ان يقدم اعتذار رسمي لليهود وأنه متأسف وما كان قاصد .ز وانا سافي التراب( سافي التراب دب من عندي ما من عنده) حتى قبل اليهود اعتذاره واخيرا وجد العمل...
وطبعا الكلام ده ما من تأليفي ولكن قرأته في الصحف الأمريكية ..
ومثال آخر ان ممثل مشهور جدا ايضا ونجم من نجوم هوليود ( والذي يمثل الآن مسلسل ( السيطرة على الغضب) Anger Management ونسيت اسمه انتقد اليهود وشتمهم.. ويوم اوقفه رجل شرطة وهو يقود سيارته بسرعة جنونية وكتب له مخالفة ,, ونبذه هذا الممثل وقال له انت يهودي ك ل ب وصفات مشمئزة كثيرة... وبعد ذلك بدأ الناس يقرأون اخبار فضائح هذه الممثل في الصحف وكافة وسائط الاعلام .. وعندما حضر إلى نيويورك دبروا له شرك حيث ارسلو له فتاة جميلة في الفندق الذي ينزل فيه.. وهناك جرت مشادة وصراخ وعويل وبدأت الفتاة تصرخ في ممرات الفندق وتصيح بأن الممثل لم يعطيها المبلغ المتفق عليه... وبدأت الصحف في اليوم الثاني تكتب في الصفحات الأولى عن الفضيحة... وطبعا كل هذه مكائد من اصحاب النفوذ الذين يسيطرون على الاعلام لأنه تجرأ وانتقدهم...( وهكذا يمكن ان يحولوا حياتك إلى جحيم اذا ارادوا)..

معليش طلعت بيك برة الموضوع.. ولكني سأعود لمواصلة الرد على اسئلتك يا استاذ سيف وبعد ذلك سأرد على الحبايب الباقين فردا فردا وخليكم قريبين
والله يديكم العافية

Quote: ومثال آخر ان ممثل مشهور جدا ايضا ونجم من نجوم هوليود ( والذي يمثل الآن مسلسل ( السيطرة على الغضب) Anger Management ونسيت اسمه انتقد اليهود وشتمهم.. ويوم اوقفه رجل شرطة وهو يقود سيارته بسرعة جنونية وكتب له مخالفة ,, ونبذه هذا الممثل وقال له انت يهودي ك ل ب وصفات مشمئزة كثيرة... وبعد ذلك بدأ الناس يقرأون اخبار فضائح هذه الممثل في الصحف وكافة وسائط الاعلام .. وعندما حضر إلى نيويورك دبروا له شرك حيث ارسلو له فتاة جميلة في الفندق الذي ينزل فيه.. وهناك جرت مشادة وصراخ وعويل وبدأت الفتاة تصرخ في ممرات الفندق وتصيح بأن الممثل لم يعطيها المبلغ المتفق عليه... وبدأت الصحف في اليوم الثاني تكتب في الصفحات الأولى عن الفضيحة... وطبعا كل هذه مكائد من اصحاب النفوذ الذين يسيطرون على الاعلام لأنه تجرأ وانتقدهم...( وهكذا يمكن ان يحولوا حياتك إلى جحيم اذا ارادوا)..

أميرة، يا أخي ما تبالغي كمان. شارلي شين؟ شارلي شين ده ما محتاج يهود يعملوا ليه فضيحة. ده فضيحة براااااه. و من زمااااان.
بعدين شكلك ملخبطة قصتين. اللي كان سائق و هو سكران و شتم الشرطي و قال ليه تكون يهودي و بلا بلا بلا ده ميل جبسون. و اليهود كانوا شامنه من فلم الألم المسيح. و لقوها فرصة. بشعوا بيه.
لكن شاري شين قبل قصة البنت دي كان في حالة انهيار تام. شئ كوكايين و شيء بنات. حتي أبوه مقاطعه. ده غير انه شتم الناس الشاغلين معاه في المسلسل و القناة كلها.
الاتنين ديل مثال سيء. بعدين مالهم هم شاتمين اليهود؟؟؟
وصدقيني اى زول يشتم أي عرق أو جنس في البلد ده خاصة لو كان مشهور ح يشهروا بيه في الإعلام. قبل كم سنة الزول اللي بيمثل كريمر في ساينفيلد كان في نادي كوميدي باليل. قام أولاد بلاك شاغلوه أثناء ما بيقول في العرض بتاعه. قام زعل جداً و قال ليهم كلام عنصري جداً و ما جميل. تاني يوم كل القنوات و الاراديو و المجلات ما عندها سيرة غيره. و ذي ما قلتي حياته بقت جحيم. و ما أظن زول يشغله في أي فلم أو مسلسل بعد الحادث ده. القصة مشورة جداً. لكن ما أظنك تكوني سمعتي بيها لو ما بتحضيري تلفزيون أمريكي. أو تسمعي راديو أمريكي.



أما شارلي شين يحمد ربه الآن عندو مسلسل جديد لنج. :)

Quote: اولا حكاية اليهودي ممكن يقلي عيشتك جهنم دي ممكنة جدا وحأديك مثال بعد شوية... لكني انا ما قصدت هذا المعنى في انه اذا الكاتب الملحد محمد محمود( وانا ما عارفة هو جايب اسمه من وين؟؟) انتقد الديانة اليهودية فسوف ينبري له اصحاب الديانة ويوقفونه عند حده.. لأن اليهود هسع موقفين اي زول يرفض يصدق حكاية الهلوكوست عند حده .. وفي قانون امريكي يمكن يوديك السجن اذا انت انتقدت الهلوكوست وقلت انك ما مصدق

يا أميرة
برضو ده ما الموضوع.
اولا اذا انتقد محمد محمود (اسمه ده غالبا سموه ليهو اهلو !!) الديانة اليهودية فلن يستطيع احد أن يوقفه عند حده لأنو أساسا ما في حد يقف عنده.، اما اذا انتقد اليهود
و عمل على إثارة الكراهية ضدهم فالف من ينبري له و يوقفه عند حده، فرق كبير بين الحاجتين ديل.
ثانيا: رافضي الهلوكست هم في الغالب اناس يكرهون اليهود لأسباب مختلفة و عملوا و يعملون حتى الآن على القضاء عليهم كعرق و كبشر و ليس لأنهم اتباع ديانة محددة هي اليهودية.
ثالثا: لا يوجد في امريكا قانون يجرم انكار المحرقة.

