احححح .. يا مسهــل .. يا هووي يا الله هونيني

تعالوا ابكو هنا ..

بالعكس يا تامبا يا صديقي...

الوالي حا يجي ينفض التيم والإستاد و(الإطار الفني)...غايظاني الكلمة دي...جماعتنا لافحنها من دول المغرب العربي...

طيب ما كان يلفحوا منهم كورة...

حاتم التاج عامل فيها عصام الشوالي... الله الشوال اليكبسوك فيهو كبس يا حاتم ياخ....ورمتنا ورم ياخ...

يلا ...أهو جاتكم بريدة بي لبن...اتفسحوا الليلة...

لكن بصراحة ما عجبتني لسيدا ياااااااخ...

قال شنو، أتمنى أن أحقق مع المريخ ما لم أستطع تحقيقه في الهلال..قاصد البطولة وكدا...

إيه رايك يا سيدا ننظم ليك بطولة خااااااااصة في أدغال أفريقيا من مباراة واااااااحدة فقط

المريخ ضد أشبال أم صفقاً عُراض ...وتقوووووول كدا يا يابا تشيل الكاس...ويشحنوهو ليك في طائرة خاصة...

ومراسم استقبال الأبطال الأشاوس...والسلام الجمهوري...وعجبوني الليلة جوووو..

سيدا...

أمش أهلك ياخ...

ترى ما عندك ما عند جدتي..

..

Quote: ترى ما عندك ما عند جدتي..

ههههههه ..
والله يا استاذ متعتني لكن ..
خلاص عليك الله هيثم دا ادوهو لي ناس الاهلي شندي عشان يحقق ليكم البطولة ..
والله امتعتني لكن وامتعني اكرم الهادي ههههههههههههه

اي ظووطات جاتك في الجوال حولها لاصحابها
عالم ماتختشي
تتلحس في ملعبها

-
نكسة كبيرة للكرة في البلد

Quote: اي ظووطات جاتك في الجوال حولها لاصحابها

هههههها يا حيدر ..
ياخ انا بزوووط لحدت ما البطارية انتهت زاتو حسع دي جبت البطارية الاحتياطي .. هههههههههه
ياما انت كريم يااااااارب

الحمد لله الفكيناك من البيات الشتوي الطويل

Quote: الحمد لله الفكيناك من البيات الشتوي الطويل

بيات شتوي ووين ..؟
ياخ انا من الليلة الصباح بقدل بي حقي .. سيد بلد وهلالي وافتخــر في مقبرتي جايب تلاتة اقوان وبره عندي قووون
لكن زووووط دي الليلة سمعناها سمع شديد .. واكرم الهادي اخير منو كان الحضري
زووووط

المريخ فريق جنائز وكومرات اكل منها الدهر الهلال على الاقل سجل 3 اهداف رجالة وحمرة عين

Quote: المريخ فريق جنائز وكومرات اكل منها الدهر الهلال على الاقل سجل 3 اهداف رجالة وحمرة عين

يا سليمان .. ياخ الجماعة ديل بيحاورو فيهم بالكوار ..
بيكاوروهم تلاتة تلاتة ويحاوروهم .. والقون من النص زيادة عدد قرقرقرقر ههههههههههههه
زووووووووووووووط

تامبا سلامات
غايتو الليلة نقدر ننوم بي مزاااج
ياما انت كريم يارب
تسلم

زي المواعيد دي هلال السودان كان راشي الجماعة يا تمبس 3 للكتاشي وناس ما تبقى زعيم البلد كانوا مالهم يا تمبس، كانوا مظبطين 2 جوة بيتهم

Quote: كانوا مظبطين 2 جوة بيتهم

يا ابو فتحية .. عليك الله اعرش علي كدا انت سيد بلد يازول وضيوفك جمهورك بيصفق ليها ما بيطقعه بالحجار
دي اخلاق اسياد البلد ياخ

Quote: غايتو الليلة نقدر ننوم بي مز

يا ود القرشي ..
نوم نومك يابا ,.. الحبة ما بتجيك .. انت راشي الناس في مقبرتك ما مرشوش في قلعتك هههههههههه

