لحظات الاستبدال والغيار كانت وراء خروج الهلال في الزمن الضائع للمباراة

النقطة الاساسية التي اخرجت الهلال من البطولة في الزمن الضائع للمباراة بسبب المدرب غارزيتو وتمثلت في لحظات الغيار التي لم تتم في الحال مما خلقت شرود ذهني للاعب عبداللطيف بويا وفداسي واقف على الخط ، هذه الـ 3 دقائق التي تحرك فيها بويا للاستبدال وتم ارجاعه للملعب قبل الخروج وبالتالي وصلت الكرة للمساحة التي هو فيها وهي كرة سهلة ولكن تعامل معها بشرود ذهني لانه منشغل وفكره كله في الخروج والاستبدال فكانت الطامة الكبرى التي قسمت ظهر الهلال وبالتالي هذا الجانب يتحمله المدرب الفني وطاقمه حيث فشلوا في ادارة المباراة في ثوانيها او دقائقها الاخيرة


مودتي


الرحـــال

كلام صاح يا أشرف ، و لاحظ ان العملية تكررت مرتين و قد ذكرت ذلك لهلالابي شاركني مشاهدة المباراة أن من الاسباب الرئيسية للهدف أن لاعبي الهلال زي الكانوا سارحين بعيد ، يمكن سارحين مع الحافز المتوقع و لكن بلا شكك عملية التغيير التي لم تتم لها اثر كبير.

ده اسمو التسوي كريت يا رحال

تعمد لاعبي الهلال تضيع الزمن فضاع زمنهم

لكن ما علقت لينا على الحكم بالله ..!
رايك فيه شنو يا حبه

Quote: كلام صاح يا أشرف ، و لاحظ ان العملية تكررت مرتين و قد ذكرت ذلك لهلالابي شاركني مشاهدة المباراة أن من الاسباب الرئيسية للهدف أن لاعبي الهلال زي الكانوا سارحين بعيد ، يمكن سارحين مع الحافز المتوقع و لكن بلا شكك عملية التغيير التي لم تتم لها اثر كبير

الاخ الحاج ،،، تحياتي

كلامك مظبوط استعجلوا الفرح قبل صافرة النهاية



مودتي


الرحـــال

Quote: لكن ما علقت لينا على الحكم بالله ..! رايك فيه شنو يا حبه

الاخ وليد ،،، تحياتي

الحكم بتاع الجلاكسيات ده مبااااااااااااااااالغة


معقول هدف السواسيو ده تسلل


لكن ضربة الجزاء بتاعت الهلال لا غبار فيها وصحيحة 100% انتا رايك فيها شنو ضربة الجزاء بتاعتنا دي


مودتي


الرحـــال

والله يا رحال احتمال انها تكون بلنتي اكبر من احتمال انها ما تكون بلنتي
الزول كان فاري يدينو والكورة سريعة جدا

Quote: تعمد لاعبي الهلال تضيع الزمن فضاع زمنهم

..

Quote: والله يا رحال احتمال انها تكون بلنتي اكبر من احتمال انها ما تكون بلنتي الزول كان فاري يدينو والكورة سريعة جدا

هههههه ..
يا رحال معقولة انت عايز تسأل وليد وهو يجاوب ليك .. بي كل اريحيـة وشفافية ..؟ لاحظ معاي الاريحية والشفافية ..
عارف عمك وليد دا انا بطلت اتناقش معاهو في كرة القدم من فترة طويلة .. هو طبعا كان زول نصيحـة .. لكن حسع دي بقى زيو وزي ناس حمزاوي المريخ يتضرب يقعد يبكي ويطقع بالحجار .. يغيب حولين الهلال كانعادل ساكت في التمرين يجيك يقوليك والله الليلة كنا في تمرين الهلال والتمرين طلع درون تلاتة اتنين ..
تعمد لاعبي الهلال اضاعة الزمن ..؟ طيب وليد ما شاف تضييع الزمن كيفنهو قبال ما الهلال يجيب التالت ..؟ والله الظاهر لي قبال ما الهلال يجيب القون الاول والتاني والتالت وليد دا زاتو بكون قاعد قدام الشاشة بضيع في الزمـن .. عشان تشوف ليك تعصب اعمى يا رحال شوف وليد دا لاعب كورة وقاعد يقول في ياتو كلام .. بس لانو الهلال هو الضيع الزمن لما كان غالب .. وهو الظاهر لي ما شاف المهاجم لما الكورة اترفعت كورنر دخله بي يدينو كيفن عشان حرقتو الحتة بتاعت انهم ضيعو الزمن من الاول وبقو يفتشو ليها بالحركرك .. مريخ وليد دا مع الفريق الحمام الميت اللاعب معاهو دا .. تموها كلها وقيع عشان مضروبين واحد صفر ..
بعدين امنقـه حاجة الحتة بتاعت الاحتمالات دي ..
وليد ممكن يفتي ليك في القون الدخل في الهلال ونقضو الحكم .. ويشرحو ليك من كل الزوايا .. لكن البلينتي حق الهلال ممكن يطلع ليك مية احتمال لي انو ما صاح .. والغريبة دا نفس الحكم حقهم حق الجلكسيات .. يعني حكم معروف ذمتو لستك .. اللستك من ذمـة جمال الوالي .. ومن لساتك اي واحد من المساكين يل ..