أميرة:: وتيب...ما إنتي كويسة.....سيف جاب الكلام دا من وين؟


سيف: لا لسه و الله مؤقت هنا ....الولد الكبير معنقد..بيحب البلد ديك....حأرسل لك الرقم في الخاص

هنا يا أميرة فيديو لمناظرة بين منكر للمحرقة و مؤمن بها. مناظرة عامة قام منكر المحرقة بانكارها علنا دون خوف من اي ملاحقة يهودية او قانونية.
و ازيدك من الشعر بيت مارك ويبر الممثل لمنكري المحرقة في هذه المناظرة استاذ تاريخ في جامعة امريكية و لديه مع أخرين منظمة تعمل على
انار المحرقة بالأدلة و البراهين و هم يسمون أنفسهم Holocaust Revisionist

الأخ سيف النصر تحية
إعتقد أن محور الحوار هنا هو هذه النقطة التي ذكرتها الاخت أميرة

Quote: لأنه يعلم تمام العلم انه اذا تجرأ وتقول( اي قال شيئا غير الحقيقة ) على النبي موسى والنبي عيسى فسوف تقوم عليه قيامة اليهود والمسيحيين ويجعلون حياته جحيما

فهل حقا إذا تجرأ أحد وقال أحد (اي قال شيئا غير الحقيقة ) على النبي موسى والنبي عيسى فسوف تقوم عليه قيامة اليهود والمسيحيين ويجعلون حياته جحيما )?
الحديث هنا عن حق نقد الإنبياء وإنكار نبوتهم ورسالا تهم لاعن - المحرقة اليهودية والمواقف السياسية أوحتي مبدأ رفض تحقير أي شخص أو التميز ضد بسبب العرق واللون والجنس/ الدين / والنوع !
** دعونا في مربع إنكار ورفض نبوة الانبياء ونقدهم قلت في ذلك

Quote: في أمريكا من حقك في أمريكا أن تعلن أن الأديان إنتاج بشري ووضعي - وأن الإنبياء إختلقوا وألفوا الأديان بل وأن تقول بتعارض الإديان مع العلم بل وأن تنفي وجود خالق وترفض الماوراءيات .. ومن حقك أيضا أن تؤمن وتعتقد في الأديان وأن تواجه الإلحاد بسلاح الفكر والرأي! ومن لا يعرف هذه الحقائق عن أمريكا فإنه ربما يعيش في تورا بورا لا في ربوع الولايات المتحدة! ........

شكرا يا كمال، فعلا هذا هو الموضوع الاساسي كما لخصته أنت.

اخونا Carlose Time
انكار المحرقة و التشكيك فيها حق مكفول للناس هنا في امريكا و لا يوجد قانون يمنع ذلك. اعتقد أن منكر المحرقة قد يواجه بعض صعوبات في الاوساط
الاكاديمية و السياسية إذ أن الانكار قد ينظر اليه كنقطة سالبة في حق الشخص تطعن في نزاهته او في مقدرته على تقبل الحقائق و هو أمر ينسحب على جميع
المؤمنين بنظرية المؤامرة. منكرو المحرقة و الذين يقولون أن الحكومة الامريكية لديها اتصال بكائنات فضائية و أنها تخفي معلومات عن هذ الكائنات عن الشعب
و الذين يعتقدون بوجود جمعيات سرية تتحكم في العالم ، او أن اتباع الشيطان في هوليوود و في مجال الفن عموما يعملون على تمرير رسائله خفية للناس
كل الناس ديل بختوهم في سرج واحد و من ثم ينظر اليهم بعدم احترام لمفارقتهم العقلانية و قواعد التفكير المنطقي.

نرجع للموضوع
اليوتيوب يا أميرة مليان بمن يسخرون من اليهودية و المسيحية سخرية تتعدى احيانا حدود الأدب و الذوق، عندك مثلا قناة على اليوتيوب للمدعو
darkmatter2525 و الذي ينتج افلام كارتون قصيرة يهاجم فيها المسيح و يهوة و مريم و يسخر منهم و يتمسخر عليهم ، و لا تظني أنه شخص غير معروف
ستخدم اسما nick name لا هو شخص معروف و يظهر بصورته في بعض الفيديوهات و يشارك في انشطة تجدي بعض منها مسجلا على قناته .وجدته مرة بالصدفة
و شاهدت بعض مقاطعه و قد هالني مدى الحرية التي يتمتع بها هؤلاء البشر.

http://www.google.com/url?sa=tandrct=jandq=the%20...14aRzI5Z_OUqKAz_rcHQ
كتاب وهم الاله The God Delusion لرتشارد دوكنز ، و هو قمة ما يمكن الوصول اليه في نقد المسيحية و اليهودية . و مع ذلك فــ دوكنز موجود و مبسوط و لم تتحول حياته
لجحيم لا يطاق ، بل بالعكس تفتح له الأبواب و يحتفى به عبر الاطلنطي في بلده بريطانيا و في امريكا.

الحبيبة سمارت...
شكرا يا غالية ..

والله يا اسمارت اي حاجة انا كتبت عنها عن امريكا جبتها من الصحف النيويوركية البتصدر في نيويورك وصحف ولاية كونتيكات التي حدثت فيها مجزرة الأطفال الصغار من واحد مجنون
عنده في بيته ترسانة بتاعة اسلحة...
ومع اني جديدة ( يعني مش جديدية خالص ) في امريكا لكن بشاهد التلفزيزن يوميا وبتابع الأخبار في السي ان ان يوميا بحكم عملي ودراستي.. واطالع الصحف اليومية يوميا .. ولكن لا اسمع اذاعة ..
لكن الحكايات الحكيتها قبل كده لصديقي دينق وزكريا كانت عن العنصرية .. وطبعا لغاية الآن انا بقول العنصرية موجودة في امريكا وعلى الرغم من ان الرئيس المنتحب والذي انتحبه البيض اصله كيني وليس السود
لأن السود اقلية في امريكا...

لكن برضه انا بقول بعد ده كله اسهل دولة تهيش فيها في هذه الدنيا هي امريكا لأن حق اي شخص محفوظ بالقانون الذي لا يفرق بين كبير وصغير.. وهذه هي عظمة امريكا.. يعني احتمال مرات يا اسمارت اكون بالغت حبتين في وصف
الجرائم هنا في امريكا لكن الواقع يقول ان الجرائم البنقرأ عنها الآن والتي تحدث في السودان بتخلينا نقول ان امريكا بقت واحة للسلام والأمن وكأننا في جنيف او مونت كارلو..
والله يديك العافية والصحة

Quote: الجرائم هنا في امريكا لكن الواقع يقول ان الجرائم البنقرأ عنها الآن والتي تحدث في السودان بتخلينا نقول ان امريكا بقت واحة للسلام والأمن وكأننا في جنيف او مونت كارلو..

