Post: #1
Title: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 06:58 AM
Parent: #0
هسي أنا قاعدة أكتب من تحت الركام 
|
Post: #2
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:01 AM
Parent: #1
Quote: أعلن المركز الوطني للأرصاد الجوية والزلازل رصد هزة أرضية بقوة 6.2 على مقياس ريختر بعمق 24 كليو مترا ومركزها - شيراز - بوشهر في إيران على بعد حوالي 500 كم من مدينة أبوظبي وذلك في الساعة 3:52 بعد ظهر اليوم الثلاثاء.
وقال المركز في بيان له إن سكان دولة الإمارات شعروا بالهزة وكانت محسوسة في أبوظبي بشدة 4 درجات على مقياس ميركالي.
ونوه المركز إلى أنه لاتوجد أية أضرار ناتجة عن تلك الهزة .. |
" />
" target="_blank">الخبر
|
Post: #3
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:03 AM
Parent: #2
Quote: قتل 37 شخصاً على الأقل، وأصيب المئات بجروح، في زلزال بقوة 1 .6 درجة على مقياس ريختر، ضرب منطقة بوشهر الإيرانية، وشعر به سكان الإمارات، فيما واصلت محطة بوشهر النووية نشاطها الطبيعي وفق رئيس المحطة الذي أكد أن سبب ذلك هو المسافة الكبيرة التي تصل ما بين150 إلى 160 كيلومتراً بين مكان وقوع الزلزال والمحطة . وذكر مسؤولون أن مدن خورموج وداير وكنغان شهدتا دماراً إثر وقوع الزلزال وأن فرق الإنقاذ هرعت إلى المنطقة . وتم تشكيل خلية أزمة لتقديم المساعدات إلى المناطق المتضررة .
وأعلن المركز الوطني للارصاد الجوية والزلازل في الإمارات أنه رصد هزة أرضية بقوة 2 .6 درجة على مقياس ريختر بعمق 24 كيلومتراً ومركز (يراز- بوشهر) في إيران على بعد نحو 500 كم من مدينة أبوظبي وذلك في الساعة 52 .3 بعد ظهر أمس . وقال المركز في بيان له إن سكان دولة الإمارات شعروا بالهزة وكانت محسوسة في أبوظبي بشدة 4 درجات على مقياس ميركالي . ونوه المركز بأنه لا توجد أية أضرار ناتجة عن تلك الهزة، داعياً المواطنين والمقيمين بالدولة إلى عدم ارتياد البحر خلال الساعات العشر المقبلة تحسباً لارتفاع الموج .
وأشارت الشبكة المحلية لرصد الزلازل في بلدية دبي إلى أنها رصدت مجموعة هزات أرضية في جنوب إيران وشمال غربي دبي على مسافة 513 كلم من دبي و523 كلم من أبوظبي، وشعر بالهزة قاطنو الأدوار العليا في دبي وأبوظبي بينما شعرت بها الدوحة والمنامة والكويت بشكل أكبر . |
جريدة الخليج
|
Post: #4
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:07 AM
Parent: #3
أنا شغالة في الدور 13
المكتب والستاير والكمبيوترات كانوا بتمايلوا بصورة مفزعة
في الأول قلت يمكن راسي لافي ساي
طلعت الواطة هي الراسا لافي ..
|
Post: #5
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:09 AM
Parent: #4
بعد شوية الناس كلها قامت وبدت تكورك
نزلنا 13 دور بالسلم كيف أنا لي هسي ما قادرة أفهم
أتاري الروح دي حلوة حلا ..
|
Post: #6
Title: Re: زلزال أبوظبي دا ما سمعتوا بيهو؟
Author: محمد علي عثمان
Date: 04-10-2013, 07:14 AM
Parent: #5
حمدا لله على سلامتكم
|
Post: #8
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:28 AM
Parent: #6
تسلم يا محمد علي ..
|
Post: #7
Title: Re: زلزال أبوظبي دا ما سمعتوا بيهو؟
Author: هشام المجمر
Date: 04-10-2013, 07:17 AM
Parent: #5
اركزى يا تيسير
حالو حالو ده 4 بس على المقياس
المصيبة انو المنطقة واقع داخل حزام زلازل
بس اطمأنى
كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
وما " تصرخى" مع المصرخين
|
Post: #9
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:33 AM
Parent: #7
يا باشمهندس اركز شنو دي ما أربعة بس أظنها 14
وما عشرة ثواني بتكون زي نص ساعة كدا
عمارات أبوظبي دي مبنية بي ياي؟
اللذيذة أنا ما لحقت أكورك زاتو من الخلعة
يادوب جيت اكورك ليكم هنا دا ..
