Post: #1
Title: بروح كيغان مريخ السودان يتأهب للعبور الى بر الأمان!!
Author: الامين موسى البشاري
Date: 04-06-2013, 06:45 AM
والليلة يوم الرجال ....
من ..
ومن ..
غيرنا يعطي لهذا الشعب معنى ان يعيش وينتصر
|
Post: #2
Title: Re: بروح كيغان مريخ السودان يتأهب للعبور الى بر الأمان!!
Author: أمير محمد ادريس
Date: 04-06-2013, 06:49 AM
Parent: #1
ان شاء الله منصورين
تحياتي ود البشاري
|
Post: #3
Title: Re: بروح كيغان مريخ السودان يتأهب للعبور الى بر الأمان!!
Author: حمزاوي
Date: 04-06-2013, 06:54 AM
Parent: #2
باذن الله تعالى
منصورين
|
Post: #4
Title: Re: بروح كيغان مريخ السودان يتأهب للعبور الى بر الأمان!!
Author: الامين موسى البشاري
Date: 04-06-2013, 06:59 AM
Parent: #1
تتأهب كتيبة النصر المريخية بقيادة الراجل جمال أبو عنجة (كيغان)
لمنازلة فريق ريكرياتيفو ليبولو الانغولي ..
وذلك في معركة العبور الى دور ال 16 من دوري الابطال
جمال ابو عنجة الذي يعرف مجاهل افريقيا بخبرته الطويلة كلاعب
سوف يكون خير قائد للكتيبة المريخية ...
|
Post: #5
Title: Re: بروح كيغان مريخ السودان يتأهب للعبور الى بر الأمان!!
Author: الامين موسى البشاري
Date: 04-06-2013, 07:01 AM
Parent: #4
مريخ "خالدونا وابوعنجة" يبحث عن الوصول الى دور الـ16 لابطال افريقيا
Quote: يدخل ثنائي المريخ السابق خالد احمد المصطفى وجمال ابوعنجة تجربة قوية ، عندما يقودان الفريق الاحمر في المباراة الافريقية الحاسمة امام ريكرياتيفو ليبولو الانغولي في الثامنة من مساء اليوم السبت ، على ارضية ملعب استاد المريخ ، في اياب دور الـ32 لابطال افريقيا في رحلة البحث عن بطاقة التاهل الى دور الـ16
واجرى فريق المريخ مرانه الاخير على ملعبه ، في السادسة من مساء امس بمشاركة كل اللاعبين
واكد خالد احمد المصطفى ان الفريق في قمة الجاهزية ، والروح المعنوية عالية للاعبين ، والكل مهيأ لاداء مباراة قوية
ويتوقع ان يدفع الجهاز الفني للمريخ بتشكيلة تضم: اكرم الهادي، بلة جابر، باسكال، ضفر ، الزومة، امير كمال، علاء الدين يوسف، رمضان عجب، هيثم مصطفى، راجي عبد العاطي، محمد موسى
في المقابل وصل فريق ليبولو الانغولي للخرطوم يوم الخميس الماضي ، واجرى مرانين الاول على ملعب الخارجية بكافوري ، والثاني على ملعب استاد المريخ مساء الجمعة
واكد مدرب الفريق ان كل شي متاح في مباراة اليوم واضاف: سنلعب من اجل التعادل ، ونعرف اننا نلعب امام فريق كبير وسنكون حذرين للغاية |
|
Post: #6
Title: Re: بروح كيغان مريخ السودان يتأهب للعبور الى بر الأمان!!
Author: طارق حرسي
Date: 04-06-2013, 07:10 AM
Parent: #5
بالتوفيق لزعيم الكرة السودانية وفخرها
والي الامام
تحياتي
|
Post: #7
Title: Re: بروح كيغان مريخ السودان يتأهب للعبور الى بر الأمان!!
Author: الامين موسى البشاري
Date: 04-06-2013, 11:40 AM
Parent: #6
Quote: كبد الحقيقة / مزمل ابوالقاسم
الزعيم فى الموعد
* هو المريخ بعض من تخيلنا,لو لم نجده على الارض لاخترعناه.
* هو السحر لافخر ولا عجب,ذا المريخ سر القوم او غضبوا.
* عشقنا الكبير,هوانا الاوحد,حبنا الابدى,نهواه مهما كان,ونترقبه اليوم كى يعودالينا كما كان.
* نترقب ظهور النجم الثاقب ونعلم ان امال السودان فى الفوز ببطولة قارية مرتبطة بالزعيم.
* من غيره احرز الكؤوس بالاجواء طائعة؟
* زعيم الكرة السودانية وسيدها وفارسها وتاج راسها.يمرض ولا يموت.
* يتعثر ولا يسقط,يكبو ولا يخرج من المضمار.