ياخي والله انت الذ زول!!!


























-----------

واحد من منتخب الناشئين السوداني الشارك في كأس العالم 1990م- ايطاليا ..
صحى ليك الصباح وقام يتمغى وهو يردد:
الله ياخي .. جو اوروبي عدييييل كدا!

كتبت اميره السيد :

(( وطبعا لغاية الآن انا بقول العنصرية موجودة في امريكا وعلى الرغم من ان الرئيس المنتحب والذي انتحبه البيض اصله كيني وليس السود
لأن السود اقلية في امريكا... ))

والله زى ما قال قيقراوى انتى الذ زول

انتى يا اميره محتاجه تركزى شويه وتحللى المعلومات وتفهميها قبل التسرع فى اصدار الاحكام .. ودائما فكرى بالعقل وليس بى العاطفه

عزيزتي زينب
عزيزي فتح الرحمن

يا جماعة بس وروني الغلط في كلامي شنو؟؟؟ انا قلت بالواضح انه على الرغم من ان الأمريكان البيض انتخبوا اوباما الأصله كيني لكن لا زاتل العنصرية موجودة في الولايات المتحدة ألأمريكية.. وكلامي ده ما معناه خلاص العنصرية متفشية في امريكا بنفس القدر الكان فيه في اعوام الثلاثينات والأربعينات او مثل ما كان في جنوب افريقيا لمن اعتقلوا نيلسون مانديلا.. لكن قصدي ان التصرفات الفردية من البعض لا زالت موجودة وما حتنتهي ابدا.. وضربت قبل كده مثل بتصرفات مفتش الشرطة مع واحد من افراد التيم بتاعه... وكل الأمثلة دي بيكتبوها الصحفيين البيض في جرائدهم اليومية... وبعدين يا جماعة الخير كلامي ده كا قاعد اجيب من فراغ لكن مكتوبة في الصحف اليومية...
وثانيا العنصرية دي ما متوفقة على امريكا بس.. لكن ، وبشهادة عربي، ان العنصرية متفشية في العرب نفسهم .. واسمعوا قول اديب ومفكر سوري واسمه هاشم صالح ماذا يقول::

يقول:" إني اقول للعرب كل العرب: قبل ان تتحدثوا عن عنصرية الفرنسيين أو الأمريكان او الشياطين انظروا إلى انفسكم في المرآه ولو لمرة واحدة. ثم اضيف: ما دام هذا الموقف العنصري واللاانساني سائدا فلا يمكن ان تنهض حضارة على ارض العرب"( انتهى افتباس المفكر السوري)..

يعني يا زينب وفتح الرحمن ما تاخدوا كلامي عن عنصرية بعض( ولا اقول الكل) الأمريكيين بالحساسية دي.. فبالأمس القريب جدا لم يكن الرجل الأسود او المرأة السوداء يمكن ان يستقل بص ( مواصلات )مع البيض لأنه كان عندهم بص خاص وما كانوا بيقدرا ياكلوا في مطعم واحد.. لكن باجتهاد المناضلين السود( امثال مارتن لوثر كنج) واجتهاد اهل المروة والمبادئ من البيض( مثل ابراهام لنكلن) استطاع السود ان يحصلوا على حقوقهم كاملة ...وحتى الآن في جماعة من جماعة كوكلس كلان العنصرية عندها انشطة في الولايات الجنوبية... لكن برضه بقول انك ما بتحس بهذه العنصرية في امريكا .. هسع الغلط في كلامي شنو عشان اقدر اصححه... لأني بردد ما تقوله الصحف وما يقوله التاريخ ...

والله يديكم العافية

Quote: وبعدين يا جماعة الخير كلامي ده كا قاعد اجيب من فراغ لكن مكتوبة في الصحف اليومية

طيب قانون انكار الهولوكوست ده جبتيهو من وين؟

Quote: يا جماعة بس وروني الغلط في كلامي شنو؟؟؟

عداك العيب يا أميرة وكلامك ما غلط، وناس smart وسيف النصر والمعاهم ما غلطانين.
كلامك ما غلط من حيث إيراد الوقائع .... لكن مشكلتك في تحليل الوقائع وربطها بالنظام الأمريكي ، في بالي إنك بي تشيلي الوقائع من النظام الأمريكي
وبي تجي تحليليها بي (الكمبيوتر السوداني).
متفق معاك العنصرية موجودة في كل العالم، الفرق في الدول المتفدمة هناك نظام يردع العنصرية إذا تحولت من إحساس داخلي لي فعل تجاه الناس
بالتأكيد دا الإتجاه الحا يقضي علي العنصرية.
ومؤكد زي ما نحنا عندنا تحيزات تجاه رؤى وثوابت محددة لدرجة أننا نلغي عقلنا إذا أحسسنا أنها أنتهكت
هم برضو عندهم نفس الحاجات من خلفيتهم الثقافية، الفرق إنو النظام هناك والتحضر لا يسمح لك بإيذاء من تحس أنه إنتهك ما تعتقده
بينما عندنا من الممكن جداً تصفيته جسدياً.

ما ممكن نحن من الحفرة القاعدين فيها ، وبكل التخلف المسيطر علينا نقدر نحكم عليهم إلا إذا إنطلقنا من قواعد إنسانية فهي المشترك بيننا وبينهم.

أسئلة:
* ما علاقة أمريكا بالتخلف والقهر في العالم.؟
* من أي الأزقة المظلمة في الثقافة الأمريكية خرج جورج بوش ليقول أن الله أوحي له بغزو العراق. ولم ساد المسيحيون الأصوليون في تلك الفترة؟.
* الرئيس أوباما أسود البشرة، ولكن هل يعبر عن السود أم عن المركزية البيضاء في أمريكا، سواء كانت يسار أبيض أم يمين أبيض؟

يا أخ نبيل علي البوست اساسا ما عن كراهية اليهود و لا يناقش هذه المسألة كموضوع اساسي.

___________________________________________________________
الأخ Maldiny Myamy لا اعتقد أن نقاش حقائق عن بلد ما او عكس تجارب حياتية و خبرات ناتجة عن المعايشة باعثه الفرح كما تقول في وصفك
لهذه المسألة. اعتقد انو اي ايراد معلومات غير صحيحة او تفسير وقائع تفسيرات مجانبة للدقة يفرض على المرء واجب تصحيح تلك المعلومات و نقاش
مواضع الاختلاف ، هذا كل ما في الأمر.