تسلم يا باش على التنوير ..
|
Post: #10
Title: Re: زلزال أبوظبي دا ما سمعتوا بيهو؟
Author: omer osman
Date: 04-10-2013, 07:33 AM
Parent: #7
Quote: بس اطمأنى
كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
|
يازولة ماتسمعي كلام ودالمجمر ده الظروف ما معروفة ..
اسعي ليك بارشوت وخشي دورة قفز  ياروح مابعدك روح
|
Post: #11
Title: Re: زلزال أبوظبي دا ما سمعتوا بيهو؟
Author: وليد محمد المبارك
Date: 04-10-2013, 07:35 AM
Parent: #10
كفارة ياخ
بركة في الـ 10 كيلو النزلتيها من الخلعة وجرية السلم
|
Post: #15
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:42 AM
Parent: #11
| Quote: بركة في الـ 10 كيلو النزلتيها من الخلعة وجرية السلم |
عاد تاني شهرين لي قدام ما بتحرك كيتن فيك
|
Post: #13
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:37 AM
Parent: #10
| Quote: اسعي ليك بارشوت وخشي دورة قفز ياروح مابعدك روح |
ياجانبو ياخ نقول ليكم نحن مدفعية هسي نبقى مظلات ساي؟
هيييع ..
ــــ
مراسلكم تايسا من تحت الأنقاض ..
|
Post: #12
Title: Re: زلزال أبوظبي دا ما سمعتوا بيهو؟
Author: احمد حمودى
Date: 04-10-2013, 07:35 AM
Parent: #7
حمدا لله على السلامة ياتيسير
|
Post: #16
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:44 AM
Parent: #12
تسلم يا حمودي ..
|
Post: #14
Title: Re: زلزال أبوظبي دا ما سمعتوا بيهو؟
Author: أيمن الطيب
Date: 04-10-2013, 07:37 AM
Parent: #7
Quote: كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
وما " تصرخى" مع المصرخين |
وخلى مقياس ريختر معاك فى الشنطة كل الأوقات..
وكان جا غير المتوقع إتشهدى ,,
أها والجاب ليك شبطاتك منو؟؟
والعهدة على الراوى فردة تحت المكتب والتانية تم العثور عليها فى الدور الخامس
وقد كسرت حاجزالصوت والصمت
غايتو الراجل القاعد جمبى دا مشينا جبنا عربتو من المكتب بالليل والدخلت فيه ما مرقت..
سلامات ياخ وما تشوف زلازل ولا هزات إرتدادية,,
|
Post: #17
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 07:52 AM
Parent: #14
Quote: والعهدة على الراوى فردة تحت المكتب والتانية تم العثور عليها فى الدور الخامس
وقد كسرت حاجزالصوت والصمت |
ياخ جنس بشتنة
غايتو لو جا حرامي بعد الجرية ديك كان غنى
الناس خلت التلفونات والشنط والحال وقامت جاكة
أنا هسي عندي فردة سفنجتي الخدرا ما لاقياها !
|
Post: #18
Title: Re: زلزال أبوظبي دا ما سمعتوا بيهو؟
Author: لؤى
Date: 04-10-2013, 07:59 AM
Parent: #17
Quote:
أنا هسي عندي فردة سفنجتي الخدرا ما لاقياها !