* نترقبه اليوم ونحسن الظن بفرسانه ونتمنى ان لا يخذلونا مثلما فعل اشباح الهلال بجماهيرهم أمس.
* هيا يا نجم السعد ويا فخر البلد,هيا يا حفيد كرف:(عشت يا مريخ موفور القيم,عالى الهمة خفاق العلم,خطوك الوثاب فى ركب الامم,كجناح النسر يجتاح القمم)
* نترقبه اليوم ونغازله مع سيد العشاق فتح الله(من قاع الروح) ونردد مع الحبيب حسام سليمان:(نحن جند بالمحبة قد تعافى,نعشق النجم ولا نرضى الوصافة,كل من جاء الينا نال بالحق وبالصدق الحصافة,قل لمن يجنى علينا,قس لى بالله المسافة,نحن فى المريخ اخوة,نحن اقوى,ليس فينا اى ضعف او رهافة).
* نحمل حب المريج وهجا فى القلوب الهائمة,المترعة بعشق النجوم,ونردد مع صناجتنا الدكتور حمر:(المجد والمريخ توأمان,والنصر فوق صدره الفسيح,والفخر فوق هامة النجوم يستريح,والامن مستتب والامان,وانت يا مريخ تصنع التاريخ,تملا الزمان والمكان,ونحن عزة ومنعة وصولجان)
* نذهب اليوم الى الرد كاسل,قلعة الكؤوس المحمولة جوا ونحن نحمل هم تمثيل الوطن,ورفع راية مجده فى المحافل الخارجية مثلما ظللنا نفعل وحدنا منذ الازل.
* نتناجى ونغنى فى رحاب الردكاسل,ونردد مع الراحل المقيم فرح عوض رحمة الله عليه:(أنا المريخ,أنا الدايما لهيب سارى,شعرى الاحمر النارى,بدمى افدى لشعارى,وأنا البعرف أجيب تارى,ولازم اقطع الانفاس,أنا المريخ,أنا التاريخ,أنا البعرف أجيب الكاس,أنا السواى وما حداث, وكلو كلامى بمقياس)
* (انا المريخ ,أنا العاتى,أنا الصاروخ,أنا الدايما سنان مجلوخ,أنا الفى وسطى مافى شروخ,وأنا البلعب معاى يدوخ,تصيبو الدوشة والوسواس)
* من غيرنا.
* هيا يا فرسان.
* حذارى من التفريط فى النصر,وحذار من التراخى فى ساحة الوغى.
* حذار من اقتفاء آثار الخرطوم والهلال.
* حذارى من النوم على وسادتى التنجيم ودعم التحكيم.
* لم يطمئن لاعبو المريخ جمهورهم قبل لقاء اليوم.بعد ان تواضعوا وخسروا امام اهلى شندى فى الممتاز قبل ايام من الان,لكننا نعول اليوم على عنفوان الاندية الكبيرة,ونحسن الظن فى فرسان الاحمر.
* عدم اجادة المريخ فى الدورى لاتعنى تكرار التواضع فى البطولة القارية.
* ده براهو وده براهو.
* لم يطمئن المريخ جماهيره فى مباراته الدورية امام هلال كادقلى وتعثر بالتعادل فى عقر الدار,وشعر الجميع بالخوف على الزعيم فى مباراة الذهاب امام بطل انغولا,لكن المريخ قدم يومها مباراة متميزة, تعتبر الافضل له منذ بداية 2013م.
* ظهرت الخبرة فى كالولو,وتفوق الاحمر على خصمه وتقدم بهدف جميل ناله الواعد رمضان عجب,ولكنه لم يفلح فى المحافظة عليه فى الحصة الثانية وخسر بهدف لاثنين.
* اليوم سيدخل زلزال الملاعب على الخط.
* جمهور المريخ الوفى سيغير المعادلة,ويرجح الكفة.
* اللهم نصرك المؤزر.
آخر الحقأئق
* ودع الهلال البطولة الافريقية من دورها الاول.
* الكتكوت شرد,والهلال قعد.
* حدث الوداع فى اللحظات الاخيرة,فهل ينجح المريخ فى مواصلة المسيرة؟
* لا يحتاج انصار الاحمر الى مناشدة ليناصروا الزعيم,تعالوا بدرى يا صفوة.
* مطلوب من رفاق العجب ان يظهروا العين الحمراء للخصوم ويدكوا مرماه بالحمم(من قولة تيت).
* نوصى الجهاز الفنى أن يحسن أختيار التشكيلة ويبتعد ما امكن عن التوليف.
* سقط الكابتن محمود جبارة فى امتحان المصداقية وهو يتحدث عن لمسة يد سبقت ركلة الجزاء الوهمية التى انعم بها الحكم الزامبى على الهلال.
