Post: #1 Title: خدمة الطرود البريدية: هل صحا المارد من نومه؟ Author: maman Date: 04-03-2013, 02:49 PM
يوم السبت 30 مارس سلمت مركز البريد السعودي القريب من سكني طردا بريديا وزنه 28 كيلو ليتم شحنه للسودان... كانت توقعاتي أن يصل بعد10 أيام أو إن شئت فقل اسبوعين.. وكانت المفاجأة أن وصل الى الخرطوم يوم الثلاثاء 2 أبريل... ولحظة وصوله اتصلت موظفة البريد السوداني بزوجتي التي أرسل الطرد باسمها لتحضر لاستلامه... وبحمد الله فقد تم استلام الطرد بمحتوياته سليما ... تكلفة الشحن هي 160 ريال سعودي من الرياض الى الخرطوم يعني الكيلو بـ 5.7 ريال.. غايتو ناس الشحن الجوي تعبوا معانا.. التحية للبريدين السعودي والسوداني على هذه الخدمة السريعة... وأهو دعاية مجانية من زبون ... لكن يستحقوها
Post: #2 Title: Re: خدمة الطرود البريدية: هل صحا المارد من نومه؟ Author: saidahmed shami Date: 04-03-2013, 02:55 PM Parent: #1
سلامات عمنا مامان
ماشاء الله سرعه تعجب
غايتوا حظي العجيب رسلت طرد السنه الفاتت للسودان
وصل ناس البيت بعد شهر كامل
Post: #3 Title: Re: خدمة الطرود البريدية: هل صحا المارد من نومه؟ Author: الطاهر عثمان Date: 04-03-2013, 03:11 PM Parent: #2
انشاء الله يكون كده دائما لكن يمكن صادف ليهو رحلة كده طالعة فقاموا شحنو طردك معاها في اخر لحظة
التسليم هناك وين وهل هناك اي مبالغ اضافية يتم تحصيلها قبل الاستلام
Post: #4 Title: Re: خدمة الطرود البريدية: هل صحا المارد من نومه؟ Author: maman Date: 04-03-2013, 03:12 PM Parent: #2
شكرا ود أخوي على المرور ... يا خي ايميلك ما شغال .. ارسل تلفونك في الخاص
Post: #5 Title: Re: خدمة الطرود البريدية: هل صحا المارد من نومه؟ Author: عماد قريش Date: 04-03-2013, 03:27 PM Parent: #4
شكرا لك أخ مامان وللأخ الطاهر عثمان
Quote: التسليم هناك وين وهل هناك اي مبالغ اضافية يتم تحصيلها قبل الاستلام
التسليم فى السودان فى أى منطقة يغطيها البريد ( يعنى كل الأقاليم)
يتم تقدير الجمارك ودفعها عند الإستلام بغلإضافة لمبلغ خمسون ألف جنية رسوم بريدية تدفع عند مككتب البريد فى السودان
ويمكنكم متابعة الشحنة من لحظة تسليم الطرد لغاية إستلامه عن طريق الرابط التالى
وزن الطرد يجب أن لايتعدى 30 كيلو حتى لاينتقل إلى الفئة الأعلى
Post: #6 Title: Re: خدمة الطرود البريدية: هل صحا المارد من نومه؟ Author: عمر الفاروق Date: 04-03-2013, 03:43 PM Parent: #5
تحياتي ليكم كلكم.. وياريت لو عندك علم بي شنو الحاجات الممكن تدخل في باب إنو عليها جمارك ؟؟ يعني مثلاً صاحبي موصيني لي مفاتيح كهرباء لي ومفاتيح مرواح أنفع أشووتا ليهو بي البريد؟
Post: #7 Title: Re: خدمة الطرود البريدية: هل صحا المارد من نومه؟ Author: على عبدالله بشير Date: 04-03-2013, 03:53 PM Parent: #6
تحياتى أخى مامان أمس ظهراً قابلت صديقى أبو محمود يجر شنطة ... سألته : وين ..؟؟ قال لى ذاهب للبريد لأرسالها للسودان قابلته بعد ساعة قال لى مشيت و قالوا حطها فى كرتونة و مثلك طلع المبلغ 160 ريال و طلع الموظف يعرفه خفض له 30 ريال و قالوا له خلال 3 أيام سوف تسلم للمستلم من بريد السودان ... قلت له غايتو لحدى 15/10 يوم لو أستلموا برضو كويس فغايتو بعد خبرك دا نقول أن شاء الله البريد عندنا يرجع لسابق عهده ...
Post: #8 Title: Re: خدمة الطرود البريدية: هل صحا المارد من نومه؟ Author: Frankly Date: 04-03-2013, 05:10 PM Parent: #7
طرود سودابوست شكلها جميل ووصولها سريع
لإوروبا ثلاث - خمسة أيام
جمال الشكل وكيفية كتابة العنوان بصورة واضحة بالجد أنيق و"شيك" جداً ومغلفة بالبلاستيك فلا يصيبه بلل او تلفق (اقصد استيكر العنوان) والواحد بالجد ليهو ألف حق يفتخر أنّ الطرد دا جايي من السودان