Quote: .كلامك ما غلط من حيث إيراد الوقائع .... لكن مشكلتك في تحليل الوقائع وربطها بالنظام الأمريكي ، في بالي إنك بي تشيلي الوقائع من النظام الأمريكي وبي تجي تحليليها بي (الكمبيوتر السوداني). متفق معاك العنصرية موجودة في كل العالم، الفرق في الدول المتفدمة هناك نظام يردع العنصرية إذا تحولت من إحساس داخلي لي فعل تجاه الناس بالتأكيد دا الإتجاه الحا يقضي علي العنصرية. ومؤكد زي ما نحنا عندنا تحيزات تجاه رؤى وثوابت محددة لدرجة أننا نلغي عقلنا إذا أحسسنا أنها أنتهكت هم برضو عندهم نفس الحاجات من خلفيتهم الثقافية، الفرق إنو النظام هناك والتحضر لا يسمح لك بإيذاء من تحس أنه إنتهك ما تعتقده بينما عندنا من الممكن جداً تصفيته جسدياً. ما ممكن نحن من الحفرة القاعدين فيها ، وبكل التخلف المسيطر علينا نقدر نحكم عليهم إلا إذا إنطلقنا من قواعد إنسانية فهي المشترك بيننا وبينهم. أسئلة: * ما علاقة أمريكا بالتخلف والقهر في العالم.؟ * من أي الأزقة المظلمة في الثقافة الأمريكية خرج جورج بوش ليقول أن الله أوحي له بغزو العراق. ولم ساد المسيحيون الأصوليون في تلك الفترة؟. * الرئيس أوباما أسود البشرة، ولكن هل يعبر عن السود أم عن المركزية البيضاء في أمريكا، سواء كانت يسار أبيض أم يمين أبيض؟

>>>>>>>>>>>>>>>>>>>>>>>

عزيزي عيدروس
كلامك تمام التمام وصحيح ميه في الميه .. بس حكاية انا بحلل الوقائع وبربطها بالنظام الأمريكي ده ماصح.. انا ما قاعدة احلل الوقائع لكن آتي بها بعضمها وبدون تحليل... وبعدين بالمناسبة انا ابدا ما بدين النظام الأمريكي في حكاية العنصرية والجرائم البتحدث من المجرمين .. فهذه مسائل لا دخل للنظام الأمريكي فيها .. بل بالعكس فإن القانون الأمريكي يحارب هذه الظواهر بشدة ولا شك في ذلك .. انا بتكلم عن التصرفات الفردية ؟؟ زي الكان حاصل في السودان لوقت قريب وزي الحاصل في الدول العربية عندما يتعاملوا مع السودانيين.. وكلنا يعلم مدى سمعة السوداني في دول الخليج...فهم يتمتعون بأحسن سمعة بين جميع مواطني العالم.. ولكن التصرفات الفردية موجودة...

اما عن اسئلتك الثلاثة.. الأول: ما علاقة امريكا بالتخلف والقهر في العالم؟؟ ليست لأمريكا، على الأقل الآن، اي علاقة بالتخلف والقهر في العالم.. بل بالعكس فإن امريكا تحارب التخلف والقهر في العالم.. ولكن للاسف فإن المتخلفين هم الذين لا يريدون مواكبة العصر ولا يريدون التخلص من القهر.. ومثال : تدخلت امريكا وانقذت العراقيين من قهر صدام حسين ,, ولكن اتى العراقيون بشخص آخر افظع من صدام حسين...وكذلك بالنسبة لليبيا,, تخلصوا من الدموي الجاهل معمر القذافي ,, فأتى الليبيون بنظام افظع من نظام معمر القذافي حيث انتشرت الفوضى وكل مجموعة مسلحة عاملة حكومة براها ... وعشان كده امريكا الآن مترددة تتدخل في سوريا.. عشان اذا سقط السفاح الأسد بيخافوا يجي واحد دموي افظع من الأسد,,
وبالنسبة لسؤالك الثاني : من اي الأزقة خرج جورج بوش؟؟: خرج جورج بوش من زقاق الانتقام لمقتل 3000 شخص امريكي مدني برئ بدون سبب .. وكان لا يريد ان ينهي فترته دون ان يثبت للشعب الأمريكي انه لم يتهاون في حماية المواطنين.. ولذا شن الحرب على افغانستان ( حيث كان يعيش مدبروا جريمة سبتمبر 2001م وكذلك شن الحرب على العراق بسبب الظن فقط انه كان يدعم الارهابيين ووجد سببا آخرا وهو امتلاك صدام حسين على اسلحة نووية.. وثبت اخيرا كذب هذا الادعاء.. ولكن الغريب ليس جنون بوش ولكن كافة الدول العربية كانت مؤيدة غزو العراق بل شاركت في الحرب...
والسؤال الثالث: هل يعبر اوباما عن السود ام عن الأغلبية البيضاء؟ : عندما جاء اوباما في فترة ولايته الأولى كان يعبر عن الأغلبية البيضاء.. ولكنه الآن بدأ يعبر عن الأقلية السوداء وعن المغلوبين في العالم.. ولكنه بدأ يحسب خطواته بحساب دقيق ايضا حتى لا يترك الرئاسة ولديه بقع سوداء.. كما فعل بوش... وسوف ترى بانه وقبل ان يترك الرئاسة سوف يكون قد اسس لقيام دولة فلسطين .. وهو الرئيس الأمريكي الوحيد الذي سعى جادا لتحقيق هذا الحلم... وبدأت الخطوة الأولى باعتراف الأمم المتحدة بدولة فلسطين كدولة غير عضو ولكن بصفة مراقب.. وفقط امريكا امتنعت عن التصويت ولم تعرقل القرار.. لآنها اذا ارادت ان تعرقل القرار لكان سهلا جدا عليها لأن ثلثي دول العالم يأتمرون باوامر امريكا ومنها 21 دولة عربية...
والله يديدك العافية

ملحوظة لسيف النصر:: ما يتعلق بالهلوكوست: جاياك بالأدلة...
والله يديك العافية

Quote: يعني يا زينب وفتح الرحمن ما تاخدوا كلامي عن عنصرية بعض( ولا اقول الكل) الأمريكيين بالحساسية دي

يا اميرة ياخي انا ما امريكاني .. امريكانلي
وما حساس ذاتو بعيد عنك ..
دي زينب براها الاتحسست ياخي

















------------

زمان (امريكا) دي ما من الحتات الكان نفسي اشوفها قبل ما اموت ..
مونتكارلو .. دظ (مش في فرنسا هي؟)
جنيفا .. دظنت كلو كلو (كلو العارفو عنها انها محل عملوا اتفاقية جنيف بتاعة اسرى الحرب ديك .. يعني بلد ملكلك ساي من يومو)
لكن وكت امريكا بقت زيهن .. هي زاتا بقت دظ .. آي دوو (او كما قالت شيرين في مسرحية "المتزوجون")
المافي شنو؟

اها يا سمارت برعي .. عملتي لينا شنو في موضوع الزيارة
التذاكر اميرة دي متبرعة بيها .. المافي شنو؟
هي طيبة ونحن نستاهل

بس عجلوا علينا بالله
اخوكن زول عجوز .. وممكن يتلحس في اي اي اي لحظة ..