* لم يحترم السادة عقول المشاهدين ولم يحترم امانة التكليف.
* لم تكن هناك ركلة جزاء ولا يحزنون.
* ارتطمت الكرة بقدم المدافع فانطلقت الصافرة لتعلن ركلة جزاء وهمية وسط دهشة لاعبى الهلال انفسهم.
* حظى الهلال بدعم كبير من الحكام الزامبيين وطار!
* نقضوا هدفا صحيحا للايفوارى,منحوا الهلال ركلة جزاء وهمية, واحتسبوا حالات تسلل من وحى الخيال,فاضروا بالهلال ولم ينفعوه!
* نعتقد ان عقلاء الهلال ما كانوا ليفرحوا بتاهل فريقهم من بوابة التحكيم المنحاز.
* على المريخ ان يتعظ مما حدث للهلال.
* مساندة الحكام وحدها لا تكفى للتأهل.
* من لا ياكل بيده لايشبع.
* اسعاف اللاعبين المصابين معروف ومعلوم وشائع.
* لأول مرة فى التاريخ نشاهد اسعاف راية الكورنر.
* لولا سقوط الراية فى الزمن الصعب لتاهل الهلال!
* لوموا الراية لانها اهدرت الزمن فيما لا يفيد.
* سجل الهلال ثلاثة اهداف وغرق فى خور اربعات.
* فاتحة البرير راحت فى حق الله.
* سبحة ود ملاح..لم تساعد الاشباح.
* الكتكوت..لايفوت ولا يموت.
* دعم الحكام لايكفى للتاهل فى البطولات الكبيرة.
* أكدت مباراة الامس الهلال ضعيف,ومستواه مخيف.
* مهند موعود بالاعتزال,البرير استقال,وغارزيتو طار مع الهلال.
* تسلل الكتكوت من شرك الحكم,ودخل قفص جمعة فى الزمن الضائع.
* الم نقل لكم ان القبض على السواسيو صعب؟
* فى العادة يلقط الكتكوت الحب,لكنه بالامس التقط الحمام.
* الهلال مرق كيت,من موقعة ذات الكتاكيت.
* لعب باحد عشر لاعبا وحكم ساحة ومساعدين اثنين وطار.
* صدق من سماه قمر اربعطاشر.
* شد ما نخشى من انتقال العدوى من حسن الى حسين.
* الانغولى صعب,حذار من التفريط أمامه يا رفاق العجب.
* انتظرنا اعتزال ولدنا مهند,اعتزل البرير.
* حليلك يا الغزال,يا الفارقت ديار الهلال.
* يقال انه اتصل بهيثم ليلا وقال له:(يا برنس شوفلى شقة جنبك).
*أنتهت موقعة ذات السواسيو بطيران الحمام.
* حمام الوادى يا راحل,مع النسمة الفرايحية,مع السيوسيوة عز الليل مفارق بطولة قارية.ممتازك مشتهيك ترجع,تضم صفرك بحنية.
* على قول الحبيب اواب: صفر السنة دى مسيخ,صفر (بدرى بدرى)ده ماعندوش طعم.
* خبر الامس: يا ناس ياهوه فداسى غيروهو وللا لسه ملطوع على الخط.
* خبر اليوم: السوسيو الاصيل يظهرفى اللفة.
* آآآآخرخبر: أحلى لقطات المباراة:أسعاف الراية. |
|
Post: #8
Title: Re: بروح كيغان مريخ السودان يتأهب للعبور الى بر الأمان!!
Author: الامين موسى البشاري
Date: 04-06-2013, 11:50 AM
Parent: #7
Quote: في السلك
بابكر سلك
اولاد التوفكشي
·لاننا ناس افراح
·ولأننا اصحاب رضا
·من غير المغضوب عليهم
·عشان ده كلو افراحنا بدت من امبارح
·من امس انحنا اسعد ناس في الدنيا
·افراحنا بدت من امبارح
·لما انتهينا من تخطيط المضمار بدت الافراح
·ولما قصينا النجيله وعملنا ليها قطعيه افراحنا بدت
·وبدت افراحنا من امبارح لما شفنا التمرين واطمأنينا
·افراحنا بدت من امبارح لما الكشافات ولعت تااااامه
·بيضاء من غير سوء
·نور طويل وقصير
·من امس نحنا اسعد ناس
·واليوم ستكتمل الفرحه ان شاء الله
·برغم مرارة خروج الهلال من الادوار الاولي
·يجب ان نفرح وننتصر للوطن
·الهلال طار من دور الاتنين وتلاتين
·طار من بدري
·بدري شديد
·عشان كده
·مسؤليتنا بقت اكبر
·لازم ننتقم لاخوتنا في الاتفاقيه
·لازم نشيل تارهم ونتأهل
·برغم انهم طاروا من دور الاتنين وتلاتين
·الا انهم كانوا اقرب للتأهل
·انتوا قون ساحل العاج الاول مالو ؟؟؟
·انا ماعارف الحكم ما حسبو ليه
·لكن عمك كان حسبو كان شتت قصبو
·من بدري
·بركه الماحسبو
·عشان ما يشتت قصبو
·والخساره الكبري هي اعتزال نجم بقامة الغزال
·اعتزال الغزال
·الغزال موش قال
·لو ما اتأهلنا بخلي الكوره !!!