سلام من الله و رحمة يا اشرف

الذى اخرج الهلال الظلم البين

الذى تعرض له الفريق الضيف يمهل

وفعلا لا يهمل ، فى اخر ثانية حارة

شديد . حتى المذيع لم يجد على ان

يقول غير خير و بركة يعنى ربنا ستر

أشرف يا حبيب ...

Quote: معقول هدف السواسيو ده تسلل

تمّ إحراز الهدف بعد صافرة الحكم* التي أعلنت وجود حالة تسلل لا وجود لها ...


ثمّ من المعروف أنّ الحكام الأفارقة يتحيّزون بقصد أو بدون قصد للفريق المُستضيف ...







ــــ
* ولولا صافرة الحكم ربما كانت ردّة فعل المُدافع وحارس الهلال أكبر .. ممّا يعني عدم إحراز الهدف

Quote: سلام من الله و رحمة يا اشرف الذى اخرج الهلال الظلم البين الذى تعرض له الفريق الضيف يمهل وفعلا لا يهمل ، فى اخر ثانية حارة شديد . حتى المذيع لم يجد على ان يقول غير خير و بركة يعنى ربنا ستر

الاخ هجو الاقرع ،،، تحياتي

الظلم مرفوض في الكورة او غيرها ولكن

ياما انظلمت اندية وفرق قومية في منافسات محلية وقارية بالتحكيم ولم تنال حقوقهااو تتأهل في المباراة بل خرجت بمعنى هذا ليس بمقياس وان ظلم التحكيم للفريق الضيف وعكس الحالات لصالح الهلال هو سبب خروج الهلال من المنافسة وتأهل المظلوم



مودتي


الرحـــال

Quote: تمّ إحراز الهدف بعد صافرة الحكم* التي أعلنت وجود حالة تسلل لا وجود لها ...

الاخ صبري ،،، تحياتي

دي مربط الفرس في الحكاية كلها احتساب تسلل لا وجود له وبالتالي الاحتمالات ما بعد التسلل تصبح احتمالات ورد الفعل من الجانبين المهاجم والحارس ربما تصيب او تخيب وفقا لهذه الاحتمالات .

مودتي


الرحـــال

Quote: هههههه .. يا رحال معقولة انت عايز تسأل وليد وهو يجاوب ليك .. بي كل اريحيـة وشفافية ..؟

الاخ / تمبس ،،، تحياتي وكفارة لامة الهلال بهذا الخروج الغير متوقع اصلا


والله انتا الصادق ناس المريخ ديل الحقيقة اصلا ما بتطلع منهم وتبريراتهم ضد الهلال مبااااااااااالغة


مودتي


الرحـــال

لقيتك أشرف (نيوتن) بس

الاخ مجاهد ،،، تحياتي

نيوتن حتة واحدة مبالغة لكن

طيب الناس المكتومة وما سمعنا ليها صوت إلا بعد هدف العاجيين ديل يطلعو شنو ههههه


مودتي


الرحـــال

التغيير لعب دور سلبي
اتفق معك تماما ,

الغريبة اولا رفع فداسي بديلا لمهند , وتحية مهند والجماهير كانت جميلة , ومعنويات عالية ,
قرب الخط طلب من مهند البقاء ,

اللوحة اللاكترونية بعدها حملت رقم تراوري راس الهجوم , تغيير مفهوم اخراج المهاجم وادخال مدافع ليكتمل الدفاع اربع افراد ,
تراوري تغابى , لدرجة احتساب فاول للهلال , يمكن ينفذ مهند او اخر , اصر على التنفيذ وتراوري اشار بيده للتغيير بالانتظار , شاتها في السماء ..

الهجمة التي بعدها من الجهه التي مفترض ينزل بها فداسي اليمنى .. وحصل ما راينا ..

التغيير لعب دور سلبي قاتل . خروج قاسى ..

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور