Post: #1 Title: بروف سودانى ينصح باستيراد عربات (بدون مثلث) لمنع سرقات العربات Author: جمال محمود Date: 04-11-2013, 01:55 PM
البروفيسور خبير المعلومات عبد المحسن المستضاف فى قناة امدرمان ومعالجة لقضية سرقة اللابتوبات بكسر مثلث العربية الزجاجي ينصح باستيراد عربات (بدون مثلث)..وعلى الهواء!
واليكم التعليقات فى الفيسبوك :
اهو الحمد لله انو ما قال استوردو عربات بدون شبابيك خالص..المثلث هين..انتو صحي الضوكتوراة بتاعت الاخ دة فى شنو؟؟ ------------------------------ انتو صحي..الحرامية البخلو الشبابيك ويجو بالمثلثات ديل حكايتم شنو؟؟ ناس تحب الضيق بشكل! ------------------------------ الحرامي انسان ظريف ما داير يخسرك لاب توب و قزاز شباب, بيكسر المثلث و يدخل يده يفتح الباب ----------------------------- غايتو لو البروف دة كان طلع حرامي لابوتوبات كان فلس واعتزل المهنة من اول اسبوع..اهو يجي يسرق يلقى شباك العربية بدون مثلث يقوم يرجع بخفى حنين! ---------------------------- كنت عايز أطلع خبير استراتيجي بس أهلي ضغطوا علي عشان أكمل دراستي --------------------------- قلبي الصغير لايتحمل كم انت كبيير ايهاا البروفيسور ------------------------- مثلث حلايب ..؟؟ هييييكا ------------------------- انا بتكلم معاكم بالجد ,,, انتو متأكدين ده برووف ؟ هههههههههه الله يجازي بروفات الزمن ده ,, عليهم جنس حركات ؟ او يمكن ده برنامح الكاميرا الخفية ,, البروف ده ما جادي ,, بهزر معاكم ,, انتو اي حاجة تسمعوها تصدقوها ؟ ده بهزر معاكم في برنامج اسمو الكاميرا الخفية ,, ------------------------ الناس بكتشفو في حلول لمثلث برمودا انت غالبك مثلث علبه الهندسه ههههه اقصد العربيه ----------------------- How about asking people not to leave valuables in the car or put the laptop in the trunk so it won't attract robbers , or......??? Also, How about asking a police officer about car safety best practices and not an IT professor ?? ---------------------- نجيب عربات بمنقلة او برجل؟؟ هههه ---------------------- أتو شنو شابكنوا البروفيسور.. عبد المحسن..دا ما الكان في مدني..هههههه وشوف المزيعة ولا (الزواعة) متكيفة كيف..بلد كل العقول فاتت منها منتظرين شنو يعني؟؟؟؟؟؟..الرمادة في خشمكم.. أكان تفهموا شئ... ---------------------- انت عارف الزول ده يقدم اختراحات زي دي لمن يجي يقول استوردوا دبابات مصفحه --------------------- عودة البصيرة ام حمد !! --------------------- تكون الدكتوراة بتاعتو فى المثلثاااااات -------------------- يعني حسة دي معالجة !!!!!!!!!!!!!!!!!!!!!!!!!!!!!!!!ديل ياهم زاتو فقاعين المرارة زي بتاع جر الساعة ... طيب لو كسر الشباك زاتو يستوردو عربات بدون شبابيك ------------------- هههههههههههههههههههههههههههه المجانين في نعيم .. طيب رايك شنو بدل قصة المثلث دي الناس تخت اللاب توب بتاعا برا جمب العربية مش اخير ------------------- ههههههههههه.. الغبي دا درسنا في الجامعة ------------------ اي خلي يستوردها في شكل منقله و برجل ------------------ والله مابعرف بس انا قبل كدا لقيت واحد حضر دكتوراه في العناقريب -- اي والله ------------------ كفاية بنقو خلاص ههههههههه ------------------ أكيييد بكره حا يعينوهو وزير ،،،، دا مكمل المؤهلات كلها !! ----------------- شكلو بروفيسور في اللتاخه ----------------- طالما مرطب وعندك اللابتوب .. المثلث ساهل يابروف ،،بدور أسعلكم سعال ! هو دكتور ولا خبير معلومات -----------------
تحياتى اخى جمال ،، والله وانا بقرأ في عنوان البوست غلبنى تب اعرف المثلث ده ياتو الفي العربات والبروف ده عايز يلغيهو .. وفعلا ما صدق الى قال الجواب ببين من عنوانه .. لكن التعليقات ما نجضت الزول ده جنس نجاضة .. لكن انا من رايى الزول ده يدوهو فرصة .. اكيد فكرتو ما وصلت كويس .. امنا بالذى انزل الكتاب ،،
مافيها حاجة دي وجهه نظرو وكتر خيرو ما عاوزنها خلاص عقول تفكر لكم وانتم تستهزون بهم هسي فيها شنو لو جبتو عربات ما فيها مثلثات وجربتو العربيات الفيها مدورات او مربعات يعني الا مثلثات؟
انتو الناس البيستضيفوها في التلفزيون ديل مواصفاتهم شنو
Quote: مثلث برمودا عليك الله دي قضايا يتناقشو فيها وماخجلانين من نفسكم التقول نحنا في مانشستر يونايتد الناس ما لاقيا تاكل تقول لي مثلث مثلث ولا برجل اعوز بالله