·الوجهه الجديده وين يا غزال
·جنينة الحيوانات بقت برج الفاتح
·تاني الخلا ولا الرفيق الفسل
·طيران الخليج
·اقصد طيران الهلال زعلني شديد
·واحد هلالابي قال لي تتذكر المرحوم ملاح ؟
·قلت ليهو هلالابي كبير ورياضي محترم وزول نبيل عليه رحمة الله
·قال لي زمان الهلال كتل ملاح
·والليله ملاح شال تار الملاحاب وكتل الهلال
·التار يا هريدي
·ايها الناس
·الهلالاب عندهم مشكله
·في (التي اتش ) مابطلعوا لسانهم بره
·عشان كده جنهم وجن الباص (الثرو )
·اول من يلقوا باص ثرو
·يجوا يطلعوا لسانهم
·يطلعوها من الشبكه
·ثرو دي صعيه معاهم
·بذكروني الشافع القالوا ليهو في المدرسه
·لما تنطق التي اتش طلع لسانك بره
·وكتبوا ليهو بالانجليزي (ذا)
·قال(زا ) وطلع لسانو
·روشا
·الجو فوق كتاحه
·لكن صدقني
·الجو عندنا الكلاكله القبه وجو اوروبا
·عقبال ليكم بعد سنه
·سنه للحول
·المهم
·من امس نحنا اسعد ناس
·السعاده بدت امبارح
·الساعه عشره بالليل
·بالضبط كده عشره وسته دقائق اكتملت الفرحه
·عشان العمل في الاستاد اكتمل
·موش قلت ليكم افراحنا بدت من امبارح
·تعرف ياروشا
·بعد كورتكم وطيرتكم ومشيتكم للجو فوق
·الجو تحت بقي ربيع بس
·ربيييييييييع ياراجل
·صورتو ليك بالموبايل
·وحا ارسلو ليك بالوتساب
·فوق عندكم وتساب ياروشا ؟؟؟
·شبكتكم فوق كيف
·بتقطع برضو
·ايها الناس
·الهلال طار لان الاهله برغم الرباعيه استهونوا بالخصم
·وقالوا تلاته صفر ساااااهله
·وحتي بعد نقض هدف العاجي ما ادوا الموضوع اعتبار
·ولما جابوا تلاته
·قالوا التلاته كفايه
·وتلاته دي ذكرتني حكايه يا فطومه يا اختي
·حكاية اولاد التوفكشي
·قالوا اولاد التوفكشي اتنين عمي والتالت مابشوفشي
·طلعوا رحله صيد وصادوا تلاته غزلان اتنين جروا والتالت ما اتمسكشي
·اللي ما اتمسكشي جابوهوا وضبحوهوا وختوهوا في تلاته صحون
·صحنين فاضيات والتالت مافيهوش شي
·لانو غزال ساحل العاج في الدقيقه سته وتسعين
·خلي التلاته صحانه بتاعت اولاد التوفكشي مافيهمشي شئ
·غايتو يا اولاد التوفكشي ماعنكم شئ
·ايها الناس
·تار الاهله واجب وطني
·ايها الشفوت
·نجي كلنا من اجل وطن مجروح امبارح
·وننتقم من الافارقه الغلبوا الهلال
·نطير افريقي منهم
·ونثأر لاخوتنا الاهله
·الحتانه من العصر
·منظر جميل
·بالذات بعد الكورنيش الجديد ده
·اتكرنشي
·ايها الشفوت
·نجي ننتصر للوطن
·وللزعيم
·ولانفسنا
·وللهلال
·موش برضو هلال السودان
·وسودان المريخ !!!!
