myrightAd الإمارات / السعودية ـ استفسار

البتاعة دي شنو ؟؟

أحد الأصدقاء من السودان استفسرني عنها في الاسكايب، وأنا ما بعرف عنها أي حاجة الصراحة..

قلت ليهو على الأرجح يكونوا من الآسيويين النصابين..

قال لي الأيام دي الناس في السودان واقعة فيها..

قلتا ليهو ما عارف ـ لكن بسأل ليك ما دام ما مقتنع بي كلامي

سلام ياصاحب

حاولت ان انقل لك المعلومات، دون ظهور العلامات التجارية حتى لايكون اعلانا لمنتج، وذلك له شروطا اخرى

تعتمد الفكرة على اشتراك، من خلاله يمكنك شراء قناة تشاهد من خلالها الاعلانات
يعني الربح يتحقق من مشاهده عدد من الاعلانات ، لمده يوم واحد اسبوعيا،
مشاهده القنوان فقط ..تعمل (كليك) بالماوس. تكون كده شاهدت الاعلان المقصود.
..
..
الاشتراك تفاوت من 100 دولار حتى 2000 دولار قيمة القناة التي تشاهدها ، وينعكس بالتالي على قيمة الفوائد التي تجنيها ، اقصد الأرباح
مثلا قناة 100 دولار ..تربح اسبوعيا 6 دولار
قناة 200 دولار تربح 14 دولار اسبوعيا
قناة ب300 دولار تر بح 24 دولار اسبوعيا
قناة ب 400 دولار تربح 36 دولار اسبوعيا
قناة ب 500 دولار تربح 50 دولار اسبوعيا
بعدها بجيك لكيفية سحب نقودك

ماجيتك سريع
عندي حلة بطاطس في النار!!!

هاهاهاهاهاها

المهم ياحبيب: تصرف عن طريق ويسترن يونيون الخرطوم
او التحويل عن طريق الشركه:
1- تحويل المبلغ من الشركة للبنك الالكتروني
2-تحويل المبلغ من البنك الالكتروني لوكيل الصرف
3-انتهاء بتحويل المبلغ لحسابك الشخصي.
..
..
انا شخصيا ما قاعد اومن بأي حاجه زي دي، لكن اخيرا أمنت. لأنه عندي اخواني ثلاثه شاركوا في هذا الموضوع وبيصرفوا اسبوعيا 50 دولار،
يعني شاركوا في فئة القناة بتاعت ال 500 دولار دي.
لمن ابتدوا مع الشركة كانت السنة عندهم تساوي 44 اسبوع.
الآن انخفضت السنة لتكون 22 اسبوع ابتدأ من يوم 15 ابريل 2013م
..
..
اها ياسيد الامانت ليك.. لقيت الحكاية دي واره شديد..
قلت ليهم دخلوني معاكم

يأتي السؤال المهم ...

هل مثل هذا الكسب ... كسباً مشروعاً
يعني هل ما نكتسبه من اموال بهذه الطريقة حلال ؟؟

هذه نقطة اساسية لنا كمسلمين وهو تحري المكسب الحلال ..

هل تعتبر مثلها مثل التجارة التي لا غبار عليها


شكرا صاحب البوست وشكرا أخي مصطفى

كلامك صاح
فكرة البرنامج ده ،،يعني انت بتدفع قروش، والشركة دي وكيل لشركات تانية منتجه، والشركة المعنية تقوم بالدعايه للمنتجات،
انت بتشتري الخدمة دي بقروشك، ومجهودك وعرقك هو: أن تعمل (كليك)، وتشاهد الاعلانات دي.
كده انت شاركت واديت عملك..بالمقابل الشركة تعطيك ما اتفقت فيه معك.
بعدين الكلام ده لفترة محددة، وانت بتسترد نقودك في اسابيع قليلة، مثلا انا مشارك ب 500 دولار..تمام
يعني في حدود شهرين بكون انا اعدت القروش التي دفعتها، (رأس المال)، تتواصل حتى نهاية العام، والعام عندهم محدد بعدد اسابيع معلومة
..
..
تحيات
هناك باقي معلومات لسه

سلام يا مصطفى شكراً على الافادة..