(وماتدري نفس بأي أرض تموت) جاهزين لتقديم اوراقكم؟

سلامات يا شباب..

Quote: وطبعا لغاية الآن انا بقول العنصرية موجودة في امريكا وعلى الرغم من ان الرئيس المنتحب والذي انتحبه البيض اصله كيني وليس السود لأن السود اقلية في امريكا...

this is what they call a touchdown in American football




اميرة سمعتي ب one drop rule


سمعت احد الشيوخ يقول لا يدخلن الجنة من كان في قلبه نزعة من حب لدول الكفر والضلال ...

فشنو.... اميرة في الجنة وعفراء في النار:)

Quote: :)سمعت احد الشيوخ يقول لا يدخلن الجنة من كان في قلبه نزعة من حب لدول الكفر والضلال ...

>>>>>>>>>>>>>>>>
عزيزي حسين نوباتيا

والله يا حسين نوباتيا انا بحب امريكا زي عيوني .. عشان كده قاعدين فيها.. وبعدين منو القال ليك امريكا بلد الكفر.. والله لمن تشوف المسلمين في الأعياد ماشين لصلاة العيد تحلف تقول امريكا حاكمينها كيزان .. وهذه هي عظمة امريكا حيث ان حرية العبادة مكفولة.. ودول الكفر الإنت بتقصدها دي كانت زمان ايام الخلفاء الراشدين وبني امية والعباسيين حيث كانت دول الكفر تعبد النار والحجارة.. وكانوا يقتلون رسل السلام الذين يرسلهم الخلفاء برسائل لملوكها.. واذا انت عاوز تفتش الآن دول الكفر فابحث عنها في دول الشرق الأوسط حيث ستجد مسلمين بالاسم ولن تجد الاسلام وسماحته..
والله يديك العافية

Quote: زمان (امريكا) دي ما من الحتات الكان نفسي اشوفها قبل ما اموت .. مونتكارلو .. دظ (مش في فرنسا هي؟) جنيفا .. دظنت كلو كلو (كلو العارفو عنها انها محل عملوا اتفاقية جنيف بتاعة اسرى الحرب ديك .. يعني بلد ملكلك ساي من يومو) لكن وكت امريكا بقت زيهن .. هي زاتا بقت دظ .. آي دوو (او كما قالت شيرين في مسرحية "المتزوجون") المافي شنو؟

>>>>>>>>>>>>
عزيزي فتح الرحمن
نعم امارة موناكو في جنوب فرنسا .. وممكن تدخل ليها بدون تأشيرة من فرنسا .. وعاصمتها مونت كارلو ومشهورة بأكبر صالات القمار في العالم زي مدينة الاتنتيك سيتي في امريكا..
وطبعا انا اشرت لمونت كارلو وجنيف- عاصمة سويسرا - عشان المدينتين ديل مشهورتين بالسلام والأمان .. والجرائم فيها محدودة جدا ... والشرطة هناك ما عندهم شغل غير يلعبوا كشتينة ويتفرجوا في التلفزيون عشان ما في مجرمين يجروا بوراهم..
واقول ليك من هسع يا فاح الرحمن اذا انت ما شفت امريكا نص عمرك رايح.. واذا ما شفت كسلا برضه نص عمرك رايح .. تذاكر كسلا انا بتحملها وتذاكر امريكا اسمارت بتتحملها.
والله يديك العافية

Quote: والله يا حسين نوباتيا انا بحب امريكا زي عيوني

لا كان كدي تكوني مع ناس عفراء و اسمارت في النار:)













__________

I know Ya Ameera i was just messing with you..
.Plus you are completely entitled to your feelings sister, no apologies.
as long as you are in peace with yourself... which i honestly think you are.

Quote: أسئلة: * ما علاقة أمريكا بالتخلف والقهر في العالم.؟ * من أي الأزقة المظلمة في الثقافة الأمريكية خرج جورج بوش ليقول أن الله أوحي له بغزو العراق. ولم ساد المسيحيون الأصوليون في تلك الفترة؟. * الرئيس أوباما أسود البشرة، ولكن هل يعبر عن السود أم عن المركزية البيضاء في أمريكا، سواء كانت يسار أبيض أم يمين أبيض؟

أها يا ناس أمريكا التانين
أسئلتنا ما شايفين؟!!
والمقصود سيف النصر وإسمارت والباقين

أميرة الأميرة، كيفك؟ ان شاء الله طيبة.
يا أميرة كيف يعني أوباما ما بلاك لكن كيني؟.
أوباما صح أبوه ما جاء أمريكا اسليف. لكن يا أخي الزولة ده عاش في أحياء البلاك الفقيرة. عاش وسطهم و ساعدهم و أتطوع لتوفير الأكل للفقراء( بيض و سود) و حمايتهم و تعريفهم بحقوقهم. صح، أوباما ما جاء عشان البلاك بس. لكن كمان ما كان بيعبر عن البيض بس. أوباما عبر عن كل الشعب الأمريكي. الفقراء و الطبقة الوسطي. و حتي ال upper midd class
أكبر إنجازات أوباما في الفترة الأولي كانت التغيير اللي عمله في النظام الصحي؟ منو المستفيد منه؟ كل الشعب الأمريكي. الفقراء و الطبقة الوسطي. لان الأغنياء أصلا ما محتاجين ليه. غالبا عندهم تأمين صحي سمح جداً.
دي نوع التعليقات اللي بتخليني أقول أميرة دي عايشة وين؟


سلامات عيد الروس. ( أن شاء الله أكون كتبته صح)
ما عندي إجابات مطلقة، لكن بجيك بوجهة نظري في الموضوع

