Post: #1 Title: المستحيل ليس ألماني جـــــاك بلا يا دوري الابطال - أهداف دورتموند ملقا Author: احمد محمد بشير Date: 04-09-2013, 09:52 PM Parent: #0
المباراة الاروع حتى الان في دوري الابطال ملقا الفريق العنيد كان متقدم على ارض البروسيا دورتموند 2-1 حتى الدقيقة 90. دورتموند صاحب أشهر و أكبر مدرج شمالي في العالم ممتلئ بالمشجعين في الدقائق الخيرة انقلب السحر على الساحر وفي 4 دقائق فقط بعد انتهاء الزمن الاصلي تقدم دورتمود بهدفين وضمن التأهل لنصف النهائي .. بنتيجة 3-2
المعلق الشوالي قال إقتنع بالكورة الالمانية وقال انه سيشجع أي فريق الماني من بعد اليوم يادووووووب اقتنعت يا شوالي؟ كان شوفت البايرن بكرة ح تقتنع أكتر يا شوالي
إن شاء الله ناس البورد -الراسم قوي- ديل كمان يقتنعوا
Post: #2 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 09:59 PM Parent: #1
قبل فيديو الاهداف صورة للمدرج الشمالي ولوحة رائعة من المشجعين االالمان الاوفياء تشكيل رائع لكأس البطولة الامتع في العالم بألوان فريق دورتموند (ديفاو بي)
Post: #3 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: أسامة البلال Date: 04-09-2013, 10:05 PM Parent: #2
فعلا الالمان لا يعرفون المستحيل وإنت طبعا ألماني الهوي (:
وين مختفي يا راجل سمعنا صوتك
Post: #5 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 10:11 PM Parent: #3
بشمهندس/ أسامة تحياتي ومشتاقين .. مشغوليات بس في شمال الجن ده. شايف بوستك الجميل الظاهر فتحناهم في وقت واحدة :) دورتموند ده مع انه عدونا اللدود في الدوري لكين بمتعنا بي مبارياتو الليلة العالم شاف و اقتنع بالكورة الالمانية ياخي البلد دييك متقدمة في اي حاجة وما بيعملوا حاجة ساك الا بدارسة ولديهم مدارس كروية متميزة تشرف على هذه الفِرق
Post: #4 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: عبد العزيز محمد عمر Date: 04-09-2013, 10:08 PM Parent: #2
ود بشير ... عساك طيب
يا زول نحن بنشجع الألمان ديل منذ الفطاحلة : بريغل وأوغنتالر وكالتس وهروبيش ورومنيجيه وبرايتنر ومولر وشوماخر
ما حدث في المباراة ... درس في الكرة ... للذين ينظرون إلى شيكات الحافز ...
ولا يزال الحكم يناظر في ساعته ...
قطع شك ... المستحيل ليس ألماني .... والكرة صناعة وإمتاع
نهوى الألمان ....
وهاردلك بالجد ... ملقا
عبد العزيز
Post: #6 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 10:17 PM Parent: #4
عبد العزيز لك التحية و الاحترام ومرحب بيك كالماني صميم في البورد
Quote: يا زول نحن بنشجع الألمان ديل منذ الفطاحلة : بريغل وأوغنتالر وكالتس وهروبيش ورومنيجيه وبرايتنر ومولر وشوماخر
ياخي طيب تعال معانا وهاجم ناس عمر الفاروق جماعة الريال وناس صبري طه ديل قدونا بي برشلونا ....... الظريفة داقين الجرسة وقالوا ما دايرين يلاقوا البايرن مونشن في النهائي
Post: #8 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: عبد العزيز محمد عمر Date: 04-09-2013, 10:25 PM Parent: #6
ود بشير ... الما بيشجع الألمان .... عايز ليهو دوزنة كورة في صنقورو ... الصراحة يعني
طبعا الكلام دا بالنسبة لي على مستوى المنتخبات ...
على مستوى الأندية ... البرشا ما بيتلحق ... ممتع ... فريق له قيمه
البايرن ... ودورتموند ... مخيفين في نصف النهائي
أهم حاجة ... نستمتع وتأخذنا الإثارة بعيداً ... بعد قرف هلال مريخ دا
عبد العزيز
Post: #9 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 10:47 PM Parent: #8
آسف للتأخير - الاهداف وبتعليق عصام الشوالي
Post: #10 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 10:54 PM Parent: #9
Quote: بعد قرف هلال مريخ دا
يا خي حرام عليك ياخ كونك تجب اسم السجم ديل في البوسط ههههههه الغريبة لمن يكونو لاعبين تلقى الصفحة الاولى كلها عن خايبيين الرجاء ديل هل ده لأنه الناس مرضت بالجماعة ديل أو ما بتفهم كورة حقيقي ناس البورد حيرونا .
