Post: #1 Title: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 09:11 AM Parent: #0
يا ناس، رجاء و طلب اخوي صادق.
Post: #2 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 09:24 AM
عادة السياسي لا يترجي السياسي الخصم، لكن و الله دا رجاء دوافعه غيرة على الوطن لاتستحمل الانتظار الى ان نفرغ من حساب الخصومات السياسية معكم.
Post: #3 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 09:27 AM Parent: #2
يا ناس رجاء، ارجو ان تبعدوا ربيع المُتعاطي هذا من الحديث فى الشـأن السوداني فى الاعلام الخارجي.
Post: #4 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 09:31 AM Parent: #3
يا ناس كل شئ عرفناه، السرقة عرفناها، تسرقوا المال العام على رؤوس الاشهاد، تبددوا ثروات البلاد فى الرشاوي و الفساد و شراء الذمم، تغيبوا الحريات عن اهل السودان و عييييك لسته من الموبقات الداخلية اللانهائية، لكن الذلة و الانكســار للاخرين دي شنو؟
Post: #5 Title: Re: رجاء و طلب من الاخوة الكيزان و المؤتمر الوطني Author: Yasir Elsharif Date: 04-09-2013, 09:59 AM Parent: #4
سلامات يا أبو بكر ياخي والله ربيع زول كارثة بشكل فظيع. بالله شوف السفير المصري الإتكلم قبلو بدقائق في نفس القناة ومع نفس المذيعة قال شنو؟
المشكلة ليست في تصريحات أمثال ربيع عبد العاطي، ولكن المشكلة الحقيقية في أن تتخذ تيارات معارضة حكم الأخوان في مصر من هذه المسألة الخلافية قضية لمهاجمة مرسي. فها نحن نرى بعض رموز المعارضة المصرية تزايد على مرسي في مسألة حلايب وينسون أن القضية أمام الأمم المتحدة كانت ولا تزال، وأن حسمها سيتم بواسطة محكمة العدل الدولية وليس أي طرف منفرد. المشكلة أن مصر ترفض مبدأ التحكيم العدلي هذا.
Post: #6 Title: Re: رجاء و طلب من الاخوة الكيزان و المؤتمر الوطني Author: أحمد الشايقي Date: 04-09-2013, 10:19 AM Parent: #5
Quote: حلايب سودانية وستظل سودانية
تصريحات الرئيس البشير القتبسة أعــلاه محل تأييدنا ودعمنا المتواصـل
أحمد الشايقي
Post: #7 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 11:08 AM Parent: #6
شكراً عزيزي الدكتور ياسر المليح على الاضافات الثرة.
غايتو عار ربيع المتعاطي هذا سوف يطارده للابد. زول يسألوا انو حلايب سودانية و ما مصرية، يغرق فى التزلف و الذلة بهذا الشكل؟ اين يجد الكيزان مثل هذا الرجل المنهار؟ و لماذا يقدمونهم للاعلام؟
Post: #8 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 11:34 AM Parent: #7
Quote: تصريحات الرئيس البشير القتبسة أعــلاه محل تأييدنا ودعمنا المتواصـل
تحياتي استاذ أحمد، و الله ياخي الناس ديل هسة ما دايرين منهم اي شئ بخصوص حلايب، خاصة التصريحات. بس المطلوب منهم انهم يسكتوا لانو تصريحاتهم عن حلايب فى غالبها منفزرة مثلهم، قبل ايام نافع على نافع ما ح نشغل مصر بموضوع حلايب! هسه دا كلام بقولوا زول عندو نخوة وطنية. الغريبة انو نافع دا تحديداً مفروض يكون اكتر متحس لقضية حلايب لان اٍحتلال حلايب جاء نتيجة مباشرة لعملية القذرة التى خطط لها هو اخرين بمحاولة اٍغتيال حسنى مبارك فى اديس ابابا.
كل المطلوب منهم انهم يسكتوا، الى ان يتولى الشعب السوداني الامر بنفسه و ما ذلك ببعيد.
Post: #9 Title: Re: رجاء و طلب من الاخوة الكيزان و المؤتمر الوطني Author: نادر Date: 04-09-2013, 11:42 AM Parent: #7
welcome back يا بكور غلبنا الكلام مع الكيزان، أنت متوقع شنو لمن زي ربيع عبدالعاطي بتاع فرية دخل الفرد 1800 دولار والهندي عزالطين (أشطر رئيس تحرير) يكونوا واجهات إعلامية في البلد، البلد خربت وانتهت، وتاني ما بتقوم ليها قايمة قريبات دي، ديل يجيبوا ليك المرض لو تابعتهم، فنرحم نفسنا من الضغط والسكري ونعمل رايحين، لا في عندك شعب بقلب ليهو حكومة، ولا في زول أصلاً هاميهو الحاصل ده. عمر البشير يحكمنا 24 سنة متوقع تلقى مسئولين زي كيف يعني؟ ما ياهو زي ديل وأسوأ
Post: #10 Title: Re: رجاء و طلب من الاخوة الكيزان و المؤتمر الوطني Author: abubakr salih Date: 04-09-2013, 12:14 PM Parent: #9
Quote: welcome back يا بكور غلبنا الكلام مع الكيزان، أنت متوقع شنو لمن زي ربيع عبدالعاطي بتاع فرية دخل الفرد 1800 دولار والهندي عزالطين (أشطر رئيس تحرير) يكونوا واجهات إعلامية في البلد، البلد خربت وانتهت، وتاني ما بتقوم ليها قايمة قريبات دي، ديل يجيبوا ليك المرض لو تابعتهم، فنرحم نفسنا من الضغط والسكري ونعمل رايحين، لا في عندك شعب بقلب ليهو حكومة، ولا في زول أصلاً هاميهو الحاصل ده. عمر البشير يحكمنا 24 سنة متوقع تلقى مسئولين زي كيف يعني؟ ما ياهو زي ديل وأسوأ
التحيات الطيبة يا عزيزي نادر، و شكراً على الترحيب اللطيف. ياخي الناس ديل ما بزعلوا ؟ هم براهم ما بزعلوا من جنس هذه الاقوال المنكسرة؟ و المتذللة للاخرين. ما قادر يقول ليهم حلايب سودانية، مافى جلد ولا فى زول ح يديهو عشرة جلدات لو قال للمذيعة حلايب ارض سودانية. لكن تقول شنو اٍذا البلد ريئيسها مطلوب للعدالة الدولية، لابد من ان يكون منكسرين بهذا المستوي.
Post: #11 Title: Re: رجاء و طلب من الاخوة الكيزان و المؤتمر الوطني Author: Yasir Elsharif Date: 04-09-2013, 12:25 PM Parent: #9
يبدو أن الأخوان المسلمين في مصر والسودان كل فريق منهم يحاول أن يحل مشاكله بواسطة الآخر. مرسي وجماعته يطمعون في المزيد من استحلاب السودان، وجماعة الإنقاذ يظنون أن التكامل مع مصر سيفك عنهم الضائقة الاقتصادية، ويمكنهم من الاستقواء بهم.. هنا عصام أحمد البشير يتحدث في خطبة الجمعة في حضور مرسي عن التكامل.