أنا الحقيقة لمن ما في زول رد لي هنا في البورد، وصاحبي ده كان بيلح علي قال ماشي للوكيل يدفع ليهو 200 دولار ولا كم ما عارف ، فقلت ليهو انتظر

ومشيت عملت بحث سريع كده في النت..

بجيب ليك النتيجة أسي وأتمنى انها ما تكون صادمة ومحبطة

Quote: MyRightAd is a scam adclick fake by LocalAdClick.It shows fake registration certificate, fake contact address, wrong phone numbers. It is said the Company is lead by Mr. Michael Mack ? Here you can find very proofs for MyRightAd Scam, Scam Advisor's Report review. MyRightAd shows a fake certificate ( NO 597483) and It's an illegal hybrid Multi Level Marketing Scam. Please, Do not recommend anyone to this scheme.

Quote: Fake Legal Proof: DECEPTION MyRightAd or My Right Advertisement Limited holds a company registration certificate from Government of Hong Kong (NO. 597403. This is a fake certificate and there is no company in above name with given registration number in operation at the moment. According to my search, I am convinced that MyRightAd is just another MLM scam carried by LocalAdClick losers. Hong Kong company registry data base shows clear evidence to confirm my facts Above report says no.597403 is BANA LIMITED which was dissolved 2002. I am surprised to see how this number came with scam MyRightAd or fake My Right Advertisement Limited. No wonder this is the nature of illegal easy money scams, DECEPTION plays the main role. Altering a certificate is a simple task with photo editing softwares. Look at company name search .. This further confirms there is no company called My Right Advertisement Limited operating in Hong Kong.

Quote: Who runs this fantastic company: IP address 158.255.44.49. MyRightAd Corporate Michael Mack Level 20, AIA Tower, 251-301, Avenida Commercial De Macau Macau, Macau 763763, HK Phone: +852.877687667 Email Address:[email protected] You have to think about why do they use gmail instead of using their own from the domain Look at Hong Kong Yellow pages

كلام جميل ياحبيب
قريت الكلام ده وفهمته جيدا
..
.ز
كويس الحاجه دي ماشه في الخرطوم وناس بتصرف قروش اسبوعيه، وانا عندي اخوان داخلين في المسألة دي..
فما عارف المقلب في النهاية يكون وين؟
..
..
وبعدين اذا المسألة دي فيها حركة مال وسيولة نقدية
و تبعات اقتصاديه، وين الدولة السودانية المهتمة بجمع المال؟

يعني ممارسات المالية دي تتم تحت سمع وبصر النظام
فكيف الرأي؟
تحيات

الدولة السودانية دي كدي خليها على جنب يا مصطفى

لأنو هم زاتم لو لموا فيك بنصبوا عليك ويسرقوك ويأكلوا قروشك

فمسألة الدولة السودانية والنظم والقوانين في السودان دي أصلاً لا تصلح لإنو تقيس بيها أي حاجة

المسألة المهمة هي الحاجة الانت قلتها انو في ناس قبضت، لأنو أمبارح نفس الكلام بقولوا لي صاحبي ـ

ودي ممكن تلقى ليها تفسير ـ إنو يشيلوا مثلاً 500 دولار من X من الناس ليدفعوا مثلاً 50 دولار لي Z من الناس

عشان يستمر "البزنس" بتاعهم ويخدعوا أكبر قدر ممكن من الناس لفترة من الوقت يجمعوا فيها أكبر قدر ممكن من المال قبل أن تجد أن الموقع قد اختفى

ما عندي تفسير تاني..

لكن ببساطة يا مصطفى : لو أصلاً انت عندك "بزنس" مشروع أو قانوني بملايين الدولارات ـ فلماذا تخفى عنوانك ؟؟

والله يا اخي لا اخفي عليك
هم فعلا بيستلموا قروش من ناس وبيصرفوا بيها ناس تانين
..
..
انا طبعا موجود بالخارج، لكن متابع لما يحصل بالداخل
عشان كده لازم يكون في تنويه عشان الناس مايواصلوا في الحكاية دي.
حماية للقروش القليلة التي يمتلكونها

دمت بخير يا اخي