|
وقامـت تااااااااني جابت سيـرة السّفنـجة 
حـمد الله علـى السّلامة ياخ
أنا إتّصل بـي لبنانـي شغال عندي فـي الشّركة
يصوّت ويردح ما فهـمت أيّ حاجة
تصدّقـي ما شعرت بأيّ شـيء
الواحد بقـى ما عنده إحساس 
تـحاياي
|
Post: #25
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 10:40 AM
Parent: #18
| Quote: وقامـت تااااااااني جابت سيـرة السّفنـجة |
إيييييه دنيا 
يا لؤي اللبنيني يؤبر ألبي لازم يكون حساس
مش زيكم
(كدا البطل ضمن موضوع العمود الجاي بتاعو )
ـــــ
دراسة علمية تشير إلى أن أول من يشر بالزلازل هم النساء والكلاب !
|
Post: #19
Title: Re: زلزال أبوظبي دا ما سمعتوا بيهو؟
Author: Deng
Date: 04-10-2013, 08:01 AM
Parent: #17
| Quote: أنا شغالة في الدور 13 |
في زول بشتغل ولا بسكن في الدور ال 13؟
تيسير حمد الله على السلامة.
|
Post: #20
Title: Re: زلزال أبوظبي دا ما سمعتوا بيهو؟
Author: أمير محمد ادريس
Date: 04-10-2013, 08:27 AM
Parent: #19
حمدا لله على السلامة
|
Post: #27
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 10:47 AM
Parent: #20
الله يسلمك يا أمير يا قريبي ..
|
Post: #26
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 10:46 AM
Parent: #19
تسلم يا دينق ..
قدر ما قلت ليهم الغوا الدور 13 دا ما سمعوا كلامي
كان يعملوا 12 وبعديهو 14 طوالي زي أوروبا والدول المتقدمة 
ـــــ
الدور 13 والسنة 13 وغايتو !
|
Post: #21
Title: Re: زلزال أبوظبي دا ما سمعتوا بيهو؟
Author: ابراهيم الفاضل
Date: 04-10-2013, 08:31 AM
Parent: #1
سلام الاخت تيسير
انا سمعت مساء التلاتاء انو كانت في هزة في ابوظبي لكن ما حسيتها ، الظاهر راسي لافي طبيعي
احترامي،،،
|
Post: #22
Title: Re: زلزال أبوظبي دا ما سمعتوا بيهو؟
Author: عبد الحكم ابراهيم الحاج
Date: 04-10-2013, 08:46 AM
Parent: #21
حمدا لله على سلامتكم
لكن عرفنا مقياس الهزة بس ماوريتينا نزلتى من الطابق 13 بسرعة كم
|
Post: #23
Title: Re: زلزال أبوظبي دا ما سمعتوا بيهو؟
Author: Isa
Date: 04-10-2013, 08:49 AM
Parent: #22
| Quote: نزلنا 13 دور بالسلم كيف أنا لي هسي ما قادرة أفهم |
حمدله بالسلامة يازولة.. عمارتكم دي الظاهر عليها علمانية؛ لو كانت تقية لسجدت كعمارة الرباط :).. شفتي العلمنة دي مرات سمحة كيف؟.. غايتو كان دايرة تفهمي حاجة بكرة وإنتي ماشة الشغل أطلعي بالسلالم :)
|
Post: #24
Title: Re: زلزال أبوظبي دا ما سمعتوا بيهو؟
Author: abas
Date: 04-10-2013, 09:15 AM
Parent: #23
العزيزه تيسيير
ياخ والله الف حمدا لله علي السلامه
نحنا في العين ما حسينا بي شيء ولا عارفين شيء زاتو سمعنا بيه سمع منكم بس
وساكنيين ارضي بس تطلع الحوش تكون في السليم
|
Post: #36
Title: Re: زلزال أبوظبي دا ما سمعتوا بيهو؟
Author: النذير حجازي
Date: 04-10-2013, 11:15 AM
Parent: #24
العزيزة تيسير، حمد لله على السلامة
أنا شغال في أبو ظبي في الطابق الأول
لكن ما شعرت بيها زي أخوي أبو اللول دا
ماعندي إحساس هاهاها.
