لا ديمقراطية فى الجيش !

عشان كدا ناس د.غازى صلاح الدين ... احسن ليهم السكوت ، البعمل فيهو دا كلام ساكت ، متين البلد فيها حزب بيمشى باللوائح والاجراءات ، مؤتمر وطنى ولا شيوعى ولا حركة شعبية ، وغيرهم ، دى احزاب كلها شعارها ، اقدم منك ارجل منك ، جيش عديل ، جيش فى نسق مدنى
الصادق المهدى كل ناس حزب الامة بتقول انو غلط وفعل وترك ، وبرضو قاعد ، يجب الامين العام العاوزو ويشكل المكتب السياسى ويشكل الموقف السياسى ، وشرحو حزب مولانا ، يخش الحكومة ولا يقعد فى حيطتها دا كلامنا مولانا ، اى كلام تانى كلام ساكت ، الحركة الشعبية برضو عاوزة تسالم السودان وتطبع معاه بكره ياسر عرمان عادى بعمل رايح وكل الكتابات الهنا المنددة بالحكومة حتكون كلام ساكت

بس المؤتمر الوطني حزب قائد لوطن رائد !

وامرهم شورى بينهم !

ياطلبة : كان الضابط قال (الحيطة) دي (شجرة منقة) تقولوا شنو ؟
نقول : كمان هندية ياسعادتك ......
من اقوال التعلمجي/عباس

Quote: كمان هندية

قولو معاه .....هندية

ويا جنابو عمر ... كلنا فى الهواء سوا ، غازى دا الهسة زهجان وعامل فيها مستاء لو اصلا من الاول ادخل مفاهيم الترتيب ومشروعية الاجراءات ، والشورى والشنو ما عارف ما كان هسة قعد يقنت ، وزيو كتار مثقفين ونخب ، الواحد يقعد يبلط مع الناس الحزب ولا الكيان ولا الكيان الثورى ، وبعدين يعمل زعلان ، هسة شوف ناس الواثق كمير ومنصور خالد ، بلطو للحركة الشعبية وعملو ليها سراميك ، وضربو الحركة الشعبية بوهيه ، اها اخر الامر كمير شبكنا ليك مثقافة وحنك عاضى زى حصة فيزياء لزول فى مساق ادبى ولا بقرأ فى مدرسة تجارية ...كلام سمح ومقعد بس خلاصتو شنو ....انا زعلان ...واصلاحى

ود.غازى ممكن ببساطة ، يترشا ، من رشو (للفرد ) بفعل الامر ورشوه بفعل الماضى ورشوهم بصيغة الجمع ... ولكل هؤلاء امثلة فى المؤتمر الوطنى وغيره

محمد حامد جمعة.

شايفك أصلك ما ترددت، طوالي أنضميت لكتلة الرئيس البشير.

بعدين البوست بتاعك ده زي قصة "أنا وأخوي الكاشف"

في زول هسع جاب سيرة الأحزاب التانية!

يا دينق عشان كده قلنا ليهو - بس المؤتمر الوطني حزب قائد لوطن رائد !