سلامات عيد الروس.
1- علاقة أمريكا بالتخلف و القهر في العالم.
أمريكا حاربت التخلف و القهر في العالم. رغم أنها تعتبر ( بحكم الجغرافيا) معزولة عن العالم. و ما قاعدة تتاثر كتير بالعالم. خلينا ناعين ( الآن) للعالم و نشوف الأمريكان بيعملوا في شنو.
بيل قيدس singlehanded قضي ( او علي وشك انه يقضي )علي شلل الأطفال. و شغال في الملاريا
جيمي كارتر، علي وشك انه يقضي عليGuinea worm disease و شغال في عمي الأنهار.
قوقل بتحارب في الاتجار بالبشر.
الشعب الأمريكي معروف بانه اكتر شعب كريم في العالم. اكتر ناس بيتبرعوا للكوارث في العالم.
دي أمثلة لمؤسسات أمريكية و افرد و مساهمتهم في جعل العالم a better place
نجي للحكومة الأمريكية. المسلمين بالذات اكتر ناس زعلانين من أمريكا. لكن خلينا نعاين لتاريخ أمريكا معاهم.
بل كلنتون اللي الناس شايلة حسه، حرك كل الناتو و و ضرب الصرب عشان المسلمين البوستنا.و لولاه ما عارفين كان حصل شنو.
حتي تدخلهم في الصومال. أنا بندهش جداً لما اقرأ لزول هنا فرحه لضرب الجنود الأمريكان في الصومال و قتلهم. الجنود الامركان ديل دخلوا عشان حماية الإغاثة من لوردات الحرب و ضمان وصولها لايدي المحتاجين.
حتي تدخل أمريكا الأخير في ليبيا كان من اجل حماية سكان ( أظن بنغاذي).لما عرف بان القزافي حرك جيشه لابادة المدينة كلها، أوباما كان عنده كم حل أمامه. قادة الجيش الأمريكي كان رأيهم أن أمريكا ممكن تسكت خالص و تعمل ما سامعة او تطلع بيان تدين فيه المجزرة اللي كانت ح تحصل. و الخيار الأخير انه أمريكا تضرب قوات القزافي. أوباما اختار حماية المدنيين و ضرب قوات القزافي.
أمريكا ما بيقودوها ملائكة بأجنحة. و ما كل شيء بيعمله خير مطلق. لكن أمريكا من مصلحتها أن العالم يكون مروق و صحي و منفتح و منعنش. لأنهم المستفيد الأول. الازدهار الحاصل الآن في الصين أمريكا هي المستفيد الأول. الصينيين بقوا يشتروا أي فون و بقوا يأكلوا لحمة و مكسرات. و أمريكا مبسوطة بالتغيير في الصين. و تشيل و تصدر في اللحم و المكسرات و التكنولوجيا. دي طبعا أمثلة بسيطة. لكن أكيد فهمتا أنا قصدي شنو.
الآن احد أكبر المخاطر علي التحسن الحاصل علي الاقتصاد الأمريكي هو أن ينهار الاقتصاد الأوربي. عشان كده أمريكا مفتحة عيونها تماماً. و أظن أنها مستعدة أنها تساعد لو احتاجت أوربا لمساعدة.
2- جورج بوش و اليمين المتطرف
الأمريكان شعب مؤمن. و فيهم ( ذي اي شعب اخر) المتطرفين. و عشان نفهم كيف الأمريكان فوزوا جورج بوش الابن لازم نعرف كان حاصل شنو في أمريكا الزمن داك.
كلنتون لما انتهت دورته الانتخابية الثانية الاقتصاد الأمريكي كان في السماء. البورصة عال العال، و سوق العقارات يقول يا ليل. الأمريكان ما كانوا بيشكوا من شيء غير أن رئيسهم عينوا طايرة و بتاع بنات. رغم انه كان ظريف و وجيه و شخصيته مباااالغة. جاهم بوش تحت شعار الدين و الأخلاق و الفضيلة و فاز. ده كان هم الشعب الامريكي الزمن داك. عاوزين زول محترم في البيت الابيض. عاين لنفس الشعب الأمريكي بعد 8 سنوات من حكم بوش. الاقتصاد في أسوأ حالته و الحالة صعبة. في حالة ذي دي الشعب الأمريكي طوالي بقي همه الاقتصاد. و الدين و الفضيلة و حياة الرئيس الشخصية بقت irrelevant.
3- أوباما ابيض أم اسود؟
ما عاوزة أعيد نفس الكلام اللي قلته لاميرة فوق. لكن عاوزة أضيف عليه أن لو كنا فاكرين انه في أي رئيس أمريكي ممكن يبقي أمريكا دولة اشتراكية نبقي واهمين. أمريكا دولة راس مالية. كل اللي ممكن يعمله أوباما انه يحلول يعمل what they cal social safety net
و هي بس لحماية الفقراء جداً من الخروج نهائيا من السستم بانهم يبقوا شحاذين في الشوارع. و برضوا بجعل الفرص متساوية ( او شبه متساوية) للفقراء و الأغنياء بانهم يمشوا لقدام و يلقوا نصيبهم لو اجتهدوا و شدوا حيلهم. الحجات دي بتتمثل في تقليل الفوائد علي ديون الدراسة، التامين الصحي لكل الناس، زيادة الضرائب علي الأغنياء جداً و تقليلها علي الفقراء. و كل الحجات اللي أوباما شغال فيها من فترته الأولي حتي الآن.
أوباما يا أميرة و عيد روس فاز ب 95% من أصوات البلاك. معقولة يكونوا كت فاهمين هو بيمثلهم أم لا ؟؟؟؟

سلامات يا عيدروس
بوش فعلا خرج من اشهر زقاق مظلم في امريكا و هو زقاق اليمين المسيحي المتطرف و لو نظرت في بعض الفيديوهات الموجودة في هذا البوست
سترى أن المعركة مع سكان هذا الزقاق قائمة على قدم و ساق، و في اعتقادي أنه بعد درس الثمانية سنوات الذي دخلته امريكا مع بوش قد تشكل من الوعي
لدى الناخب و الساسي الامريكي ما يكفي ليضمن عدم تكرار التجربة.
اما علاقة امريكا بالقهر و التخلف في العالم فعلاقة طويلة و أنت سيد العارفين ، و لكن اسمح لي أن اجيبك على سؤالك بسؤال: هل امريكا ما بعد الحرب الباردة
هي نفسها امريكا زمان؟ و هل بعد تهاوي مزاعم الحرب على الإرهاب واحدا تلو الآخر ستظل امريكا هي نفسها امريكا المتأثرة بصدمة سبتمبر حداشر؟
اوباما لا يعبر عن السود و لا عن المركزية البيضاء اوباما خطوة في اتجاه امريكا اكثر انسانية و اكثر احتراما للآخرين و أقل امبريالية و توسعية، لاحظ أني قلت
هو خطوة في هذا الاتجاه و لم أقل أن الرجل هو كل ذلك. سواد بشرة اوباما لا علاقة له في نظري بالذي يمثله اوباما و الذين معه.