لكن بعد ما قريت الخبر دا أمبارح وهمة ساي
كدا حساسي إنو الدنيا بتتلولح وأنا ماشي في الشارع
للباركينغ، وقلت لي نفسي هسى يا ود يا أبو النيز لو داهمك
زلازل إيران في شارع المطار دا ح تمشي وين وكل العمارات طوييلة!!
عملت خطة إني ح أجري نص الشارع (في الجزيرة) وبكون في أمان أكتر،
وتاني لمن سقت العربية ماشي البيت في بني ياس، قلت لي نفسي يا ود
يا أبو النيز وجاء الزلزال دا تاني وإن سائق في الشارع ح تعمل شنو؟!
ممكن الكباري كلها تنهد!! وتجيك "سلابة" واقعة ليك في رأسك،
المهم كان رأسي بودي وبجيب، أتاريهو الزلال دا حاجة صعبة شديد،
وما حصل فكرنا فيهو، بالجد يوم أمس كان يوماً للتأمل في خطورة الزلازل،
وربنا يرحم كل ضحايا الزلازل في العالم.
تحياتي
|
Post: #43
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:35 AM
Parent: #36
سلامات يا النذير ..
ياخ كتلتني بالضحك
إذا كان إنت المهندس المدني بتقول كدا نحن نقول شنو؟
سعد ولدي أمبارح اليوم كلو شابكني ليك
يا ماما الإيرثكويك دا بجي ليه؟
شرحت ليهو بشكل مبسط عشان يفهم
طيب الأرض قاعدة في الفضاء ساي؟
قلت ليهو أيوة
يعني ما في حاجة ماسكاها؟
قلت ليهو ماسكاها يدي الرحمن
طيب لو الرحمن فكاها حنقع وين؟
ـــ
عندك إجابة مقنعة للأستاذ سعد يا النذير؟
|
Post: #33
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 11:10 AM
Parent: #23
الله يسلمك يا عيسى ..
جحا مشى يشتري بيت وهو بتفرج السقف بقى يتهوزز
سأل سيد البيت دا شنو؟
قال ليهو دا ما تخاف دا بيت تقي وهسي بيسبح ويستغفر
جحا قال ليهو أخشى أن تغشاه رِقة فيسجد
جحا زاتو علماني معانا ..
| Quote: غايتو كان دايرة تفهمي حاجة بكرة وإنتي ماشة الشغل أطلعي بالسلالم :) |
ياخ كل كم شهر بيعملوا لينا الـ fire mock drill
وبرضو بننزل بالسلالم لكن تلاتة يوم ما بنقدر نمشي بالشد العضلي
هسي وحياتك بالخلعة ولا أي شي
بركة البقينا حيين لي هسي
|
Post: #30
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 10:55 AM
Parent: #22
الله يسلمك يا عبد الحكم
| Quote: عرفنا مقياس الهزة بس ماوريتينا نزلتى من الطابق 13 بسرعة كم |
أظنها بي سرعة خمسة عتبات/ثانية وكل عتبة فيها 15 نفر ..
|
Post: #39
Title: Re: زلزال أبوظبي دا ما سمعتوا بيهو؟
Author: عزالدين عباس الفحل
Date: 04-10-2013, 12:41 PM
Parent: #30
طـوال الـيـوم ،
كـنـت فـي إجـتـمـاع طـويـل ،
مـا شـعـرت بأي هـزة ،
يـا تيسير عووضة ،
غـريـبـة،،،
عزالدين عباس الفحل
ابوظبي
|
Post: #44
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:45 AM
Parent: #39
Quote: طـوال الـيـوم ،
كـنـت فـي إجـتـمـاع طـويـل ،
مـا شـعـرت بأي هـزة ،
يـا تيسير عووضة ،
غـريـبـة،،، |
الهزة شعروا بيها أكتر الناس القاعدين في الأدوار العليا
رغم إنها أقل من عشرة ثواني لكنها كانت شديدة ..