يا تمبسكا بالله معاك إتنين في إتنين باااااااااارد بالتلج وصلحوووووو

دايرين نبرد حلوق كل من
حبيب النوار , الجوفو ولع نار
ود البشاري القام كداري
ود جبرين البلحس في الطين


وليك السلام وعبرك لصديقتنا الودودة
والفرحة أكبر من الهزيمة كـــع

و الله يا تمبس المحيرنى انه الجماعة ديل مسمين نفسهم صفوة
و كل ما واحد يتكلم مع التانى يقول ليه يا صفوة

مع العلم انهم هم الوحيدين الما زالوا شغالين حجر جد فى الاستاد

يعنى الليلة هزيمة و سوء سلوك و كله جوة استادهم

و ي الله فرجينى

شوف جنس ده ياتامبا

Quote: السبت, 06 أبريل 2013 10:35 * هو المريخ بعض من تخلينا، لو لم نجده على الأرض لاخترعناه. * هو السحر لا فخر ولا عجب، ذا المريخ سُر القوم أو غضبوا. * عشقنا الكبير، هوانا الأوحد، حبنا الأبدي، نهواه مهما كان، ونترقبه اليوم كي يعود إلينا كما كان. * نترقب ظهور النجم الثاقب ونعلم أن آمال السودان في الفوز ببطولة قارية مرتبطة بالزعيم. * من غيره أحرز الكؤوس بالأجواء طائعة؟ * زعيم الكرة السودانية وسيدها وفارسها وتاج رأسها، يمرض ولا يموت. * يتعثر ولا يسقط، يكبو ولا يخرج من المضمار. * نترقبه اليوم، ونحسن الظن بفرسانه ، ونتمنى ألا يخذلونا مثلما فعل أشباح الهلال بجماهيرهم أمس. * هيا يا نجم السعد يا فخر البلد، هيا يا حفيد كرف: (عشت يا مريخ موفور القيم، عالي الهامة خفاق العلم، خطوك الوثاب في ركب الأمم.، كجناح (النسر) يجتاح القمم! * نترقبه اليوم ونغازله مع سيد العشاق فتح الله (من قاع الروح).. ونردد مع الحبيب حسام سليمان: (نحن جند بالمحبة قد تعافى، نعشق النجم ولا نرضى الوصافة، كل من جاء إلينا نال بالحق وبالصدق الحصافة، قل لمن يجني علينا، قس لي بالله المسافة، نحن في المريخ إخوة، نحن أقوى، ليس فينا أي ضعف أو رهافة). * نحمل حب المريخ وهجاً في القلوب الهائمة، المترعة بعشق النجوم، ونردد مع صناجتنا الدكتور عمر: (المجد والمريخ توأمان.. والنصر فوق صدره الفسيح.. والفخر فوق هام النجوم يستريح.. والأمن مستتب والأمان.. وأنت يا مريخ تصنع التاريخ.. تملأ الزمان والمكان.. ونحن عزة ومنعة وصولجان)! * نذهب اليوم إلى الرد كاسل، قلعة الكؤوس المحمولة جواً ونحن نحمل هم تمثيل الوطن، ورفع راية مجده في المحافل الخارجية مثلما ظللنا نفعل وحدنا منذ الأزل! * نتناجى، ونغني في رحاب الرد كاسل، ونردد مع الراحل المقيم فرح عوض رحمة الله عليه: (أنا المريخ.. أنا الدايماً لهيب سارى.. شعاري الأحمر الناري.. بدمي أفدي لشعاري.. وأنا البعرف أجيب تاري ولازم اقطع الأنفاس، أنا المريخ.. أنا التاريخ.. أنا البعرف أجيب الكاس.. وانا العرفوني كل الناس.. انا السواى ما حداث.. وكلو كلامي بى مقياس)! * (أنا المريخ.. أنا العاتي أنا الصاروخ.. أنا الدايماً سنان مجلوخ.. أنا الفى وسطي مافي شروخ.. وأنا البلعب معاي يدوخ.. تصيبو الدوشة والوسواس)! * من غيرنا؟ * هيا يا فرسان الزعيم! * حذار من التفريط في النصر، وحذار من التراخي في ساحة الوغى. * حذار من اقتفاء آثار الخرطوم والهلال! * حذار من النوم على وسادتي التنجيم ودعم التحكيم! * لم يطمئن لاعبو المريخ جمهورهم قبل لقاء اليوم، بعد أن تواضعوا وخسروا أمام أهلي شندي في الممتاز قبل أيام من الآن، لكننا نعول اليوم على عنفوان الأندية الكبيرة، ونحسن الظن في فرسان الأحمر. * عدم إجادة المريخ في الدوري لا تعني تكرار التواضع في البطولة القارية. * ده براهو وده براهو. * لم يطمئن المريخ جماهيره في مباراته الدورية أمام هلال كادوقلي