شكراً لردودكم يا إسمارت و سيف النصر
وعندي سؤال تاني ليكم كلكم وأميرة معاكم كمان

في قضايا مفتاحية في كل دولة بي تأثر علي توزيع الناس علي الأحزاب، ممكن تورونا القضايا المفتاحية في أمريكا
وروية كل حزب في يو اس ايه ليها؟

والسؤال التاني : هل السودانيين المهاجرين بصورة عامة نشطين سياسياً؟

والسؤال التالت: ماهي القضايا التي تسهم في إقتراب السودانيين النشطين سياسياً من حزب معين، وما هي القضايا التي تبعدهم ؟

معليش هريناكم بالأسئلة ... لكن جات الفرصة... ومنكم نستفيد

أحداث ماراثون يوسطن اليوم

العزاء لأهالي القتلى وقلبي مع من جرحوا في الحادث، وإن شاء الله كل السودانيين سلامة

الاقتصاد و الأمور الاجتماعية )social issues )
دي المفاتيح في أمريكا.
الجمهوريين شايفين انه الاقتصاد لازم يكون حر تماماً. قلل الضرائب علي الأغنياء ح يكبر البزنس بتاعهم و يشغلوا ناس زيادة و ناس كلها تشتغل و يبقي عندهم قروش و يشتروا حجات اكتر من السوق و السوق يحتاج ناس زيادة و تنقص البطالة و ينتعش الاقتصاد.
الديمقراط شايفين انه السوق ما بيشتغل براه. لازم تكون في قوانيين تحكمه. لازم الحكومة تساعد الفقرا مش تخليهم تحت رحمة الاقتصاد. و كون أنهم فقراء ما معناه أنهم كسالي.
و ذي ما في السودان حاصل انه الأموال و الدين دائماً بيلقوا طريقة يتحدوا. برضوا في أمريكا حاصل كده. الجمهوريين بيطلقوا علي روحهم المحافظين. و قاصدين محافظين اجتماعيا ( لا لزواج المثليين، لا لحق الإجهاض) و محافظين ماديا ( الحكومة ما مفروض تصرف قروش كتيرة، الحكومة تصرف علي الجيش بس) أي شيء آخر مفروض القطاع الخاص يقوم بيه. تعليم، صحة، و كده.

التقسيم ده بيخلي الأغنياء يبقوا جمهوريين ( ما عدا الناس المهتمة بمصالح الغير مش مصالحها الشخصية). المتديينيين يبقوا جمهوريين ( لأنهم ضد الإجهاض و زواج المثليين). النساء يبقوا ديمقراط( حق النساء في الإجهاض و المساواة في الأجور مع الرجال). الأقليات يبقوا ديمقراط( الجمهوريين و اعتراضهم علي الأجانب و حقوقهم). أي زول مهتم بالبيئة يبقي ديمقراطي( القوانيين اللي بتحد من التلوث البيئي و بالتالي بتخت غرامات و مصاريف زيادة علي أصحاب المصانع و الشركات)
الكلام الفوق ده عموما. ممكن تلاقي زول غني جداً لكن ديمقراطي ذي اغلب الممثلين و ناس السلكون فالي( قوقل، فيسبوك).
و زول متدين لكن ديمقراطي ذي اسمارت بتاعة سودانيزاونلاين. :)
و كده.

يا حسين باقيلك ناس دولة الكفر ديل ما بصلحوا لينا النار دي ويخلوها مكان أفضل من جنة الترابي والبشير والقرضاوي

لمزيد من الحنك عن أمريكا..
دليـــل كيــكي.. في الشارع الأمريــكي




_____
سلام سيف النصر، اميرة وضيوفكم..

غايتو انا ما عارفكم بتتكلموا عن وين ... لاكين في حلتنا هنا لو دكان العرقي قفل بنمشي ندق للفازر بتاع الكنيسة يبيع لينا من الواين بتاع القداس (لو حنكتيهو يا اميرة ممكن تلقي عندو فودكا) ... تشتم اللاتينو ... تشتم اليهود ... تشتم جيزس ... تشتم البلاك ... تشتم الله ... تشتم القيز ... تشتم الجكس ... تشتم الكراكرز ... زوووووول بيشتغل بيك مافي ... بس في اتنين ما بتقدر تشتمهم ... البوليس ... والكاشير بتاع الطرمبة .... لو ختيت الاتنين ديل ممكن تشتم من طرف ...

نجي لى موضوع دكتور سيف الحامض دا ... اميرة دي معارضة لى نظام الكيزان الوحشي المجرم ... وانا بتفق معاها في أي كلام تقولو .... قالت ليك أوباما ما بلاك ... وعندهم قانون (أظنها ساكنة في الهولوكوست) البيشتم حلتهم بيدخلوهو السجن ... وكلامها صاح ... الهولوكوست حلة جميلة وهادئة في ألمانيا ولو حرقوا فيها ستة مليون يهودي معناها مفروض الافران تكون شغالة لغاية 2022 (بى حساب انو فيها اربعة افران والفرن بيحرق الجثة في 10 دقايق حسب الوقائع التاريخية) والبيقول ليك انو الهولوكوست كويسة ولا ما كويسة دا طوالي تعرفو كضاب ...

تشتم عيسى وموسى بالكضب وتقول عنهم كلام غير الحقيقة ... ما بتجيك اي عوجة ... لاكين اليهود والمسيحيين حا يحولوا حياتك للجحيم ... القانون بيسمح بى سب الأديان ... لاكين بختوك في السجن لو سبيت الأديان ... انا غايتو في دي بتفق مع أميرة السيد ومحمد محمود (هو جاب الإسم دا من وين وأهلو ناس كفار من ملاحدة كسلا؟) ...

واتفق أيضًا مع سمارت برعي انو الامريكان بيدقوا نسوانهم واشدد على ضرورة الدش بالقنوات الإسلامية وعدم التعري في عيادات اليهود ومسابحهم لأنهم يملكون اليوتيوب وسودانيزاونلاين ... حتى لا يأكل ابناءك لحم الحلوف في بيت القيرلفريند ... فالبورك في كل شيء هذه الأيام ...



... المهم ...

Quote: واتفق أيضًا مع سمارت برعي انو الامريكان بيدقوا نسوانهم واشدد على ضرورة الدش بالقنوات الإسلامية وعدم التعري في عيادات اليهود ومسابحهم لأنهم يملكون اليوتيوب وسودانيزاونلاين

ابو الزفت!!!



