·ايها الناس
·شجرابي الرائع امس جا الاستاد بي جلابيه وطاقيه
·بعد القون التالت قعد ينطط
·الطاقيه وقعت من راسو
·اتزلقت
·الراس حفيان
·المهم الطاقيه وقعت من راسو
·دنقر يشيلها
·رفع راسو
·لقي الناس راقدين في النجيله
·دهشتك يا شجرابي كانت جميله
·ايها الشفوت
·كلنا
·من بدري
·اهداف الهلال التلاته الامس جابهم جمهور الهلال الوفي
·وهدف ساحل العاج
·هفوه من جمهور الهلال لانه صمت عن التشجيع
·والسعيد بشوف في غيرو
·بكره نبقي زي الجاهل البسنن
·اصلو ما نسكت
·الا نتأهل
·والموضوع ينتهي
·اها
·نجي لي شمارات والي الخرتوم
·كان شفت يا والينا
·اولاد التوفكشي
·موش طلعوا قاعدين ساااااي
·ماعندهم شئ
سلك كهربا
ننساك كيف واولاد التوفكشي كيسهم فاضي وماعندهم شئ
والي لقاء
سلك |
|
Post: #9
Title: Re: بروح كيغان مريخ السودان يتأهب للعبور الى بر الأمان!!
Author: عباس الدسيس
Date: 04-06-2013, 11:53 AM
Parent: #8
المتعه كانت امس يا الحبيب ...بجد يا امين
|
Post: #10
Title: Re: بروح كيغان مريخ السودان يتأهب للعبور الى بر الأمان!!
Author: محمد عمر الفكي
Date: 04-06-2013, 12:06 PM
Parent: #9
Quote: اول امبارح ، غشيت زول صحبى فى فندق (ابشر) ، جنب نادى الضباط ، اثناء ما بشوفو جالس وين ، اشوف ليك لاعبينا ماليين الساحات (لاعبى المريخ ) برمودات ماشية وجاية ، واى زول منهم قاعد ليهو فى ركن ماسك التلفون ، والاسواء كمان فى واحد منهم ( ما عارف اسمو ) ماسك الشيشة ، وكر كر كر ، وبالفنلة والبرمودا ، شكلو كان خجلان يشوفو واحد من ناس الرشيد على عمر ويشيل حسو ، الكلام كان يا جماعة الساعة اتناشر مساء ، ودا مؤشر لشنو ، انو المعسكر دا كلو وهمة وكلام فارغ ، وواضح ان الادارة ما عندها زول عندو شخصية ينهر اللاعبين ( النصيحة هيثم مصطفى كان فى استقبال الفندق وبتونس ) لكن برضو بتحسب عليهو سهر ، وطبعا ليك ان تتخيل فريق فيهو خالد احمد المصطفى ومحمد موسى مسئولين عن المعسكر واللاعبين ، غايتو الانا شفتو بعيونى من ناس المريخ فى فندق ابشر ديل الناس ديل حدهم خمسة وعشرين دقيقة ونفسهم بقوم وبقطعوا ... وبلحقو الهلال
ولو ما لحقوه الليلة ما بمشو كتير قدام |
منقول من بوست مجاور لاخونا محمد حامد جمعة 
اها تعال قول لي يا غواصة
انا زول نصيحة
|
Post: #11
Title: Re: بروح كيغان مريخ السودان يتأهب للعبور الى بر الأمان!!
Author: عبدالعزيز الفاضلابى
Date: 04-06-2013, 05:32 PM
Parent: #10
سلامات يابشاري
ياخ الله يرضي عليك الحقنا برابط نحن في بلدا طيرو عجمي
تسلم
|
Post: #12
Title: Re: بروح كيغان مريخ السودان يتأهب للعبور الى بر الأمان!!
Author: Abdlaziz Eisa
Date: 04-06-2013, 06:28 PM
Parent: #11
Quote:
سلامات يابشاري
ياخ الله يرضي عليك الحقنا برابط نحن في بلدا طيرو عجمي
تسلم
|
|
Post: #14
Title: Re: بروح كيغان مريخ السودان يتأهب للعبور الى بر الأمان!!
Author: درديري كباشي
Date: 04-06-2013, 07:34 PM
Parent: #13
في حب يا اخوانا اكتر من كدا
هو في تين زاتوا
|
Post: #15
Title: Re: بروح كيغان مريخ السودان يتأهب للعبور الى بر الأمان!!
Author: محمد البشرى الخضر
Date: 04-06-2013, 07:41 PM
Parent: #14
رووح مين؟ عبور لي وين؟
ما قلنا ما تستعجلوا الشماتة الكورة دي مدورة يا ود البشاري
|
Post: #16
Title: Re: بروح كيغان مريخ السودان يتأهب للعبور الى بر الأمان!!
Author: ahmed khidir
Date: 04-06-2013, 08:12 PM
Parent: #15
الحمام الميت طاااااااااااااااااااااااااااااار
|
Post: #17
Title: Re: بروح كيغان مريخ السودان يتأهب للعبور الى بر الأمان!!