محظوظ إنك ما شعرت بيها يا عز الدين الفحل والبركة في الإجتماع !
|
Post: #41
Title: Re: زلزال أبوظبي دا ما سمعتوا بيهو؟
Author: Hani Arabi Mohamed
Date: 04-10-2013, 04:36 PM
Parent: #30
حمد الله على السلامة ، الشر عنّك بعيد
|
Post: #45
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:46 AM
Parent: #41
تسلم وتعيش يا هاني ..
|
Post: #28
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-10-2013, 10:50 AM
Parent: #21
سلامات يا إبراهيم ..
| Quote: انا سمعت مساء التلاتاء انو كانت في هزة في ابوظبي لكن ما حسيتها ، الظاهر راسي لافي طبيعي |
ناس كتيرين ما حسوا بيها بالذات القاعدين في الأرض أو الأدوار القريبة منها
كويس ما حسيت بيها
أنا لي هسي راسي لافي ياخ
|
Post: #29
Title: Re: زلزال أبوظبي دا ما سمعتوا بيهو؟
Author: مازن فيصل هلال
Date: 04-10-2013, 10:55 AM
Parent: #28
ابببببببببببببببببببدا انحنا في دبي ما حسينا بي شئ
لكين بيني و بينك في زول كان زارنا لمن كنا في ماليزيا جزيرة بينانج جاب لينا السونامي
هسي يوم الاثنين الفات اتصل بي ,,, فماااا مستبعد يكون جاب لينا الكوارث دي في دبي (:
|
Post: #31
Title: Re: زلزال أبوظبي دا ما سمعتوا بيهو؟
Author: Hassan Senada
Date: 04-10-2013, 11:06 AM
Parent: #29
حمدالله على السلامة
نحن فى دبى ماحسينا بشى اليوم عرفنا الخبر
|
Post: #34
Title: Re: زلزال أبوظبي دا ما سمعتوا بيهو؟
Author: عفاف الصادق بابكر
Date: 04-10-2013, 11:11 AM
Parent: #31
سجمي يا توته الوقت ده بالذات لاانا فى راس الخيمة ...
الغريبة ما حسيت باي شيء .... غايتو الحمدلله على الاحساس ههههههههههه
ولا قالوا فى مكه وما حجه ..
سلامتك يا حبيبة من زلزال
|
Post: #48
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:58 AM
Parent: #34
عفاف ست الذوق تسلمي ..
بركة البقيتي في راس الخيمة
على ما أعتقد الزلزال ما بيجي في أماكن جبلية
ولا شنو كدا ما عارفة ..
|
Post: #47
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:56 AM
Parent: #31
الله يسلمك يا سنادة ..
ناس قاعدين في ابوظبي زاتا وبرضو ما حسوا ..
|
Post: #32
Title: Re: زلزال أبوظبي دا ما سمعتوا بيهو؟
Author: saidahmed shami
Date: 04-10-2013, 11:09 AM
Parent: #29
حمدالله علي السلامه
في دبي ما حسينا بي حاجه
|
Post: #35
Title: Re: زلزال أبوظبي دا ما سمعتوا بيهو؟
Author: محمد عبد الماجد الصايم
Date: 04-10-2013, 11:12 AM
Parent: #32
حسينا بالحسو بيهو!!
أمانة في ذمتكـ دي أخدتي الكمطاشر دور ديل جرية واحـدة!!
|
Post: #37
Title: Re: زلزال أبوظبي دا ما سمعتوا بيهو؟
Author: ismeil abbas
Date: 04-10-2013, 11:28 AM
Parent: #35
ألأخت/تيسير السلام عليكم وألف حمدا للخ على سلامتك وسلامة من معك.
| Quote: دراسة علمية تشير إلى أن أول من يشر بالزلازل هم النساء والكلاب |
والفئران والله أعلم...
