يا أبناء أمدرمان وبناتها، تكريم السودانية الخيرة " عوضيه سمك "

سيتم - بإذن الله - يوم الأحد السابع من أبريل الحالي بقاعة الصداقة بالخرطوم العاصمة، إقامة حفل تكريم واحدة من بنات السودان الرائدات في العمل الإنساني " الطوعي " ، والعمل الجماهيري على صعيده الأسري، والمعاشي، والاجتماعي، اختنا عوضيه صاحبة أكبر وأشهر مطعم للأسماك النيلية بالموردة - أمدرمان.



* عوضيه، اِمرأةٌ وهبت نفسها للآخرين !!!



دعونا نتحدث عن نماذج إنسانية " سودانية " متفردة !

هلّت الأنوار .. وينك يا منوت الليمونى، والله ليك وحشة يا صاحب،
وعلّك وليداتك وأهلك بألف خير.

أيها العبدُ المنعمِ " الشّواف " ،
عوَّافي با حبيب.
ويبدو أن " أمدرمان " التي نُحب، قد فجرت فيكَ الأعاجيب!!
ويقيني، أنكَ تود أن تقول لي: يا حبينا " المنوت، اِجعلِ العنوان: " يا بناتِ أمدرمان وأولادها، عوضيه " سمك " ستكرم غداً" الأحد" بقاعة الصداقة بالخرطوم، فماذا تقترح ؟

" هلّت الأنوار .. وينك يا منوت الليمونى، والله ليك وحشة يا صاحب،
وعلّك وليداتك وأهلك بألف خير.


* والليمون يا حبيبنا " الشواف "
دائماً بخير!!!

يا جماعه،
ويا بورداب،
نحن لسنا " مناطقيين " ،
والبتالي،
لسنا أمدرمانيين، فحسب،
بل،
سودانيين، أو فلتقل : " سودانويين " !!!!!

عوضيه " سمك المورده " تهم الكثيرين.

عوضيه



تستاهل امراة تحدت الفقر والاعاقه وتمد يدها للجميع

كرمها الاتحاد النسائي السوداني في عيده الستين بدار الفنون


لها التحيه والانحناءه

أطعمنا خيرها

منــوت الليمونى، الحاتِل فى بلاد الشمس،
السيدة عوضية مثال للسودانى الشغييل والمنتج
وتستحق التكريم والتحفيز وبالتالى تحريض الآخرين على العمل وفيمته.

وبالهناء يا صلاح شعيب ـهههههـ

إحسان فقيري ،
أختي العزيزه،

" عوضيه
تستاهل امراة تحدت الفقر والاعاقه وتمد يدها للجميع
كرمها الاتحاد النسائي السوداني في عيده الستين بدار الفنون
لها التحيه والانحناءه ".

و لكِ التحية والسلام يا أختي الحبيبة!


* إذا كُنتِ في السودان، فعليكِ حضور الاحتفاء بعوضيه.
هذا مجرد " رجاء " ، وأنتِ وظروك، يا أمِّي!

أطعمنا خيرها "

شكراً أخي صلاح شعيب

وعوضيه تستاهل كل خير

Quote: منــوت الليمونى، الحاتِل فى بلاد الشمس، السيدة عوضية مثال للسودانى الشغييل والمنتج وتستحق التكريم والتحفيز وبالتالى تحريض الآخرين على العمل وفيمته.

دكتور شهاب ( يامريخابي يا صهيوني يا أحمر وأصفر كمان) وكلنا ذاك المريخ!!
لك الود وكامل التحايا.
وكيف هي ديارالملايو وإياكم؟


أما السيدة " الخيرة المثابرة " عوضيه،
فتستحق تكريم السودلنيين جميعهم لها.


أتمنى أن تكون الآن بالسودان،
لتشهد تكريمها غداً الأحد بقاعة الصداقة بالخرطوم.

شـــكراً شهاب على اللايك
علّك يا دكتور بألف خير

اعتقد انه يفترض ان تغير مفردة عصامي لتصبح عوضياوي


فعوضية اصدق مثال لبناء الذات من العدم


تستاهل اكتر من التكريم

وليد المبارك ،
سلام يا حبيب.

" اعتقد انه يفترض ان تغير مفردة عصامي لتصبح عوضياوي
فعوضية اصدق مثال لبناء الذات من العدم
تستاهل اكتر من التكريم " .

* صدقتَ يا وليد،
وعلينا كسودانيين - منذ الآنَ - أن نغير مفردة " عصامي ط بـــ " عوضياوي " !!

الحبيب ابو هديل
معك ندعو أن تلقى السيدة عوضية التكريم اللائق

تحياتي ومحبتي

كاملَ الودِ والتحايا،
لكِ يا أستاذنا " الجميل " جعفر إسماعيل.

" الحبيب ابو هديل
معك ندعو أن تلقى السيدة عوضية التكريم اللائق
تحياتي ومحبتي ".

نأمل ذلكَ يا حبيب.

وسأوافيكم بالتفاصيل!