Author: درديري كباشي
Date: 04-06-2013, 08:18 PM
Parent: #16
اعلام المريخ التعيس بقيادة مزمل ابو القاسم ومن نهج نهجه .. نجحوا في ان يخلقوا قاعدة عريضة من معادي المريخ والشامتين فيه يفوق عددهم عدد المشجعين ..
انا واحد هلالابي كنت الحالة الوحيدة التي لا اشجع فيها المريخ هي عندما يكون لاعبب ضد الهلال
لكن ناس مزمل دفعونا لتشجيع خصوم المريخ باسلوبهم المتعصب البغيض ونبذ الآخرين
|
Post: #18
Title: Re: بروح كيغان مريخ السودان يتأهب للعبور الى بر الأمان!!
Author: طارق أحمد خالد
Date: 04-06-2013, 10:35 PM
Parent: #17
أحيييييي يا مصاريني
والله صحي
|
Post: #19
Title: Re: بروح كيغان مريخ السودان يتأهب للعبور الى بر الأمان!!
Author: عبد العظيم احمد
Date: 04-06-2013, 10:47 PM
Parent: #18
قول
بسم الله
|
Post: #20
Title: Re: بروح كيغان مريخ السودان يتأهب للعبور الى بر الأمان!!
Author: على عبدالله بشير
Date: 04-06-2013, 10:51 PM
Parent: #18
Quote: كبد الحقيقة / مزمل ابوالقاسم
الزعيم فى الموعد
* هو المريخ بعض من تخيلنا,لو لم نجده على الارض لاخترعناه.
* هو السحر لافخر ولا عجب,ذا المريخ سر القوم او غضبوا.
* عشقنا الكبير,هوانا الاوحد,حبنا الابدى,نهواه مهما كان,ونترقبه اليوم كى يعودالينا كما كان.
* نترقب ظهور النجم الثاقب ونعلم ان امال السودان فى الفوز ببطولة قارية مرتبطة بالزعيم.
* من غيره احرز الكؤوس بالاجواء طائعة؟
* زعيم الكرة السودانية وسيدها وفارسها وتاج راسها.يمرض ولا يموت.
* يتعثر ولا يسقط,يكبو ولا يخرج من المضمار.
* نترقبه اليوم ونحسن الظن بفرسانه ونتمنى ان لا يخذلونا مثلما فعل اشباح الهلال بجماهيرهم أمس.
* هيا يا نجم السعد ويا فخر البلد,هيا يا حفيد كرف:(عشت يا مريخ موفور القيم,عالى الهمة خفاق العلم,خطوك الوثاب فى ركب الامم,كجناح النسر يجتاح القمم)
* نترقبه اليوم ونغازله مع سيد العشاق فتح الله(من قاع الروح) ونردد مع الحبيب حسام سليمان:(نحن جند بالمحبة قد تعافى,نعشق النجم ولا نرضى الوصافة,كل من جاء الينا نال بالحق وبالصدق الحصافة,قل لمن يجنى علينا,قس لى بالله المسافة,نحن فى المريخ اخوة,نحن اقوى,ليس فينا اى ضعف او رهافة).
* نحمل حب المريج وهجا فى القلوب الهائمة,المترعة بعشق النجوم,ونردد مع صناجتنا الدكتور حمر:(المجد والمريخ توأمان,والنصر فوق صدره الفسيح,والفخر فوق هامة النجوم يستريح,والامن مستتب والامان,وانت يا مريخ تصنع التاريخ,تملا الزمان والمكان,ونحن عزة ومنعة وصولجان)
* نذهب اليوم الى الرد كاسل,قلعة الكؤوس المحمولة جوا ونحن نحمل هم تمثيل الوطن,ورفع راية مجده فى المحافل الخارجية مثلما ظللنا نفعل وحدنا منذ الازل.
* نتناجى ونغنى فى رحاب الردكاسل,ونردد مع الراحل المقيم فرح عوض رحمة الله عليه:(أنا المريخ,أنا الدايما لهيب سارى,شعرى الاحمر النارى,بدمى افدى لشعارى,وأنا البعرف أجيب تارى,ولازم اقطع الانفاس,أنا المريخ,أنا التاريخ,أنا البعرف أجيب الكاس,أنا السواى وما حداث, وكلو كلامى بمقياس)
* (انا المريخ ,أنا العاتى,أنا الصاروخ,أنا الدايما سنان مجلوخ,أنا الفى وسطى مافى شروخ,وأنا البلعب معاى يدوخ,تصيبو الدوشة والوسواس)
* من غيرنا.
* هيا يا فرسان.
* حذارى من التفريط فى النصر,وحذار من التراخى فى ساحة الوغى.
* حذار من اقتفاء آثار الخرطوم والهلال.
* حذارى من النوم على وسادتى التنجيم ودعم التحكيم.