المهم فردة السفنجة ما تنسيها...فتشيها....والله يجمع ليك.
|
Post: #38
Title: Re: زلزال أبوظبي دا ما سمعتوا بيهو؟
Author: Isa
Date: 04-10-2013, 12:00 PM
Parent: #37
| Quote: (كدا البطل ضمن موضوع العمود الجاي بتاعو ) |
قبيل يا تيسير كنت داير أقول ليك بنايتكم دي مش علمانية بس لكن يمكن تكون ممالئة للإلحاد كمان.. لكن قلت ما في داعي كفاية عليك الخلعة والفزّة دي.. لكن إنتي براك بتقولي الكلمة البتقوم البطل.. أوبس أقصد الجمل
ــــــــــــــــ
زي ما عارفة في لغتنا الدارجة بنستعمل (النقرطة أو النقرضة) بمعنى أيوة.. لكن في جماعة وأثناء ما بشيّلوا العفش على الجمل وهو بارك وهم بتونسوا قام واحد قال (نق)، والجمل قام وقف فجأةً والعدة إتشتتت!. لامن بدوا تاني من جديد طوالي واحد نبه صاحبو: تاني ما تقول الكلمة البتقوم الجمل..
|
Post: #40
Title: Re: زلزال أبوظبي دا ما سمعتوا بيهو؟
Author: دينا خالد
Date: 04-10-2013, 04:07 PM
Parent: #38
يا تايسا قال تعالى عز وجل :
" بسم الله الرحمن الرحيم "
" إِذَا زُلْزِلَتِ الأرْضُ زِلْزَالَهَا (1) وَأَخْرَجَتِ الأرْضُ أَثْقَالَهَا (2) وَقَالَ الإنْسَانُ مَا لَهَا (3) يَوْمَئِذٍ تُحَدِّثُ أَخْبَارَهَا(4)
بِأَنَّ رَبَّكَ أَوْحَى لَهَا (5) يَوْمَئِذٍ يَصْدُرُ النَّاسُ أَشْتَاتًا لِيُرَوْا أَعْمَالَهُمْ (6) فَمَنْ يَعْمَلْ مِثْقَالَ ذَرَّةٍ خَيْرًا يَرَهُ (7) وَمَنْ يَعْمَلْ مِثْقَالَ ذَرَّةٍ شَرًّا يَرَهُ (8)"
اها انشالله يكون لقيتى ليك مثقال ذرة خير ؟؟؟ اى داااوت ..
عارفه يا تايسا شاااايفه بوستيك دا .. وابيت ادخل ..
لانى سامعة بى كتاب لافى هنا اسمو الزلزال .. وسامعة بى جوطة معرض الكتاب بتاع ابوظبى ..
اها قلت البت تاسا دى كمان بقت تعمل دعايات لى ناس الكتب !!!
الله هونينى .. اصلو الليلة ما بدخل ليها ... وكنت مغيووووظه .. هههههههه
اتاريك يا بتى مفزوعه ومخلوعه ؟؟
والا يجى الزلزال عشان يكلمنا انك بتمشى المكتب بالسفنجة الخدرا ؟؟
لوووووووووووووب بوست لقطة والله ...
ـــــــــــــــــــــــــــ
اوعك تركنى لى نصيحة الباشمهندس ابقى جااااااارية ياختى ..
هو نحن عندنا كم تيسير ياخ ! ...
|
Post: #42
Title: Re: زلزال أبوظبي دا ما سمعتوا بيهو؟
Author: Elawad
Date: 04-10-2013, 04:43 PM
Parent: #40
حمدا لله على السلامة يا تيسير. ربنا يحفظنا ويحفظكم.
|
Post: #50
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 07:11 AM
Parent: #35
| Quote: أمانة في ذمتكـ دي أخدتي الكمطاشر دور ديل جرية واحـدة!! |
يا زول اليوم داك زي الحج
لو وقفت تشيل نفَسَك حتروح في الرجلين ..
|
Post: #49
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:59 AM
Parent: #32
تسلم وتكرم يا سيد أحمد
وربنا يسلم الجميع ..