Post: #7 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: طارق حرسي Date: 04-09-2013, 10:23 PM Parent: #4
ياخي انا خليتها تعادل وقلت انتهت خلاص لانو لم يتبقي شئ من زمن المبارة
لكن بالجد مبارة مثيرة وقوية وممتعة ممتعة ممتعة
دورتموند لعب من أجل التأهل وكان ذلك واضح من خلال تحركاتهم وانتشارهم الجيد في الملعب
وملقا كان نداً عنيداً للالمان
الالمان لم يتوقفوا طيلة زمن المبارة ولعبوا بحماس وقوة وساعدهم علي ذلك قوة اللياقة البدنية
الالمان يستاهلو التأهل بفضل المستوي الذي قدموه في مبارة اليوم
مودتي
Post: #11 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 11:02 PM Parent: #7
Quote: ياخي انا خليتها تعادل وقلت انتهت خلاص لانو لم يتبقي شئ من زمن المبارة
و الله الاثارة كلها كانت في الدقائق الاخيرة انا كنت متأكد انهم ح يعملوا حاجة مفاجاءة وخصوصا مع تشجيع الجماهير المرابطة في المدرج الشمالي خلف مرمى الخصم مباشرةً بتاعت الريال و قلطا ديك كانت محسومة لذلك ما ضيعت معاهم زمن.
Quote: الالمان يستاهلو التأهل بفضل المستوي الذي قدموه في مبارة اليوم
يستاهلوا البطولة عديييييل اهو دورتموند ده غلب الريـال وفي نفس الموسم ده في دوري المجموعات وح تتكرر الهزيمة تاني برضوا لو القرعة لمتم مع بعض
Post: #12 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: مبارك النعمه النعيم Date: 04-09-2013, 11:03 PM Parent: #7
لي حدي الدقيقه 90 كنت في قمه الفرحه بالنتيجه 2-1 لي صالح ملق وقلت من المستحيل اجو قونين في 4 دقايق ؟؟ وقد حصل وحتي الان انا مندهش وبعد ده كلو انا ليست من مشجعيين ملقا ولاكن ضد الالمان في كل مكان المانيا التي مكثت فيها 4 سنين وتبعد مني الان 10 دقايق لا ياتي يوم اشجعهم مبروك ل دورتمونت فعلا كوره كانت رائعه وممتعه الكوره التانيه كانت برضها متعه ريال ضد الفريق التركي نزل قون دروقبا رائع
Post: #13 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 11:14 PM Parent: #12
Quote: لي حدي الدقيقه 90 كنت في قمه الفرحه بالنتيجه 2-1 لي صالح ملق وقلت من المستحيل اجو قونين في 4 دقايق ؟؟ وقد حصل وحتي الان انا مندهش وبعد ده كلو انا ليست من مشجعيين ملقا ولاكن ضد الالمان في كل مكان المانيا التي مكثت فيها 4 سنين وتبعد مني الان 10 دقايق لا ياتي يوم اشجعهم مبروك ل دورتمونت فعلا كوره كانت رائعه وممتعه
نفس شعورك ده كان ملازمني منذ بداية المباراة وكنت فرحان لفوز ملقا لانهم بالصراحة جازفوا مافي اندهاش مع الكورة الالمانية .. تابع البوندز ليقا وح تشوف حاجات زي دي كتييير تعرف يا مبارك الجماعة ديل لو كان بدوا ورق كان صنقرنا في بلدم دييك بختك قريب منهم 10 داقيق دي كان تمشي تحضرها لايف :)
Post: #14 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: طاهر قرشي Date: 04-09-2013, 11:20 PM Parent: #13
أحمد سلامات كورة ممتعة مافي شك لكن البَوَّظ المتعة دي التسلل الواضِح في الهدف التالت
Post: #15 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-09-2013, 11:30 PM Parent: #14
يديك العافية يا ود القرشي
Quote: لكن البَوَّظ المتعة دي التسلل الواضِح في الهدف التالت
يا ماااان ده هدف عدييييل مافي تسلل ولا حاجة كله بالادلة هااااك شوف دي صورة للهدف الثالث وين التسلل؟
Post: #16 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: طاهر قرشي Date: 04-10-2013, 00:48 AM Parent: #15
أبو حميد سلام تاني التسلل قبل اللقطة دي. في العكسة.
تابع إعادة القون التالت من الدقيقة 1:45
3 لاعبين متسللين !!
Post: #17 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: طاهر قرشي Date: 04-10-2013, 11:49 AM
الألمان و الجالاكسي
Post: #18 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: احمد محمد بشير Date: 04-10-2013, 03:43 PM Parent: #17
هلا هلا بيك يا طاهر. شكرا للجهد و الكبشرة
لكين كبشرتك دي ما دقيقة لاحظ انت كبشرتا لمن الكورة طلعت من رجل اللاعب و المفروض اللقطة تكون مع لمس الكرة
بعدين ما تسمع وهمة عمر فاروق جلاكسي وما عارف ايه داااااك بوسط مزور
Post: #19 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: نزار شنقراى Date: 04-10-2013, 06:06 PM Parent: #18
العزيز احمد البشير تحياتى..
الحكم ده زكرنى حماده مدغشغر بتاع الهلالاب ..
ياخى دى مهزله تحكيميه بكل المقايس..
يعنى الرشاوى دى ماعند الوصيفاب فقط..
Post: #20 Title: Re: المستحيل ليس ألماني جـــــاك بلا يا دوري الابطال - أهداف دورتموند Author: صبري طه Date: 04-10-2013, 06:18 PM Parent: #18