------------

حق التذاكر كيف يا بركة؟
انا كان ما التزمت أحجج البطل .. كان دفعتا تذاكري براي والله
لكن سبق السيف العذل
ونحنا ناس كلمتنا وااااحدة

Quote: !!!بس في اتنين ما بتقدر تشتمهم ... البوليس ... والكاشير بتاع الطرمبة >>>>>>>>>>>>>>>>>>>>>>>>>>> عزيزي تبارك ود شيخ الدين بالرغم من اني بختلف معاك في اطروحات كثيرة ، وخاصة فيما يتعلق بالعقيدة والأفكار الصوفية لكن بصراحة انا فرحت برضه لمن جيت داخل البوست لأنك بثقافتك العالية بتثري البوست وبتيث فيه حيوية ودماء حارة... وكلامك كله سمح ومفهوم وواضح .. بس الحاجة المافهمناها .. البوليس عرفناه ما بنقدر نشتمه عشان ممكن يوجهو ليك تهمة اساءة رجل قانون.. لكن الكاشير بتاع الطرمبة ما بنشتمه لي شنو؟؟؟؟ والله يديك العافية المهم.. تخريمة يا سيف النصر.. سؤالك بتاع الهولوكست جاوب عليه هنا تبارك .. لكن انا فاعدة اعمل في بحث وجاياك بتفاصيل .. و والله يديك العافية ------------ andIacute;andTHORN; andCcedil;andaacute;andEcirc;andETH;andCcedil;andszlig;andNtilde; andszlig;andiacute;andYacute; andiacute;andCcedil; andEgrave;andNtilde;andszlig;andEacute;andiquest; andCcedil;andauml;andCcedil; andszlig;andCcedil;andauml; andatilde;andCcedil; andCcedil;andaacute;andEcirc;andOgrave;andatilde;andEcirc; andAtilde;andIacute;andIgrave;andIgrave; andCcedil;andaacute;andEgrave;andOslash;andaacute; .. andszlig;andCcedil;andauml; andIuml;andYacute;andUacute;andEcirc;andCcedil; andEcirc;andETH;andCcedil;andszlig;andNtilde;andiacute; andEgrave;andNtilde;andCcedil;andiacute; andaelig;andCcedil;andaacute;andaacute;andaring; andaacute;andszlig;andauml; andOacute;andEgrave;andTHORN; andCcedil;andaacute;andOacute;andiacute;andYacute; andCcedil;andaacute;andUacute;andETH;andaacute; andaelig;andauml;andIacute;andauml;andCcedil; andauml;andCcedil;andOacute; andszlig;andaacute;andatilde;andEcirc;andauml;andCcedil; andaelig;andCcedil;andCcedil;andCcedil;andCcedil;andIacute;andIuml;andEacute;

تبارك، انت ح تقولني من طرف؟؟؟
عاوز تقول حاجة قولها براك، ما تتفق معاي في أي شيء.

----------------
قيقا، يا أخي تشرفونا انت و البنات و أمهم في أي وقت.
ذي ما قلتا، من غير تذاكر

Quote: تبارك، انت ح تقولني من طرف؟؟؟ عاوز تقول حاجة قولها براك، ما تتفق معاي في أي شيء.

سمات ياخي كلام طبارك دا بقروهو من الشمال لليمين .. عشان يتعدل















































-----------

لقيتك سمارت شديد ..
وكت التذاكر علي استفدت شنو انا !؟

خلاس رسلي صحن الزلابية نعمل ليك اختبار الـIQ قبلنا كان كدي!!

حيا الله دكتور سيف وضيوفه الكرام،
بوستيكم ما شاء الله غاية المتعة والفائدة،
وأحيي في الأخت أميرة، صدرها الرحب، وتقبلها للنقد بروح عالية،
وكذلك قدرتها على الدفاع عن موقفها بصورة موضوعية ومنفتحة!
ووجدت في بوستيكم بعض اللقطات الجميلة،
منها ما يدعو إلى إمعان الفكر، ومنها ما يدعو إلى الابتسام،
مثلاً:

دكتور سيف:

Quote: اعتقد أن منكر المحرقة قد يواجه بعض صعوبات في الاوساط الاكاديمية و السياسية إذ أن الانكار قد ينظر اليه كنقطة سالبة في حق الشخص تطعن في نزاهته او في مقدرته على تقبل الحقائق و هو أمر ينسحب على جميع المؤمنين بنظرية المؤامرة. منكرو المحرقة و الذين يقولون أن الحكومة الامريكية لديها اتصال بكائنات فضائية و أنها تخفي معلومات عن هذ الكائنات عن الشعب و الذين يعتقدون بوجود جمعيات سرية تتحكم في العالم ، او أن اتباع الشيطان في هوليوود و في مجال الفن عموما يعملون على تمرير رسائله خفية للناس كل الناس ديل بختوهم في سرج واحد و من ثم ينظر اليهم بعدم احترام لمفارقتهم العقلانية و قواعد التفكير المنطقي.

عيدروس:

Quote: * من أي الأزقة المظلمة في الثقافة الأمريكية خرج جورج بوش ليقول أن الله أوحي له بغزو العراق. ولم ساد المسيحيون الأصوليون في تلك الفترة؟.

أميرة:

Quote: وبعدين منو القال ليك امريكا بلد الكفر.. والله لمن تشوف المسلمين في الأعياد ماشين لصلاة العيد تحلف تقول امريكا حاكمينها كيزان

هههههه

Quote: وعدم التعري في عيادات اليهود

الله يخرب بيتكم...بعد شنو:)









i.w.b.b

Quote: وأحيي في الأخت أميرة، صدرها الرحب، وتقبلها للنقد بروح عالية، وكذلك قدرتها على الدفاع عن موقفها بصورة موضوعية ومنفتحة!

عزيزي صلاح عباس فقير

بصراحة بصراحة هذه شهادة اعتز بها وسأشير لها كلما اشتد النقد..
بس كمان يا صلاح ما بالدرجة دي عشان راسنا ما يكبر ونتغطرس زي الغطرسة الأمريكية..
والله يديك العافية

Quote: .. لكن الكاشير بتاع الطرمبة ما بنشتمه لي شنو؟؟؟؟

لأنو دا الوحيد الممكن يحوّل حياتك جحيم فعلاً ... خصوصًا لو قطعت سجاير ولاّ كوندوم ولاّ بيرة الساعة تلاتة صباحًا وانت مفلس ... دي اللحظة البتندم فيها على تعليقاتك على عدم عرفتو للانجليزي ... والشوكلاتة الغنجتها منو وحاسبوهو بيها بعد مشيت ... وكباية القهوة الفاضية الجدعتها في الواطا واضطر جا مارق من الكشك بتاعو عشان يرفعها ...

تشتمو؟ ... ما واطاتك اصبحت قدام الشباك تحنّس ...






... المهم ....