* لم يطمئن لاعبو المريخ جمهورهم قبل لقاء اليوم.بعد ان تواضعوا وخسروا امام اهلى شندى فى الممتاز قبل ايام من الان,لكننا نعول اليوم على عنفوان الاندية الكبيرة,ونحسن الظن فى فرسان الاحمر.
* عدم اجادة المريخ فى الدورى لاتعنى تكرار التواضع فى البطولة القارية.
* ده براهو وده براهو.
* لم يطمئن المريخ جماهيره فى مباراته الدورية امام هلال كادقلى وتعثر بالتعادل فى عقر الدار,وشعر الجميع بالخوف على الزعيم فى مباراة الذهاب امام بطل انغولا,لكن المريخ قدم يومها مباراة متميزة, تعتبر الافضل له منذ بداية 2013م.
* ظهرت الخبرة فى كالولو,وتفوق الاحمر على خصمه وتقدم بهدف جميل ناله الواعد رمضان عجب,ولكنه لم يفلح فى المحافظة عليه فى الحصة الثانية وخسر بهدف لاثنين.
* اليوم سيدخل زلزال الملاعب على الخط.
* جمهور المريخ الوفى سيغير المعادلة,ويرجح الكفة.
* اللهم نصرك المؤزر.
آخر الحقأئق
* ودع الهلال البطولة الافريقية من دورها الاول.
* الكتكوت شرد,والهلال قعد.
* حدث الوداع فى اللحظات الاخيرة,فهل ينجح المريخ فى مواصلة المسيرة؟
* لا يحتاج انصار الاحمر الى مناشدة ليناصروا الزعيم,تعالوا بدرى يا صفوة.
* مطلوب من رفاق العجب ان يظهروا العين الحمراء للخصوم ويدكوا مرماه بالحمم(من قولة تيت).
* نوصى الجهاز الفنى أن يحسن أختيار التشكيلة ويبتعد ما امكن عن التوليف.
* سقط الكابتن محمود جبارة فى امتحان المصداقية وهو يتحدث عن لمسة يد سبقت ركلة الجزاء الوهمية التى انعم بها الحكم الزامبى على الهلال.
* لم يحترم السادة عقول المشاهدين ولم يحترم امانة التكليف.
* لم تكن هناك ركلة جزاء ولا يحزنون.
* ارتطمت الكرة بقدم المدافع فانطلقت الصافرة لتعلن ركلة جزاء وهمية وسط دهشة لاعبى الهلال انفسهم.
* حظى الهلال بدعم كبير من الحكام الزامبيين وطار!
* نقضوا هدفا صحيحا للايفوارى,منحوا الهلال ركلة جزاء وهمية, واحتسبوا حالات تسلل من وحى الخيال,فاضروا بالهلال ولم ينفعوه!
* نعتقد ان عقلاء الهلال ما كانوا ليفرحوا بتاهل فريقهم من بوابة التحكيم المنحاز.
* على المريخ ان يتعظ مما حدث للهلال.
* مساندة الحكام وحدها لا تكفى للتأهل.
* من لا ياكل بيده لايشبع.
* اسعاف اللاعبين المصابين معروف ومعلوم وشائع.
* لأول مرة فى التاريخ نشاهد اسعاف راية الكورنر.
* لولا سقوط الراية فى الزمن الصعب لتاهل الهلال!
* لوموا الراية لانها اهدرت الزمن فيما لا يفيد.
* سجل الهلال ثلاثة اهداف وغرق فى خور اربعات.
* فاتحة البرير راحت فى حق الله.
* سبحة ود ملاح..لم تساعد الاشباح.
* الكتكوت..لايفوت ولا يموت.
* دعم الحكام لايكفى للتاهل فى البطولات الكبيرة.
* أكدت مباراة الامس الهلال ضعيف,ومستواه مخيف.
* مهند موعود بالاعتزال,البرير استقال,وغارزيتو طار مع الهلال.
* تسلل الكتكوت من شرك الحكم,ودخل قفص جمعة فى الزمن الضائع.
* الم نقل لكم ان القبض على السواسيو صعب؟
* فى العادة يلقط الكتكوت الحب,لكنه بالامس التقط الحمام.
* الهلال مرق كيت,من موقعة ذات الكتاكيت.
* لعب باحد عشر لاعبا وحكم ساحة ومساعدين اثنين وطار.
* صدق من سماه قمر اربعطاشر.
* شد ما نخشى من انتقال العدوى من حسن الى حسين.
* الانغولى صعب,حذار من التفريط أمامه يا رفاق العجب.
* انتظرنا اعتزال ولدنا مهند,اعتزل البرير.
* حليلك يا الغزال,يا الفارقت ديار الهلال.