وتعثر بالتعادل في عقر الدار، وشعر الجميع بالخوف على الزعيم بل مباراة الذهاب أمام بطل أنغولا، لكن المريخ قدم يومها مباراة متميزة، تعتبر الأفضل له منذ بداية 2013! * ظهرت الخبرة في كالولو، وتفوق الأحمر على خصمه وتقدم بهدف جميل ناله الواعد رمضان عجب، لكنه لم يفلح في المحافظة عليه في الحصة الثانية وخسر بهدف لاثنين. * اليوم سيدخل زلزال الملاعب على الخط. * جمهور المريخ الوفي سيغير المعادلة، ويرجح الكفة. * اللهم نصرك المؤزر. آخر الحقائق * ودع الهلال البطولة الإفريقية من دورها الأول! * الكتكوت شرد، والهلال قعد! * حدث الوداع في اللحظات الأخيرة، فهل ينجح المريخ في مواصلة المسيرة؟ * لا يحتاج أنصار الأحمر إلى مناشدة ليناصروا الزعيم، تعالوا بدري يا صفوة. * مطلوب من رفاق العجب أن يظهروا العين الحمراء للخصوم ويدكوا مرماه بالحمم (من قولة تيت)! * نوصي الجهاز الفني أن يحسن اختيار التشكيلة ويبتعد ما أمكن عن التوليف. * سقط الكابتن محمود جبارة السادة في امتحان المصداقية وهو يتحدث عن لمسة يد سبقت ركلة الجزاء الوهمية التي أنعم بها الحكم الزامبي على الهلال! * لم يحترم السادة عقول المشاهدين، ولم يحترم أمانة التكليف. * لم تكن هناك ركلة جزاء ولا يحزنون! * ارتطمت الكرة بقدم المدافع فانطلقت الصافرة لتعلن ركلة جزاء وهمية وسط دهشة لاعبي الهلال أنفسهم! * حظي الهلال بدعم كبير من الحكام الزامبيين، وطار! * نقضوا هدفاً صحيحاً للإيفواري، منحوا الهلال ركلة جزاء همية، واحتسبوا حالات تسلل من وحي الخيال، فأضروا بالهلال ولم ينفعوه! * نعتقد أن عقلاء الهلال ما كانوا ليفرحوا بتأهل فريقهم من بوابة التحكيم المنحاز! * على المريخ أن يتعظ مما حدث للهلال! * مساندة الحكام وحدها لا تكفي للتأهل. * من لا يأكل بيده لا يشبع! * إسعاف اللاعبين المصابين معروف ومعلوم وشائع! * لأول مرة في التاريخ نشاهد إسعاف (راية الكورنر)! * لولا سقوط الراية في الزمن الصعب لتأهل الهلال! * لوموا الراية لأنها أهدرت الزمن في ما لا يفيد! * سجل الهلال ثلاثة أهداف وغرق في خور أربعات! * فاتحة البرير راحت في حق الله. * سبحة ود ملاح.. لم تساعد الأشباح! * الكتكوت لا يفوت.. لا يموت! * دعم الحكام لا يكفي للتأهل في البطولات الكبيرة! * أكدت مباراة الأمس أن الهلال ضعيف، ومستواه مخيف! * مهند موعود بالاعتزال، البرير استقال، وغارزيتو طار مع الهلال! * تسلل الكتكوت من شرك الحكم، ودخل قفص جمعة في الزمن الضائع! * ألم نقل لكم إن القبض على السواسيو صعب؟ * في العادة يلقط الكتكوت الحب، لكنه بالأمس التقط الحمام! * الهلال مرق كيت.. من موقعة ذات الكتاكيت! * لعب بأحد عشر لاعباً وحكم ساحة ومساعدين اثنين وطار! * صدق من سماه (قمر اربعطاشر)! * شد ما نخشى من انتقال العدوى من حسن إلى حسين! * الأنغولي صعب، حذار من التفريط أمامه يا رفاق العجب. * انتظرنا اعتزال ولدنا مهند، اعتزل البرير! * حليلك يا الغزال، يا الفارقت ديار الهلال! * يقال إنه اتصل بهيثم ليلاً وقال له: (يا برنس شوفلي شقة جنبك)! * انتهت موقعة ذات السواسيو بطيران الحمام! * حمام الوادي يا راحل، مع النسمة الفريحية، مع السوسيوة عز الليل مفارق بطولة قارية، ممتازك مشتهيك ترجع، تضم صفرك بحنية! * على قول الحبيب أواب: صفر السنة دي مسيخ، صفر (بدري بدري) ده ما عندوش طعم! * خبر الأمس: يا ناس يا هوه، فداسي غيروهو وللا لسة ملطوع ع الخط؟ * خبر اليوم: السوسيو الأصيل يظهر في اللفة! * آخر خبر: أحلى لقطات المباراة: إسعاف الراية!

