عيييييييييك البشير يتبرع لمنظمة ملس زناوي الخيرية بمبلغ 2 مليون دولار

شغال منح وتبرعات ساي يمين وشمال
ينفق انفاق من لا يخشي الفقر
بالامس بسط مصر
والان بسط اثيوبيا
بس الظاهر وراءها شيء
لان الوفد المرافق له من الكبار

اتخيلوا ده وفد ماشي يشارك في تدشين منظمة خيرية باسم ملس زناوي بمناسبة مرور عام علي وفاته :
الرئيس عمر البشير
الفريق بكرى حسن صالح
على كرتى
الفريق محمد عطا
واخرون من صغار القوم

في السياسة مرات بتدفع لغرض ربما يكون عائده اكبر مما دفعت بكثير
بس الغريبة انو كيزان السودان دائما بدفعوا وبتبرعوا ومع هذا لم نلاحظ اي عائد سوي للبلد او لهم
والاغرب من كده انو اكثر دفعهم وتبرعاتهم لدول محتلة جزء من البلد !!!
فهل يعقل ان تتنازل هذه الدول عن ما احتلته وهي تري وتتلقي هذه الهبات ؟
بل ربما تطمع في مزيدا من الاراضي طالما النظام بهذا الخنوع والانبطاح

طبعا وفد بهذه الضخامة لايمكن ان يكون ذاهب لتدشين منظمة خيرية
بل هناك عدة اغراض ......
ومن المؤكد ان المصرين وراء احد الاغراض

عطاء من لا يملك .....................
الي متي ؟؟؟

Quote: April 5, 2013 (ADDIS ABABA) - The Ethiopian Petroleum Supplier Enterprise (EPSE) has retracted its statement last month that reported that the country had imported over $1 billion of fuel from neighbouring Sudan via Djibouti, as reported by Sudan Tribune on March 31. The EPSE Sunday reported that the 1,091,823 metric tonnes of oil had in fact been imported from other sources, the EPSE’s spokesperson, Alemayehu Tsegaye declined to name. Without disclosing the reasons behind the decision the spokesperson told Sudan Tribune that Ethiopia stopped importing fuel from Sudan last year after it terminated its contract with Khartoum. Ethiopia used to import up to 85% of its annual oil consumption from neighbouring Sudan, largely due to its geographic proximity. (ST)

شوف الاثيوبين خبيثين كيف يا صلاح?
سودانتربيون كانت نشرت خبر إستيرادهم بترول من السودان باكثر من بليون دولار و قامت صحف الخرطوم و دقت النقارة طربا و لكن الاثيوبين بيقولوا فى نفس يوم زيارة البشير لهم بانهم استوردوا بترولهم من مصادر اخرى بعد ان الغوا العقد مع السودان فى العام الماضى. طبعا اثيوبين اصابهم الحرج لان البترول دى ملطوش من الجنوب.

و طبعا هم عايزين خط انابين يمر عندهم و التبرع دى من اموال ملطوشة اصلا

الاخ زكريا
اولا شكرا للاضافة
الاثيوبين بخططوا صاح لمصلحتهم وبعملوا لذلك بكل الوسائل

Quote: شوف الاثيوبين خبيثين كيف يا صلاح? سودانتربيون كانت نشرت خبر إستيرادهم بترول من السودان باكثر من بليون دولار و قامت صحف الخرطوم و دقت النقارة طربا و لكن الاثيوبين بيقولوا فى نفس يوم زيارة البشير لهم بانهم استوردوا بترولهم من مصادر اخرى بعد ان الغوا العقد مع السودان فى العام الماضى. طبعا اثيوبين اصابهم الحرج لان البترول دى ملطوش من الجنوب. و طبعا هم عايزين خط انابين يمر عندهم و التبرع دى من اموال ملطوشة اصلا