* يقال انه اتصل بهيثم ليلا وقال له:(يا برنس شوفلى شقة جنبك).
*أنتهت موقعة ذات السواسيو بطيران الحمام.
* حمام الوادى يا راحل,مع النسمة الفرايحية,مع السيوسيوة عز الليل مفارق بطولة قارية.ممتازك مشتهيك ترجع,تضم صفرك بحنية.
* على قول الحبيب اواب: صفر السنة دى مسيخ,صفر (بدرى بدرى)ده ماعندوش طعم.
* خبر الامس: يا ناس ياهوه فداسى غيروهو وللا لسه ملطوع على الخط.
* خبر اليوم: السوسيو الاصيل يظهرفى اللفة.
* آآآآخرخبر: أحلى لقطات المباراة:أسعاف الراية. |
كل سطر من الهراء أعلاه يحتاج لأقتباس لوحده
يا ترى كيف حال هذا المسخ الآن ...!!!؟؟؟
و ماذا سيكتب الآن ...!!!؟؟؟
و قد حان وقت الطبع
أمثال هذا الدعى هم سبب نكسة الرياضة فى السودان
|
Post: #21
Title: Re: بروح كيغان مريخ السودان يتأهب للعبور الى بر الأمان!!
Author: nazar hussien
Date: 04-07-2013, 05:31 AM
Parent: #20
كاااااااااااااااااااااااتاااااااااااااااك لامن بي هناك.
بلا من غيرنا. بلا نهواهو في كل الظروف.
مالكم ما هويتوه في الليل اب بمبان دا
هاك رام الله دي
انتو الحجارة دي بصرفوها ليكم مع التذاكر؟؟؟؟؟؟
|
Post: #22
Title: Re: بروح كيغان مريخ السودان يتأهب للعبور الى بر الأمان!!
Author: ولياب
Date: 04-07-2013, 05:35 AM
Parent: #21
Quote: والليلة يوم الرجال ....
من ..
ومن ..
غيرنا يعطي لهذا الشعب معنى ان يعيش وينتصر |
الأمين أخوي
قلبي معك !!!
|
Post: #23
Title: Re: بروح كيغان مريخ السودان يتأهب للعبور الى بر الأمان!!
Author: Amin Diyab Mohamed
Date: 04-07-2013, 06:11 AM
Parent: #1
كيغان ااااااااااااااااااااااااال
|
Post: #24
Title: Re: بروح كيغان مريخ السودان يتأهب للعبور الى بر الأمان!!
Author: ياسر منصور عثمان
Date: 04-07-2013, 06:30 AM
Parent: #23
مكنة التصوير..
تدخل بي اتنين واحد تطلع بي اتنين واحد
كااااااااااااااااااك
احيييييييييييييييييييييييييي يا بطني
تاني تجوا؟؟
|
Post: #25
Title: Re: بروح كيغان مريخ السودان يتأهب للعبور الى بر الأمان!!
Author: زول ساكت
Date: 04-07-2013, 06:32 AM
Parent: #24
ياخي مزمز دا الذ زول
كاااااااااااااااااااااااااااااااااااااااااااااااااك
والله صحي يااللمين
|
Post: #26
Title: Re: بروح كيغان مريخ السودان يتأهب للعبور الى بر الأمان!!
Author: محمد عبد الماجد الصايم
Date: 04-07-2013, 06:33 AM
Parent: #24
| Quote: والليلة يوم الرجال .... |
.. ولا أزيد!!
|
Post: #27
Title: Re: بروح كيغان مريخ السودان يتأهب للعبور الى بر الأمان!!
Author: tmbis
Date: 04-07-2013, 08:49 AM
Parent: #26
مبروك العبور لي بر الأمان ..
مسمارين هناك ومسمارين هنـا .. ابقو مارقين تراكم ابلشتونا
|
Post: #28
Title: Re: بروح كيغان مريخ السودان يتأهب للعبور الى بر الأمان!!
Author: nazar hussien
Date: 04-07-2013, 09:00 AM
Parent: #27
بر الامان واللا بر البمبان...
وسلام للملك صاروخ...
دا اسمو:
ري كر...تيفو...ونتف ليفو...
ري....كر..كر...كر..يا حمام
انت فاكرين حجار سلوم موائد؟؟؟
تاني تجو
|
Post: #29
Title: Re: بروح كيغان مريخ السودان يتأهب للعبور الى بر الأمان!!
Author: ناصر حسين محمد
Date: 04-07-2013, 09:11 AM
Parent: #28
| Quote: بروح كيغان مريخ السودان يتأهب للعبور الى بر الأمان!! |
والله يا جار ما العايزا ليك ،،،
الناس اتفشت فيك وشبعت وانت زااااايغ
أظهر وبأن عليك الامان
|
|