|
Post: #46
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-11-2013, 06:51 AM
Parent: #29
Quote: لكين بيني و بينك في زول كان زارنا لمن كنا في ماليزيا جزيرة بينانج جاب لينا السونامي
هسي يوم الاثنين الفات اتصل بي ,,, فماااا مستبعد يكون جاب لينا الكوارث دي في دبي (: |
يا مازن زولكم دا ما ترسلوهو كافوري محل الرئيس بنوم
قضاء وقدر
|
Post: #51
Title: Re: زلزال أبوظبي دا ما سمعتوا بيهو؟
Author: ابراهيم الفاضل
Date: 04-16-2013, 11:58 AM
Parent: #46
ككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككك
2:28 ظهرا - الثلاثاء
ابوظبي
الهزة التانية يا تيسير
اانا بالطابق الخامس قايل في زول وراى بيطوطح في كرسينى اتلفت لقيت الناس جايطة وعاينت بالشباك الناس اغلها نازلة الشارع
الحكاية جااااااااااااااااارة
|
Post: #52
Title: Re: زلزال أبوظبي دا ما سمعتوا بيهو؟
Author: Isa
Date: 04-16-2013, 12:35 PM
Parent: #51
أرجـو أن تكونوا يا تيسير ومن معك والأهـل بخير..
|
Post: #53
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-16-2013, 01:37 PM
Parent: #52
ووووووب علينا يا إبراهيم وعيسى
المرة دي كمان جابت ليها قلبة بطن وكركبة ركب
ـــــــــ
يا قول أدروب : بلد دا بقى ختر
|
Post: #54
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-16-2013, 01:42 PM
Parent: #53
كلو هين
لكن حكاية الـ13 دور بالسلم دي شوفوا ليها طريقة !
|
Post: #55
Title: Re: زلزال أبوظبي دا ما سمعتوا بيهو؟
Author: تيسير عووضة
Date: 04-16-2013, 01:44 PM
Parent: #54
طبعاً أحب أبشركم يا لؤي ودينا إني لقيت فردة سفنجتي الخدرا حقت المرة الفاتت "يمين"
لكن فقدت الفردة االشمال في هزة الليلة دي !
|
Post: #56
Title: Re: زلزال أبوظبي دا ما سمعتوا بيهو؟
Author: صبري طه
Date: 04-16-2013, 03:40 PM
Parent: #55
سلامتكم وما تشوفوا شر ...
غايتو أنا ما بجي :)
|
Post: #57
Title: Re: زلزال أبوظبي دا ما سمعتوا بيهو؟
Author: مريم بنت الحسين
Date: 04-16-2013, 04:35 PM
Parent: #56
تايسا، حللي الفي المخزن طربقن الواطه... لكن انا وبتي ما حسينا بي شي... نادر في الطابق الخامس في مكتبهم حسوا بي هزتين... انا لو ما حللي ما كان عرفته.. انا ساكنه في الطابق التالت
حمدلله على سلامتكم
|
Post: #58
Title: Re: زلزال أبوظبي دا ما سمعتوا بيهو؟
Author: لؤى
Date: 04-17-2013, 03:27 PM
Parent: #55
Quote:
طبعاً أحب أبشركم يا لؤي ودينا إني لقيت فردة سفنجتي الخدرا حقت المرة الفاتت "يمين"
لكن فقدت الفردة االشمال في هزة الليلة دي !
|
يا طايسا
سلامات
هههههههههههههههه
سفنجاتك دي هـي سبب الزّلازل دي كُلّـها
ومن زماااااااااااااان
تـحاياي
|
Post: #59
Title: Re: زلزال أبوظبي دا ما سمعتوا بيهو؟
Author: زهير عثمان حمد
Date: 04-17-2013, 04:47 PM
Parent: #58
تايسا
تحياتيأنشالله كل العمر ليك لكين الزول الليبحب الدنيا أحنمال يفارق دا وارد
المهم أنشالله ميت فارس
وتسلمي
|
Post: #60
Title: Re: زلزال أبوظبي دا ما سمعتوا بيهو؟
Author: Muna Khugali
Date: 04-17-2013, 04:52 PM
Parent: #59
حمدلله علي السلامة يا تيسير..
|
Post: #61
Title: Re: زلزال أبوظبي دا ما سمعتوا بيهو؟
Author: رانية عمر عبدالله
Date: 04-17-2013, 05:53 PM
Parent: #1
الحمدلله على السلامة يا تيسير,,
ربنا يحفظكم و يستر عليكم.
|
|