يا تامبا براحة على الجماعة ديل
اللهم لا شماته
اللهم لا شماته
اللهم لا شماته
اللهم لا شماته








وزووووووووووووووووووووووووووووووووط

دا كلو منك يا الحضري

تمبس والمتداخلين
لكم تحياتي
لحظه دخولي المنبر لقيت سيدا لاعب وزوووووط مهند الطاهر
دخلتني فرحه لاتوف بالرقم من خروج الهلال لاكن كنت في قمه السعاده
ومبسووووط من ادء الهلال
مبروك الاداء الجيد

ياسلام ياتمبس
احيانا احس انني احب المريخ اكتر
فكلما يخذلنا الهلال يتولي المريخ اخراجنا من الاحباط بهكذا نتائج
شكرا هكر المريخ فقد كنتم كما نود واكثر
كاااااااااااك

معقول بالسرعة دي ......



الله إجازي الكان السبب ....

واهد تيارة خرتوم
الطيران هين المحير قصة الحجارة الماعايزة تنتهي دي
كورة تك اخلاق تكين

سلام
يا اخوانا عصام الحاج ده مكشوف عنو الحجاب
قال السنة سنة الخبت
المشكلة ما سأل الجان الجاب ليهو الكلام ده منو بينخبت
قام طوالي بالشفقة المعروفة عنو طلع الكلام قبال ما يتأكد منو
عليك الله يا عصام مش كان تسأل الجان منو الحيخبتوووووووووووو
زوووووط

Quote: يا اخوانا عصام الحاج ده مكشوف عنو الحجاب قال السنة سنة الخبت

والله يا عاصم أنت زول زيكـ و زي تمبس ده ما عندكم ضمير ..
يعني خبت أكتر من كده كيف ؟؟ يتقطع ليكم عصام الحاج ده و لا يسوي شنو ؟

سلام
والله يا خالد عاوزيين نعرف الجان بتاع عصام الحاج اسمو وبيلاقوهو كيفين
نانو عاصم الحاج لو ركز شوية كان قدم استقالتو مع الوالي
زوووووووط

تميا
شربت شاي الصباح؟
ان شاء الله يكون شاي الغزالتين